林記小食

Open Now

Now Closed

this is the place which is near to where i get off the minibus everyday after work. i've been a regular to the place for like 10 years and i still havent had enough of it!! haha....i'm glad to see it is getting busier and busier even though i need to queue up for having just 一串siu mai~their siu mai taste so good that u cant have it anywhere else. its got a little fat in it but hey which doesnt? sometimes u just need to spoil yourself a little after a long hard day at work.siu mai is a must try i

林記不是新間的啊~~ 老闆娘差不多10年前巳經係呢條街推車仔賣燒賣, 而家上jor鋪ja。 其實佢地魚蛋,燒賣唔係話有咩特別, 都係果幾間supplier ga la....但佢地果汁真係好正, 所以我咁多年都仲有買黎食, 近排唔知係咪生意好, 請埋伙計tim~~~

我放工成日經過差館里, 林記係新開嘅, 好似開左一年都唔夠, 但憑幾樣野食都可以放工圍滿人, 好野!我好鐘意食佢D牛肉燒賣, 成日就淨係食牛肉。有次望見佢D魚肉燒賣, 同坊間D面粉燒賣唔係幾一樣, 就試下啦, 都冇咩EXPECTATION, 一放入口, 嘩, 第一個感覺係"有魚味", 勁呀, 從來未食過魚肉燒賣有魚味, 而且有D似細個時食魚肉燒賣嘅感覺, 第2日忍唔住即刻MSN D朋友"魚肉燒賣有魚味呀"! 岩岩見到樓下有人話魚肉燒賣冇魚味、冇驚喜, 希望林記唔會紅左就忘本啦。佢D腸粉就仲差少少, 係夠滑, 硬係D醬汁差D。仲有, 小食店黎講, 佢衛生都算好好, 而且隔離有個大廈入口比大家企定定食野, 不過希望大家自律下, 唔好食到一地都係汁啦, 廢事林記比人投訴執笠嘛!

今次的到訪係跟據 "香港掃街王" 一書所介紹的。因為書中指其魚肉燒賣係自製的, 有別一船普通貨色, 所以一試。6蚊一串唔算貴, 見到燒賣的外皮都有點兒信心但一試之下才發現完全被書騙了燒賣唔煙韌, 仲有點兒乾。食唔出有魚肉, 只有一粒粒不知名的麵粉物體, 好難食! 外皮算煙韌, 反而較好。但普通貨色的魚肉燒賣好吃得多, 不知為何介紹此店。好失望, 山長水遠黎食

林記好得意, 早上係唔開鋪, 下午1:30先開門, 主要係賣幾樣野: 辣魚蛋, 魚肉燒賣, 牛肉燒賣通通$6一串, 腸粉就$5四條我心諗$6一串都唔平喎, 因為附近好多地方都賣緊$5, 不過都買左串牛肉燒賣試下, 原來有6粒, size仲要屬於偏大, 食落去有咬口, 有些少牛肉味, 唔似食粉團, 都算真材實料, 賣$6都不為過, 配喼汁同佢地自己調配的甜豉油食都幾好味!! 我覺得比魚肉燒賣還要好食同抵食!!下次要試下都係有6粒的魚肉燒賣同好多人食的辣魚蛋, 林記係觀音廟斜對面, 好易搵架咋! 放工時間人山人海果度就係啦

好食翻尋味，再去，可是...不是老闆一家人，處理的是壯健的阿姐。仍會塗油在臘紙上，可是 ...挾上來的腸粉不再完整，是斷了。腸粉不再爽滑，是變稔了。腸粉尺寸不再適合櫻桃小嘴了，我要變血盆大口。醬油不再是慷慨了，阿姐只巡遊一圈就給我，腸粉變了白白的。我不再是小乖乖了，搶了醬油自己調味，我變惡霸了。唉... 老闆快點回來吧！我就快變心嘍！

魚肉燒賣是其中一款陪伴港人成長的街頭小吃。吃了十多二十年，總算是有些心得吧坊間吃到的大多是大量生產的製品，質感淰pat pat有如在吃有味麵粉，故通常自己會稱之為"麵粉燒賣"，所謂的魚肉是全然感受不到的。有些號稱home-made的燒賣有時也不見得好，元朗的妙舒便是一例(雖然她主力賣的是類似有冬菇在上的)。所以現在吃街頭賣的燒賣，心態主要只是在於填肚多於一切....聽各食友說這兒的燒賣既是自製之餘亦很有水準，再者偶而坐車經過時都看見有一小批人羣聚集，看來應是不差吧。趁是日在郁香園吃麵，這小店就在隔兩個街口，不去見識一下，就不是道理了...主力幫襯的大多是學生哥仔，吃的也大多是腸粉魚蛋一類。一場來到，自然不只吃魚肉燒賣了，除燒賣外再加多五大洋腸粉，就剛好填飽肚子....六大洋一串的燒賣有六大粒，不算是特別抵吃。用竹簽先咭一咭，是相當的實淨，吃落亦覺是如此，味不算是太鹹，亦吃得出加入了少許肥肉，比起坊間的普通麵粉貨色確是較好吃。但吃着吃着，卻沒有一份令人很驚艷的感覺，好吃是好吃，但若要專程為此而來，當然是不必了....腸粉只是配襯的小角色，口感實實的不夠滑溜，下的豉油亦不夠多，乏味....

下大雨的週末走到海港城換機票, 環顧週邊沒有想吃的餐廳, 決定坐巴士到紅磡找尋美味的林記燒賣。靠記憶在紅磡觀音廟附近去找,不遠處見到一群人在聚集,心想應該不是排隊買觀音衣吧?? 走近一看招牌--"林記小食",我找到了!!! 本打算只吃燒賣,但見到客人們的腸粉又好像很好吃, 那鍋魚蛋又很香,那就每樣都來一份吧! 魚蛋是那種鬆泡泡款式, 個人就不太喜歡這種質感的魚蛋了; 魚蛋汁滾起時的味道很不錯,誰知吃進口裡卻不及味道那麼吸引,不辣的醬汁可以再濃味一些,再配合那不俗的香味應該好吃很多! 腸粉蒸得夠熱, 最怕是吃到溫吞吞的腸粉嘛!! 腸粉較挺身未夠軟滑,由於不太柔軟所以吸收醬汁能力一般而已;醬油和花生醬未夠多, 最美味是那甜醬和炒香了的芝麻,配合起來這盤篤篤腸粉味道就很不俗了。每隻燒賣型狀各異已知是自家製,心中大樂!! 燒賣質感柔軟中帶點實,並不是彈牙那種,味道很有肉香,應該是加了肥肉之故,魚味反而不及肉香濃,味道比一般的魚肉燒賣優勝,喜歡魚肉燒賣的朋友都要一試。印象中最美味的魚肉燒賣是數十年前在荃灣鱟地坊吃過的,那種味道至今仍未忘記。

我很愛魚肉燒賣...因為上網o係 search engine 找找別人有什麼好推介這家被一名blogger大讚好有魚味~於是就來試試看的確,這家的魚肉燒賣,形狀上跟一般的很不同~這家的,是不規則形狀~粒粒唔同樣足以證明是自家包製而非機製味道方面~的確好魚味~但偏咸~口感上比較"膠"而非粉~出面真係未食過咁既魚肉燒賣~但自家製的這份誠意~值得一試啦~PS: 有點奇怪~d魚肉燒賣吃上去很"肥",很膩似的~這是缺點。

慘受冷待心情納悶，一個人行咗一陣街冇食晏晝，落車後行返屋企去到差館里觀音廟對面有間嘢叫「林記小食」走去買咗串魚肉燒賣，我從未食過咁好食既魚肉燒賣$6/6粒大大粒仲有好重既魚味，其他地方啲燒賣好多時都係一舊粉但係呢道真係落足料，大大粒魚肉，平靚正呀不過因為喺馬路邊，佢啲醬料就咁擺喺個盅道好似好污糟咁，我都冇用到，如果用埋可能仲好食呢

經過永遠是給圍住晒，立志一定要試試。那天試了，落左柯打就耐心的等。老板好體貼，在油紙上掃小小油，咁就唔會黏埋一齊。剪得尺寸也很合適，正適合櫻桃小嘴。醬油很大方的放，有些食店叫落多點也不聽。腸粉爽爽的，又一口一件，非常好。一份燒賣加一份腸粉才１１蚊，又飽又好味，老板又好service。而家冇錢的時候會常常去，又平又好食，呵呵！

呢間小食店出名係燒賣...如果係住紅磡既街坊一定知道呢間小食店d燒賣好好食!經友人(街坊)介紹下....上星期終於試左....食完真係冇令我失望..好好食...同出面食過個d唔同....有口感..彈牙同埋用料好足...食完一串之後即時食多一串....好滿足!令人回味....我一定會再去食過....

佢地d 燒買好好食架, 同出面o既唔同, 好大粒, 加埋佢地自己整o既辣椒油,豉油, 正呀!!魚旦o既質量就一般, 但係好得意架喎, 我成日見到d 人渣車黎食, 到六點幾呢, 你就見到佢地成日都有一堆人圍住嚮到食魚旦架喇.