漁一海鮮火鍋料理 (Moved) New Location

終於完成左公司嘅一件喜慶 event，辛苦左個半月終於完成任務，一於食餐好嘅獎勵下自己。同是天涯淪落人相約尖沙咀，吃一個海鮮火鍋料理，一定要高級嘅！朋友提議漁一因為坐得舒服，食得招積！日式刺身拼盤先來一客刺身當作前菜熱身，兩個人嘅份量，高質素嘅刺身，入口甜美口感新鮮，最耀眼的當然是金目鯛，口腔充滿魚脂嘅香味，非常滿意。杏汁白菜豬肺鍋 $139因為嗌足一日聲都沙埋，所以就揀咗個杏汁白菜豬肺鍋，潤肺又潤喉。店長推介先飲湯後食火鍋，杏汁味道清甜、豬肺入口柔軟。紫貝天葵 $39冰凍清涼，消油膩解熱氣，清甜又健康的飲料。漁一海鮮盛令人眼前一亮的海鮮大拼盤，多款時令海鮮我最喜歡的是彈牙肉厚的鮑魚、生猛龍蝦🦞 珍寶size的大蟶子、扎扎跳的海蝦。色香味俱全完全感受得到海洋的味道，鮮味一浪接一浪，多層次口感享受。牛魔王拼盤 $399我哋兩個都鍾意食牛肉，所以整個拼盤都好合心意，牛脷就卷成玫瑰花嘅模樣，口感爽脆。本地牛、牛胸爽、安格斯牛粒，擺盤美麗肉色紅嫩，高質素牛肉入口柔潤軟滑，脂肪分布平均，油花香氣滿溢。手唧墨魚麵 $89手唧可以玩又可以食，墨魚肉爽口彈牙，可以當麵食幾飽肚。果然食一餐好嘅就可以把委

今日放工放十點幾ot到宵夜時間， 即刻搵下呢頭有咩食肆仲開到咁夜🌃🌃眼見附近好似得啲bar，朋友犀利search到呢一間漁一打邊爐新開做緊68折!!!!😲打鐵趁熱嗱嗱聲去試下先😆呢度連湯底都有好多款揀，有最基本嘅清湯麻辣湯沙爹湯，去到好高級嘅翅鍋蟹鍋通通都有😍我哋今日就揀咗中等價錢嘅醉雞鍋(半隻),始終得兩個女仔，半隻應該已經好夠啦!! 湯底滾咗嘅時候可以即刻飲，係好清香雞湯😋😋😋我地驚再點肉類未必食得曬，所以今次主攻丸類! 重點推介幾款必點比大家😝爆汁四寶丸 : 蟹子丸/芝士丸都係比較熟悉，而呢隻牛丸有啲透明嘅粒粒喺入面落非常爽口彈牙😋😋正!! 仲有好少見嘅wasabi豬肉丸，口感有趣好特別，不過真係要小心辣咀，一啖咬落去啲汁會彈到成咀都係😂手打蟹子蝦滑🦐 蟹子同蝦滑上枱嘅時候係分開，員工教落要將佢撈勻，令到每一啖蝦滑入面都有食到蟹子， 卜卜脆👍 好玩好味好彈牙，必點!油揚年糕袋全晚最鍾意嘅就係佢!!!😍😍 非常煙韌，好有麻薯感覺!!超正🤗🤗🤗 最重要係佢超抵食，$59一碟有九隻( 我哋expect係四隻)!!!! 初初我哋驚唔飽仲嗌咗個米粉😂😂估唔到原來呢個年糕袋都係飽肚之選!!

現在食火鍋不一定是冬季，香港美食天堂，一年365日都可以食火鍋。最近朋友介紹了一間新開火鍋店給我，鍾意食野的我一定去食啦，試業期間仲有68折。因為是樓上舖地方比較大，有多間私人房間，可以一班知己一同聚會，也不怕嘈到其他人。湯底由最平$79清湯至最貴$399金湯腳翅湯鍋，多種選擇。我哋選了金湯腿翅鍋$399，湯加熱後，一定要先品嚐一碗，因為雞味鮮濃，魚翅又多，仲有一件大大的西班牙黑毛豬火腿，每一啖都是晶華。麻辣餃$59～本身湯底是雞湯，所以食麻辣餃時更加了特出了餃子的麻辣味道。黑松露帶子餃$99～未放落湯時已經聞到一陣陣的黑松露味道，當煮好食時，大大粒，肉質鮮嫩。蔬菜拼盤$79～食完肉後來一個新鮮蔬菜拼盤，清一清腸胃。羊肉片$89～份量十足，食時一陣陣的羊肉羶味，鐘意食羊的人一定鐘意，羊肉嫩口。爆汁和牛丸$89～睇落似普通的牛丸，但食時要小心。因為是爆汁丸，一不留神會熱到的，而外層是用和牛肉做的，肉質彈牙又多汁。特叫一份刺身有三文魚,帶子，甜蝦，魷魚，海膽只是$399價格非常優惠，我食了大部份海膽包紫菜。因為新鮮，所以味道濃厚。 令我突然想起在日本食食的海膽。

呢道少有地提供套餐，原本我地揀花甲皇蟹湯，但經店員強列推介後都係揀咗金湯腿翅湯。湯底果然不同凡響，有半隻雞同豬骨，仲有一大碟份量嘅翅。翅嘅份量真係算多個湯真係足料，可以當燉湯咁飲。我地未淥嘢食先品嚐咗個湯先套餐包括刺身拼盤仲有鱆紅魚刺身一碟手工四寶丸同手打墨魚滑都一流到咗今餐另一個重點，就係呢個牛魔王拼盤了。除咗牛肩脊、牛柳粒外，仲有我最喜愛嘅牛爽肉了本地黑毛豬腩片都係推介，又看又爽最後等個湯入哂味就落菜，啲菜索哂味烚完成晚個湯再濃咗，連埋啲菜就好似高湯菜胆咁，真係一路寫就越來越肚餓最後提一提呢道個環境，夠闊落，可以舒舒服服咁方傾邊享受美食

行過見到有間新開嘅打邊爐鋪頭，話全單六八折，好似好抵咁！所以就衝入嚟試吓啦😌餐廳唔算好大，但感覺乾淨衛生👍🏻食物種類都算多，豬、牛、羊、雞、海鮮，連小食都有，唔驚冇嘢食!首先我地叫咗個湯底先，呢個係花雕醉雞鍋，半隻$139！一上枱已經聞到濃濃嘅嘅花雕味，正雞件都醃過，所以充滿花雕味！食落又滑又嫩，唔錯😊如果嫌唔夠味，佢仲有一堆調味，誠意推介佢個XO醬，香得來帶少少辣，唔錯！打邊爐又點少得肥牛哩呢個係新鮮手切本地肥牛$339！食落肉味香濃，加少少豉油一齊食，正之後係手打四寶丸$89，食落爽口彈牙，值得推介！最後加多個生菜，二個人食夠晒飽，加上佢已家做緊優惠，抵食

一坐低已經有醬料盤放喺桌上，有8種料可加我地除左打邊爐，仲有叫左少少刺身試下擺盤唔錯，仲會一直噴煙好有氣勢各樣都幾新鮮，唔腥叫左個醉雞湯底（一隻雞），雞同湯底分開上。個湯底上到黎聞落都幾香酒味，食落帶酒香同藥材香而唔苦一隻雞份量真係好多！食到最尾仲帶半隻淨，打包左番屋企煲雞粥（番外篇：煲粥時就食到個雞已本身有點醉雞香好正好滑）魚片頭有9件，外面都算香，入面肉都算彈牙蘿蔔加上醉雞湯底入晒味，仍不減本身清甜味道，好淋冇渣花睇筒份量唔少！唔腥，好滑～補充骨膠原肥牛叫左兩隻。上：美國肥牛下：安格斯肥牛真係一分錢一分貨，美國肥牛都唔錯，但安格斯貴$100但好淋好香鮮蝦雲吞：勁大粒，皮好薄，入面一半豬肉一半蝦，可以比例上少啲豬肉再好啲墨魚丸：係墨魚滑整成嘅，正常，份量多蔬菜籃勝在乜菜都有啲，唔洗食死一種菜～好多卡位。好闊落，成餐都坐得好舒適

最近喺IG睇到有幾個朋友都去咗呢間打邊爐，睇落好似好正咁！而且新開張有全單68折優惠，一於同朋友去try try呢到啲裝飾都幾靚，好別緻！望落個場大多數係卡位，唔錯唔錯~~醬料如下：湯底有好多款式揀，我哋本身諗住食清啲叫清湯嘅，但見清湯$79，鴛鴦都係加$10，就叫咗鴛鴦鍋，睇落抵啲吖嘛火鍋料就叫咗以下，睇落好似好少，其實2個人都夠飽架：桶蠔一份有5隻，隻隻熟咗嘅size都有spoon咁大，同埋都幾新鮮~叫咗一份美國雪花霜降肥牛片，睇紋理都知好唔錯！呢個肥牛片雖然薄切，但肉味依然濃郁！正呀！呢碟牛胸爽就切得相對地大塊，可能預埋熟咗會縮細？呢個部位好爽口清甜，一啲肥味都冇，同埋絕對唔會嚡口！一試難忘~ 十分推介大家去試下!!我次次打邊爐都會叫蝦滑，超鐘意嗰種爽爽嘅口感！呢到啲蝦滑都算彈牙！蝦肉唔會霉！仲好大份下手唧墨魚麵真係唔係好多地方有得食，一見到就決定叫一份試下！不過真係要少少力先唧到出嚟！幾有鮮味！呢餐食得好滿足！

最近又有返D風🌬🌬，所以打個邊爐都係好既選擇😚喺寶勒巷附近發現到間新既樓上火鍋店，就去食一食佢🥴🥴入到去見到間餐廳都好大吓，而且全部都起碼係四人本枱嚟，所以我地兩個人都坐得好舒服😌坐低無耐，職員都好快拎咗啲調味料過黎，除咗一般既蔥，蒜蓉，辣椒🌶之外，佢仲有xo醬俾大家選擇😆😆我當然要舀番兩匙🤭湯底有唔少選擇，有醉雞煲丶魚頭煲，不過我地都係揀番最原始既鴛鴦湯底(沙嗲&清湯)，想食多啲邊爐料，因為見到唔少都想食🤫清湯就有粟米，娃娃菜，紅蘿蔔煲住，有淡淡既清甜味，而個沙嗲湯底一聞就已經聞到濃濃既花生醬味😚，而且味都比較重，令到我個醬無用武之地🤭😳Menu選擇都多我哋2個人食就叫得唔多，叫咗以下幾款：桶蠔有冰粒墊住，有五嚿大大隻，淥熟咗之後都好大隻吓，一隻都分到三啖食🤤🤤，充滿蠔味，值得一嗌👍🏻👍🏻爽脆牛胸爽（$99）呢樣簡直係我既all-time favourite😍😍，有得嗌一定嗌，睇落去好似啲白色脂肪咁油淋淋，但其實係啱啱相反，一淥熟後變成非常爽口，而且越咬啲牛香就慢慢滲出嚟😋😋美國雪花霜降肥牛（$189）呢個目測都係20～30塊到，望落啲雪花分佈都好均勻😛，而且肉味都有，加埋沙嗲湯底，

呢排天氣開始又凍又熱，打邊爐癮又起，朋友介紹我地黎尖沙咀呢間樓上舖打邊爐慶祝某某生日，事關呢間漁一地方非常闊落，枱同座位都夠晒大，整體空間感十足，而且環境清淨有格調，好適合朋友之間傾計談心。而且個度啲職員仲好親切有善添！我地叫左個以藥材做湯底既龍山醉雞煲，貪佢夠補身！上枱就聞到好強烈醇厚既既花雕酒香，湯底有圓肉、杞子、人參...多種活血補氣既中藥材，濃郁鮮味，入喉帶清涼回甘。雞肉肥瘦最適中與鮮甜既湯底互相結合，令在場朋友流晒口水！雪花肥牛片厚厚的、啖啖肉，安格斯肥牛雪花分佈平均，涮熟過後牛味即刻湧出黎，入口牛脂味甘香。推介手工墨魚丸，咬落彈牙爽口。鮮蝦雲吞咬落去鮮蝦味澎湃，不過要小心舌頭被燙﹗魚片頭切得夠薄，細骨都切斷了，涮後啖啖肉，肉質爽口緊致！花膠份量超多，好抵食！其他配料推介，有消脂蔬菜拼盤，羅白，山根。呢度連野飲都好有特色，推介紫貝天葵水，味道清新易入口，又唔會太甜！

想同朋友試吓新火鍋店，於是問吓同事有咩好介紹，同事話試咗間新開嘅唔錯 ，我同朋友決定呢晚試吓先。火鍋店原來仲係試業中，有全單68折優惠，我哋一於食到盡! 火鍋醬料係自行調較嘅。見到刺身都有唔少選擇，於是叫咗日式刺身拼盤，有三文魚、油甘魚、鯛魚，每款魚生都好肥美，食落肉質唔會軟軟的，入口就知道佢哋好新鮮。另外，我好耐都無食過龍蝦刺身，所以忍唔住叫咗個龍蝦活魚刺身，裡面有美國龍蝦仔、立魚，上枱時龍蝦頭仲識郁，龍蝦肉食落爽甜，有一陣海水回甘嘅鮮味，雖然龍蝦仔唔算好大隻，但都有好多肉，真係好好味! 另外，立魚刺身食落都彈牙有口，有魚鮮味，係新鮮魚先會有嘅味道，呢個拼盤性價比好高，勁正! 火鍋湯底有好多選擇，我哋揀咗銀湯腿翅鍋，嚟到真係好驚喜，啲翅係嚟到之後，喺你面前加落啲湯度，翅針都幾粗吓，可以輕易夾到，食落爽滑彈牙，雞湯香濃，飲落膠住個口，我同朋友飲咗好幾碗，之後先開始打邊爐! 因為朋友唔食牛，所以叫咗個豬八戒拼盤，當中有本地黑毛豬、豬下青、粉腸、豬肺、豬肚，樣樣都有啲，可以豬嘅唔同部位都食晒，黑毛豬食落有豬肉香味，豬下青淋滑，而內臟都洗得好乾淨，無膻味，唔錯! 手製四寶餃有黑松露帶子餃、

尖沙咀新開火鍋店，試業期間仲有68折。湯底有十幾款，我地最後叫咗醉雞鍋，2個人食半隻啱啱好，湯底先上，好香花雕味，好濃郁。 雞件冇肥膏，幾滑，幾啱女仔食。手切肥牛 小 $239雪花肥牛紋理清楚，唔肥，咬落口，有韌性，牛味唔算重，不過都幾唔錯。分量約3人份左右，如果鐘意食牛嘅，可以叫大份。墨魚麵 $89魚麵有彈性，質感都起哂膠，又有得玩又有得食，抵食。韭菜餃 $59餃子皮適中，唔厚，一碟有八隻，夠哂一班人一齊食，餃子屬於偏向肉類既餃子，韭菜比例唔算多，適合一般人口味。魚生拼盤 $399外型美觀，有帶子，甜蝦，呑拿魚，八爪魚，三文魚同海膽，當然味道唔可以同日本餐廳比較，不過都新鮮，價格相宜。紫貝天葵 $39啱哂火鍋飲，夠哂下火，不過味道較甜，懼甜人仕要小心。埋單仲有68折，真係好扺食🤭。

近排天氣涼返啲，又係打邊爐的好時機，所以今個月好友飯局就選左尖沙咀寶勒巷一間叫漁一海鮮火鍋料理(朋友話新開張，食過唔錯又做緊68折優惠)，當日19:00去到，之前已book位，到步後立即安排入座，帶位及侍應亦好有禮貌，現場環境唔錯，安排左我地坐卡位(地方唔算好大，但睇得出係新裝修，亦有幾間獨立房，私人聚會一流👍🏻)，坐定後侍應送上調味架(基本款式都有齊既)，講返食物先我地叫左兩個套餐，套餐內湯底就係呢度既招牌貨金湯腿翅鍋，侍應隨即送上日式刺身拼盤(有三文魚、赤羽大、金目鯛同八角魚等)再緊接住就係一大盤的鱆紅魚刺身，這兩盤剌身新鮮美味，厚度適中👍🏻絕對是味覺的一大享受😋，跟住今晚戲肉送到，就係金湯翅啲翅係另外用碟上(份量好足)，個湯底係金黃色內有元蹄同鮮雞，湯滾後放入魚翅，喺正式打邊爐前每人再飲返碗足料濃湯先開始，至於其他食材: 牛魔王拼盤(安格斯牛肉、牛胸肉、本地牛同牛舌)、澳洲黑豚肉片、墨魚滑、手打四寶丸都係水準之作，油麥菜同白菜仔都新鮮，整體食物都新鮮美味👍🏻😋😋，特別推介極品牛魔王拼盤，好好食有肉味同高質，牛迷必試，個金湯腿翅鍋直頭係冇得輸tim👍🏻👍🏻，這間漁一火鍋料理，無論整

朋友知道尖沙嘴有開新嘅邊爐店，有醉雞湯底食，仲有新開張優惠，就搵咗我去一齊試下新嘢。我哋嗌咗半隻雞嘅醉雞鍋，雞件係另上嘅，雞肉嫩滑有雞味，有少少肥肉，雞皮好香。之後仲有碟手切肥牛，肥瘦適中，口感軟稔，牛味濃，而且好大碟。手唧墨魚麵唔多地方有得食，佢個魚麵好出色，淥耐咗都爽口彈牙，鮮味十足。手製韭菜餃都誠意十足，皮薄餡料飽滿，韭菜香而且菜多肉少，唔會太結實仲有好多汁。唐生菜新鮮，浸滿醉雞湯，有種上湯生菜嘅感覺。紫貝天葵清熱解渴，唔會太甜，有少少酸瞇瞇。除咗火鍋之外，我哋仲嗌咗魚生拼盤。有帶子、八爪魚、三文魚、海膽同甜蝦，刺身整體都新鮮，海膽仲有得配紫菜食。甜蝦甘甜，三文魚肥美，仲清一清火鍋嘅熱氣。

最近天氣乍暖還寒，濕困另人疲累。友人建議去食胡椒豬肚雞鍋，可健脾祛濕，又好味。位於寶靭巷的一間樓上火鍋店正好有胡椒豬肚雞鍋，飲完湯又可做湯底打邊爐，一舉兩得。湯底鮮甜，胡椒辛辣慢慢滲透出來，惹味夠香。豬肚處理得乾浄，完全沒有臊味。雞肉嫩滑，啖啖肉。連飲三碗湯，感覺脾胃暖和。隨著點了少許火鍋配料。安格斯肥牛紋理勻稱，入口軟腍。自家製水餃拼雲吞。好大粒，有拳頭大小。水餃餡料豐富，混入了黑木耳，增添口感。雲吞大粒是因為入面有一隻好大的鮮蝦，又爽又脆，食過一，兩粒己飽腹。火鍋配刺身都係幾夾。店員推介龍蝦活魚盛。今日活魚是鱆紅魚，肉質爽脆，味道清甜。龍蝦鮮甜味美，不錯的介紹。

All people known with Local signature food 🐥Chicken pot🐥!!!-明明間野叫海鮮火鍋,點解會有雞煲咖呢,其實原因好簡單,咪就係有個爐囉, 1樣可以打邊爐, 只係睇想點食法 👇-📌奇味雞煲 -👉約左個fd係果頭行街, 行左陣就諗住不如食個雞煲,之前聽朋友  介紹話呢間吾錯,所以上去試下,份量見到真係有d嚇親,心諗會吾會多得制,原來我地嗌左個全隻雞,好彩條友都食得哂,但就想試其他野都吾得了,雞肉質地就偏瘦左少少,勝在d味道夠濃, 爭入味, 仲有d茹片好香,又吾會太淋,有咬口,香料好足,又唔會太辣-📌刺身拼盤👉一開頭嗌左個小型拼盤試下,難得佢有整埋刺身,味道都合格啦,吾會要求太高,最禁要新鮮先-可以提提大家盡量避免嗌全隻雞,實在太飽,想試打埋邊爐就盡量啦返半隻雞啦🐥