琥酌 (Closed)

一直聽聞呢間日本吉列牛受到不少年青人的好評，今次終於有時間一試頂級安格斯牛吉列御膳 $368採用美國安格斯肩胛肉，每份大約十塊醬汁分別有蛋黃醬，鹽，蒜汁🧄逐塊放在爐上，燒大約20秒即可，牛不用熟透，才能保證肉質鮮嫩，油不是太多，牛肉條紋十分靚外脆內軟的口感，牛肉十分冧，放進口裏細味咀嚼，令人急不及待燒下一塊加了額外小菜，配上紫薯、南瓜、翠玉瓜等一起燒併炸芝麻雞翼🐤表皮十分脆，十分惹味和風照燒雞扒定食 $148 晚市一人分量黑松露肉碎沙律🥗令人十分開胃高麗菜西冷豚肉湯，湯的材料十分豐富，有不同的蔬菜配搭日本米飯🍚🇯🇵十分香，米飯份量飽滿照燒雞扒十分滑嫩，雞皮亦十分薄，配上醬汁十分夾

好耐之前食過香港一間幾有名氣嘅吉列牛有啲不太愉快嘅經歷，今次食呢間希望可以令我對吉列牛重拾信心！當然呢度價位就相對高啲，有和牛提供，我地就要左美國安格斯牛！份量都幾多，超過10塊以上，好整齊咁排左喺長型碟度。中意佢個炸皮唔會同個牛分離，而且仲好脆。擺上爐燒幾燒就食得！牛肉好林好多肉汁，油脂亦適中！好味燒得肉多，要燒下菜！細細地嘅蕃薯 🍠係甜過一般size嘅！南瓜同翠肉瓜薄切，燒一陣就林喇，點返燒肉汁（mustard, sea salt, sesame sauce) 都好夠味！另外仲要加碼食多啲菜！串燒菇同翠肉瓜，厚厚嘅芝士鋪面🧀如果可以咸多少少更啱我口味！由於兩個人食嘅關係，怕唔夠飽，share埋個照燒雞扒定食！跟黑松露醬沙律同麵豉湯！雞扒嘅皮煎得好香脆，肉質亦幾鮮嫩！

今日下午去咗呢間餐廳點左個價錢唔平大概130蚊，但係質素欠佳嘅魚生飯， 成碗飯只有兩片 薄切三文魚，兩隻細蝦，及兩細片北寄貝同埋兩小玉子。 性價比極低！！！ 另外魚生味道唔新鮮， 三文魚啲味道叔叔地 ，啲飯仲有啲怪味。 唯一好處係個麵豉湯煮得唔錯。最後 ，間舖頭明明貼住所有信用卡嘅logo， 但最後話午市唔收信用卡， 完全冇在任何地方講清楚。見到呢間餐廳有好多好評，我懷疑可能大部分都係自己友， 星期六午市去到成間餐廳得三枱客，烏蠅飛過都聽到。一定唔會再光顧

呢排放假接朋友收工，順手係太子食飯係朋友地頭，當然由佢決定食咩喇朋友推介食呢間吉列牛平日六點幾來到，唔洗等位人流唔算多餐廳行日本居酒屋風， 彷似置身小日本吉列牛叫左安格斯安格斯油花豐富帶少少筋廚房已經先炸好外皮， 侍應送上小爐自行放上小爐燒熟，既可以控制幾成又富趣味燒好後配上三種醬汁，唔同味蕾感覺原條錦鰻御膳一黎到有驚喜，超大條鰻魚連條碟都就黎裝唔曬鰻魚肉厚身配上日本米，2個人食都足夠芝麻雞翼即叫即炸，香脆可口但唔油

本身是牛魔王的我，每逢去到食肆的餐廳都會一定食牛，今晚去到太子西洋菜街(琥酌)居酒屋出名是食吉列牛，就讓我試吓這餐廳出名的高質吉列牛。燒芝士冬菇，燒芝士脆肉瓜，兩種蔬菜芝士味都好濃香，新鮮健康。配菜可以放喺爐上自己燒。店員送上安格斯牛吉列及一個高溫的炸爐，並提議將牛肉放在上面只可煎15-20秒就可進食，不宜太久。頂級安格斯牛吉列御膳$368，厚切的安格斯沾上吉列炸醬，食起時牛肉外面吉列邊脆口，而牛肉裏面的肉質還保留住肉汁香濃。芝麻雞翼~賣相精緻，外脆內軟加上芝麻，非常脆口惹味。蕎麥麵的麵質煙韌，蕎麥味清香，十分健康。

最近身邊都不斷有人到日本旅行，北海道，九州，東京等等地方的相片每天也在Facebook看到。但唯獨是可憐的我沒有假期，要留在香港拼搏上班。特別趁著上星期五工作沒有那麼忙，來一個Happy Friday，和好朋友吃一頓日本晚餐，望梅止渴，一解我旅行的渴望。這間餐廳位於太子西洋菜街，地鐵站一出大約六至七分鐘便到。這裏裝修簡單，牆上掛了不同的日式海報，十足十小居酒屋。而且枱與枱之間距離足夠，不算太逼坐得不錯。我們一行二人共點了幾道日本菜，一起互相分享。安格斯盛合 (⭐⭐⭐⭐⭐)一場來到當然要試試這裏最出名的吉列系列。單單是牛肉便有幾個不同部位可以選擇，價錢有平有貴，適合不同食客。我們選了$368的那一款，一份大約有十件，兩個人分享剛剛好。每一面煎五至十秒，大約Medium的熟度。吃起來味道豐富，最先是感受到吉列的香口，之後便吃得出牛肉的軟嫩，油脂甘香自口中滲出，肉味十分香濃，令人停不了口。隨餐附上三種醬汁，分別是蜜糖芥末，海鹽或柚子鹽。個人較喜歡吃原味，之後是海鹽。味道較為清淡，能吃得出牛肉的優質鮮美。另外還有一小碟蔬菜，南瓜，蕃薯和翠玉瓜，都挺不錯。明太子手羽燒 (⭐⭐⭐⭐💢)接著便是明太

突然放假想食牛，無意中發現左呢間我地兩個人叫左一個Set試下，around $800幾一個set，之後啤酒買三送一個牛刺身入口真係好快就溶😮我第一次食牛刺身，所以都好有驚喜😏

吉列牛一直都好出名，呢日就搵咗一位朋友同我一齊去食。 我哋嗌左一個天婦羅蝦，新鮮熱辣咁炸出嚟，真係好香口，好好食。啲蝦肉好彈牙，調味啱啱好唔會太淡唔會太鹹。跟住就梗係試吓呢度最出名嘅吉列牛扒啦，個牛扒外面炸得好香脆但係入面呢就仲係生嘅，佢有個好熱嘅鐵板，可以自己煎個牛扒，調教生熟度。我通常每邊煎十幾秒，就啱啱好。佢仲有三款調味可以揀，咁我就鍾意原汁原味，我淨係會點小小鹽，調一調個味。咁就好好食㗎啦。另外除咗牛之外，我仲叫咗一個雞扒定食，個雞扒定食好豐富又有沙律，又有湯，又有甜品。個雞扒都好好味，個燒汁令到個雞好好食。麵豉湯入面，都有好多料。 兩個人食，其實根本都食唔晒咁多嘢啦，個甜品係一粒泡芙，系好普通嗰隻冇乜特別。

之前曾經幫襯過另一間位於尖沙咀既分店，地點係樓上舖，對佢地既吉列牛，刺身丼等回味無窮，於是乎今日相約在旺角返工既友人去試下另一間位於太子既分店。地點在旺角警署附近，一出地鐵出口行大約數分鐘就到架啦，係地舗，一D都唔難搵此分店面積比尖沙咀面積略為細小，眼見枱既數量唔算多，不過室內裝修都係走向日式格調，今天好早到餐廳，我倆是第一枱客睇下有咩食先.....是日推介-名古屋雞翼， 新鮮熱騰騰即叫即整，灑上白芝麻係雞翼外面，非常可口美味 鰻魚飯丼，鰻魚厚身又肥美，蒲汁甜甜地，飯係珍珠米飯，灑上白芝麻，紫菜絲及蛋絲，份量都算大份，旁邊那碟小黃瓜，酸酸甜甜，好爽口鎮店-吉列和牛，侍應生指導每邊只需要烤上20-30秒便可以食啦！

成個月冇食到日本野，又身痕啦🤣 上網搵到呢間，居然有我好鐘意既蕎麥冷麵呀！！book 啦⋯⋯🤣地點好方便，太子站一出，行1-2分鐘就到。附近好多餐廳，但佢門口既裝修同埋牌匾確係好吸睛，對眼一掃就搵到。6點幾去到已經好幾枱客，見人地食燒吉列牛，我d口水已經流緊🤤 二話不說，就叫左個牛同冷蕎麥面先🤣另外叫多個明太子雞翼。安格斯吉列牛肉：自己燒系列，燒左唔使1分鐘，就食得啦，附送芝麻醬，芥茉漿同埋喜馬拉雅山岩鹽，第一次點岩鹽，覺得牛本身個味道同鹽好夾，而且帶出牛味，其實只要牛新鮮，基本上佢本身個味都好夠。蕎麥冷麵：竟然有粒生嘅鵪鶉蛋，第一次見，原來係正宗食法，生鵪鶉蛋同蕎麥冷麵撈匀，啲面係勁滑㗎。將Wasabi同蔥粒到落湯度，然後用來點冷麵，湯底唔會太鹹，啱啱好，加埋Wasabi簡直就絕配，麵質煙煙韌韌，口感好好。明太子雞翼：去骨雞翼，入面塞滿明太子，淹得好夠味，燒得好香。

今晚終於和我朋友夾到時間一齊食飯，傾計。一於上網找好野。位於太子道西洋菜街，🈶️一間居酒屋聴聞不錯☺️地點方便又容易找，對於一個路盲的我系好選擇。在太子站地鐵站A 出口運動場道一出，行一分鍾就找到。地方整整齊齊，舒舒服服。待應生安排座位之後。就order 啦⋯⋯😊當然要點它們招牌菜安格斯盛合，好多like 呀👍另加明太孑羽燒，最後來一個簥麥冷面。就變成一個絕配😋😚😚⋯⋯首先來個明太孑羽燒，肥嘟嘟，明太孑填滿整隻雞翼，好豐滿，好飽足，好甘香，即叫即做。當我們享受完之後，待應才送上主菜安格斯盛合，附配三個醬汁，各有特色。待應還提醒我們大約🔥二十零秒就食得啦！除左嫩的肉質之外，牛的油花分佈勻稱，咬落去，油的香味留在口腔入面一段時間👍👍⋯⋯蕎麥冷麵，面口感爽口彈牙，恰到好處，將蛋和芥茉，紫菜放落醬汁入面，然後放面浸幾秒，拿出來食，面掛住少許蛋的滑，醬油的香，好幸福呀⋯⋯🤗🤗

同朋友行開旺角，好耐無食過吉列牛，比呢間個門面吸引，身為吃貨既我地，一於試下入到去啲裝修都好靚喎，好有日本feel, 擺左勁多酒除左吉列牛，原來仲有鍋物既! 咁都幾多選擇喎吉列牛都有好多唔同部位，我就選擇左368 果個，再加啲小食店員一開始就會拎個爐燒熱佢，仲有3 種醬汁比我地點好靚呀! 個拑仔好得意，啲牛都排得好靚靚仲有啲蔬菜可以燒，有南瓜，小甜薯同翠玉瓜滋滋聲，wow 佢呢個牛唔洗燒太耐，輕輕反反兩面已經好好食了仲叫左個雞翼，唔好以為係出面啲芝麻雞翼，佢係miso既味道，又有啲明太子既味道，好特別呢最後仲叫左個soba, 除左有soba既sauce之外,仲可以將個蛋，wasabi同蔥撈埋，點完個sauce再點蛋，個口感會滑好多嫁!呢間餐廳環境同服務都唔錯，店員都幾好客呢~

香港人最愛日本菜，好吃得來選擇種類多樣化。今天胃口麻麻，肚子漲住漲住，吃日本菜最岩，份量可以不用太多！蕎麥賣相精緻，蕎麥味較重。麵條不是Q彈煙韌，而是帶有點鬆鬆軟軟，伴鵪鶉蛋醬汁一同吃，十分嫩滑。不說不知，這裡的吉列牛是香港首創，大廚反覆研究才鑽研出來。吉列牛外皮酥脆，內裡肉質粉嫩。店員告訴我們吉列牛輕輕燒一燒，就可以食用。安格斯牛口感柔軟，肉筋令牛肉比較有咬口。食用時可以伴燒汁、鹽、和風芥末同吃，倍添滋味。吉列大蝦一客3隻，外皮金黃。上枱時微暖，粉漿不會太厚，蝦肉彈牙，沾最愛的日本沙津醬同吃，正！

其實吉列牛都興左好耐，但我一直都冇試過，唔係好明點解一舊牛肉好地地要拎去炸，但又唔係炸熟佢，而係又要生生地再煎熟先可以食。但今次見倒呢間琥酌咁多好評，我諗可以解釋倒呢個一直起我心入面嘅疑團。雖然舖仔細細，但枱同枱之間都有足夠空間，唔會俾人聽倒傾計講啲乜。我諗第一次食就唔好食太貴，因為食左最好嘅野，就好難接受倒冇咁貴嘅嘢hahaa，所以食左$368嘅安格斯牛。個色水對於第一次食吉列牛嘅我黎講，好得意好contrast....xdxd煎完啲牛油唔好嘥，要俾啲菜索曬佢食得喇!佢有三款調味料，每樣都整少少，好吊得出陣濃厚牛肉味。淨係食牛好dry, 食埋個雞翼，係新鮮炸起，好香，唔知係咪同吉列牛同一個鍋炸㗎呢？食完肉當然都要有啲carbs充吓飢，所以食個健康喬麥麵，唔怕heavy!overall都係一個好得意嘅體驗，仲以為係gimmick野，點知吉列皮同牛肉係咁夾！

因為tea time食左少少野。所以只係叫左好少野食。人地話吉烈牛出色。所以都試左。好夠肉味！但自己燒就一定要小心。小心燒得太老！之後叫左個沙律！都好新鮮！同埋好多配料！菜都幾新鮮！仲叫左對雞翼！明太子雞翼！應該都係即炸出黎既！明太子都爆哂出黎！所以都吾錯！可能太早去。所以未有太多人。所以出野食都好快手！舖頭細細，應該都坐到20人左右！個吉列牛係幾特別既！但真係要揾個熟手既燒如果吾係就會浪費哂個牛！