聚豐燒鵝小廚

Open Now

Now Closed

聚豐燒鵝小廚 (元朗)元朗橫洲路9號朗晴邨青朗樓地下1號舖豬膶滑雞煲 $88啫啫煲用砂窩烹煮熱辣辣上菜,砂窩保溫特別好，上桌仍沸騰發出啫啫的聲響，香氣撲鼻，豬膶夠厚身又爽口，滑雞肉調味濃郁，香口惹味，用黎送白飯一流。燒鵝(例牌)$130燒鵝聞起來有陣陣煙燻味，外皮香脆，而且肉質入口嫩嫩地，唔會好柴。豉椒咸菜鵝腸$88上枱聞到惹味非常，咸菜味道剛剛好，唔會過咸，採用肥美既鵝腸，咬落口肉質好爽身，味道夠晒入味。自家製雙層豆腐 (椒鹽 )$108賣相打咭一流，咬一啖陣陣雞蛋既香味，上層係用菠菜做既既，下層味道係玉子豆腐，外層炸到脆卜卜，十足富口感。

我有位朋友最喜歡食傳統港式小菜 🥢大排檔係佢既至愛添 呢日同佢去左元朗要搵間大排檔風味食店去食晚餐我地搵左呢間鄰近朗屏西鐵站既「聚豐燒鵝小廚」食晚飯呢間餐廳稱得上新式大排檔 環境相當衛生乾淨👍🏻菜式好有鑊氣 完全係大排檔傳統風味美食食物多元化 有大排檔小炒 火鍋 鑊氣小菜等我朋友食開大排檔 佢都話呢間直頭係個種味道比起大排檔 餐廳燈火通明又整潔 坐得舒適侍應唔會好似大排檔咁 咁粗魯 服務態度很好👍🏻下次會再encore 添呀😄🔸 燒鵝例牌（$98）呢碟係燒鵝下庄 有燒鵝脾及脾位下位置燒鵝有鵝油光澤 外皮香脆肉嫩啖啖肉又充滿油香 食落有陣煙燻香味 油脂馥香 令人回味無窮🔸 冰震脆脆菠蘿咕嚕肉（$118）冰震咕嚕肉係聚豐既招牌菜嘩 上枱好大盆好靚呀🤩咕嚕肉香脆可口 配上甜酸醬料本來就已經十分開胃 餐廳將菜式加上冰鎮效果再食埋菠蘿肉 整道菜更加清新怡人 係我食過咁多個咕嚕肉中 呢碟係最好味最正既怪不得係聚豐招牌菜啦 簡直實至名歸🥳🔸 椒鹽鮮魷 （$98）鮮魷每舊都大舊 炸粉剛好唔會太厚粉漿 炸得又香又脆卜卜的真係好耐無係大排檔食過喇 大家食到停唔到口我朋友仲餸埋酒一齊食 佢話簡直一流呀😆

昨晚我和老婆去了元朗安寧路近橫州路一間大排檔，名叫聚豐燒鵝小廚，晚上六時入坐，店內都差不多坐滿了客人，相信食物都有一定水準，最後我叫了一個1.冰震菠蘿古魯肉、2.椒鹽鮮魷、3.例牌燒鵝、4蒜蓉豆苗冰震古魯肉賣相非常吸引，顏色分配得好，其中有哈密瓜、菠蘿做不配菜，再有冰粒把古魯肉急凍著，吃下去感覺很特別，而且哈密瓜叙菠蘿都很甜。2.椒鹽鮮魷，上枱時新鮮滾熱辣，而且很鬆脆，椒鹽味道很惹味吃到停不了口。例牌燒鵝份糧滿意，燒鵝皮很脆口，鵝肉不太肥十分滿意，肉質很好蒜蓉燕菜，很多人喜歡叫這個

天氣凍凍地想食小菜，之前同朋友經過見到晚市好多人就記住左，我地叫左四個小菜加白飯，埋單478蚊，性價比極高，價錢份量味道都好高質，豉椒炒花甲盛惠138，唔誇張真係人生第一次食咁大隻既花甲，超足料，每隻都有隻手指咁大隻，非常多汁，撈飯一流，其次必試招牌脆皮燒腩仔盛惠128，多到打包第二朝帶飯都仲得，外皮超級脆，鹹度醃得恰恰好，芥末都好食，健康啲我地叫左海皇雜菜煲盛惠88，有魷魚、海蝦、蝦米、粉絲、魚肉、菜心等，清湯都好飲，最後仲叫左個炸大腸盛惠98，朋友話係佢食過最好味既炸大腸，配埋個酸甜醬就更加開胃好食😋

慶祝解除口罩令出街食😅，今次去元朗朋友介紹嘅中餐廳地點係世宙，屯馬線朗屏E出口行過去都係幾分鐘，十分方便。$130，例牌燒鵝一份，好Juice,唔會好肥，份量都唔少$88豉油皇鵝腸，好邪惡，算啦唔係成日食😅，雖然係豉油皇整，但唔會好鹹，仲有薑絲蔥絲芽菜伴食，減輕肥膩感，老闆話鵝腸係冰鮮，所以有膏👍$98椒鹽鮮魷，用脆漿炸幾特別，鮮魷略淡，如加少少鹽醃醃更好$45 蓮藕豬骨湯，好足料，有蓮藕、豬骨、扁豆、次實…，熱辣辣，唔係味精湯👍

朋友新居入伙，黎依頭搵野食誤打誤撞我哋行到依間餐廳見到menu有鑊氣小炒、燒味打邊爐一應俱全餐廳入邊雖然座位唔多但係有幾張卡位都坐得幾舒服秘製胡椒鮮豬雜鍋胡椒味道非常之濃郁順口冷天喝一碗熱騰騰的濃郁白色湯之後身體非常之暖和豬雜包括左豬肺、豬腸、五花肉、豬潤⋯完全沒有腥味之餘，口感重非常之豐富再加埋蘿蔔墊底，完全吸收晒湯底嘅味道滋味極了魚香茄子煲🍆我最鍾意煲仔菜，當中最吸引嘅當然係魚香茄子煲，上枱嘅時候仲要有治治聲香噴噴、味道濃郁，而且帶有鹹鮮味餐廳另外都有涼茶供應，就算打邊爐都吾洗怕熱氣

好掛住燒味飯，🥰今日中午就同朋友一齊嚟哩一間餐廳，試下佢哋嘅特色燒味。應該係自家製作，🤓所以係門口嘅玻璃櫃，見到掛起身嘅燒味，都好吸引。值得一提嘅，🔥係佢哋嘅名爐古法燒鵝王。唔會好肥，🥢而且外皮咖啡色，好有光澤。食起身個皮甘香，脆身，🤩而且肉質都有好香嘅鵝肉味。另外佢哋嘅🐤油雞都好唔錯，今次我叫咗白切雞，一樣係皮脆肉滑，🤗可以保持住雞絲嘅香滑質感。而我朋友，🐷都試咗佢哋嘅叉燒，半肥瘦，肥瘦適中。

🌟餐廳：聚豐燒鵝小廚📍地址：元朗橫洲路9號朗晴邨青朗樓地下1號舖💰價位：～$100 - $200📱電話：4622 0167 今日去開元朗做野，難得入到元朗，緊係約家姐一齊食個晚飯元朗真係咩都有得食，選擇眾多，家姐就話想試吓呢間新開既「聚豐燒鵝小廚」，主打燒鵝同大排檔小炒今晚一於同家姐撐下枱腳先~———————————————————🔹燒鵝例牌燒鵝熱辣辣，鵝脂豐富鵝肉一定要趁熱食，肉質好嫩滑又夠入味，外皮夠薄之餘仲好香脆，燒制得好出色底部仲有大量花生，香脆花生沾以燒鵝汁，食落更加惹味！———————————————————🔹客家黃酒雞鍋(半隻)呢個天氣凍冰冰，食黃酒雞鍋夠哂暖身，好岩女士們～湯底用料豐富，有齊紅棗、薑、杞子，再加上黃酒熬制，相當滋補！！雞肉肥瘦適中，肉質都幾嫩滑，搭配埋湯底一齊食，好養生～———————————————————🔹海皇炒粉絲煲呢款海皇炒粉絲煲，大大煲，熱辣辣上枱好吸引～粉絲炒得夠乾身，搭配墨魚、薑蔥等配料炒，食落唔會太油膩～———————————————————😋味道：4/5🏢環境：4/5💁🏻♀️服務：4/5💵價錢：4/5🤟🏻性價比：4/5——————————

成日行過世宙，都以為聚豐燒鵝小廚係普通茶餐廳，食下碟頭飯，呢晚同朋友想搵食之際，再次行經呢度，先發現原來呢度食物係咁多元化，有打邊爐之餘，仲有好多地道鑊氣小菜。由於都好想搵返果種大排檔小炒味道，於是決定同朋友入黎一試，仲要好有驚喜呢晚我地叫左豉椒鹹菜鵝腸 ($88)、豬潤滑雞煲 ($88)、腰果大蝦仁 ($98)、豉油皇炒麵($78)同埋姬松茸螺片燉老雞湯($48)，再加一杯凍檸茶($20) 和熱檸茶($17)。豉椒鹹菜鵝腸 ，新鮮鵝腸十分肥美，口感爽脆啖啖嫩，豉椒味濃，十分惹味。至於個豬潤滑雞煲，平時雞煲最驚比晒無肉的雞骨， 但呢度雞件十分厚實，醬汁又好入味，認真一流。而我好鍾意個腰果大蝦仁，因為佢地用料好新鮮，D西芹好爽、腰果唔會太咸、蝦仁肉質新鮮，食完有少少油嘅菜式再食腰果大蝦仁，感覺好清新。 一路點菜，一路睇食評，見到豉油皇炒麵好似幾靚，於是又叫返一碟。而呢個決定一D都無錯，佢個鼓油皇炒麵唔會死咸，D麵質感仲要好有咬口，我地兩個其實都食到好飽，但都忍唔住要chur晒成碟麵，認真Lam Lam脷最後兩個人一齊飲姬松茸螺片燉老雞湯，個湯好足料，但又唔會落味精，食完D小菜後，叫返一碗

聚豐燒鵝小廚 (元朗)地址: 元朗橫洲路9號朗晴邨青朗樓地下1號舖===================呢間聚豐燒鵝小廚係最近新開, 地點在世宙附近,有提供多款小炒,但比大排檔更加乾淨衛生! 椒鹽九肚魚 $98呢款菜依家真係好少見, 每條九肚魚ge外層都非常香脆，加上椒鹽調味，味道非常鮮味！佢入面嘅九肚魚口感鮮嫩，而且視覺效果好好。😍金菇肥牛煲 $88金菇肥牛煲真係大排檔必點項目，佢係以肥牛同金菇為主菜，粉絲做配菜！一上枱已經香氣撲鼻，金菇同粉絲吸收晒調味料嘅醬汁，食落好juicy😉冰震脆脆菠蘿咕嚕肉 $118菠蘿咕嚕肉炒到又熱又香，隨即就被冰震住，食落有水火交融嘅感覺！而且咕嚕肉啖啖肉，完全無骨，岩晒我呢d 懶人❤️姬松茸嫘片燉老雞湯 $48價錢一D 都唔貴，但非常足料☺️飲落完全無味精，誠意又作！

話說元朗朗屏附近開左間大排檔風味既小廚，#聚豐燒鵝小廚 ，梗係要去試下佢係咩味道啦🤤#foodthinger元朗 蜜汁叉燒 半斤 $50小編中意食半肥瘦，上到黎外皮仲好脆，肉仲好嫩加埋蜜汁就更加juicy，價錢上都好抵食。黑松露香檳脆蝦球$118少辣•小麻呢個好香口，上到黎一大陣黑松露味，蝦球大大粒又彈牙，配埋沙律醬薯片，味道口感都有齊十分推薦！同埋又幾有創意😆自家製雙層豆腐 $108小麻 椒鹽呢個上到黎好有特色，問番老闆就係用菠菜汁整出黎，炸皮薄豆腐好滑，有淡淡嘅菠菜味，份量仲好多！茶樹菇棗𣏌燉老鴨湯 $45碗湯店家講到明冇味精老火湯黎架，上到黎飲又真係冇飲完頸渴，同仲好清甜，真係幾有老母煲湯嘅feel!麻辣脆腸 $58order左小麻• 少辣，呢個係小編另一個超級超級推薦嘅前菜，脆腸夠多，青瓜木耳超級涼爽好食，麻麻辣辣又大份，好開胃！

同家姐係安寜路剪完頭髮，已經六點幾左右，開始肚餓仔，於是沿路向朗晴邨行，睇吓有乜好嘢食。經過呢間「聚豐燒鵝小廚」，好似好耐冇食小炒，即管今晚食呢個。安排入坐卡位，餐廳光潔企理，大概有四張四人卡座及三張較大可坐六至八位圓枱。餐廳招牌燒鵝，目測整晚不斷有新燒鵝出爐，此外有多款招牌家常小炒、養生燉火湯，亦有麻辣小菜及多款火鍋湯底，種類可算是不少。先點了兩款百吃不厭的小菜：《豬潤滑雞煲》（$88），煲上枱夠熱辣辣，有不少薑片，薑片真係靈魂之一，絕對唔可以少。而豬潤厚薄適中、雞肉夠皮脆嫰滑，而且汁收得夠乾身，又吾會油淋淋，啖啖肉超香惹味，絕對有驚喜。《椒鹽九肚魚》（$98），脆炸粉不會太厚，入口表面鬆脆，而九肚魚條條大大條，魚肉滑嫰，食嘅時候一定要小心吾好燙傷嘴巴。然後心思思想試試佢嘅辣菜式：《四川臘肉炒窩笱》（$98），本身鍾意窩筍，清甜爽脆。四川臘肉，目標似煎香了的有皮腩肉，入口種濃郁煙熏肉香，加上四川辣椒炒香，係超級超級超級好味。肉香爽口加上微辣，立即刺激味蕾，好吃到不得了。《亁鍋肥腸》（$108），呢個甚有睇頭，木架盛著，長形鍋底並提供火烘著保持温度。肥腸份量頗多，配有蓮藕片、白椰菜花，

聚豐燒鵝小廚 (元朗)元朗橫洲路9號朗晴邨青朗樓地下1號舖大排檔風味的小店已經買少見少，難得在元朗找到一間有鑊氣小菜店，可以約埋三五知己來飲杯。餐廳就位於大橋街市附近，經過時也很容易找到，裏面加個光猛整潔，坐得舒適。豉椒咸菜鵝腸$88鵝腸熱辣辣上桌，香氣四溢，新鮮鵝腸條條都帶厚脂膏，油脂滿滿十分吸引，豉椒帶甜絕非死鹹，配上鹹菜風味十足，鵝腸越嚼越出油脂甘香，鵝油佈滿整個菜式。金沙 九肚魚 $98外脆內軟且能保持魚的鮮味，這個菜式十分推介！一定要趁熱食。金黃色的造型十分吸引，每條九肚魚外層都被蛋黃所包裹着，滿滿的鹹香味在口腔仲迴盪。能夠揸得外皮香脆，粉漿不會太厚，內裏的九肚魚鮮嫩可口，廚師工架十足。腰果大蝦仁$98西芹炒蝦仁旁邊配上香炸的腰果，蝦仁大大粒，爽口彈牙的肉質，明顯非常新鮮，果仁除了香口外，還富有豐富蛋白質，西芹爽脆。這道菜式不單止營養豐富、口感爽脆，還有就是很適合老人家和小朋友食。Hoegaarden$40食香炒小菜，又怎能夠少了啤酒呢？所以點了一支Hoegaarden大大知自己一個飲係飲唔晒。

食評，睇就多，寫真係第一次😌因為朋友開既，點都要支持下💪💪話晒疫情😷下仲開舖，堅係勇氣可嘉👍🏻🤣今次已經係第三次幫襯，雖然係朋友，不過如果食物唔得，都唔會一家大細黎完又黎😄今年冬至飯仲要長輩們提議去聚豐🍽️😆😆😘晚飯無加一係長輩們好like既因素之一🤣🤭（可以慳到碟叉燒架）兩年無出街食冬至飯，今年難得就食得豐盛少少喇。因為海鮮都係大人鍾意食，小朋友臨場想食咩又再加點，反正過冬想食咩都無問題😉😉燒鵝，叉燒，燒腩，雞，乜叉都叫一餐🤣🤣⋯⋯重點，係13個人乜叉都食晒🤣🤣🤣

朗晴邨呢邊開左間新小炒店，見唔少谷友推介，就過黎試下佢。店內不大，但氣氛很熱鬧，店員同食客都有說有笑感覺唔錯喎。店員送上熱茶同qr code，可自己落單好方便👍🥢豉椒咸菜鵝腸一上枱已聞到香噴噴，豉椒味勁惹味，鵝腸有咬口，吸飽醬汁好正。🥢椒鹽鮮魷併九肚魚又想食鮮魷又想食九肚魚，咁就整個雙併啦！超香脆，椒鹽下得多好夠味，鮮魷有彈牙，九肚魚嫩滑，兩樣都好食。🥢椒鹽自家製雙層豆腐嫌唔夠香口野，整多碟椒鹽豆腐！呢度個豆腐好得意，雙層雙色，好睇又好食，外脆內軟，推薦😋🥢蒜蓉炒西洋菜太多重口味野？咁就整碟菜啦，叫左蒜蓉炒西洋菜，大大碟重蒜香，西洋菜翠綠，好味好味。🥣杏汁白果燉豬肺湯最後仲整左碗豬肺湯，奶白色～味道濃郁，原汁原味呀，飲完暖笠笠好舒服。個qr code 落單介面真係要讚下，好易用，又多選擇，想點客製化都得，就算幾部電話一齊log in個code又得，對方仲即時睇到落左咩單添，勁👏