蛇王協

Open Now

Now Closed

今日天寒地凍，凍到手震，食晏到了，即時想食蛇暖暖身，幸好我身在深水步，這區有數間蛇店，就去鴨寮街望望有無先，行到街口就見到蛇王協，店內已經差唔多爆滿，幸好我一條友，實有位坐。生炒糯米飯…我覺得唔掂，飯已少，臘肉都少，蝦米就太多，不平均，加上個飯有些焦，所以不好味。仲要收15元，真唔抵。（細）蛇羹…蛇肉少，羹好稀，吃碗仔翅仲好味過尼到的蛇羹。

因為添置了相機, 所以是日到鴨記逛逛, 今年二月為<<天公造美>>, 氣溫大部份時為十度以下, 正好有新年氣氛鴨記一向早收工, 行完之後, 是時候醫肚了, 天寒地凍靈光一閃, 深水埗桂林街蛇王善早想一試, 擇日不如撞日, 是時候食蛇補下身!正想動身之際, 忽然見到"蛇王協"招牌, 早聞深水埗多蛇食, 原來真係梗有一間係左近蛇王協位置頗偏僻, 因為鴨記太多路邊檔, 正常真的難留意到, 既然命運早注定, 何坊一試?店子雖少, 菜式卻不少, 椒鹽蛇碌等於我黎講幾新鮮, 有機會再試吧店裡格局乃舊式蛇鋪 - 玻璃箱裡有樹枝供蛇"遊玩", 中藥櫃一般既箱"放蛇", 牆上貼滿"餐牌", 如此格局已令我十分期待 (小時候幫襯蛇鋪正正是如此模樣)先來一個細蛇羹 ($28), 找遍餐牌皆沒有生炒糯米飯, 以為沒有, 口痕一問, 原來是有的, 而且更係即叫即炒只賣15蚊, 二話不說, 細蛇羹+生炒糯米飯!蛇羹頗足料, 想起早前工聯會蛇宴真係無得比, 蛇肉很粗大, 到底有幾多種蛇不得而知, 但只是看也知道各種肉是不同的, 吃得出有蛇味木耳爽口, 配上薄脆, 一流, 印象中本身有

深水埗區的蛇店在港九各區之中可算是較多的，單在openrice裡找到的已有三家。天寒地凍的一天，特地到這區吃蛇保暖。其實三間蛇店自己都未幫襯過，在openrice的食評評價也不相伯仲，好啦，就幫襯最就腳的一間吧！於是來到「蛇王協」吃蛇。這裡和其他傳統蛇店一樣，都是簡陋的舖頭，一般的招呼，最吸引人的就只是那美味的蛇羹（和臘味糯米飯），只可惜這次到來幫襯，換來的竟是失望。這裡的蛇羹，蛇肉不算太少，但那蛇羹是比較稀的，感覺上不太佳。而且那臘味糯米飯也水準欠佳，臘味不多，飯又不夠好吃。正所謂「最怕貨比貨」，莫說是和中環閣麟街或銅鑼灣的吃蛇名店比，就是和自已幫襯開的太子蛇王二相比，也覺得稍遜一籌呢！所以下次再來這區幫襯的話，也不會再番兜這裡，會試試另外兩間蛇店的蛇羹了。

一月中旬聖誕及至歲末大小局連連，吃到破產，加上春季舊屋翻修，可省則省，家中的PSP也要作些「調整」，路過黃金，想起女蛇王每年入冬皆推蛇腩煲仔飯，就轉入污煙瘴氣的鴨寮街，試試兼賣小菜作蛇宴的蛇店風味。說回蛇王協，如蛇王源般的八十年代老舊裝潢，雖然迫夾，仍擺得下兩席大檯作蛇宴，是夜氣溫回暖，嗜蛇者有理無理，趁仍有新鮮蛇供應，給自己留個回憶。菜式演繹看人生，一煲水氣騰沸的蛇腩煲仔飯，熱得熨手的鍋邊，感覺卻冰冷，主理人對出品多著意，已反映在濕如粥的飯底上。汁如吃夠火候的鮑汁扣鵝掌般黏稠脹胃。更多脹胃故事分享@http://foodxfile.blogspot.com/2010/01/blog-post_22.html

一心過嚟深水涉, 想執件芒座俾大公子部腦, 暢遊完鴨寮街都冇收獲, 忽然見到有間蛇竇, 天寒地凍, 見佢價錢唔貴, 整番碗蛇羹補補身! 店內地方不太大, 典型蛇竇feel, 大木柜內不知放了有幾多蛇, 令我有點不寒而慄! 揀了個靠牆位遠離木柜. 蛇羹也有大小之分, 離晚飯時間還早, 叫碗細嘅嚟食就算吧...不一會就送來了, 好杰, 好足料, 味道亦不錯! 枱面上還有一盒箔脆, 任你落... 夠哂滿足... 咁嘅價錢有咁足料嘅質素, 蛇王協真係掂!!

唉....失望.11月尾, 開始出 post 邀請網友一起食蛇.原本是想去工聯會, 但一早已 full.後來在飯網找到這間蛇王協.看今年都有2篇comment, 都說食物不錯同份量夠 15,16人食. 最後找到16位網友一起試試 (我以前未食過這間)想給大家來個大食懶蛇之夜. 可惜個個半飽也做不了, 真不好意思.PS: 今次有幸ZZ sir 借我 Minolta 50.7, 當晚全力試用定焦威力. 可惜是我技術不夠, 發輝不了它的實力, 對焦多是不準.先講菜單 :太史五蛇羹 (兩大窩)准杞竹絲雞八對蛤蚧燉湯龍飛鳳舞金龍獻珠 (酥炸蛇球)椒鹽蛇碌 (可選蛇串燒)花膠炆蛇腩生扣野山瑞古法白切雞 (走地雞)滋味生炒糯米飯每席奉送蛇膽汁酒半斤過山烏豹狸酒半斤冰凍啤酒二瓶汽水三升$2640/Table (for 12 person) 當晚蛇店人流不斷, 蛇宴除我們外還有另一桌. 所以坐得較貼身, 但這我也一早預料, 可接受. 先來蛇膽汁酒半斤. 半斤不多, 初時我還以為是"kip"汁 這個蛇酒帶香為綠色, 易入口. 過山烏豹狸酒半斤. 這個味道似鐵打酒, 難些入口. 太史五蛇羹 (兩大窩) 這

在鴨寮街內的蛇王協,一直也想試其蛇宴,已經由上年年尾,說到今年年尾,是次難得友人星爺出手,因他與女蛇王周嘉玲相識.所以順理成章,由他主持大局,首先說一聲謝謝.天氣在這一夜剛好轉冷,正是吃蛇的最佳時機,早前曾說過,我們的第六感,不下於天文台.一行十六人,將小小的蛇王協,逼得水洩不通.是夜蛇宴菜式如下:太史五蛇羹龍飛鳳舞金龍獻珠椒鹽蛇碌花膠炆蛇腩生扣野山瑞古法白切雞准杞竹絲雞八對蛤蚧燉湯滋味生炒糯米飯每席奉送蛇膽汁酒半斤過山烏豹狸酒半斤冰凍啤酒二瓶汽水三升至於女蛇王的背景,在之前的食評中已經說過,不再多作介紹.首先上的一道是太史五蛇羹,材料甚豐,蛇肉不如蛇王芬的幼細,但大啖肉才是我們喜愛的感覺.蛇羹底偏杰,味道鮮甜得來,更帶著一點點酒香.雖然蛇羹本身好,但檯上的薄脆,也是眾人兵家必爭之地.結果這個太史五蛇羹,不知不覺地連下五碗,我更笑說是蛇羹放題.當然又不能去到這麼盡,接下來有更多精彩菜式,等著我們呢.龍飛鳳舞此四個字,便想起一些江湖堂口的詩句,在蛇王協的龍飛鳳舞,是雞肉加蛇肉,連同西芹,椒絲等一起炒,鑊起十足,整體感覺爽口.金龍獻珠是炸蛇丸,香脆的外表,食落帶點煙齦,內裏的蛇肉鬆化,有點

由於之前果晚打通宵牌,腳步浮浮去到深水埗好想食蛇就去左蛇王協食之前有個朋友仔帶我去食今次就輪到我帶亞b去食蛇王協位於鴨寮街,所以舖既位置較難搵,大家去既話要行左手面既內街去到已經有兩張大台坐滿人,有人book左食蛇宴,勁熱鬧我同亞b兩個share一個大蛇羹叫左之後...亞b同我講........................."其實我係第一次食蛇"oh~!!!亞b又將第一次比左我蛇羹到左之後亞b見到我加檸檬葉十分好奇真可愛~!!!用料大概同其他蛇舖差唔多不過呢,佢既蛇肉size適中我食過有d蛇舖好大舊,好難食,有d太細,好似食雞肉,見到隔離台食蛇宴,大大碟,好抵食,估佢一圍要1500蚊睇張leaflet成2640一圍wor貴過工聯會果d好多,不過佢既料當然會比工聯會多la~服務方面,由於無台.親切既姐姐即刻開張二人台比我地抵讚

Yesterday, a friend of mine from Africa returning HK for holiday, 一行十五人 went to 深水埗 蛇王協 for a big dinner. 蛇宴 一圍十二人起,包兩大窩蛇羹,椒鹽蛇碌,蛇汁生菜,炆蛇腩, 山瑞, 蛤蚧燉湯, 龍飛鳳舞酥炸蛇球, 走地雞, 鮑魚蛇腩冬菇煲等also 包3支1.25公升汽水, 兩支大啤, 半巾五蛇膽汁酒 & 半巾過山烏蛇酒! since we have 十五人 so we added one additional dish 串燒蛇柳, 好彩有加, most of my friends like this 串燒, very special, kind of 新姜 style. The dish that I like most is the first one 龍飛鳳舞, but since it was the first course, everyone was too hungry to allow me taking a photo.... but it was the one

真係堅好食!!! 我地book左一圍蛇宴 (足十四人食)! 包括有: 蛇羹兩大窩, 炸蛇碌 (可選蛇串燒), 蛇蛇花膠冬菇煲, 蛇蛇蛤"拐"湯 (堅足料), 蛇汁生菜, 貴飛走地雞, 酥炸蛇球(好似蝦球甘, 好味道!), 仲有就係值得一讚geh唔油糯米飯, 超級乾身, 好香, 好好味!!! 仲有就係長壽麵... 好爽口... 好味!!!仲包我地3支1.25公升汽水, 兩支大啤, 半巾五蛇膽汁酒 & 半巾過山烏蛇酒! 飯後仲有茶供應! 亞姐仲會問你要唔要辣醬, 唔食辣都話要呀! 佢個隻係老干媽辣醬! 好好味架!!!(未得閒load 相... 遲Dload相比大家睇!)

行完鴨寮街，友人提意食蛇羹。這個東西我好少食，因為小時食會流鼻血，今日又膽粗粗去食…這裏的蛇羹湯底不太杰，粗粗的蛇肉，伴木耳絲，菇絲，好有口感。薄脆大大塊，有d厚身，味道普通，所以只係加上檸檬葉絲提昇香味，很不錯呢﹗可惜食完蛇羹第二日就喉嚨痛，hai~真係真材實料啊﹗

微冷的晚上,除火鍋,煲仔飯等良伴之外,少不了蛇羹的一份.同幾位友人是夜漫遊鴨寮街,想來一碗蛇羹暖身,好自然就想到去蛇王協.幾十年老字號也要追上潮流,門外高掛的招牌已經換上新招牌,感覺煥然一新,但舖裏面,依然故我.這夜除來吃碗蛇羹之外,順便來探一探路,在此來一圍全蛇宴的可行性.蛇王如雖然好,不過也吃了兩年,也是時候找一些大家未去過的地方去試.好像這個晚上,兩圍蛇宴人馬聚集在店內,好不熱鬧,我們只是來吃碗蛇羹,自然要略為屈就.不要看此店長年在鴨記,有點屈屈不得志.正所謂有馨自然香,其實蛇王協的名氣,亦不遜一些蛇店.店主周嘉玲是全港少數的女"蛇王",不時上電視去表現玩蛇,而且更吸引到一些外國傳媒如Discovery Channel的食家Bobby Chin,同英國BBC也專程來採訪.除此之外,坊間很多酒家,也是向她取貨.可見其江湖地位.堪稱為女中豪傑.言歸正轉,我們一行五人,坐下就來一碗細蛇羹,此店用的蛇,當然是新鮮貨色,來源地就不詳,不出大陸同東南亞各地.當前無謂去研究蛇羹用什麼品種的蛇,總之好吃的,就是好蛇.蛇羹底偏稀,看見羹內加上些火腿粒,吃落味道帶點清香,各種蛇肉共冶一爐,蛇肉拆得未

今日去深水步見到有蛇吃，今年都未吃過蛇，係時候要補補。點了細蛇羹，不杰，落足料，有蛇肉、木耳絲、冬菇絲、薄脆…味道好，又唔算貴，值得再返吃。

天氣開始凍，令 H 想起 "冷風起，蛇蛇肥"，故H 跟 K 講想食蛇羹，結果 K 便選了這間放工後一齊去試，這間蛇舖好有懷舊感覺，看落好像是一間好專的食蛇店。我們點了:大細蛇羹各一碗 ==> 味道好好，不太濃，而且好足料，有好多蛇肉及其他材料包括有雞絲、木耳絲及冬菇絲，還有跟羹類食物好夾的薄脆呀! 正爆!減肥糯米飯 ==> 真的是減肥喎，不油的，但味道一般，沒甚麼特別埋單多謝 $91 ==> 以蛇羹真材實料來評，絕對抵食

今日係我一生人之中第一次食蛇羹 ! 男友帶左我黎呢度食 ~ 真係好好味 ! 仲好足料 ! 叫左2碗細蛇+薄脆 ~ 我覺得d薄脆放落碗蛇羹度等佢淋d先食會好味d ~ 食完仲覺得成個人暖晒 ~ haha ! 唯一美中不足ge就係果度d人唔抹抬之餘仲不停咁互相"片粗"(粗口) ~