蛇王協

Open Now

Now Closed

補番之前冬天食蛇既食評是次同朋友搞一圍蛇宴, 食蛇吾係成日有, 亦吾係個個食, 所以要一早BOOK位留左一圍, 順便補補佢入面家庭式經營下面食蛇羹, 上面食一圍圍蛇宴!同層幾圍都係食同一樣既野.睇黎蛇都吾係真係甘少人食.!首先黎D蛇酒, 不太清楚裏面有乜成份, 只知藥材同蛇, 飲完個身暖左蛇羹: 正路有豬肉絲冬菇木耳絲, 而且蛇肉亦好多, 我好滿意蛇肉炒球: 炸得香口充滿住蛇味既肉球蛇肉生菜包: 就好似普通生菜包一樣蛇肉鮑片西蘭花: 味道OK烏雞藥材湯, 好足料, 烏雞好滑, 湯好甜, 正!!!忟水魚: 有D 朋友吾敢食, 但我覺得好滑好正...好多骨膠原生瑞鴨掌煲: 都係同水魚同類既動物煮成既煲, 不過我覺得味道厚實過水魚, 亦可能因為配合左充滿醬料既鴨掌既關係, 總慨而言, 肉偏向膠質蛇絲炒西芹同炒蛇骨, 味道一般糯米飯: 炒得好乾身入味, 正.!!!!

深水埗的鴨寮街處，除滿佈各式電子及零件店舖外，於街頭處的蛇王協，亦是老饕們不可忽視的地方，尤其是愛吃野味的話。尤記得二年前曾作客於此，吃過一頓全面的蛇宴，這理應於秋冬至年頭間進行之事，因為天氣的反常效應，令寒冬延遲至農曆假期之後才龔來，作為開年宴來享用，總算還是無妨。今番再度光臨於店上，所見的已屬新人事、是否新作風則不得而知矣！記得上次是於地舖內進行的，原來隔鄰大廈的二樓處，亦是其中的內堂。只見到門口那偏紅的燈光，沿著暗黑而狹窄的樓梯上到二樓處，可找到一間寬敞而光猛的房間；同時亦慶幸和女性食友一同前來，否則可會被人誤解為「尋芳客」。眾所週知此店的主理人，是屬於第二代的知名蛇王周嘉玲女仕，是晚玲姐不在，由第三代的老闆主持大局，只看一切禮數，還是做足有餘。閒話就止於此，總之依時人齊後就要開席了。最先上的自然是蛇羮，而且合共來了兩窩，作為多年的老店，水準還是無容置疑。入口下的羹底厚薄適中，頗見鮮味之餘，也不乏加入甘草的味道，內裡的蛇絲更是不少，始終見到地舖大量的活蛇，也很難相信是街外的冷藏貨，正值晚上天氣嚴寒，來了兩碗之後，身體也立時添上了一份暖意。吃蛇羹最有趣的地方，是附於桌上那一堆佐物，

近日寒流襲港，氣溫急降，不禁燃起自己心中渴望吃碗暖胃暖肚的蛇羹的火焰。去哪裡撲熄這股熊熊烈火呢？就近近地去這間位於深水埗鴨寮街的「蛇王協」吧！沒來數年，這裡的蛇羹小的已要$38一碗，大的更要$65一碗，物價果然真是懂得飛的。但一場來到，又怎會吝嗇腰間錢，入寶山，空手回？！叫來兩碗一大一細的「五蛇羹」兩夫妻分別享用，同場加映「臘味糯米飯」一碗，做這夜的晚餐。這次的蛇羹比數年前來時吃的好，口感濃稠不稀，味道亦見像樣，蛇絲雖難免粗嚡，但條條粗壯，紋理清晰可見，其他材料也見足料。把蛇羹吃進肚裡，一股暖流在不經不覺間漸漸滲透五臟六腑，寒意立時煙消雲散。可惜這晚的糯米飯炒得過火，竟帶有一股燶味，燶味雖不太強，已完全破壞這原來應該不錯的「臘味糯米飯」，使這飯的味道打了不少折扣，實在可惜。其實這晚吃到的蛇羹水準已比數年前吃的那碗稀冷冷的蛇羹好，要不是糯米飯失手的話，這頓晚餐的評價一定會較高。

時值隆冬, 氣溫跌進10度左右剛好是食蛇羹的季節, 想起友人K介紹過的這間蛇店, 於是同太座到上址一試龍與鳳? 要咗兩個細的蛇羹, 份量並不算少, 湯內有相當多的雞肉/蛇肉, 湯頭味道OK因為用料足的話基本上無須太多調味都能夠突出到個味道, 但反而這店的檸檬葉除了平時的檸檬葉香氣之外唔知點解帶一種幾覺的苦味?? 臘味糯米飯則材料豐富同時亦是一個滿滿的山形, 以$15來說沒有話可說了, 有食友在一月來食寫蛇羹$35/碗,但我們在一月底來已漲至$38/碗,同時間我們同枱有兩個自由人的年青人(男)應該是第一次吃這些食物, 可能真的唔習慣這些食物,兩碗蛇羹兩碗糯米飯吃了一半沒有再吃就走了,這種沒有”食德”作風在他們的新一代的城市人最為常見, 實在可悲!

冬天咁凍,去食蛇羮就最好架選擇.中午3點幾去到,坐左十幾個客.叫左細碗蛇羮.配料有檸叶,薄脆任你加!我加左一塊薄脆,好大舊,唔咁岩心水,我鍾意細舊d.小小檸叶.蛇肉唔係太多,蛇肉不成絲,係一條條.反而肉絲好多.可以一試無妨.$35蚊 ,都幾大碗.

以前每年到這個時候，都跟爸爸去工會吃蛇宴，不過近兩年都沒有再去，一來朋友也會攪局，二來覺得工會的水準只屬一般，提不起我的興趣。前幾天外婆生日，因為有事在身 所以未能出席，只好相約全家一起補祝生日。在討論吃什麼的時候，爸爸給我whatsapp了一張這裡的蛇宴菜單，他說是他的工友介紹，而早年也在這裡吃過不錯的蛇宴，就決定帶家人一起來吃。蛇宴一圍$3,500，我們家只有六個人，吃不了一圍，還好店家幫忙肯做半圍，不過因為白切雞不能只要半隻，所以整個套餐就是一半價錢多加$100，這個安排也合理，而一圍的蛇宴還會奉送汽水、啤酒和蛇膽汁酒。蛇宴用餐的地方頗光猛整潔，也設置了平版電視，比以前闊偌一點。當晚吃蛇宴的人不少，全部一起八點開席，不過也等了差不多15分鐘才有一窩蛇羮上桌。太史五蛇羮。我們只得半圍，所以只有一窩，不過份量超足，每人起碼可以分到兩碗。蛇肉切得非常粗，還有木耳絲、肉絲等，蛇羮本身的味道不錯，不會太杰身，水準和之前吃到的差不多。龍飛鳳舞。賣相不怎麼好，應該是炒蛇肉，可是蛇肉在炒的過程中沒有散開，變成一大塊之餘，口感又韌又嚡，公公婆婆兩個都咬不開。金龍獻珠。蛇丸炸得有點油，爸爸說沒他平常

秋風起，三蛇肥！冬天吃蛇羹，份外覺得暖身，決定來「蛇王協」一趟！秘製五蛇羹 - 養顏、舒筋、補血 (HKD38)：湯底稠度適中，用湯匙一舀，粗條蛇肉，有點嚼勁，每口感覺豐足！蛇羹跟薄脆，可謂絶配！及後，我們再追加一盅燉湯！螺頭、蟲草花燉山瑞 - 滋陰活血、補腎養顏 (HKD110)熱騰騰的原盅燉湯，甫上桌，把盅蓋打開，已急不及待的喝一口，味道清甜，十分滋潤，一丁點味精也沒有，湯料的份量絶不歁場，火喉十足！起初覺得$110一盅燉湯，貴得過份，但飲過才發現，食材用料和味道，絶對值得！身體傳來一份暖意，相當飽足，的確物有所值！

香港這個冬菇真太冷， 周不時得十度八度， 飲食都以暖食為主，一係淥吓淥吓一係韓式BBQ， 係食得痛快不過成日食得多都悶啦，可況太燥熱喇所以面上嘅粒粒越爆越多， 苦腦！ 昨晚太陽一下山走到街上面寒風迎面而嚟， 睇完戲八點半有多想搵D暖嘅嘢食，個腦不其然又諗起打邊爐不過二人異口同聲都話：「唔好喇啩！今個星期食咗三餐喇！」 開車一路兜一路睇有咩好食駛到深水圳朋友突然話佢今年未食過蛇就不如搵蛇食啦， 即刻上openrice 摷吓好快揀咗蛇王協因為見介紹除蛇羹外仲有小菜喎，不過由於差不多九點怕未去到已經關門所以專登打電話問吓啦，接聽電話嘅男士話大概十點收， 跟住話星期六十點半收都會， 然後話十一點收都有可能....， 噢！聽落佢意思係: 「你嚟啦，唔洗問喇！」 Ok收到即刻泊好車行過去。店內有一張大圓枱，裡面有D細枱而檣兩邊見倒嘅枱同櫈都可以坐，自己執生搵到張小方枱，枱頭一望有一排木製櫃上面寫住「毒蛇」喺我哋後面， 正心想會唔會有蛇爬出之制店員走過嚟話裡面無蛇咖唔洗驚。 想知有咩食望吓檣上當眼嘅瑩光紙牌介紹就知咖喇。 睇D名: 過山烏、蛤蚧、山瑞確實從來未見過更加未食過， 穩陣D都係叫返D熟悉嘅

今年已經是第三年吃蛇了，除了；竹一年外，去年在自家博客下了第一篇蛇宴，今年又再來。今晚又是一家人聚首一堂，可說是莫大的幸福。蛇王協是深水埗區有名的蛇舖，所以也來一嚐他的蛇羮。先來一大砵蛇羮，但是已分為一小碗，不緊要，在蛇羮上加上了卜卜脆，菊花和檸檬絲後，就大告功成。蛇羮鮮甜，不過勺芡就較為薄身，未見濃稠。百花炸蛇瘣用蛇肉搓成丸狀，再落鑊炸過。外層炸得香脆和香口，內裡多為蛇肉也沒有骨，沒有太多花巧，口怠都幾結實的。瑤柱花膠扣鵝掌這道菜式在中式酒樓的宴會上，也會吃過。而今次的瑤柱和花膠都用得頗多，口感都非常豐富，滿口都是膠著，鵝掌也炇得入味。枝竹炇黑草去年也曾吃過這道菜，味道與去年差不多，羊肉並不太羶，而且炇得較腍，支竹也吸收了羊腩烋的精華，也很好味。今年的羊肉煲，反而今次吃到的還較去年好吃。上湯灼唐生菜生菜看來都幾油膩，吃下時有點籢脆，但亦有油膩的感覺。花旗參竹絲雞燉五蛇羮以往喝五蛇羮都幾補的，皆因有當歸在肉，加上其他孳材，當冕想睡覺都很難。但今年用上花旗參，沒有下當歸，自然沒有那麼補。整個湯羮也具參的味道。金牌炸子雞現在吃到的多數是冰鮮雞為主，但今晚的炸子雞卻是用上了新鮮雞隻，口感當然

由於曾經喺電視見過深水埗蛇王協既介紹，一直想試試佢既蛇羹。今日專程遠度黎深水埗，出地鐵後搵咗一陣就𦲷到蛇王協店門口，人流多，幸好一支公，搵個位坐低，叫碗細蛇羹，蛇羹一到，我已經開始失望。一整碗細蛇羹，一眼望去，稀到不得了，雞肉絲多過蛇肉，蛇肉總共只有3片，配合埋幾片冬菇、木耳絲，我個人感覺就係一碗碗仔翅+3片蛇肉，盛惠$38。唔知以前都係咁既質素，還是經過上電視，出名後既關係，根本無咁多人所講咁好食，而且蛇肉份量少。自此一次幫襯後，睇怕無下次。

因為要拍一條關於係深水埗蛇舖既紀錄片而走匀深水埗三間蛇舖，三間都各具特色，但最吸引我同組員們既，就一定係最好食，而且最有人情味既蛇王協。第一次去考察既時候，舖面人頭湧湧，店員都耐心安排座位比我地，仲同大家有講有笑，感覺好親切。坐低點餐無耐，大蛇羹($68) 同糯米飯($15) 就熱辣辣咁奉上。蛇羹既味道都好鮮，唔會用太多調味料去cover 蛇原來既味道。料又好足，每羹都有蛇既先叫蛇羹嘛。有人話色唔夠濃，味唔夠咸，不過講真吖，要整色整水不如食碗仔翅。 最令我感受到關懷既時刻，係我地當時要食匀三間蛇舖，就間間都食少少費時食滯，於是我地六個人分一碗大蛇羹同一人一碗糯米飯，店員主動問我地要幾多碗仔，完全無介意過話幫襯得少。相反，去到另一間蛇舖，當時舖頭人唔多，我地四個人(有兩個離隊走左) share一碗大蛇羹，就話：得一碗邊夠食阿！ 我地回應： 我地諗住試下架咋。 唔知係唔係咁岩得咁橋，就即刻有人走埋黎叫我地d袋唔好阻住其他人，驚click親我地自己咁講。對比之下，就知道邊間你會想去多次。至於個糯米飯就真係炒得好香，有立肉，蝦米，立腸，食起上黎又唔算好油，亦唔會痴埋一舊舊。食飽飽就同老闆娘申請

昨晚食完晚飯行經呢度, 見秋風起唔諗了, 食返豌蛇先蛇肉好似比以前少左D但仍然夠味, 個湯最緊要, 唔咸食蛇真係最緊要見到蛇, 呢度仲生勾勾見到, 過癮但女士可能有點嫌棄個環境如果唔係怕太補, 我會飲多碗湯

自從老婆吃過外母外賣回來的蛇羹同糯米飯後, 不定時就喊著要吃.今天, 就去吃吧.星期六晚上六時左右, 店內人客滿滿的擠得水洩不通. 勉強係角落搵到位坐.坐底咗下一步當然就係叫嘢食, 心中一早已經有答案.先嚟一碗蛇羹 (大) $60, 跟住加個生炒臘味糯米飯 $15, 最後要多碟椒鹽蛇碌 $120蛇羹, 不消數秒就有得食, auntie 亦都很識做, 主動攞多隻碗仔比我哋 share.而且枱面啲薄脆無哂, 拿拿林又即刻加番滿, 一讚.講番碗蛇羹, 用料十分充足, 蛇肉多又大舊, 而且唔會過稠過稀. Very Good.生炒臘味糯米飯, 今次(相比外母外賣那一碗)就失手了一點,就是炒燶了少少, 有丁丁黑色的焦, 但味道沒有影響, 一樣好味道.臘味料足, 糯米乾身煙韌, 最重要坊間已經好少有生炒了.椒鹽蛇碌, 總共有八件, 每件都大大舊.這是第一次食蛇肉 (除了蛇羹內的蛇肉), 口感好特別, 蛇肉肉質好煙韌, 好有咬口 (但並不是鞋), 唔痴牙.感覺好似食緊椒鹽豬扒, 但絕對不是豬肉的那種鬆軟口感.另外, 每件蛇碌都有一排排的蛇骨, 幼幼的 (好似食緊鯇魚腩啲魚骨咁樣).其次有兩三件會有類似

減肥糯米飯，超讚就是名堂已經吸引，細問之下，原來是不用油炒的臘味糯米飯。落單後還要等約3-5分鐘才到，上菜，已急不及待吃一口，糯米飯香且軟、臘味粒分布均勻、香氣四溢，重要是：吃完飯後，碗底見不到一層油…當晚，還見到六名〝老外〞幫襯，嘉玲姐，你好野！因為太好吃，忘記拍照……

今日正午幫外父出鴨記買個茶隔愛黎沖茶用，咁岩附近有蛇鋪，諗左兩諗，我唔客氣喇！立即走去同老細講，叫一碗細蛇行街，打包返公司當午餐。第一次幫襯呢間，感覺個羹唔夠香，加上味道清淡，只食到多少鹹味。之不過，我只係叫外賣都俾左一大包薄脆黎講，呢樣幾抵讚吖。(薄脆唔夠乾身，仲沾有油漬）