齒留香

Open Now

Now Closed

星期日午市繁忙時間一人來到，不用等位，搭枱是意料中事。不料比同枱對面兩個暴發戶慢了兩秒舉手落單，因而多花了兩分多鐘在等他們猶豫不決。及後我用了五秒時間叫了叉燒燒肉飯半肥瘦多飯，跟餐有熱飲之餘再送例湯。No.1叉燒：作為招牌菜，叉燒絕對一流，無論顏色、味道或肉質都無可挑剔，半肥瘦其實都沒有太多脂肪，入口蜜汁味相當濃郁，再搭幾塊瘦叉都是肉淋而不會柴，是為上品。五星燒肉：不過不失，有肥有瘦，上碟是冰冷而脆皮的，只是普通燒肉而不是燒腩，骨頭部份亦比較多，吃到第三塊燒肉皮亦淋了。例湯：紅蘿蔔煲瘦肉，飲得出味精，飲後會涸喉，味道可以接受。飯量：本人叫了多飯所以飯量非常足，飯的質素也屬中上。午飯價錢$53大元在太子不算便宜，總體質素亦算對得起售價。順帶一提搭枱兩位年過半百老人家，何以被我稱為暴發戶。他們兩人叫了一碟例牌叉燒，燒鵝下庄，油菜及瀨粉。可能是打算打包留作晚飯，每碟燒味吃不到3分1便作罷，埋單為$251左右。當然我不會拍下別人的飯餸，以目測叉燒質素比碟頭飯更肥瘦分明，大概會更好吃。離開時間為13:00左右門外已有十多人在輪候入座，想品嚐招牌叉燒的朋友記得早點來呀！

對燒味情有獨鍾的我，冇理由過門不入。甫入店舖，感覺淨潔，看似細小，原來轉彎仲有一排雅座。今趟點了燒鵝脾貴妃雞飯：未食已經聞到陣陣鵝香味！鵝脾皮甜甜的，皮好脆，第一啖已經令人陶醉！肉嫩不在話下，香到呢~~~ 根本唔捨得食，哈哈！附上的開胃甜醬唔需要點已經好夠味。至於貴妃雞，忘記了轉脾，雖然俾了雞翼，但勝在夠香及肉滑，下次一定要轉脾食真d！除了肉，都點了一碟蠔油生菜，好大碟呢！都只係$15, 好抵食！老火蕃茄薯仔湯都不錯，冇添加味精，飲完不會口乾。總括呢間燒味餐廳一流，難怪能獲得2018香港最佳燒味總冠軍，是實至名歸的！

有人話，離開香港一段時間，返到香港最想食嘅係細蓉，又有人會話絲襪奶茶，賣飛佛，係叉燒飯.睇頭條日報，見到有食評講齒留香，記憶中佢門口泊車比較方便，作為叉燒飯忠實粉絲嘅我，緊係即刻落去試吓啦！再加入近期食開嘅燒味飯素質都好差，所以對齒留香有一定期望.一去到門口，已經有人排隊，好彩唔係等好耐.見到有乳豬提供，即刻點個叉燒乳豬飯，可惜，乳豬賣哂！唯有叫燒肉叉燒飯囉，另外再叫咗個叉油雞飯.例湯係送嘅，但味道過咸，連我中意濃味嘅都覺得咸，可想至知味道有幾重.燒肉嘅皮勁脆，燒肉唔係太肥可惜燒肉肉質偏硬，同埋擁有一般燒肉嘅通病，太咸！油雞係水準之作，皮嫩肉滑.幫襯燒味店，我極留意一項，係薑蔥蓉，如果薑蔥蓉好味，即使一細碟已經可以送一碗白飯落肚，可惜齒留香嘅薑蔥蓉，薑蓉比蔥多，毫無蔥香，而且過咸，失望！如果薑蔥蓉掂，同油雞一同入口，簡單殺死人，可惜，可惜......最後叉燒出場啦，首先，依家d人成日講健康，sorry，我唔buy哩套，所以引至近年絕絕絕少見到燶叉燒，今次見到燶叉燒，絕對係驚喜！叉燒唔係瘦叉，肥瘦適中，瘦叉燒邊好食架！味道方面，雖然偏甜，但我中意濃味，淡茂茂邊好食架！雖然齒留香有好多失望

之前未有分店前已經想試而齒留香但得外賣店，而家有分店有位坐更加要去啦。環境格局普通舊式茶餐廳，不過食物先最重要。價錢係而區來說唔便宜，叉燒飯連野飲48$。我叫了凍檸茶，比較似糖水多d。叉燒飯來到，賣相OK, 飯一看便知唔掂，食落林得很，落得太多水了。叉燒吃落係有一種味同其他燒味鋪既叉燒唔同，醃料相信與一般街外叉燒有少少唔同，但整體味道又唔會因爲而種味而好好食，有焦濃邊而樣可以加分，最好既我會覺得係本身瘦果d部位佢都可以燒到林身，相信真係燒超過一個鐘。整體係有少少特別，但未至於驚為天人，價錢有少少進取，但叉燒份量算多，唔會俾少你。

出名叉燒 下午茶時間黎試下環境都幾新幾乾淨 👍🏻掛出黎既燒味都好有光澤 👍🏻食物：1.叉燒飯 單併 $48 + 凍檸茶 $3 👍🏻仲有碗湯（推介👍🏻建議要半瘦）好大碟 叉燒都好大件 好足料頭2-3件係半肥既 入口即溶燒汁都好足夠 每啖都好正不過食到最肥個幾件 比較瘦d 但總括係正既 🌟🌟🌟2.燒鵝 併 叉燒飯 $ 60 + 凍檸茶 $ 3😕😕好失望！✋🏻叉燒全部都好鞋好乾 有汁都無用另外 燒鵝 都一般 肉比較硬 🙁不過值得讚係大碟大件我個碟既叉燒大部分都係呢種🙁🙁埋單 $ 114 （佢一至五有下午茶燒味餐 會更抵食）

正所謂：去到邊食到邊、路在口邊今日就去到太子搵食，兩個人又想吃完快閃，唔太等位，有咩好選擇。立即搜尋附近餐廳；有間＂齒留香＂，個名好特別，咪去睇下。。原來係吃燒味飯，門口玻璃見到燒味都賣相唔錯，門口姐姐又熱情，好啦⋯⋯盛情難卻有午餐、下午餐、晚餐（價$$ 合理）姐姐知我們怕熱，安排我地座入面雅座。。冷氣涼d 😜😜😜兩個人叫左：一個午餐（雙拼燒味可配粉、瀨或飯、送例湯、送飲品（凍飲加$3）另再叫乳豬 一碟（例牌）乳豬：例牌分量都超過有10件左右,皮脆，入口即溶的感覺，唔太膩，整體味道啱啱好。叉燒：肉汁，嫩，有炭燒味道及蜜汁香味，*估不到跟餐的份量都咁多如果想半肥瘦，記得落單前要求。燒腩仔：皮脆、肉嫩有肉汁最鍾意有軟骨＂痴＂住，有咬口下次會再來，試燒鵝（見到人地食都唔錯）

American Chinese just love Roast goose after one and half a months in the USA I definitely know what I really want to eat the famous and always crowded 'Sweet barbecue and blossom teeth 'On Boundary streetis a professional barbecue restaurant I think their Roast suckling pig 🐷 is the best half roast goose here 138$Which is fair enough 😘I will come again ！

又是睇了新聞報導後一試...有無伏...可能比較夜到,不算勁多人,10分鐘可入來進餐,全餐三人食,都是衝著叉燒來,所以叫了三碟叉燒飯,價錢唔平,但碟頭充足,贊,真的足夠勞動人士份量,味道真的是獨特,有自己叉燒的做法與味道,肉質鬆軟,沒有像一些店舖好多時豬肉都有好太陣豬腥臊味!,我相信食開就一定食得出是他店舖的叉燒! 我三人中,有人覺的飯中的汁不夠,叫了伙記拿了一小碗汁,伙記都特意提醒,汁是非常濃咸的,不要落太多,(又真的好咸)大家不要落太多!總括:做的叉燒誠意,值得試, (不過味道好濃郁,可能不可食到太多次)

Hailing from Canada, I heard about this store from a pretty funny video where the owner was super hilarious and cocky about how great his BBQ food were.Having just recently visited a 1-star rated Michelin BBQ restaurant in Central, I can definitely say this store was on par, if not more superb. I bought the BBQ Pork and Duck on rice. Portion was enough for a heavy eater such as myself. The pork was soft and tender, with good mix of skinny/fat portion. The duck skin was crisp, while meat portion

放假難得早起，於是去食個early lunch先，喺Openrice見到齒留香好評如潮，放是去試一試。近太子地鐵站D出口，轉個彎就到，門面唔起眼，但見到掛喺㕑窗嘅一隻隻油雞，燒鵝同充滿光澤嘅叉燒，就知道已經到左齒留香。入到去，親切可愛嘅侍應小姐好快帶左我去一張枱度坐低，遞上一杯暖水同餐牌。本來想試乳豬，但侍應小姐話未有，於是改為試油雞脾加必試嘅No.1叉燒配瀨粉。午餐送足料老火湯或熱飲，於是打算試下個老火湯有幾足料，但侍應小姐又話個湯未煲好，於是失望地叫返杯凍檸茶再加碟蠔油生菜，補充下膳食纖維。話都無咁快，瀨粉已經送到我面前，燒味同凍檸茶亦隨即送上。碗瀨粉望落似米線，比較粗身，食落唔會太硬。然後當然輪到主角:叉燒同油雞脾。首先試No.1叉燒，叉燒望落充滿光澤，一咬落口已經知非一般叉燒，肉質非常軟熟，充滿肉汁，外趣內軟，外層充滿蜜糖嘅香甜味，中間嘅肉都好入味。No.1叉燒果然名不虛傳，不愧為2018年燒味冠軍，食完的確齒頰留香！接住試埋個油雞脾，外皮上色剛剛好，色澤均勻，急不及待夾一舊放入口，果然同樣無令我失望。雞皮爽口，無多餘脂肪，皮肉分明，雞脾肉質非常嫩滑，食完滿口油香而唔會有肥膩感

聽聞左咁耐，今日放假決定食下。吸引之處：1. 叉燒外層薄薄一層燒得乾同香。肉質好滑，而且有水份。成個口感好潤滑，肥美多汁。外層既香味令叉燒味道更加特出。2. 外層用蜜糖一齊燒過。蜜糖痴住外層叉燒。有種脆同痴牙既口感，的確整得好好味，有自己個人特色。3. 吃過好多間燒味，叉燒黎講，齒留香真係整得比其他燒味店更加用心。一食就知差別係邊。我諗老闆咁囂張，背後一定有佢好多既努力同成果去支撐。4. 乳豬皮香脆肉滑，中間層油唔會太多，所以食多都唔會濟。加甜醬食，味道更甜。乳豬都整得高水準。5. 老火湯煲左好耐，好重粉葛花生味，好甜。仲有大大舊豬肉，正！6. 今日食到既叉燒係最滑最淋又爽口既叉燒，蜜汁唔會太甜，處理得好好。希望下次再食既時候都保持返呢個水準，支持你。

前日見到有關於呢個燒味既短片一出，今個星期六就立刻去試下係咪真係咁堅！星期六中午又唔算好多人，一去到就有位啦！今次叫左叉燒燒肉飯，大約幾分鐘後就上到我面前。我見到後，立即嘩左一聲，份量超多！當然係要試左叉燒先，入口好淋好入味！只係叫左正常叉燒已經淋成咁，好似食緊半肥瘦既感覺！然後再試燒肉，雖然個部位都算幾瘦，不過完全唔鞋口，個皮係燒得好脆！呢個價再加呢個水準，真係冇得輸！同其他燒味餐廳冇得比！一定會再黎食！

日日放工都見到勁多人係到等斬料，難得今日無帶飯，就衝黎試下。係門口睇以為佢好少位，但原來內有乾坤。午市係無set既，都係照Menu咁叫飯。佢定個價位比一般燒味飯高，但黎完我就明佢點解，因爲佢份量真係好多！你睇我叫左個雙拼，佢既份量基本上係一般燒味飯既1.5倍，而且重點係佢大件夾抵食！D 燻蹄我食過最好味嘅！好彈牙，肉質又好滑！而且唔會有一啲七彩顏色嘅油喺上面(街市買個d好興！)點白醋食真心一流！ 牛展都炆得啱啱好！軟硬適中！ 滷水味唔算好濃，但係都隱隱約約食到啲花椒八角味，淡淡地我都幾鍾意。本身諗住叫個五寶，可惜鹹蛋買曬所以就轉咗個四寶，有乳豬有燒鵝仲有叉燒燻蹄，呢個四寶都幾好味！乳豬皮好薄好脆，下面既肉滑捋捋，好好味！燒鵝燒得好香，都係皮脆肉滑！叉燒係正既！係我鍾意嘅瘦叉！一個字：香！食咗咁多肉點可以冇菜呀？所以我哋叫咗一碟菜！ 生菜都幾清脆，正正常常無咩特別！每個餐都有一個嘢飲同埋一個中湯。老火湯都幾好飲！雖然已經食得好飽，但臨走之前都係忍唔住叫咗隻乳鴿，可惜佢脆皮乳鴿賣曬得返 鹵水乳鴿，好彩呢隻乳鴿都不負眾望！keep住有乳鴿香！皮好嫩肉好香！ 整體嚟講呢間嘢都係好值得推介嘅！

齒留香嘅舊店我已經幫襯過好多次, 依家佢喺太子開分店, 身為食肉獸嘅我梗係要踩下場啦, 哈哈. 呢間舖好近港鐵站喎, 太子站行過嚟, 3分鐘就到, 夠晒就腳.望落舖面細細, 原來裡面窄窄長長, 都坐到三十幾人.我去到時 full 晒, 要搭枱, 不過啲嘢好食, 坐迫啲都冇緊要啦.今餐我當然係叫返佢招牌叉燒+燒肉雙拼飯啦, 食肉獸要啖啖肉先至爽㗎嘛, 我仲要指到明要靚肥叉!肥叉好夠林, 加埋薄薄嘅油脂夠曬香, 正!!!燒肉又係肥瘦層次分明, 口感好, 吾咸, 點埋芥末更加可以帶出燒肉嘅肉味. 不過如果燒肉皮可以再脆啲, 就會更加加分囉.碟雙拼飯本身好夠分量, 加埋個例湯同埋餐茶, 夠曬飽. 到我走嗰陣時仲有好多人等緊位, 証明好嘢梗係多人識得欣賞~ 值得等下嘅各位!

喺公司附近成日都見到呢間燒味鋪排長龍， 今日收工有時間， 所以去試下先 星期六嘅兩點都仲好多人喎。。。喺門口等緊位嘅時候，已經見到話今日乳豬沽清，有啲失望添 等咗15分鐘左右終於有位喇 ~舖頭地方唔算大， 大概十張4人枱左右， 又係繁忙時間，所以要搭枱坐。啲店員幾親切， 做嘢好快手。可能好多係街坊熟客，大家都有講有笑， 都幾熱鬧。今餐我叫咗燒鵝燻蹄雙拼米粉，本身跟左一個中湯，同一杯熱飲 ， 我再加多個菜心 個中湯好夠味，大大隻雞腳，正~主角到啦。。。 餸同埋米粉分開上，唔會浸到淡曬，都幾細心。份量都好多， 賣相都幾吸引 先試燻蹄， 好爽好彈牙， 點埋個醋汁，好味 燒鵝就冇平時食開嗰啲咁肥，不過啲肉唔鞋 ，肉質幾好，點胃酸梅醬都好正。米粉個湯底冇中湯咁濃味 ，但加埋啲辣椒油真係超好食 (佢個辣椒油超好味， 唔係太辣，我落咗5羹，真係好好味， 同米粉好夾)15蚊加碟菜心，好大份喎，抵食!最後嘆埋杯熱檸茶，今個 lunch 好滿足