上海三六九菜館

Open Now

Now Closed

喺會展做完嘢走嘅時候見到呢間餐廳，之前都一直有聽講過佢嘅上海菜係好傳統係好食嘅。九點幾左右門口仲有幾個人等緊位，等咗大概2分鐘就有位入去搭枱食飯。兩個人叫咗4道菜，分別係擔擔面小籠包煎餃同上海粗炒。擔擔面：湯底濃郁，辣度適中，面質坦牙好食，如果有更多花生就便好。小籠包：皮厚薄適中，份糧為一口份，裡頭嘅汁唔會話過多或過熱，味道不俗。煎餃：比較上皮較厚，而肉質有小小干身，整體味道較淡，有少少失望上海粗炒：性價比較低，味道一般，同埋只有蔬菜為配料。整體上會再黎試，其一小籠包同擔擔面吸引而價錢又抵食，其二畢竟見到其他食客叫了其他傳統上海小菜，都想試過究竟。

很喜歡去這店食飯，尤其喜愛上海湯面，必叫的。大班人去食可以叫很多菜式，小籠包、窩貼、上海粗炒、雪菜肉絲面等亦很出聲。自己去食就會叫外賣每次都叫上海湯面，是我至愛。推介給大家

嫩雞煨麵 $45呢款係偏濕潤既麵食，感覺有啲似食緊羮咁比較稠身，麵浸係湯裏面食落口感稔軟，裏面有好多雞肉粒、小棠菜、仲有荀，味道偏清淡。 排骨菜飯 $47豬扒係分開上既所以可以保持脆身，食落都熱辣辣，豬扒厚度一般，略嫌佢肥瘦不勻稱，有啲位真係只食到肥肉🙈，調味都入味，所以連埋較淡口既菜飯一齊食味道反而平衡到。而菜飯係不過不失，無乜特別驚喜。 小籠包 $36呢度既小籠包令K幾失望😣，上枱時小籠包放到東歪西倒咁，賣相已經扣分了😑，而且小籠包皮好厚身，同樣不合格，重點既湯汁份量亦唔多，食完唔會有好滿足既感覺，36蚊得5隻，呢個價錢真係完全唔值🙈

上海菜在香港並不陌生，連鎖店多的是。今天飲食新聞眼為你推介：灣仔上海特色老店。餐牌上款式以上海點心、湯品小菜為主，另有港式小炒，為附近上班一族、遊客增添新意。小籠包手工感重，每一顆形狀不一，肉質新鮮多汁，不似一早冰鮮冷藏著的。而且用菜葉墊底，保持肉嫩又能減少受到水分的影響。酸辣湯個人認為偏酸，但帶辣。能夠吃出材料本身的味道，不會給辣味全都蓋過。一篤鮮眼見足料，而且熬出奶白濃湯。另外金華火腿的鹹香都滲透到湯中。豆沙鍋餅老闆娘請客，十分好客！我本人非常愛吃豆沙，但即製的一試便知曉。另外豆沙甜度不偏不倚。細問之下，豆沙來貨也不便宜。最後，要數令我念念不忘，也只有此間上海店！因爲全手工，又有誠意。店員雖是老伙子，但都懂兩文三語，日文也可！非常驚喜！

久違了的 "上海三六九菜館" ! 午市客飯!菜心獅子頭明明係白菜, 點解叫菜心獅子頭? 😂😂😂 肉球肉質嫩滑, 唔會死實實, 又唔會一 pat 嘢咁! 醬汁濃厚, 白菜新鮮, 仲有幾件木耳! 送飯一流...不過呢...有無人知點解客飯套餐會比2碗飯? 😳招牌麵咩餸都有嘅麵! 蝦仁, 雞 (醉2雞?), 大腸, 火腿, 肉條 (因為好粗, 所以唔可以叫肉絲), 仲有一隻荷包蛋...大雜燴是也! 啱晒貪心又有選擇困難症嘅人! 只係我覺得麵好大陣梘水味! .小籠包皮薄, 爆肉汁! 正's 好彩無食到一身都係醬汁

沿住成條告士打道兩旁全部都係食肆，灣仔返工的朋友真係好多選擇，今日就黎到呢間位於柯布連道的三六九飯店吃午飯。餐牌上有好幾十款午巿套餐俾你揀。地叫左一個上海粗炒同埋一個白菜炒豬肉，一黎先黎碗老火例湯，係青紅蘿白煲豬骨，味道唔錯！我碟上海粗炒好快就到，熱辣辣香噴噴，係我一貫心目中上海粗炒的形象。粗炒最重要係夠熱同埋夠鑊氣，先至唔會痴埋一舊，三六九溫度掌握非常好，熱到辣咀。一路夾起粗炒啲煙係咁出，惹味非常！配埋肉絲同上海大白菜，加埋老抽調一調色，真係色香味俱全。之後就黎個菜心牛肉片（$47），明明叫菜心牛肉，可能廚房冇菜心又冇牛肉，結果黎左碟白菜肉片。習慣左逆來順受，尤係對住廚房大佬，有最大限度的「包容」。難得白菜心切開細細棵，唔會令人食到狼狽，細心位抵讚！豬肉炒得好香，亦係熱到辣咀，心滿意足了。

想當年，要食上海菜館，唔係去三六九，就係一品香，基本上每區總有一兩間。平價嘅客飯至貴價嘅熏魚，鱔糊都有，豐儉由人！但可惜舊式菜館漸漸被時代淘汰，而家只剩低灣仔店 時代變千，但依然故我，係三六九嘅態度。由我嘅少女時代到而家成為資深美女，三六九嘅味道依然不變！堅守住濃油赤醬嘅老上海味道。近日同朋友食晚飯，順便嚟懷念一下。小籠包 - 舊式小籠包主要係食佢嘅皮薄肉香，純豬肉餡只用醬油、糖、薑汁嚟醃，啖啖都係肉香。因為唔係小籠湯包，趁熱食都唔會好辣咀 回鍋肉客飯 - 濃油赤醬完美展現！青菜爽口，薄切白肉＋豆乾吸滿甜辣醬汁，一定要配白飯（客飯已包2碗）！酸辣湯 - 由細飲到大，貪佢湯料豐富；有豆乾、木耳、筍絲、豬紅、蛋花…… 味道鹹辣刺激，淨飲，配麵都好夾！豆沙鍋餅 - 嚟到三六九，一定會食埋甜品至走，每次都係豆沙鍋餅或者高力豆沙！豆沙鍋餅啲餅皮煎到香脆，配上滑溜嘅豆沙餡，好滿足嘅一餐！店舖空間唔算大，好多時都要搭枱，但香港人應該習慣啦！

點左記憶中懷念嘅上海菜：1. 雙檔2. 螄蚶3. 咖喱魷魚4. 賽螃蟹5. 上海粗炒6. 炸豬排7. 鍋貼8. 獅子頭9. 醉豬腳全部都好好味，還是老味道。下次再番去吃蟹粉麵、酸辣湯、小籠包、鱔糊、菜飯、砂鍋雲吞雞！

點解排骨面可以做到完全冇味，個湯底咩味都冇，應該只係落咗老抽，d比紙更薄的排骨燶到硬哂！什錦蓋交飯d 食材係咪過咗期嘅内臟？太難食喇，我地係第一次食到一半頂唔順走咗，以後唔會再幫襯。

今日同朋友嚟到灣仔會展附近突然之間想食上海菜就嚟到一間懷舊上海餐廳，大約七點嚟到唔使等位就入到黎，仲有卡位坐嚟到上海菜館點可以唔要小籠包呢，呢度啲小籠包下面會用菜放底一齊蒸，雖然賣相普通但未到10分好食。仲有叫咗酸辣湯，酸辣湯有多料又大大份，三個人差啲飲唔哂。炒回鍋肉抵食自選，一開始以為菜多過肉，點知原來只係比菜遮住咗，依度啲回鍋肉唔會好肥，夠晒入味鑊氣送飯一流。雖然依度啲夥計看似粗魯，但其實好有禮貌會好主動收碟，同幫我地加水，值得讚

Wanted to grab a quick dinner before our movie date and came here to try out luck. There was a line when we got to the resto, mostly mainland tourists in large groups. We were lucky to get a 2person table within 5 mins.We ordered the crab yolk noodle, which was a dry egg noodle generously covered by crab yolk. The quality of the crab yolk was average this time. Could tell that at least 10% of the crab yolk wasn’t as fresh as it could be.The pork xiaolongbao was consistent in quality. Steaming ho

依家搵間上海正宗老飯店已經好難，難得灣仔仲有呢間超過五十年嘅老飯店，更係要帶媽咪去試吓啦！一入去，見到一張張鋪著紅色枱布嘅枱，好有舊上海菜館感覺呀！一坐低侍應就放上每人一杯茶，就係呢杯好清香嘅香片茶呀～ 細個時最喜歡飲㗎，印象中只有去舊式上海飯店食嘢才會有的。今晚我就試咗幾個最平凡嘅上海食品，先嚟皮薄多汁嘅“小籠包”，再嚟係“上海粗炒麵”味道尚算可以，但可能係廚房已一早炒好用熱煱熱住嗰啲，所以較淋同碎，“青菜煨麵”都係一般，最後就係“砂鍋雲吞雞”，鍋內有四至六件雞同已滾到皮差不多甩嘅雲吞，同岀面食過用半隻或全隻雞上有唔同，湯頭味道濃郁，湯夠熱再加上大白菜絲，都算唔錯👍🏼👍🏼！

久違了的 "上海三六九菜館" !午市客飯!菜心獅子頭明明係白菜, 點解叫菜心獅子頭? 😂😂😂 肉球肉質嫩滑, 唔會死實實, 又唔會一 pat 嘢咁! 醬汁濃厚, 白菜新鮮, 仲有幾件木耳! 送飯一流...不過呢...有無人知點解客飯套餐會比2碗飯? 😳招牌麵咩餸都有嘅麵! 蝦仁, 雞 (醉2雞?), 大腸, 火腿, 肉條 (因為好粗, 所以唔可以叫肉絲), 仲有一隻荷包蛋...大雜燴是也! 啱晒貪心又有選擇困難症嘅人! 只係我覺得麵好大陣梘水味! 小籠包皮薄, 爆肉汁! 正's 好彩無食到一身都係醬汁! 😂😂

晚上10點才想到要食晚飯，想到來369，估唔到呢個時候仍然高朋滿座，幸好還有最後一張空枱。原本打算專攻小籠包，點了兩款-豬肉小籠包皮薄多汁，非常美味，食完再encore；蟹粉小籠包卻是大失所望，不但味道腥，而且因為蒸得過久而穿了皮，湯汁全都漏晒出黎。忽然看見牆上的手寫餐牌上有蟹粉麵，就點來一試。結果全晚最好食既就是蟹粉麵。每一口都是濃濃的蟹粉，而且新鮮。120蚊一碟十分超值！蟹季完結之前肯定回再光顧！

同婆婆、囡囡行書展前要叉足電就係會展附近揀咗呢間餐廳坐低一嚟到要坐燈仔等，等左大約10分鐘左右就有位被安排到坐係一張大台嗰度搭枱，加埋我哋三個張枱總共有三批人但係食到一半，咁岩有一行11人味道，所以我哋要換枱，老闆娘請咗個女飲汽水當補數，算係咁啦黎到一定要食小籠包、鍋貼、生煎包 - 每次食都覺得佢好好食上海粗炒 - 一如以往嘅好味今次叫咗芽菜炒鱔糊 - 吵得唔錯，$168豆腐魚雲煲 - 呢個煲算抵食，$90一老一嫩一成人，三個人食咗$500