八居酒屋 (天文臺道) (Closed)

餐廳門面夠哂大，有幾張台for室外！岩哂一d遊客同埋煲煙人仕，前者更體驗到香港既感受，後者則無需出出入入咁麻煩~室内環境亦很不錯~超高樓底環境一d都唔迫~裝修又新穎！帶黎舒適既感覺 白桃梳打~味道幾清香！杯底有d白桃果肉沉澱~果肉香甜。甜味剛好，不會死甜帶人工化~味道蒲燒鰻魚~上台時味道香濃！表面燒到比較香脆~而内層既魚肉以鮮樕帶清甜鰻魚汁更是當中既靈魂！！夠哂多汁惹味~鰻魚已切成小件，鰻魚邊皮帶點皮，骨膠源感覺湧出來了免治雞肉串~我覺得應叫雞肉棒因為好大條！又夠哂足料~入口内層帶點雞軟骨既脆口，令係口腔內既口感更佳！配埋隻生雞蛋一齊食！！woo....陣陣蛋香超香好味炸雞稻庭烏冬 ~烏冬絕不取巧！唔係細細碟的~夠哂份量，湯底好清香！烏冬麵底則煙煙unun帶咬口！而份炸雞內層既雞肉仍然juicy雖然細粒左dd~但係味道搭夠食埋粒甜品，芒果and綠茶雪糕糯米糍真係正哂~~

朋友介紹尖沙咀開左間新居酒屋，午市時間經過就去試試。白桃梳打。夏日炎炎喝杯冰凍的梳打汁，白桃輕輕甜味，桃味頗是突出，感覺清香。仙台厚燒牛舌定食。午餐包括白飯、前菜、沙律、味噌湯和甜品。牛舌厚切嫩滑軟腍，入口焦香香口，粉嫩色的牛舌頗是嫩口，有另一種口感。厚厚一片口感豐富，味道頗是滋味。另點上燒秋葵。爽脆秋葵入口清新清甜，輕輕咸香燒得不會太乾身。目魚絲更添咸香味道，頗是健康之選。

日本菜有壽司刺身、串燒火鍋，我偏偏鐘意食日本串燒。尖沙咀有間新開業的日本菜，午市有套餐供應。仙台牛舌厚燒定食。牛舌厚厚一片，顏色粉嫩軟腍，入口軟中帶點爽口，味道非常香口。牛舌燒得嫩滑輕輕焦香非常滋味。套餐的小食是煙鴨胸，肉質爽嫩完全不乾身，沙律醬帶出新鮮的感覺。牛肉湯頗特別，味道鮮甜不會過咸。多叫一客牛油粟米。滿滿濃郁的牛油香，清甜不會乾身，粒粒多汁豐富。午餐包括甜品，雪米糍冰凍煙韌，甜甜的頗是清新。

想朝聖出名的韓國烤肉 但大排長龍。周圍行下 見到呢間日式燒肉居酒屋 店內裝修令人感覺舒服 空間感很充裕 反正都挑起左食燒肉的意慾 一試無妨。燒肉種類很廣泛 眼花繚亂 心大心細。牛怪既我先點一客網燒安格斯肉眼（七成熟）～Juicy!!!! 肉眼肉汁豐富 口感軟熟 配上黑醋汁沙律菜 牛肉粉絲一定要試。雞鎚三味燒～原來是雞胸三味燒 不過雞胸無貨 原本諗住啖啖肉。但雞鎚已經開左邊 所以食起來都好方便。雞肉燒起來外脆肉嫩 外面焦焦金黃 惹味。配上三種口味：梅子～酸酸的梅子味 很清新 提昇了雞的鮮味。Wasabi沙律汁～香口 wasabi的辣辣甜甜很配搭雞肉。明太子咸甜交錯 層次很豐富。紅酒鴨胸～大大碟 鴨胸半生熟 鮮嫩扎實 入口鮮嫩多汁 帶有淡淡血酒的甜 配試醃製洋蔥一起食 推介！燒大啡菇～外面脆脆地 菇身唔會太乾 依然juicy 帶有海鹽的味道！豆腐沙律～我好鐘意日式芝麻醬配豆腐的食法 平時在屋企都會自己做。豆腐夠凍 結實得來有軟滑感 芝麻醬香氣撲鼻 粉絲的我當然鐘意。食飽飽 仲有芝麻和綠茶雪米糍食 正！P.S. 因為去洗手間 發現隔離店既西班牙菜好像好正 平日都爆曬場 下次要試下。😊😊

今日來到尖沙咀開會，先吃個午餐才有力量。經過天文台道，發現一間新餐廳，頗有酒吧氣氛。環境大又舒服。午餐餐牌選擇多。仙台牛舌厚燒定食。牛台燒得非常軟腍，粉嫩色的牛舌入口咸香不乾身，厚厚一片口感豐富又不嚡口，有點部位帶點焦香。定食包括小食沙律湯汁和甜品，價錢尚算合理。甜品是兩粒糯米糍，喜歡甜品的甜度剛好，冰凍煙韌。老闆見我喜歡，剛好再送我兩粒。

這餐廳用塞翁失馬焉知非福來形容確是貼切，話說本來已訂好枱去另一間食日本菜，點知無奈被取消🙄只好轉戰就近這間，貪其開揚的玻璃門面，室內環境有點小文青木系Cafe感覺😍但真身是日式居酒屋<Lychee Special Cocktail> <No.8> 🍸$69 來得居酒屋當然先點酒吧，此酒荔枝味濃郁帶清新香味，酒唔會搶口但剛好👍另一杯係用了店名8做酒名，梅味比較重💫而杯內仲有華麗嘅金箔<櫻花蝦凱撒沙律> 🌱$68五彩繽紛嘅沙律菜上放滿勁多櫻花蝦，新鮮蔬菜配上鹹香嘅蝦👅先開個胃口<巨型大啡茹> 🍄$48大啡茹輕微烹調過，再加上醬油跟木魚提味💦茹身鮮甜又多汁<油揚豆腐> 🍥$68外皮微咋過，但內裡還是嫩滑😌只曬上葱花跟帶汁蘿蔔蓉，已經夠美味<鹽燒三文魚腩> 🐠$38三文魚腩只曬上鹽花微燒，而足夠做到魚皮微脆內裡肥美帶魚油香<免治雞肉串> 🍡$38啖啖肉雞串燒得外層微焦,再配上日本生雞蛋真係不得了😏送酒一流<明太子牛油炒露筍> 🎋$88一直都在吃肉，中途來個露筍剛好😋用

路過見有新餐廳。午餐餐牌好吸引。所以專登去試。叫左最想食嘅燒牛舌set，不過可能期望太高啦，黎到個樣好靚。套餐有沙律、白飯、牛肉清湯、鴨胸、牛舌同一堆旺菜。伴菜全部都好正常。但牛舌令我好失望呀。牛舌切唔薄，但好。多。筋。有幾片清楚見到血管。有少少咬唔開俾我放棄左。同事叫左生薑豚肉燒。豬肉片好瘦呀又切得厚，吸唔到汁嘅味，但汁又鹹左。失敗。餐後仲有甜品。係每人兩粒雪米糍。味道好正常。

萬聖節對我黎講已經唔係咩扮鬼扮馬既節日，萬聖節梗係要食餐豐富既慶祝下！今日去左食居酒屋！叫左個免治雞肉串。同我去日本食既一模一樣。雞肉串鬆軟而且用左日本醬汁，好味！加埋雞蛋汁，好幸福！之後叫左個網燒安格斯肉眼。呢個先係重點！七成熟真係七成熟！牛肉既鮮味一入口就出曬黎！而且唔會醒，加埋日式醬汁，好高質！食左好多塊，肉汁同醬汁真係好夹，好耐冇食過咁高質既牛肉！鍾意食肉，所以又叫左個炸牛舌粒。牛舌味道好重，新鮮。呢度野食高質係肯定既。之後上埋我既魷魚一夜干。魷魚上面果層特別香，加埋沙律醬，口感彈牙。普普通通既野食，但整到味道好好！因為叫左太多肉，最後叫左個油陽豆腐。呢個豆腐幾得意，有少少薑味，又有蘿蔔絲，味道幾夹，同埋豆腐味道係濃既！最後慢慢飲埋自己既白桃蘇打，吹下水，係呢個環境優雅既餐廳度過一個悠閒既萬聖節！

好姐妹新居入伙 搬完一大輪傢私 累到可以吞下一隻牛。哈哈。求其落街搵食 見到一間新開的居酒屋 有好出名的仙台牛舌 牛舌粉絲的我 毫不猶豫就入左去。豆腐沙律*日本凍豆腐幾滑 豆味幾香濃 配上翠綠新鮮沙律菜 車厘茄 亮點絕對是芝麻汁 芝麻味非常香口 黑白芝麻相映成趣 夏日醒胃之選。厚燒仙台牛舌*牛舌燒起來 半熟狀態入口有彈性但很嫩滑 肉汁豐富 只是加了鹽 已經充分帶出牛舌的鮮味。再配上自家製醃菜 yummy! 鹽燒秋葵*秋葵係迷你版 好翠綠 嫩口 燒野菜通常偏乾 但秋葵依然唔會太硬 伴上海鹽 木魚絲 口感不錯。免治雞肉串*店員推介。日本空運雞肉 人手剁碎 再做成串燒的樣子 然後用秘製醬汁燒 再沾上日本生雞蛋 既有滑溜蛋香 又有燒雞肉香味。豚首肉西京燒*麵豉醬燒豚肉 口感像豬頸肉 肉質juicy 惹味！燒肉配上清酒或者梅酒最夾 可惜今晚要揸車 只可以望著餐牌流口水。

海馬襲港，週四晚已預告週五好大可能會掛八號風球，XO仔就立即約會honey打風前短聚，地點就佢喺尖沙咀一家日本料理「八 居酒屋」。餐店並冇花巧o既裝潢，不過勝在樓底夠高，光線柔和，感覺都幾潮。由於情人飯後仍要工作，小肥就自己叫咗杯清新涼快o既鎮店雞尾酒「No. 8 Signature Cocktail」（$69/杯）輕鬆吓。眼見傍晚時份客人不多，兩口子就先從推介黑板點選咗兩味小食。日本阿波尾雞心串（$48/串）：雞心質感如雞腎般爽厚，送酒佳品也。炸七味牛舌粒（$78）：講真牛脷就食得多，不過今次都係第一次食炸牛脷。炸牛舌粒外層乾巧鬆化，牛舌爽潤有彈性，好特別。Honey要食菜，所以就叫咗客沙律同塩燒秋葵。蟹子沙律（$68）：蟹子沙律爽幼甜美，極啱細佬口味。塩燒秋葵（$28）：印象中，小肥好似冇食過咁大條o既秋葵，意外地口感比起細細條嗰啲更為脆口，而且味道一啲都唔苦澀。試過「炸七味牛舌粒」的確唔錯，二人就決定叫埋廣告牌上o既「仙台牛舌」。仙台牛舌厚燒（$128）：仙台牛舌可選塩味或味噌調味，嘻嘻，XO仔好貪心地要咗鴛鴦口味。雖說牛舌為厚燒，但如相所示，牛舌被切成薄片，入口容易，食落仲爽脆

「居酒」，在日本的文化中是代表「停下來喝一杯」的意思。而早在江戶時代已有「居酒屋」，隨著時代的發展，居酒屋不只是提供酒類，也會提供食物，特別是佐酒食物，而且往往是提供一些較有質素的食物。偏愛日本菜的我倆除了喜歡到壽司店外，居酒屋也是我喜歡的餐廳類型，可以吃著有質素的日本菜外，也可以邊跟酒邊談心。這次嘗了一家新的居酒屋——「八 居酒屋」。從餐廳外表看，在裝潢方面融合了日式及西式的原素，所以看起來有點像西式的bar。但從門口的餐牌就看到日式的食物。走進餐廳內，西式的原素更明顯，在牆上看到一幅幅寫著不少好的caption 的板子，很有格調。而座位與座位之間的間距也很寬敞。餐牌也是挺用心設計過。先點了兩杯飲品，雖然來到居酒屋應是點些酒，但看到餐牌的梳打後就很想喝，就我選了點了白桃梳打，而他選了巨峰提子梳打。白桃梳打很好喝，桃味夠但不假也不太甜。再來的是蟹子沙律，青瓜跟蟹柳都切得很幼細，可見廚師刀功了得，而沙律本來也已拌了蟹子，再在上面加了很多蟹子，很好的。然後是北海道帆立貝牛油燒。一隻大大的北海道帆立貝切成四小粒，用牛油燒過後更香，略為美中不足的是調味是咸了一點點，但整體還是不錯的。接著的是大

難得三位好友聚會，晚飯後當然會再找落腳點，談天說地。此店主打日本清酒的Cocktall，以爐端燒的小食，以有別一般居酒屋的串燒形式，其中一位好友喜愛此店，所以特此再光臨。坐下後，發覺店內寬敞舒適，燈光並不是光亮那種，很合適詳談的氣氛。我們點選了食品及飲品，飲品不用多久已經送上。三杯飲品都不同，主要都是由Vodka及日本清酒再配上其他混合而成，也各有特色。NO.8，配上其他酒較多，相對酒味較濃，當中帶小許甜。Lychee Special，杯中除了一粒荔枝作點綴，除了酒味外，也較重荔枝香氣。Sake - Sake，當中加了較多果汁，而且主要是蘋果汁，相對甜味及果味較重。先來的小食是仙台牛舌，是厚燒，口感上並不似牛舌，反似是牛肉條的感覺，彈牙爽口，右邊的原味，左邊的是鹽燒，或許是鹽燒，較原味稍鹹但並不太重，而外表也較燶，相對較香口。再來是和羊風特制炸雞，外表與韓式炸雞無異，入口卻肉汁豐富，並不覺得太乾，香脆可口，配上檸檬汁更覺雞肉的香味。網燒安格斯肉眼，入口軟滑，肉汁豐富，雖未至入口即熔，容易咀嚼，可是口感上若能煮得較生一點的話，想必肉味更濃。大虎蝦伴海膽醬，蝦的大小的確令人有點驚訝，海膽醬

平日返尖沙咀，但好少過天文台道揾食。咁啱朋友公司係嗰邊，今日放工過去揾佢食飯，順便拎手信，所以就係附近問佢有咩推介。佢帶左我去食日本菜，原以為是間西餐廳，因為裝修好西化，高樓底配上大大的落地玻璃，空間感好強。西式餐枱，又有bar枱區，完完全全就係間西餐廳格局，但卻原來是居酒屋。餐牌設計好有玩味，帶點中國色彩。見門口推介其仙台牛舌，當然要試下。點左沙律、豆腐、燒三文魚腩、露筍、雞肉串及大啡菇，大部份都係啲佐酒小物，諗住慢慢食，吹吹水。咁當然要點返杯野飲盡興。餐廳提供的Sake好多，貫徹傳統居酒屋的做法。飲品先上，毛點左巨峰提子特飲，朋友點左荔枝Sake。巨峰特飲唔太甜，好香提子味。荔枝Sake的荔枝味香濃，酒味亦香醇。先來是櫻花蝦沙律，滿滿的櫻花蝦灑在沙律菜之上，火箭菜、番茄、生菜、洋蔥，紅紅綠綠的，菜很爽脆，顏色鮮艷又豐富。然後來一客鋪滿了木魚的大啡菇，木魚絲生動非常，蹦蹦跳咁樣，菇多汁而不乾，配上簡單醬油，已經帶出菇味。油揚豆腐、鹽燒三文魚腩及免治雞肉串都陸續上枱，上菜速度有效率，讚👍油揚豆腐厚切，份量頗多，灑上青葱，淋上醃好蘿蔔蓉，豆腐本身不走滑嫩路線，但食起黎，卻有傳統日本豆腐的

今次4人行一齊去尖沙咀搵食,小胖女帶住我地去左韓國街本來諗住食韓燒,由於晚飯時間成街既食店都坐滿哂人,行到去天文臺道個陣就見到一間居酒屋唔洗點等位,小胖女就9秒9 咁衝左過去啦黎到見應該新開張無耐,整體感覺似西餐+酒吧,當然叫得居酒屋,小弟都驚淨係得D輕食唔夠飽,所以第一時間就睇餐牌啦餐廳主打串燒飲品為多,唔夠飽仲有烏冬叫,我地都叫左好多野食,分別叫左炒蘆筍,芥辣八爪魚,唐揚豆腐,免治雞肉串,燒大菇,仙台牛舌厚燒,黑豚肉眼,網燒安格斯肉眼,海膽醬大虎蝦,燒元貝,雞翼同炸雞稻庭烏冬,飲品就叫左杯蘋果汁,一杯巨峰乳酸,其他就啤酒首先就係炒蘆筍阿,八爪魚豆腐呢D輕食野,開胃又爽口,之後開始上D飽肚野,雞肉串,燒大菇同雞翼送酒送飲品都非常適合,然後就係三款肉類出場啦仙台牛舌燒得岩岩好,唔會太韌,小胖女本身唔食牛舌亦都忍唔住整返舊,用黎送酒相信都非常唔錯可惜小弟唔飲酒,只係見佢地食得好津津有味咁款,黑豚肉眼大家睇相都望到賣相非常之吸引啦食落當然無牛咁多汁同滑,但估唔到燒豬肉眼都好香同爽口,仲有配上沙侓同胡麻醬,點黎食又正,淨食都正,食到呢到都開始有D飽意啦,再送上一碟網燒安格斯肉眼當然小弟最愛牛

好朋友就生日，諗住搵間坐得舒服又好食嘅餐廳同佢食餐 Pre Birthday Dinner, 呢間喺尖沙咀，地點又就腳，就呢間啦。早兩日已訂好花同禮物，諗住今晚俾個驚喜我個好朋友，希望佢會滿意我呢份心意。今晚我哋叫咗好多個菜，食得好滿足。仙台牛舌厚燒味噌 $128每次有牛舌嘅餐，我都會點一個嚟試下。呢款牛舌有兩種味，分別係鹽味/味噌。侍應推介叫我哋試下味噌，呢個牛舌視覺效果好靚，淡淡的粉紅色，入口好軟熟，再配埋個配菜一齊食，酸酸辣辣幾好食。值得推薦，可以再食。名古屋炸雞翼 $38雞翼炸到金黃色，入口重係熱辣辣，啱啱炸好，好新鮮。鹽燒三文魚腩 $38油份都重，口感夠滑，少少咸。明太子牛油炒露筍 $88呢樣感覺普通，無咩特別。明太子個味道唔係好食得出，反而牛油味香口。網燒安格斯肉眼 $138有驚喜，口感好soft, 又夠 juicy, 份量又多。下次去必定再叫呢個。大虎蝦伴海膽醬 $128海膽味唔算太出，但蝦就好彈牙，size有成隻手板咁大隻。但$128/1隻就覺得有d貴。Apple juice $38問咗侍應有咩推介，佢叫我試下呢杯蘋果汁，底部淡淡的紅色係幾靚嘅，但感覺太甜了，有d難入口