赤橋拉麵 (Closed)

店鋪位置不算難找，但比市中心情地帶還是有點偏，要轉輕鐵到達景峰再走5分鐘路過去。是次門外等待的位置有點腥味，不算太誇張，但希望店家能注意一下。店外的食法紙被擋著了，店家貼出來的用意是？？＝ ＝？？店比較小，服務員不多，都在忙碌。服務不算好不算差，當然能多點笑容或能介紹店的食物會更好。海老豚骨拉麵＄83即蝦子豬骨蝦濃湯拉麵，紫菜一般沒有香氣，筍正常的好吃，肉三大片，尚算嫩滑肥瘦剛好而且滿足，糖心蛋足夠流心，麵是我愛偏硬的質感，滿滿的九州小店感覺。湯頭吃得出比連鎖店更有心機，濃厚但不人工的味道。但要說濃郁鮮味得令人驚喜則不至於，有蝦香，有豚香，但總感覺差了一點突出的感覺。黑油豚骨拉麵＄80即黑蒜油豬骨濃湯拉麵，吃下有黑蒜的香氣，還加上蒜片，重口味人士的最愛，但是次蒜片帶點苦口令蒜更重口，感覺黑蒜油太搶戲，其他配料跟店中其他拉麵一樣。以屯門村區來說，價錢略高，份量算足，味道吃的是小店的感覺，不會特地去，但住附近或經過者可以一吃。當然，在市中附近，又不想吃一成不變連鎖拉麵的味道者，可以特地一試。，是次朋友特地由荃灣到屯門就是為了試一下這家的拉麵，但不算難

2個人食個lunch +tea. 成日諗住黎呢間拉麵，但次次都要排隊。今日都有6-7個人排，但老公話好想食咁好啦，大熱天時30幾度就同你排下。。。排左約4-5個字，身水身汗，終於有得入去！侍應唔知係咪做得太辛苦，無乜禮貌，唔出聲淨係用手指叫你揀野。。。唔緊要啦，黎食野啫。 叫左一個白色拉麵同埋辛肉味噌。等面到時候周圍望下，d drawings好得意，係有心機嘅作品。面到了！白色湯底夠濃夠厚但唔會咸，叉燒係屬於瘦果隻，岩我。隻旦夠林但唔太有味。面係粗嘅，有少少硬，但我鍾意嘅係傳統果隻拉麵。 總括嚟講都算唔錯嘅。再黎辛肉拉麵。有少少辣，個湯好濃好好味。做掛面岩岩好。其他嘅同上面果碗差不多，如果以屯門區黎講，呢間都係數一數二㗎嘞！之前食過元朗間《彩》， d 面底好似係一樣。再問問其他人，好似係同一個老板的。同其他拉麵一樣，食完會好頸渴。

喺屯門日本野食唔多，有水準既小店少之又少，今次試呢間拉麵，味道唔錯，因為係小店，只有16個位，所以都排左好一陣子，不過都值得一排！全店只有3款拉麵，最近新加左赤之豚骨，當然要試下啦！最後叫左赤之豚骨沾麵、海老豚骨湯麵同埋一支搽茶可樂！赤之豚骨沾麵--無我想像中咁辣，沾麵口感一流，好彈牙，沾完d湯，仍然彈牙可口！個糖心蛋海老豚骨湯麵--傻傻的我倆以為海老應該係有蝦使餸既... 點之一飲啖湯先知原來海老係指個湯用海老煲既！湯麵既麵比沾麵既麵軟身，不過都好好味，個湯唔太油，好味！搽茶可樂--很特別，先有可樂味，慢慢就會應受到搽茶味！不過貴左d!

唔想食商場內的連鎖拉麵店，特地搵到呢間都幾偏僻的拉麵小店。店舖細細，內裡只有約14個位，牆身畫上可愛的卡通畫，如置身幼稚園般 menu上拉麵的選擇不多，只有魚介或黑油或海老豚骨三款。 座位旁有可愛的貓咪教人食沾麵的次序。不過個人本身喜愛食湯麵多d, 所以order黑油豚骨拉麵。 麵質軟硬適中，湯底比魚介拉麵更濃郁，不是最好但亦至於好差。最值得讚的是原隻流心蛋同一大塊軟腍的叉燒片整體而言，味道一般，價錢偏貴，唔會再試。

話說朋友住紅橋附近，探完朋友後。朋友推薦一間拉麵小店作晚餐。就跟左佢一試。等了大半個鐘先坐底。這家店三種沾麵湯底分別：魚介豚骨、黑蒜油豚骨、海老豚骨。三種湯底中我最愛海黑蒜豚骨，所以點了黑蒜豚骨。很濃的黑蒜豬骨湯底。拉麵都包括叉燒、兩塊紫菜、一隻蛋和筍，蛋是溏心，好香好味。叉燒夠晒大塊，啖啖肉。又夠淋。對比那些大型連鎖拉麵店，通常都係得半只蛋。但依間店係一整只蛋附上。讚！朋友點了碗魚介沾面：微微偏硬，食食下成個麵就痴埋一舊魚介沾湯無什特別，腥腥地，太淡，無咩魚香味，湯太少，我見食客不停要求加湯先可以完成碟沾麵。另外店內很細，座位都係用木箱作座位。講真，坐得不太舒適。雖然只是屯門小區，附近食肆選擇不多，希望多開些有質素又好味既隱世食肆。給當地人多一個選擇

赤橋拉麵是由元朗彩aya的日本師傅開的 與彩aya不同的是 這裡不如彩aya般 只有沾麵選擇 還有拉麵供應的 -一打開門 便像走進了日式漫畫店中畫滿了童趣的壁畫 與彩aya的格局不同有時日本師傅也會出來跟大家打招呼🙆🏻這次點的是海老豚骨拉麵和黑油豚骨拉麵-海老豚骨拉麵 ($83)湯底添加了奶油 令湯入口變得更順滑而不失creamy 的感覺 但因此而蓋過了蝦的鮮味叉燒份量挺多 肥瘦亦得宜 而且切得很薄 很易入口自家做的麵只有一種選擇 但是很彈牙的但我覺得海老豚骨沾麵比海老豚骨拉麵好吃-黑油豚骨拉麵 ($80)黑油味濃 與豚骨湯底是很好的配搭 再把紫菜浸下去可謂是絕配但先攪拌一下才吃比較好 否則會吃到黑油點點的苦味荀份量不多 但很爽甜-這裡的沾麵和拉麵 都較彩aya味淡一點兩者均有可取之處🙆🏻_溫馨提示:1. 麵的份量較少 男生可能需要加麵2. 每天自家製麵售完即止 週日來的話 可以先打電話來確認賣完了沒-Instagram: chloeelovestoeat喜歡的可以到instagram 看看

一向熱愛日本文化、食物的我。見到這間日式食店, 真的非常興奮! 日本呀!日本! 而且, 此食店更是由日藉老闆主理的!! 所以更加令我想去一嚐日本味道的拉麵店~數數手指, 我對上一次去日本已經是2010年了。核爆事件發生之後, 我已經不再踏足日本半步了。 所以, 非常懷念, 日本的一切!回正題, 店舖面積比較細小, 其實此店之前都是一些車仔麵店, 可以大多都維持不久便結業。但相信此食店一定能夠長做長有, 亦將會大排長龍。麵店只有三種湯底 魚介豚骨(鰹魚豬骨湯)、黑油豚骨(黑蒜油豬骨湯)、海老豚骨(豬骨蝦湯), 最重要當然除了拉麵, 每碗麵都會配料, 而配料是紫菜大大塊、超級流心的流心蛋、豚肉。如果略嫌配料不夠, 可以額外加的。至於麵, 除了湯麵外更有沾麵。沾麵是甚麼? 沾麵是熱湯跟拉麵分開上, 吃的時候, 夾起拉麵沾一沾熱湯再進食。而老闆亦非常窩心, 手繪了可愛的漫畫, 介紹沾麵的食法。除此之外, 亦要讚一讚店員的服務態度。店員非常有善, 知道我們是新的客人, 我們一坐低, 便介紹一下店的餐牌。送上熱騰騰的湯麵時, 更窩心地提示客人, 要小心湯碗碗身比較傳熱。我跟老公分別選了湯拉麵, 我

因有朋友係紅橋開補習社，佢平日走過經常見到哩間拉麵店門口排晒隊，哩次決定就去試下。星期六中午11:30已經去到，原來哩間拉麵店中午12:00先營業！前面都已經有7個人排緊隊，我心諗有冇咁犀利呀！咁我就比少少耐性去等啦，12點到啦就見到個男人行緊來拉開門講左句經常係日本餐廳會聽到日文：歡迎光臨！朋友話哩間鋪係真係日本人開架！內心打左凸！紅橋稀少人煙的地方竟然吸引到外來人開鋪？就算開應該開係新墟啦！人多呀嘛！好啦廢話講左，係時候入鋪食拉麵！我嗌左黑油豚骨沾麵，朋友就嗌左海老豚骨沾麵！估唔到的麵要即刻整，如是者等左15分鐘，終於等到兩位主角出場！黑油豚骨沾麵：麵有韌度有咬口，唔會淋，湯係濃湯但我覺得偏咸唔覺有黑油味道，整體上湯配落麵到係夾到，不過不失！海老豚骨沾麵：就偷左幾啖湯來試，湯一樣濃湯，反而哩個湯食得出蝦味，有少少分加！兩款沾麵基本一樣配上叉燒，流心蛋，竹筍，紫菜。叉燒比出面拉麵鋪大塊而厚身少少，咬落去幾有肉感。蛋就失望唔夠溏心。竹筍同紫菜一般貨式。食完成碗沾麵都幾飽下！一間小店做到咁樣質素不過不失。紅橋特色小店能唔能生存好難講。

自從去完日本exchange後就好鐘意食拉麵 😍😍 但日本拉麵太正😋😋 去完返黎食味x拉麵覺得中晒伏🙊🙊 依家唔係專食正宗日本拉麵既舖頭都唔會亂嗌拉麵😝😝 有日朋友話我聽屯門有呢間好似好正咁，之後上網又見到有介紹~咁啱要黎呢頭⋯就去食下先！見好多人話夜晚好多人⋯要早d去⋯我預左六半到⋯希望唔駛等太耐🙈🙈朋友係屯門人⋯話唔信呢區會好多人喎！但唔！好！唔！信！七點去到⋯遠處見到門口冇咩人仲以為真係咁好彩⋯真相係隔離條巷仔！！！排左成十幾個人喇😫😫😫 苦苦等待一個鐘後終於入得😁😁😁一入去⋯超級大陣蔥味！(本人唔食蔥🙊🙊😂😂) 樓面得一個人⋯忙到癲左😵😵 但佢好快手同幾有禮貌👍🏻👍🏻有三款湯底：魚介，黑蒜油，海老~ 我嗌左海老拉麵，朋友嗌左黑蒜油拉麵😁😁等食期間周圍望下好特別好有童真既裝修👶🏻👶🏻👶🏻傾傾下碗麵就到 👏🏻👏🏻👏🏻(我係唔食蔥~ 碗麵個賣相係冇其他人咁靚架喇🙈🙈🙈) 聞落已經好香蝦味！碗麵啱啱煮好超級熱！即刻開動😋😋湯底好濃好香😋😋 濃到有少少杰身~ 食到最後覺得有少少咸😝😝麵都算粗身～軟硬適中😊😊(碗麵真係幾熱下！隔住個mon都feel到佢好熱😂😂)蛋有成隻都幾大方😍😍 超級流

因被朋友帶到荃灣台風第一次食拉麵而上癮，見赤橋有不少好評就去一試。（沒圖別怪）晚上九時到步，人不多但座位只有14個，稍等就可進座。在門外等候可以望到廚房內部，大致整齊但地上有不少拉麵碎。裝修不華麗，很親切的感覺，壁畫很可愛，椅子是盛汽水的膠盤的外型。一進店撲鼻而來的不是湯的香氣而是惡臭看早幾篇評論應該有一段時間，心想都來了都要試一試。款式不多，就魚／黑蒜油／海老（$78／80／83）三款湯底，有湯麵和沾麵選擇。我們點了魚和黑蒜的沾麵加一支抹茶可樂（$18）。先上抹茶可樂，接近沒有抹茶味，可樂又不像，就有少量氣的糖水，老婆說很像小時候的一款軟糖。麵到了，賣相不錯，但豬肉片看上去會以為是肥牛魚湯，已經是沾麵湯但淡如水，不能想像湯麵的湯底黑蒜湯，夠味，但只到湯麵味道，以沾麵來說還是太淡。拉麵，放得很整齊，放得很像泡麵味道一般豬肉，外表像肥牛，煮得夠時間夠爛，不過還是淡味。食到最後有一塊有如煲湯骨的厚度，差點咬不斷。蛋，醃不夠，煮太久，蛋白還是白色不夠彈牙，蛋黃不夠溏心只剩一半。總結，咪淡，感覺是用低價料當高價貨，以同等價錢可算是垃圾，大門比他平但味道更好，應該沒有下一次。

夜晚早d去排隊，都不算等左好耐，聽講有時要等一個鐘，因為入面得5張台，地方不算太大麵都有分湯麵同埋沾麵，個人喜歡拉麵，湯比教多，見圖叫左碗海老拉麵，大家要耐生等候，因為係即叫即煮，都係等左10分鐘到，湯很濃，叉燒好正，不算太肥，令我懷念在日本食拉麵既感覺，煮麵果個師傅都係日本人，值得一試。

圖偏少，勿介意鋪面偏細，出餐速度正常，星期六晚上8點，排隊都要1hr，而且係係條行仔入面排，比較焗入到去坐，望到枱面仲有張用過既紙巾塞左係支醋隔離，咁都睇漏眼要扣d分，我同朋友叫齊3款味既沾面另加一個海老湯拉麵。先講講沾面，本身面質彈力不足，微微偏硬，掛湯力弱。份量個人覺得足夠。沾湯可以話係麻麻，魚介: 太淡，無乜魚香味，如果唔連湯一齊食跟本唔夠味。黑蒜: 太重口味，有香味之餘夾雜左一種唔太討好既味道。海老: 蝦味超濃濃到味精一樣。之前3款因為等左1個鐘太心急食所以無影相海老拉麵既湯底味道比沾面好味道比較有層次。所以同大家講沾面絕對係一個伏!各款面既優點係配料十足，一隻蛋，二片叉燒，二片紫菜，荀但叉燒真要彈雖然大片但肥肉多，無肉味。紫菜既質量都麻麻。總結: 拉麵係盈利較高既食品，所以本人要求既色香味都會較嚴格，呢間出品既賣相同份量算係合格，但味道同食材品質真係要改善下，希望熱潮未過之前會做得更好。我都幾肯定唔會食第二次。

在附近有啲野做見到有沾麵既舖頭同爸爸媽媽去試新野😁8點去到，有十多人排隊等左一陣先入到期間不停有人加入排隊行列😬舖頭不大，只有12座位舖內充滿童真😚 三人分別叫了三款麵食全都點了沾麵 分別是魚介湯，黑蒜油同蝦油湯黑蒜油不油膩，味道不會過鹹黑蒜油味濃且有輕輕的甘味👍🏼好味道 魚介湯好香鰹魚味好鮮味☺️另外叉燒非常大塊，有兩大塊好嫩滑，脂肪分佈不算太多非常喜歡呢到既叉燒內藏一隻溏心蛋☺️☺️☺️蛋味濃雖然不是太流心但也不錯仲有個蝦油味既因不能吃蝦所以未能品嚐但倆老高度評價👍🏼👍🏼

因為我太愛呢間日本拉麵/沾麵店，所以我決定將我既openrice 第一次俾左佢☺️☺️☺️有係元朗搵開食既朋友應該都對「彩」唔陌生gala, 呢間日本人主理既沾麵店門口永遠排長龍，係屯門紅橋開左之後我當然要幫襯laaaa!!!!黎到發現唔洗排隊，好出奇🙈 而店舖都唔係日式對住師傅果隻，而係茶記果類（解釋到one of the reasons點解少人la 無咩氣氛），而呢間野，有別於元朗總店得沾麵，而有埋拉麵簡！同fd 即刻兩隻都試晒☺️☺️☺️ 最後我地竟然一致覺得拉麵好食d, 因為屯門店既湯底比元朗既明顯淡好多，做沾麵唔夠味。。。而麵似乎比元朗果間乾，乾晒咁沾湯食唔ok😨反而湯麵非常出色，d 湯入口飲剛剛好，我同朋友都食過幾次元朗店，所以都非常驚訝。。好啦我地以後都食拉麵啦😂😂😂拉麵5星，沾面3.5星😁😁😁

一入到舖好似有少少爆渠味咁, 但事後店員開左冷氣又好似無左陣味一行四人我就叫左魚介拉麵食湯底非常滾 加上柚子味食落去感覺都幾清新拉麵普普通通無咩特別 , 但叉燒大舊而且幾厚下, 愛肉之人應該會幾鐘意可惜溏心蛋一啲都唔溏心 似白烚蛋多D , 一間普通日本餐廳竟然整唔到係有啲意外如果依碗麵50蚊左右我諗都叫合格既另外亦都試過 海老湯底 都有幾濃既海鮮味 但無特別黑油湯底反而就有另一個問題就係湯唔夠滾以屯門小舖黎講, 價錢略偏貴 唔算太值