葵 (Closed)

拉麵界小清新✨ 話說尖咀六両三對面間漢堡開咗半年都冇就接咗，取而代之係間主打雞白湯嘅拉麵店，其實近年做雞白湯愈開愈多，大都走濃厚路線，而呢度就相反走清新路線，唔會話好油膩，再加上佢有個係純野菜拉麵，啱哂健康清淡嘅輕口味女士們✨而我呢個柚子控當然係睇中佢個柚子雞白湯拉麵啦😍 除咗湯底有啲好似飲柚子蜜嘅柚皮碎之外，仲有個柚子蓉精華，撈勻個湯底食超清爽，好似返返夏天咁，好期待佢到夏天時會啱會出返個冷麵版😂另外除咗豬叉燒之外仲有雞叉燒，理所當然鐘意後者多啲，好嫩滑✨ 小食餃子意外地高質，皮薄而且肉餡內混咗啲軟骨以增加口感，叫得過😗最後好搞笑咁見到個山葵薑汁梳打，飲落其實冇乜wasabi味，似就咁薑汁梳打😛

拉麵係香港就不嬲都多，呢排好似多左一鼓新潮流，就係雞白湯拉麵，本身自己係一個拉麵控，仲要加埋我最愛的雞湯，所以近排不停出動試不同餐廳的雞白湯拉麵今日趕上係餐廳落場之前入去食拉麵，食完之後餐廳都已經落左閘休息了，大家記得要3點前黎食，如果唔係要等到晚市先可以食啦，店鋪小小，可以清楚睇到製作拉麵的過程主打的就係雞白湯拉麵，如果唔食雞的朋友，都有多一種選擇，就係味噌拉麵信州白葡萄梳打 ($25)食拉麵點少得襯番樣日本飲品，白葡萄梳打果汁含量有10%，日本飲品來說算係高了餃子 ($28)餃子原來係雞軟骨餃子，實行全部食物都係雞，雞軟骨有咬口，無一般豬肉餃子食完咁飽，仲有胃口繼續食成碗拉麵雞白湯拉麵 ($78)、柚子雞白湯拉麵 ($82)兩碗的分別就係柚子雞白湯拉麵多左柚子，多左一份清新感，而雞白湯拉麵就係配上本菇，奶白色的湯底係濃濃的雞湯，但唔會濃到漿住個口，所以係可以輕鬆飲晒成碗，雞湯咁補係冬天飲就更加合適麵質煮得岩岩好，肉類除左一塊大叉燒，仲有兩塊雞肉，比一般拉麵更豐富，肉質嫩滑，不可不提的仲有粟米，以完整形態呈現，証明唔係用罐頭粟米，原來已經起晒肉方便食用

同老公在附近行街，諗住找餐廳坐下休息下，順便食個簡簡單單的晚餐。見到這間新開的日式拉麵店，即管試試！✨日式餃子：入面有雞軟骨、菜和肉，雞軟骨爽脆爽脆的，餃子外層煎得香香，不錯！✨辣味噌拉麵：拉麵入面配料尚多，有雞肉叉燒、豬肉叉燒、溏心蛋及粟米。豬肉叉燒頗不錯，有香濃肉味。粟米是超甜粟，吃下一排排的粟米感覺很爽！辣味湯底很濃厚，不算太辣，配上爽口的拉麵，不錯！✨柚子白雞湯拉麵：配料跟辣味噌拉麵的一樣，湯底是有柚子的白雞湯，濃厚的白湯，有雞湯的清甜和柚子的清新，味道沒辣味的那個般濃味，但這個可令人一喝再喝！✨加麵：老公不夠吃，還可加$12加麵底呢！支持小店！👍🏻✨

今日食咗呢一間行過好容易睇漏眼嘅葵🙊😂 鋪頭細細得十幾個位到 門面又冇啲好搶眼嘅大招牌 難怪同對面兩間拉麵店比較 人流相對少啲🙊 七點半去到嘅時候基本上都係任坐 搞到我都諗咗一諗😂 但試完我又覺得幾好喎 應該只係宣傳得未夠多 值得支持吓👍🏻雖然鋪面唔大 但係座位之間唔會太迫🙊 而且裝修一睇就知道 應該係新開張 乾淨又企理👍🏻鋪頭主打雞白湯拉麵 variations又有知你同辣味噌味 價錢全部都係$85樓下 算係幾抵🤫 而且仲有好多特色飲品 我偷偷望左望個雪櫃 係支裝嘅 唔係平時去放題任飲嗰啲普通嘢😛我同朋友叫咗原味同辣味 加兩款飲品同餃子😋首先試個餃子🥟真係好有驚喜！因為佢個Menu度淨係寫‘餃子’兩個字😂 我自動假設左佢係日式豬肉餃 點知原來係軟骨做餡 好有香味又爽脆🙊 配埋啲酸酸嘅餃子汁 好開胃兩碗拉麵出場 三塊肉 有糖心蛋 湯底睇落唔會太油 靚靚仔仔 我唔客氣啦😚 兩塊肉係厚切 有少少粉紅色 但係熟嘅 唔痴牙又唔韌 唔錯🤣 第三塊叉燒就有條筋係中間 比較有咬口 鹹魚青菜各有所愛啦😜湯底幾好味 我記得喺上環都食過另一間專賣雞白湯嘅拉麵 要成140蚊碗嗰間🙊 佢哋嗰個雞白湯係濃味啲嘅

平時鍾意捐窿捐罅搵開食既我， 今日就捐咗嚟亞士厘道附近，行到呢轉角位，發現有間拉麵店， 店鋪唔太起眼，好在佢有個好鮮色嘅 門面，就係 呢度黃色好似隨意門 既門，所以吸引咗我對眼睛，既然比佢吸引到 就入去試一試啦舖頭 座位不多， 如果兩個人嚟計， 大約可以坐到五至六台客人。餐牌就係前後兩版睇曬，拉麵種類有三款， 小食也有三款， 如果兩個人肚餓真係差唔多可以叫曬餐牌嘅嘢食，哈哈 另外亦有設有追加食物前菜大蝦沙律， 野菜非常新鮮， 大蝦亦都很爽口， 裏面亦配有秋葵，味道配合得唔錯， 可以一試雞軟骨煎餃子，餃子味道非常香口， 好味到想食埋老公嗰兩隻老公揀左辣味雞湯拉麵， 辣度適中非常惹味， 有原隻流心蛋同粟米做配菜 至於餸方面有叉燒同雞叉燒， 雞叉燒都係第一次聽， 口感真係好似食緊雞肉甘，旦又有 叉燒 味道幾特別， 而麵質口感彈牙，整體一流而我就叫左雞湯味，湯底好 濃郁， 配菜及餸菜大致一樣 係多咗 雜菌菇叫咗兩款日本飲品 味道唔錯 個人喜歡桃味真係好抵食呀 捧住個肚出門口

今日同男朋友黎到尖沙咀行街影下相順便食飯，今日唔想食得咁heavy，所以選了食拉麵，試了這間有男朋友名的日本拉麵店。（點都要支持品嚐一下啦）拉麵店不是太大間，簡單直接的設計黑白為主色調，簡潔乾淨！大概有10坐位左右大大阿拉伯人的人像，黑白色好型又搶眼！師傅即點即煮，好快手有功架1. 煎餃子（配豉油加上芝麻粒）1碟4隻，香煎好香脆！餃子皮好薄好軟，內餡豬肉及蔬菜，加上雞軟骨粒粒，好有口感好夾好美味可口，點了香香豉油汁！2. 雞白湯拉麵好香雞湯味！大大碗、好香濃！白雞湯是好飲，唔咸呀！配菜有粟米粒粒、菇菇、青蔥！好香又有口感拉麵：好滑好彈牙、吸了湯汁更香更濃郁配上糖心蛋，金黃色蛋黃、好香好濃味3. 辣味噌拉麵大大碗，配菜豐富又美味！熱辣辣香噴噴上枱！辣味噌好野味又香濃，叉燒及雞肉片好有口感，香滑美味之選！

葵(Aoi) 位於尖沙咀亞士厘道旁的宜昌街，這邊遊客較少，比較多的是附近的上班族。餐廳主打單單一款雞骨湯底，數款口味，並未有售其他款式湯底，例如必備的豚骨湯底等。雞白湯拉麵 ($78): 湯底鮮甜而不油膩，光喝也不感膩/渴，據店方所說，其以大量雞肉及雞骨每天新鮮熬製。拉麵包括豬叉燒及雞叉燒各兩片 － 豬叉燒非常大塊，軟腍，帶少許脂肪；而雞叉燒即是捲狀的雞髀肉。而麵條份量亦算多，軟硬度適中，整體味道不錯。日式煎餃子 ($28/4件): 餃子香脆多汁，餡料除了普通的肉餡外，應該還加了一些雞軟骨粒，因此口感不錯，有趣!

尼幾日好想食日本拉麵，不過想清淡些，行過幾間拉麵都係味濃湯拉麵，終於發現一間蠻特別的，雞湯拉麵感覺比較清新健康，於是入去試試柚子雞白湯拉麵, 食拉麵先喝湯是常識吧！入口先嚐到一陣柚子味， 繼而感受到雞湯嘅味道, 口感不油膩拉麵內有二塊雞叉燒，一塊份量頗大嘅豬叉燒,一隻半熟醬油蛋, 雞叉燒故然不肥脷, 豬叉燒用嘅部位都不肥脷,但係一D都唔un餃子咬落口、卜卜脆好有趣，原來用左豬肉加雞軟骨做料， 外皮薄煎得剛好.唔會太燶太熱氣，點上微微餃子醬汁,更野味山葵薑汁梳打，甜度適中，無一般薑味汽水咁甜，薑味頗重，好味！ 雖然食哂碗麵連湯都喝清,但感覺不腻不滯,口腔裏還留住一股清新柚子味久久不散,這碗麵吃得舒服又健康，誰說減肥不可吃拉麵

見朋友返工地方附近新開左間拉麵舖，又開始諗唔到有咩好食，就同朋友去左試呢間新野。一睇到menu就已經覺得好新奇，第一次見雞叉燒呢樣野， 於是就嗌咗兩碗拉麵，除咗雞叉燒，兩碗都再加埋豬叉燒。雞白湯拉麵雞湯底清得黎又好香濃，拉麵軟硬適中，食落好爽口。雞叉燒肉質細滑，而豬叉燒比較肥膩同厚肉，兩樣各有特色。柚子雞白湯拉麵柚子雞白湯底相對雞白湯底更濃味，而且聞落有陣陣嘅柚子香味。最後仲唔夠喉，再嗌多左份餃子， 估唔到呢份餃子先係呢餐嘅最大驚喜。 有別於出面嘅餃子，呢份餃子嘅餡料竟然係雞軟骨，食落好有口感好特別。

香港地租昂貴，大部份餐廳都被迫上樓了，所以，對於以地舖形式開設的小店，我都特別支持。這間拉麵店位於尖沙咀宜昌街，舖面不算起眼，單單看舖面，會誤以為是西餐廳，不過，從店舖的小黑板上，就會略知一二。舖面佔地不大，大概可容納10-11人左右，不過，食物的質素非常高，價錢亦貼地近民，而且這裏還有午市優惠，食拉麵送汽水。柚子雞白湯拉麵先呷一口湯底，湯底味道鮮甜，雞味香濃，口感濃稠帶有點點張力，但又不會感到油膩，聽說是每天用上大量雞肉及雞骨餚製，而拉麵內配上經烘焙的柚子皮及新鮮柚子汁，所以湯底入口時會有淡淡的柚子香。拉麵內有雞叉燒、豬叉燒及半熟醬油蛋，雞叉燒口感非常嫩滑，雞味重，帶有淡淡脂香，而半熟醬油蛋蛋味香濃，吃後口感油潤。另一款野菜白湯拉麵，賣相與柚子雞白湯拉麵差不多，只是上面的柚子被野菌取代了，而拉麵用上秋葵、菠菜等蔬菜，配上白湯而成，說實，整個拉麵也好像吃不到秋葵，不過，個人非常喜歡一排排的粟米，這裏吃味道更集中，更香甜，而拉麵口感煙韌得來，又帶點彈性，掛上白湯後，非常好吃。餃子別以為這裏只有拉麵好吃，這個餃子亦非常好吃，餃子向層煎得微脆，內裏放滿了雞軟骨，脆卜卜，加上醋汁，會更加惹味。

葵，隱藏在尖東的日式雞湯拉麵館，店面不大，坐位不多，但卻有滿滿誠意。拉麵大碗料多，湯底濃厚，好好食。款式不算多，有四種不同的雞白湯底，分別系辣味噌拉麵，柚子雞白湯拉麵，野菜白湯拉麵。我地點左野菜白湯拉麵同柚子雞白湯拉麵，加左豬叉燒同糖心蛋。湯底原本已經有一隻糖心蛋同雞叉燒。所以相當滿足。柚子雞白湯有著濃濃的柚子香味，很清新，麵身好Q。糖心蛋冇得輸，十分流心，豬叉燒勁大塊，瘦而唔柴，肉很香。餐廳很貼心，為客人准備左調味的七味粉。另外發現呢度有好多日式飲品，我就揀左靜岡抹茶可樂，朋友就揀左富士山柚子梳打，味道很不錯！

諗住喺條橫間7仔買嘢飲，點知喺隔嚟見到間黃黃哋幾特別o既鋪頭，初時以為係賣西式甜品，點知原來係賣拉麵，真係估你唔到，不過橫掂肚餓就試下新嘢啦。叫咗雞白湯拉麵同完熟桃味梳打。現場係睇住師傅即叫即煮，閒談間得知原來啱啱開，上個FACEBOOK先知鋪名係叫"葵"，而鋪面係見唔到任何"葵"字雞白湯拉麵，雖然睇落去擺菜好平淡，但細心睇其實有啲位係幾用心，平時啲鋪頭只會係半隻糖心蛋，呢間就成隻上；呢到就係去芯粟米，佢一片片咁可以一次過食而平時啲拉麵鋪會係粟米粒；麵質彈牙份量都多。各位如果要嚟記住認隔嚟間7仔，因為鋪面招牌唔會令你搵到間鋪，小鋪係要支持，希望會成功。

今日難得出門，但就落住雨，所以好快就想搵間餐廳食下野坐低避雨。見到一間比起傳統日式拉麵店有種唔同感覺既小店吸引左，唔係用紅燈籠，而係以醒目既黃色作為外觀，就入左去坐喇。點餐紙簡簡單單，有圖有字咁好清晰。不過只有四個左右既選擇，如果有更多既選擇就好喇。我地簡左兩種，另外再叫左後面個頁既小食、飲品咁。首先到既係飲品，估唔到係日本直送既支裝梳打汽水，好驚喜。呢兩支分別係富士山柚子梳打，同埋完熟桃味梳打。完熟桃味梳打果汁含量有接近10%，有時飲果汁，最怕就係似飲藥水，而日本出品當然無呢個問題，果汁味道都好自然。如果鐘意甜既，桃味就最岩，但我鐘意清甜又帶dd酸咁，所以我就簡左柚子啦！黎到拉麵店，重點當然係拉麵喇。麵既質感好彈牙，雖然係辣味增，但都唔會太辣。最貼心莫過於佢既粟米係去左芯，所以可以成塊食落口，啖啖都係甜栗米味。而辣味增拉麵有雞叉燒同豬叉燒，特別想講既係雞叉燒既口感有彈性，厚度都適中，肉既份量比起餐牌上既相多，所以食完有種好滿足既感覺。另外就係雞白湯拉麵，其實本身想叫柚子雞白湯拉麵，不過因為飲品叫左 富士山柚子梳打 ，所以就無叫太多柚子相關既野了，遲d有機會要再黎食一次！雞白湯既湯底濃

在尖沙咀與朋友看完早場電影後，都一點多，於是去附近找個地方吃午餐，往海港城途中途經宜昌街，見到有間拉麵店，門口企理乾淨，看看餐牌後便入去試一試。有別於其他拉麵店，它賣的不是豬骨湯底，而是雞白湯，如此特別，便點了一碗柚子雞白湯拉麵和普通雞白湯拉麵，另加了一份日式煎餃子。等約了五分鐘，一碗熱乎乎的拉麵隨即送上，先講presentation，叉燒、雞蛋、蒽都擺得整齊，賣相不錯，一夾起拉麵，便感受到彈牙的質感，配上清而不膩的雞白湯放入口，認真一絶。至於日式煎餃子，外皮煎得香脆，餡料豐富，是一個很正的餐前小食。我覺得這拉麵店最與眾不同的，是它的飲品，它有一些市面上難以找到的日本汽水賣，如招財貓梳打、山葵薑汁梳打、富士山柚子梳打、信州白葡萄梳打等，款款各具特色，而我們點的山葵薑汁梳打、富士山柚子梳打，口味也很好，不會太甜。

食市林立的亞士厘道轉入一條小街就見呢間黃色門面的拉麵小店，裡面座位不多，坐的是高椅子，簡約的裝潢，感覺好relax！餐牌上食物不多選擇，拉麵店的賣點就是油而不膩的雞白湯！柚子雞白湯拉麵湯底的確好香雞味，不油膩，不是濃湯，加上淡淡的柚子清香，好開胃，拉麵質感不軟身，不是普通有鹼水味的拉麵，每一口都配著湯底去食，好滿足！有心的小店用的是新鮮粟米，切大塊，不是用雪藏粒粒粟米！流心蛋都有流心，調的味道剛好！伴著有大大塊叉燒，又有超滑雞叉燒，滑的程度是令我有驚喜！本來唔肚餓，食食吓好開胃，所以再叫了一客餃子！裏面包的是雞軟骨、豬肉、椰菜，餃子即叫即煎，煎到金黃色，有脆脆的外皮，好香，好味！日本直接的信州白葡萄梳打味道不太甜，好香葡萄味，又夠哂有氣！整體食物好味，店員有親切的服務，是難得的拉麵小店！