葵 (Closed)

有留意開我熊貓嘅朋友/動物，都知道我對拉麵情有獨鍾。繼上次食過跑馬地的xx後，好想繼續是雞白湯拉麵。剛巧發現係尖沙咀開咗一間雞白湯拉麵的店舖，放工後特登過去試下。拉麵嚟到，第一時間梗係要試吓個湯先。呢個湯感覺非常清新，一啲都唔會覺得肥膩，而且呢個湯底非常好飲。拉麵湯係拉麵嘅靈魂，有時食下拉麵最怕嗰種味精，但好明顯你碗湯佢哋落足心思去整，唔係加啲味精去調味。除此以外，佢個糖心蛋亦非常有質素另外亦都試左餃子，亦都係幾好食，值得推薦。總括嚟講，呢間拉麵，值得我熊貓去返兜。btw,我近期喺尖沙咀返工，你哋經過iSquare大門口，就會見到我熊貓。不過我返到呢個聖誕，之後會返去海狗公園。你地得閒可以探下我。

尖沙咀海防道、亞士厘道一帶，有不少類型的食肆，中、西、日、韓，一應俱全。今日去了一間新開的日本拉麵小店，門口裝修相當醒目搶眼，以黃色做主調，一入到鋪頭，就感覺到一份日式小店的氣氛，侍應親切有禮。食物方面，主要提供雞白湯和辣味噌兩款湯底，既然一場光臨，當然要試哂兩個口味，分別點了柚子雞白湯拉麵和辣味噌拉麵，柚子雞白湯拉麵上鋪上一層柚子，店員建議撈均食會好一點，能吃到柚子香，果然，清香的雞白湯配上柚子的味道，效果很配合，很清新，而它的叉燒和溫泉蛋都做得好好，叉燒厚厚的，不肥不瘦，入口鬆化，雞蛋一咬即流出半凝固的蛋黃，蛋味香濃；至於辣味噌拉麵，辣度適中，味噌道濃，適合鍾意濃味刺激的朋友。不得不提的是，除了普通的汽水，拉麵店還有提供日本汽水，價錢只不過是二十多元，食拉麵一定要叫返支。

又試新野喇！係拉麵小店🍜小店款式唔算好多，見到最特別想試既係柚子白雞湯拉麵。呢度嘅飲品唔係周圍都飲到，有好多唔同口味嘅梳打，用嚟送拉麵一流！今次我點左山葵薑汁梳打同埋完熟桃味梳打。食拉麵之前，一定唔少得配餃子餃子皮薄餡靚，入邊嘅餡唔係淨肉，仲食到啲軟骨粒，口感唔錯，覺得好食。主角：柚子白雞湯拉麵送到啦！每碗湯拉麵都有一大塊豬肉叉燒同兩件雞肉叉燒，仲有溏心蛋。雞湯做得幾清甜，尚算濃郁，加埋柚子令到成個感覺清新啲，無咁膩。不過佢既拉麵就唔係手打個種，麵質都彈牙不過再爽口啲就好啦🙈豬肉叉燒都幾大塊！仲有滑滑既雞脾肉，幾足料！最愛既溏心蛋👍🏻

剛在尖沙咀上完堂，行過見到一間鋪仔細細但環境都不錯主打做拉面，見肚餓了不想行太遠搵其他嘢食 ，所以入去試一試，我和同事各叫了一碗拉麵，我要了雞白湯拉麵配了完熟桃味梳打，我同事叫了柚子雞白湯拉麵，配富士山柚子梳打，我們還叫了一個小食煎餃子首先上了兩支梳打汽水，在超市曾經見過但未曾飲過，今日就試一試，味道真的不錯跟住就拉麵上枱了，首先上了雞白湯拉麵，跟住柚子雞白湯拉麵也到了，其實兩碗面沒有太大分別，只是加了柚子，不過又配搭得好特別，味道配合得恰當好處 ，柚子味不會蓋過白湯的味道，不錯，而湯底眼望見好似好濃，但入口原來味道好清再講講叉燒和雞肉， 叉燒跟其他拉麵店鋪相比，呢度整得入味夠淋，雞肉比較特別好滑仲有嘅係粟米去左心，但又唔會散開一粒粒，一片過食得方便我最欣賞的是溫泉蛋，蛋心不會過熟有少許流心，好正最後就係煎餃子，餃子通常餡料都係豬肉雞肉， 但我一口咬落去有煙煙韌韌的感覺，我好奇之下問下店員，原來他們用了雞軟骨做餡料，又好好味喎總括嚟講一碗簡單的日本拉麵，一碟簡單的煎餃子 ，但係已經睇得出呢間舖的誠意，佢哋用心嘅製作，同埋用心嘅服務，值得一讚再讚

葵 (尖沙咀)尖沙咀宜昌街6號地下B號舖平日都比較少行入尖沙咀d內街搵野食，今日偶然行完鞋舖之後，就行左入d內街搵野食，咁啱又……，就決定入去試下。柚子蝦沙律首先上檯嘅係柚子蝦沙律，唔會太大碟，但賣相一流。蔬菜嘅種類比出面嘅沙律多，除咗有基本嘅生菜外，仲有秋葵同露荀。蝦雖然唔大隻，但食得出係好新鮮嘅，好有鮮味。餃子總係覺得食拉麵一定要有餃子， 所以有點左客餃子。 非常有驚喜地，餃子嘅餡料係雞軟骨，食落嘅口感非常特別。雞白湯拉麵由於太肚餓嘅關係，所以仲加多咗份豬叉燒，而拉麵本身跟黎果份係雞叉燒。拉麵一上枱已經聞到好香嘅雞湯味，湯底濃郁而且味道濃厚，而拉麵嘅質地亦好配合。豬叉燒比較厚身而且肥美，而雞叉燒相對淡味，但肉質更鮮嫩。兩者各有特色。柚子雞白湯拉麵相對於雞白湯，柚子雞白湯會比較甜，而聞落亦好重柚子味。 但有個好好嘅地方係，食落其實唔會太重柚子味，唔會蓋過雞湯本身嘅味道。最後值得一讚嘅係糖心蛋。平時出邊嘅拉麵只會有半隻，而呢度係原隻咁上，完全保留到糖心蛋嘅精華。

懷孕期間我的飲食都好清淡，所有生冷食物都不能踫，尤其是我最愛的日本菜，日本菜除了刺身、燒肉放題，還有日式拉麵，熟食的又感覺很油膩，一直我都很少吃，直至最近去尖沙咀產檢時，路過這家隱世拉麵小店 - 葵，門面細細人流不多，門外楝著餐牌看見幾款拉麵都要清清的便放膽一試來醫肚。 這家葵，原來只開店第8天，是由3位年青人合顆經營，當然都想支持下啦! 可能是新開店的關係，餐牌種類選擇暫時不多，期待他們發掘再鑽研一些新菜色。 我點了雞白湯拉麵，對大肚婆來說雞湯夠滋補呀! 職員指湯底沒有添加任何味精，那我可放心享用，另外我老公點了辣味噌拉麵，再加一款餃子，招財貓波子汽水 餃子是包豬肉餡，外皮煎得好香好脆，皮夠薄，餡都幾多，而且又不會覺得好油膩，沾上旁邊的醬油，味道都不錯! 我的雞白湯拉麵來了，裡面有蛋、大片叉燒、兩片雞肉，栗米拌菜等，麵質都不錯，軟硬度適中，如果可以給客人選擇麵條的軟硬度就好了，我自己比較喜歡吃硬身的，另外，兩片雞肉都好滑，湯底充滿雞味，但略厭不夠香，不夠惹味，有待改善。 至於這款辣味噌拉麵，老公讚到頂呱呱，畢竟帶點少辣可增加食慾，刺激一下味蕾，有越食越開胃的感覺，無奈

假日與好友閒逛尖咀，到了晚飯時間，想吃便宜一點，便到附近後街揾食。常見拉麵湯底以🐷骨熬製，這間以🐔骨🐔肉熬製，甚具特色，加上價錢相宜，即入去開飯啦~柚子雞白湯拉麵，湯底以鮮🐔肉及🐔骨熬製，富濃厚的鮮🐔香味，加入柚子皮及柚子汁，更添清甜果香~ 麵條富彈性，幼細微曲，掛湯力強，盡收柚子鮮🐔湯底精華，同時滲出陣陣蛋香，香氣四溢!配料也不遜色，🐔叉燒，爽滑幼嫩，入口即融; 🐷叉燒，肉香濃厚，大塊抵食; 半熟醬油🥚，蛋汁流心，蛋香馥郁; 🌽，豐富口感，令湯汁更清新鮮甜~辣味噌拉麵，湯底加入特調日本辛味噌、紅椒絲、雞肉及雞骨熬製，味道辛香，辣度溫和，濃稠不膩，即使把湯汁喝下也不嗆喉~ 配料同樣豐富，香口惹味~餃子，皮薄餡靚，煎得香囗，肉汁飽滿，混合爽脆🐔軟骨及青蔥豐富口感，再蘸上特製醬汁及芝麻，酸香清爽，香口不膩~招福貓梳打，賣相可愛，碳酸梳打，微甜不膩，冰涼止渴~富士山柚子梳打，充滿清新酸香，果味香甜的柚子味，甜度適中，酸甜醒胃~✔️以🐔骨🐔肉熬製的🍜湯底，入口清新，輕盈不膩~ ✔️每人百餘元，便可品嘗拉麵、小食及飲品，尖咀區實屬難得!

以往提到拉麵，點都要數銅鑼灣嘅登龍街，執下又一間，反而尖沙咀嘅拉麵店好似便利店咁十分多，大部份都係連鎖或者有分店嘅，不過我自己就食過唔少，都冇乜邊間覺得特別出色。今日試左呢間位於宜昌街嘅拉麵店，即係亞士厘道旁邊，店名叫「葵」，店面很小，但以鮮黃色為主調，以致喺條街當中，都好亮眼店鋪位置唔多，以高枱高櫈為主，唔洗擔心，都唔會坐得唔舒服。廚房基本上係開放式，可以見到師傅煮麵。餐以方面選擇唔算好多，主要提供4款拉麵：雞白湯拉麵、柚子雞白湯拉麵、野菜白湯拉麵、辣味噌拉麵，軟硬度、麵質等固定，每款都跟左雞叉燒、豬叉燒、醬油蛋。另外有2款小食：柚子蝦沙律、餃子。人均消費七、八十蚊，價格合理雞白湯拉麵辣味噌拉麵湯底好夠熱，雞味都算突出，但就同本身市面上幾間主打雞白湯嘅拉麵店有明顯唔同。呢度湯底清，唔會好油膩，入口濃稠，飲左幾口都冇任何味精/鹹嘅感覺，湯底每日用大量雞肉、雞骨新鮮熬製，落足心機，性價比都高醬油蛋原隻上，並無切開，半熟程度合格，中規中矩，醬油味唔係好濃郁。至於麵身，本來見到其他照片，好似係曲麵，不過今日食到嘅係直身麵，粗幼度啱啱係我地杯茶，軟硬度亦係剛好，食落仲有少少韌勁，唔會淋滋滋，我

香港少有做雞白湯拉麵，所以被吸引入去，因為香港主要做豬骨湯多，而雞湯的，我五隻手指數唔去，所以見雞白湯幾吸引。而我點了野菜白湯拉麵及加了雞叉燒及豬叉燒，雞湯好味，不像豬骨湯般濃味，有兩款唔同的叉燒，香港亦少見，雞叉燒好滑，豬叉燒唔肥，覺醒都相當健康，正價比相當高，這拉麵有一隻蛋的蛋好流沁，味道唔錯。拉麵的配菜有粟米，好食，栗米有別於一般栗米，因為係一塊塊的，感覺新鮮。而且價錢非常合理，一般80蚊左右價錢。

尖沙咀經常有新餐廳，今日經過亞士厘道見到有新開拉麵店，睇完餐牌，見到有雞白湯，好吸引，因為之前係日本食過雞白湯拉面，做得很出色，所以立即去試試佢我點左柚子雞白湯，先喝一口湯底，先嘗到清新柚子香，繼而是雞湯的鮮，兩者好夾，配上叉燒及雞肉叉燒，叉燒很大片，雞肉叉燒肉質烹調得不錯，配上新鮮甜粟米，又加分了，麵條煙煙銀銀，蠻好吃的。老公喜歡重口味，所以選擇了辣味噌湯拉麵，辣味剛好，沒有很搶的感覺，湯底味道做得適中，如果喜歡惹味一點的，可選擇這一款。餃子好吃，因為肉裡有我喜歡的雞軟骨，增加了咬口這裡還有好幾款特別的梳打飲品，我比較推薦富士山柚子梳打，清清地，唔錯既選擇餐牌上寫了定期會有新嘅拉麵推出，好期待下一次佢哋比我嘅驚喜到底係咩呢

放工去尖沙咀行街，見到呢間新開既拉麵店，就入去試下！拉麵店主打雞白湯拉麵，係香港比較多豬骨或者醬油湯底，柚子雞白湯就真係第一次起香港見到！見佢小食有餃子同日式燒雞串，點知日式燒雞串已經賣哂lu～不過師傅就話有一個餐牌未有既柚子汁沙律，我係柚子控當然要試試！-柚子汁沙律有蝦，秋葵同沙律菜，柚子汁好清新好開胃！煎得香脆的餃子同埋裡面豐富既肉汁令我地食到停唔到口，好想encore，不過要留肚食主角拉麵呀！湯底每日用大量雞肉同雞骨新鮮熬煮，湯係奶白帶微黃色，濃郁的湯底唔油膩，味道鮮甜美味，加上柚子的清香，飲落去好清爽，我差唔多飲哂成碗！每碗拉麵都有兩塊雞叉燒同一塊豬叉燒，半熟蛋同埋粟米。雞叉燒好嫩滑，入口軟腍；值得一提既係粟米，平時拉麵店的粟米大多係一粒粒既罐頭粟米，呢度係成塊粟米咁上，睇得出師傅既用心製作！試左一啖朋友既雞白湯拉麵，下次黎一於要再食！拉麵價錢合理，性價比高，味道拍得住好多大牌子既拉麵～平時食拉麵感覺都好油膩，但我覺得呢碗無咩味精，比較健康！飲品方面有好多選擇～好多出面冇既飲品！叫左富士山柚子梳打同埋完熟桃味梳打。山葵薑汁梳打同埋靜岡抹茶可樂都好吸引呀，下次再黎要試下！柚子汁沙

重點推薦柚子雞白湯拉麵，呢個配搭好得意，好清新嘅感覺，食完唔覺膩。配料D粟米竟然冇用急凍，而係自己切成一塊塊，第一次見囉，唔使好似平時咁一粒粒夾平時出去食拉麵唔會飲湯，因為好咸，但係個湯底我最後飲曬。。。朋友點左辣湯底，我就冇試(唔食辣)...好似都唔錯我地仲食左慢煮三文魚，聽廚師講係自己調嘅醬汁。我覺得幾夾，少少驚喜，下次去會再點。另外就係想知道支日本柚子汽水香港邊度有得賣，想買D翻屋企飲。哈哈