葵 (Closed)

今日係尖咀唔知食咩上openrice睇下有咩食 沒啦啦搵都間細細間既雞叉燒拉面鋪 咁就去左試下同個朋友 睇完食評都係食返原味雞白湯拉面 講正外表係普通 一飲淡湯點知原來超好飲 個湯我10分真係比9分 面質都唔係一般果d拉面都幾好食既 而雞肉都好滑真係想知佢點整 仲有塊叉燒都好食 總知真係要試過先知 價錢都公道總知食過唔會後悔真心 不過可能鋪頭唔大坐位有少少逼我諗座爆都係10個位到 如果唔多人既時候去食都ok既幾舒服個格調都 服務都唔錯待應係後生仔黎 會笑笑口咁招呼你可能係間鋪老闆因為間野新開沒耐佢話 希望多d人支持下呢間拉面小店睇得出整碗拉面出黎好有誠意 個湯真係好正

這天經過尖沙咀這條小街，發現這間黃色好搶眼的小店，店內都幾多人食，就入去試試。原來係食雞湯拉麵的，我點了原味。我發現這裡有好多香港未見過的日本特色飲品，我點了其中一個好得意既：wasabi ginger ale  真係有少少wasabi味，但唔會攻鼻，唔會太甜，幾清新，nice!呢度既拉麵即叫即整，一來到，嘩! 好多肉～有叉燒又有雞肉!最驚喜係佢既雞肉~ 好嫩滑一d"鞋"既感覺都無!八卦問下店員點整到咁，原來佢地每日用幾個鐘自己捲架~ 好有誠意！豚肉叉燒都好大塊，幾厚，足料！啲湯都好濃雞湯味，但隔左油，香濃得來幾清，吾會好咸佢哋用好多隻雞煲出嚟，完全冇落味精，飲完都唔會覺得口渴仲有呢度既蛋，係原隻上，流心蛋值得一讚嘅係呢間鋪頭環境裝修好舒服又好乾淨整潔，店員服務態度好親切，我食完佢都有過嚟問我意見～感覺係好用心做嘅餐廳！值得支持

今日經過尖沙咀，見到有間新開嘅拉麵店本來冇打算入去因店鋪唔係好大，簡約既裝修，還有冇街內其餘兩間拉麵要排隊，而且見到門外既餐牌得幾款食物選擇但睇清楚佢唔係sale平時大家食開既豬骨湯底，而係雞白湯，我在日本最多試過豬骨湯和魚湯，未曾試過雞白湯，本著我既尋食心態，即管入去尋食一番，唔試唔知好唔好我選左個柚子雞白湯拉麵、餃子、富士山柚子梳打和信州白葡萄梳打。餃子，入囗皮薄，食落以為豬肉餡，點知唔係，係雞肉味但有d粒粒囗感爽脆，後來問侍應佢哋話係雞軟骨，我覺到呢款餃子冇豬肉噤油膩，俾人另一種感覺想越食越多柚子雞白湯拉麵，賣相幾靚待應叫撈勻個柚子蓉先食，但我梗係未撈勻之前試吓個雞白湯先，個湯幾濃味幾好，冇豬骨噤濃，可能未試過俾到一種新鮮感我跟住將個柚子蓉撈勻再試，個湯比之前更好飲，多左一種淡淡柚子清新味拉麵囗感軟硬度適中，幾爽幾彈牙半熟醬油蛋入口嫩滑，內裏好creamy一塊薄薄既大叉燒，入口唔鞋，除左平時食開既豬叉燒，還有幾片用雞肉壓成既雞叉燒，食落腍滑可口，比豬更軟滑粟米居然唔係用罐頭，而且用鮮粟米起片，睇得出佢哋用心製作另外見到有個期間限定，係本人既喜愛，見還食得落，就叫多個黑蒜油拉麵黑蒜

喺尖沙咀橫街發現多咗間黃色外牆嘅小店，原來係一間新開嘅拉麵餐廳。由於之前有段時間減肥無食拉麵，戒咗咁耐見有啲成績，食一餐兩餐唔怕嘅！由於小店關係，座位唔算多，廚房係開放式，所以你會見到入面師父嘅運作，可能新開張關係，餐牌選擇唔係太多，咁就試下雞白湯拉麵先！🔹雞白湯拉麵 $78湯底好香雞肉味，油而不膩。醬油蛋原隻上，咬一啖蛋黃汁豐富流出黎。麵底軟硬度啱啱好，食落有韌勁。雞叉燒同豬叉燒好厚肉，特別係雞叉燒，好juicy! 我比較喜愛雞叉燒！🔹辣味噌拉麵 $82湯底香濃辣味，辣度溫和，濃而不膩，發Gor都話正！而且我哋兩個分別都加多咗份叉燒，所以碗拉麵好豐富好滿足！🔹餃子 $28餃子煎得好香，咬落去外層都脆身，食食下覺得幾特別，一問之下原來係由雞軟骨同豬肉做餡料，唔怪得咁有口感啦，原來就係雞軟骨發揮佢嘅作用。🔹完熟桃味梳打 $23 及 信州白葡萄梳打 $25呢到好多款日式樽裝特飲揀，日本設計真係好靚，單係個label我就覺得好睇。桃味梳打偏小小甜，唔太重桃味；但相反白葡萄梳打幾重白葡萄味，如果有機會下次再食，我可能轉飲白葡萄梳打。希望餐牌可以再多款式揀，新加多啲限定口味！📍葵尖

拉麵🍜一直都係男友至愛 今日又出左尖咀影聖誕燈飾（尖沙咀真係好多景點）影完相當然要同大少醫醫肚 特意搵返間拉麵慰勞下佢啦 ❤️E間小店 我睇中左佢係因為價錢唔貴😂（因為我請） 大約$78左右已經有一碗拉麵 重要齊曬配料 因為平時食開 得2塊肉，要半隻蛋都要加錢既 不過這裡選擇就不多 共3款湯底比你選 分別係原味 辣味同柚子味💁🏻‍♀️男友竟然出奇地選擇了辣味 睇黎佢最近食辣食上癮😏而我最近都返璞歸真 去邊都係比較鐘意食原味 清清地嘛 同埋又食到間店既風味呢😁一上桌 嚇左一跳 原來配料真係齊到不得了 有2塊雞叉燒2塊豬叉燒1隻半熟蛋2塊仔粟米！每碗都係😍先試一口湯 原味雞湯唔會好油 好飲唔口乾 最欣賞個粟米 用左好特別既做法 食到好方便而且全塊都可食 好小可新鮮粟米可以食到咁乾淨👍🏻👍🏻而我提出左要求想個麵硬身d 麵有交足貨喔而辣味就比較濃味d 唔算辣到不得了 但相對地會比原味再入味一些 不過2者比較我都係鐘意原味多d而店內有好多日本飲品 不過我都唔太好梳打所以就冇嗌 但佢d梳打我係出面都未見過 似係日本訂返黎 有綠茶可樂 薑汁梳打 全部聽都未聽過😎店內係細細 位唔多 但真心好似日本既小店咁

今次去左tst接我2個返工朋友食晏就，簡左過間位於地鐵站2,3分鐘路程既葵食拉麵，佢地方細細但都充滿住日本既味道，高腳枱同階磚裝潢。我地今次3個人都嗌左唔同既野食，包括最招牌既雞白湯拉麵，柚子雞白湯拉麵同埋呢個辣味噌拉麵🤤每個拉麵既湯底我都試過晒，最中意都係柚子雞白湯拉麵，呢款湯底唔係隨便邊到都食到，都算佢自己獨家！佢有一湯匙既自家製柚子泥係碗湯面到自己加幾多都得，撈埋左一齊之後成碗麵充滿住柚子既清香味，連個湯底都唔會太濃郁，淡淡地清新既柚子果味，適合啲唔好太重口味既朋友仔🤤 每碗麵入面有1塊豬叉燒同2塊雞叉燒，相比之下我中意雞叉燒，好滑唔會好硬而且有少少肥肥地，好易入口又食晒食塊😢咁岩有個朋友要肉另上，葵又好好心咁樣幫佢擺得靚靚地，岩晒港女又打卡既人啦。不過最令人感動既係佢既日本飲料，我成日飛日本都唔知有咁多款梳打，我地3支真係各有千秋。招牌貓梳打係蘋果梳打黎，樽身真係有隻招牌貓係到架，桃味梳打就係我朋友既愛人，非桃不可。而我就要左支白葡萄🍇梳打，好濃厚既葡萄味，如果加埋酒精係入面就正啦🤤真心連個樽我都好想飲完拎返屋企擺呀！大推雞軟骨餃子真係好好好好食！仲encore多一碟

話說講想食拉麵都講左好耐，今日黎到尖沙咀決定搵一間拉麵店食！我同朋友行行下見到一間鮮艷搶眼既黃色小店，睇下門口餐牌，原來係食拉麵既！再望下入面環境唔錯，簡潔乾淨，就決定入去再慢慢揀。餐牌上面既食物選擇唔多，不過岩哂我呢啲有選擇困難症既人。最後我揀左柚子雞白湯拉麵，而我朋友就叫左辣味噌拉麵，仲加多左個餃子小食試下。呢個係柚子雞白湯拉麵。有一堆柚子俾我地自己撈，食落仲好有柚子味，好清新，唔會覺得好＂漏＂。啲配料與眾不同，肉好厚，隻蛋成粒過，放入口漏啲蛋漿出黎好滿足！仲有粟米係一排過架！呢個辣味噌拉麵既湯底岩岩好，唔太辣，我朋友真係忍唔住飲哂成碗湯佢！呢個餃子入面有啲類似軟骨既餡，食落好爽口。由於我朋友比較大食，就決定叫多碗黑蒜油拉麵試試，啲蒜真係好足料好濃味，鐘意重口味既朋友可以試下呢個！不過係期間限定，有興趣可以快啲去試下先。

《AOI 葵》 #食在尖沙咀📍尖沙咀亞士厘道宜昌街地下6號B鋪-同朋友行完街 經過呢個鋪 全店黃色 所以吸引佐我地個Menu只有3款拉麵 試下其中兩款先-🔸柚子雞白湯拉麵 $82白色的湯底 食前要先搞拌 湯底下有柚子咸咸甜甜 幾特別 個配搭有意外驚喜拉麵麵身比較軟身 吸收哂湯底味道🔸辣味噌拉麵 $82辣度適合不食辣的朋友仔 但有辣味的香甜個人較喜歡這個湯底 味噌味濃濃的重口味的朋友仔一定要試試兩款拉麵配菜都有 粟米 半隻蛋 蔥花 同雞叉燒🔸加豬叉燒 $18豬叉燒較為大件 有兩片會直接放上拉麵上 沾上湯底味道 味道更特出🔸餃子 $28有4隻餃子 煎日式餃子餃子肉餡是菜肉 配上醬汁 不是太油膩🔸完熟桃味梳打 $23🔸信洲白葡萄梳打 $25桃味同葡萄味都幾出 甜甜地-地方不是太大 座位都不是太多 但勝在員工有禮貌 服務周到 款式供應的雖然少 但勝在注心做一種味道固然是不錯的 出奇的有驚喜🍴9/10

今日黎到尖沙咀見到開左間新既拉麵店，見價錢唔貴所以就入左去試下，店內好細，得3張枱，坐滿大概6人左右，小本經營，先黎講下我叫左既辣味噌拉麵，麵身方面有股說不出的味道，似鹼水味又唔係，好難形容，不過我就不喜歡那味道，湯底係雞骨湯，但唔夠辣，總體唔夠香，麵係有彈性，至於雞叉燒感覺更怪，有雪藏味，中間似未熟，口感「滑晒晒」並不太好，另一塊豬肉叉燒算係正常，仲有粒唐心蛋係唔錯，粟米似係用新鮮原條再手切一塊塊，呢方面係幾有心思，但整體而言，係味道方面仲係雖要有好大空間改進，如果唔係好難可以長久落去

前晚食左台灣菜見到對面呢間隱世既小小舖頭原來係食拉麵既，而天氣開始轉涼，想食番d熱野暖一暖個胃先，所以昨晚同友人去左呢度食個😋😋拉麵，地方唔算太，只可坐10人左右，以確保佢地做出黎既拉麵🍜質素，所以我地叫左柚子雞白湯拉麵🍜同煎餃子🥟，其中一碗追加左豬叉燒，等左15分鐘左右，熱騰騰既柚子雞白湯拉麵🍜登場啦，拉麵硬度岩岩好，配埋個柚子雞白湯好fresh既感覺，不過柚子既味道蓋過左雞白湯既味道，雞叉燒同豬叉燒各2片，肉身都好唸，另外最驚喜係埋成隻既流心蛋係裡面，感覺好溫暖！轉頭就餃子🥟送上檯，煎到甘黃既顏色，皮薄雞軟骨料靚，點埋個醬汁，一咬落去個皮好香脆，oishi!😋😋😋果然係慢工出細貨，支持一下年輕人創業既店舖！😊+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

基本上只係需要揀湯底，雞白湯、柚子同辣味噌我地三個人就揀晒依三款柚子雞白湯拉麵 ($82)真係好柚子😂😂😂無誇張，飲左啖湯以為自己食緊成隻柚咁😂感覺好清新，但係我依啲重口味既人就唔算係好鐘意咁清新既湯底配拉麵啦雞白湯拉麵 ($78)我嗌既雞白湯拉麵今次加多隻蛋依到既溏心效果都幾好，同埋隻蛋好入味辣味噌拉麵 ($82)辣味噌拉麵只係微辣，我覺得都幾惹味朋友食素，所以幫我地安排左啲肉另上，另上既肉都擺得好靚抵讚如果要我排依三款口味我會揀雞白湯拉麵—>辣味噌拉麵—>柚子雞白湯拉麵依到既拉麵仲有兩舊粟米🌽 好甜係斬開左可以成舊食既栗米，夠晒方便餃子($28) 🥟 有驚喜入面有雞軟骨，口感好正，好好食一碟唔多夠我地食，所以encore左多碟😝👍🏻依到既嘢飲都係日本入貨，桃梳打同白葡萄梳打都好好飲貓梳打就係蘋果味嚟見佢有得賣綠茶可樂，都係忍唔住要嗌返枝

Lunch time跟朋友來葵吃拉麵，雖然不是款式豐富的午餐，但好滿足啊～剛坐下想拿MENU看看，朋友就說不要看了，你只能選一款呀！假如平日我一個人吃，便會點野菜拉麵，但今天想吃重口味點，加上知道有2個食肉獸會幫我清掉那些肉，便點了辣味噌拉麵，叉燒另上。飲品方面，我毫不猶豫點了招牌貓梳打，因為最喜歡點不知道是甚麼的東東哈哈～等了5分鐘左右便上齊食物，先來了我們的梳打飲品貓梳打包裝超可愛，味道呢，我覺得有點像蘋果味，不過色素調味劑這些東西實在不好說啦，朋友點的桃味和提子味梳打都是很濃味很甜的梳打，健康著想，年過20的我還是少飲為妙。辣味噌拉麵不算太辣，湯底有層次，而令我最深刻的是非常彈牙有咬口的麵條！當然拉麵的溏心蛋也是精粹啦，要做成功的溏心蛋並不容易，這一家的蛋外面沾上味噌，咬一口，流心程度恰到好處，難怪我另外的朋友也額外追加溏心蛋～另外呢，我某位食量驚人的朋友，吃完自己的雙蛋叉燒拉麵、我的叉燒、一碟餃子、一支梳打後，因為覺得餃子太好吃，所以再叫一碟。嗯，我無法評論餃子好不好吃，不過她這個行為已經說明她對餃子的高度評價，最後，她臨走叫了一支綠茶可樂拿走（因為這家店提供的飲品太特別了！）

葵位於尖沙咀宜昌街， 從地鐵站行過去只需幾分鐘，非常方便。小店地方不大，最多只能夠 容納十人，人多想吃當然要等位。在尖沙咀眾多拉麵店之中葵選擇獨沽一味，只專賣三款款拉麵。 分別是原味雞白湯拉麵， 辣味拉麵以及柚子味拉麵。 另外還有兩款小食分別是大蝦柚子沙律及煎餃子。柚子雞白湯拉麵柚子雞白湯湯頭呈奶黃色非常濃味，用了大量雞肉及豚肉餚製而成但不會 像一般豬骨湯拉麵一般過於糊口及油膩，而且加了柚子醬的湯更有提味的作用呢這真心讚。至於辣味的雞白湯拉麵，是屬於淡淡溫柔的辣， 同時仍能感覺到雞湯鮮甜， 吃完的感覺是舒服的。麵條也見彈牙，最值得一提是，配料除了有豚肉 叉燒外，也有 兩片以雞肉製成的叉燒， 以雞肉製成的叉燒非常嫩滑， 相比之下豚肉叉燒就顯得有小小「鞋」了另外無敵糖心蛋， 蛋黃流心蛋味濃郁 ，讚！至於大蝦柚子醬沙律， 沙律菜新鮮蝦也算彈牙，欣賞的反而是煎餃子， 皮是香脆的， 佢不會過於熱氣， 內裏的豬肉也散發著淡淡的香味。最後我們叫了兩樽日本入口的汽水， 分別是富士山柚子汽水與及招財貓梳打水，爽啊!

尖沙咀不嬲都美食好多，今晚睇中左呢間新既日式拉麵小店餐牌好小清新，同員工傾計發現創辦人都係年輕人，真係要支持下啦～飲品都非常日本🇯🇵大概20幾蚊一支到～餃子 $28餃子好味，但皮唔算脆，竟然係餡料有脆既野，雞軟骨！好有咬口，感覺新鮮，值得一試！柚子雞白湯拉麵 $82柚子味拉麵感覺好新鮮，食落去都幾清新，個蛋係流心蛋，栗米意外地唔係用冷藏個啲，而係新鮮粟米批出黎睇得出有比心思去整個面。朋友食既辣味增拉麵都唔錯，個湯幾濃係重口人士鍾意既餐廳環境都幾日本feel，台下有位放手袋同嬲，坐就唔算好舒服，但畢竟香港創業舖租太貴，所以先會一半用左黎做廚房。

天氣終於開始凍，開始有冬天既感覺。天寒地凍最好就去打邊爐、羊腩煲、熱湯麵......純粹個人喜好啦。今日我揀咗熱湯拉麵！「問我點解唔揀打邊爐、羊腩煲？因為窮呀！」餐廳係尖沙咀，交通方便。黃黑色調既裝修，sharp到對面海都搵得到。餃子 $28飯前點少得個小食。外表普通，勁普通。唔啱你又試吓呀，保證有驚喜！餡料加咗切碎既雞軟骨，入口非常有口感。必食！左：信州白葡萄梳打 $25 / 右：可樂 $10雞白湯拉麵 $78 (追加雞叉燒/豬叉燒) 雞湯湯底味道非常濃厚。辣味噌拉麵 $82 (追加雞叉燒/豬叉燒)同清淡既雞湯岩岩相反，非常濃郁帶點辣既味噌湯底。拉麵表面掛湯，啖啖都食到湯底既濃郁。