鵞鱻館

Open Now

Now Closed

朋友介紹，荷里活廣場有一家中菜館新開張，燒鵝美味且有特價，故去了吃晚餐。中菜館的内部裝修時尚，環境優雅，有三款雅座：半圓形梳化、圓拱形卡位和四方枱，座椅舒適，地方寛敞。天花吊燈美麗。入座後，自選茶葉，茗茶每位收費15元，吃燒鵝喝熱茶有助消滯去油膩。花生每碟20元，花生香脆，表面有少少鹽。燒鵝例牌108元(原價158元)，份量相當於一份下庒，燒鵝是以秘製方法燒烤，皮香口惹味，肥膏入口即溶味甘香，鵝肉多汁嫩滑，鵝味濃並帶有少少香料味和咸味。千島一字骨138元，帶骨豬排肉厚，有嚼勁，醬汁是生炒排骨醬混入千島沙律醬，酸酸甜甜很美味。瑤柱海味什菜煲108元，份量大，蟲卅花爽口，金菇彈牙，雲耳爽脆，蝦乾惹味，魷魚絲味濃，西蘭花、菜心、小棠菜及白菜均鮮甜，還有少少粉絲，海味湯底帶咸味。奉送甜品冬瓜冰粉，紫色冰粉味道很甜，口感冰涼，冬瓜蓉清甜。總結：環境優雅、食物美味。

上次同老公於荷里活廣場睇完戲經過見到三樓有新開食店《鵞鱻館》，今日有機會來湊湊熱鬧，這個商場只得這間餐館自設魚池供應新鮮海鮮，所以特別受歡迎。店內裝修新穎雅緻，以粉藍色及淺色為主，光線充足，感覺好舒服，靠牆一邊有一些卡位，夠闊落，私隱度也高。於店內發現有幾間貴賓房，今晚見到好多龍蝦燒鵝出入呢，貴賓房方便家庭朋友聚會。涼拌海蜇花~海蜇十分爽滑，晶瑩通透，仲有爽脆青瓜及雲耳，醋汁酸酸辣辣，非常醒胃。燒鵝(例牌)~餐廳名字用咗「鵝」嘅特別寫法，不是左右，而是上下「鵞」，使人特別有印象。例牌都好大碟，而家做緊堂食優惠$108，每件的燒鵝皮都是脆卜卜，食到尾仍然香脆，鵝肉鵝皮層次分明，肉質鮮嫩，鵝脂豐富，入口甘香，味道唔會太鹹，沾少少甜酸醬可以解解油膩。魚香茄子蝦球煲~熱辣辣上枱，魚香茄子香噴噴，蝦球爽口彈牙，茄子炆到好淋，魚香肉碎冬菇粒非常惹味，啱曬送飯。羅漢上素~份量都幾大，材料豐富，包括竹笙、雲耳、草菇、磨菇、本菇、蟲草花、粟米仔、牙菜、菜心，味道唔錯，各樣蔬菜都好有益。最後送咗個甜品-冬瓜冰粉，是師傅特製的，清涼冰粉滑捋捋，加入冬瓜蓉，唔會太甜，令這頓美味晚餐畫上完美的句號。下次要同多啲

平時黃大仙收工，間唔時都會附近食埋晚飯先回家 ～呢晚就過左鑽石山荷里活廣場鵞鱻館！眼見主打招牌燒鵝，不過價錢方面都幾相宜～燒鵝皇 例牌原價$158 現特價$108另外茶位$15/位， 前菜花生$20/碟白飯$15/碗燒鵝皇 例牌$108真心出色～食正嘅燒鵝，唔洗入到深井喇！燒鵝望落油份夠脹卜卜，肉嫩滑軟稔又唔會過肥，每件鵝皮都係緊緊連住鵝肉，亦唔係好多地方做到！海蜇燻蹄 $88 刀工一致，擺盤幾靚！份量亦都唔細魚香茄子蝦球煲$158魚香茄子咸魚香氣撲鼻，整體唔會過咸，有埋蝦球加分冬瓜冰粉 甜品 食到最後會送上嘅甜品，清甜消暑！冰粉用左蝶豆花紫藍色，上面有甜甜冬瓜蓉～

這間裝修得時尚典雅的鵞鱻館，最近他們主打的燒鵝有優惠，例牌燒鵝只需$108，今晚就入內一試。上枱的燒鵝微溫，賣相不錯，切得每件大小均勻，皮薄鬆脆，肉嫩多汁，肥瘦適中，鵝味濃，好味。鹽燒鮮鮑魚，用上大隻南非鮑，每隻$65，不貴啊! 賣相擺盤不錯，鮑魚外層的炸漿薄身，炸的溫度亦剛好，令鮑魚口感保持鬆軟，簡單用椒鹽及炸蒜調味已足夠。羅漢上素材料豐富，有雲耳、雪耳、草菇、蘑菇、粟米芯、菜心，芽菜，簡單的家常素菜，送飯一流。溫馨提示: 茶錢$15/位，前菜$20

依家多咗港鐵 屯馬線 鑽石山地鐵站上蓋嘅荷里活商場 多咗去 就坐低食個tea見到門面嘅燒味燒得好靚好吸引 呢度嘅裝修 淺色木系加上清雅的藍色 又有卡位坐 好舒服😌 下午茶 2:00-4:30pm 選擇都幾多 價錢又抵食 ♥︎脆皮燒腩仔飯 $42 必食推介 脆卜卜好有口感 肉質多汁又滑一件一件切得均勻 一啖一口 好有滿足感白飯充滿米香味 ♥︎杏汁雞茸銀耳羹 $68/位 一打開就見充滿真材實料 陣陣杏汁香氣銀耳係爽口口感 配搭埋雞茸 一個林一個脆 好奇妙 滋潤養顏 女士必選♥︎麻辣紅薯粉 $36 必食推介簡簡單單嘅味道 比我想像之中好食我無加冇任何配料但都好滿足♥︎青檸梳打特飲 +$12 呢度嘅嘢飲選擇唔多主要係飲茶 仲有可樂我就鍾意飲呢個 涼透心 襯麻辣紅薯粉一流

每次同 #老竇 出街食飯，佢都堅持一定要食中菜😅我咁乖女梗係會就哂佢🤭 早排經過 #荷里活廣場 見頂樓開咗間新餐廳 #鵞鱻館，見個餐廳名咁特別，一直都好想試吓係乜東東，今次咁啱喺附近，當然要試吓啦😉嚟到 #鵞鱻館 嘅門口，大家一定見會見到大大個魚池，#龍蝦、#石斑… 睇到都口水流🤤 嚟得幫襯，梗係要食下佢哋馳名嘅 #自家製 #燒鵝，雖然我哋只係嗌個例牌，但係份量都唔少，加上師傅控制得個火喉剛剛好，咬落去仲有肉汁之餘，又唔會有多餘嘅脂肪，皮脆肉嫩，唔錯唔錯🤤 另外我哋又加咗個 #蝦子海參豆腐煲，一諗起熱辣辣嘅 #煲仔菜 已經夠開心，爽口嘅 #海參，配上鮮嫩嘅 #豆腐，口感好豐富🤤 建議鍾意食 #白飯 嘅你哋，撈埋汁啲一齊食，雙重享受🤤 最後我哋加咗個 #肉鬆黃金魷魚鬚 做 #小食，#肥美嘅 #魷魚鬚 遇上 #鹹蛋黃醬，入口鬆化又惹味🤤聽講呢度嘅 #紅薯粉 由 #四川 直送，味道都唔錯㗎，不過服務員話晚市冇得供應，唯有下次有機會再嚟朝聖啦😝 服務員可能見我哋咁失望，仲特登請我哋食咗個 #冬瓜蓉冰粉 做 #甜品，味道清清甜甜咁，正好中和一

鑽石山荷廣3樓新開了一間中菜館，「鵞」是鵝的異體字，「鱻」即新鮮，餐廳門面可以見到掛住招牌燒鵝，仲有大魚缸游來游去的海鮮🦞🐟，內裡的裝潢典雅，仲有獨立卡座好適合聚會聊天，不受隔離枱打擾，不過記得要訂枱先得😆 特別一提～這間餐廳服務殷勤親切，媽咪都好鍾意❤️ 適合帶長輩去食哦🥰～·～·～·～·～·～·～·見到龍蝦組合 $498 有齊三款招牌菜 #脆皮燒鵝皇 （例）、#上湯焗波士頓龍蝦、#椒鹽蒸鮮鮑魚 （6隻），好抵食🤩🦆 脆皮燒鵝王例牌份量2 人食有點多😂 果然名副其實～外皮非常香口脆卜卜，鵝肉肥美肉嫩有一層肥膏，邪惡得嚟又好滋味，多汁又有鵝油味，推薦😋😋😋 配埋酸梅醬可以解油膩感，食多幾件都唔怕😌🦞 上湯焗波士頓龍蝦啖啖龍蝦肉，鮮甜又彈牙，大大隻好新鮮😋 餐廳提供鉗同剪刀都好方便，下次來必點👍🏻👍🏻 呢道菜仲可加錢要個伊麵底～ 不過今夜得2位女士就 #生酮 一下😂🐚 椒鹽蒸鮮鮑魚一客有6隻鮑魚，大大件好正 🤩 鮑魚爽口彈牙，酥香鮮甜，椒鹽味不會太重太鹹，味道調配得剛剛好，最緊要食得出鮮味十足 😋👍🏻由於媽咪一開始擔心份量少，所以叫多咗一道魚🫣 最後當然好驚訝龍蝦組合的份量十足，餐廳仲贈

今日去荷里活廣場購物, 行過見到 鵞鱻館, 不期然好想食那品牌燒鵝. 門外有大玻璃魚缸,  生猛游水海鮮活龍蝦, 好搶鏡.   到荷里活廣場食中菜, 好選擇.櫃內掛有大燒鵝,  顏色令立立.  燒肉, 油雞也吸睛. 餐廳客人不少.  裝修光猛,  灯式華麗,   環境不錯.有梳化卡座及方桌, 雅緻舒適.  不落俗套.侍應開茶, 送上餐牌及小食.   炸脆花生, 鬆脆可口.餐牌項目多, 有燒鵝,  海鮮, 雞牛豬, 小炒, 豐儉由人.我們立即點了餐前小食:  蒜片椒鹽牛柳粒. 牛柳粒品質優, 肉汁豐富, 煎得十分香口,  調味正.  另有炸黃色蒜片, 厚度剛好, 炸得香脆可口.  更添惹味.牛柳粒配菇菌,  同樣好入味. 燒鵝皇 (例牌)   大大碟,  熱辣辣,  又香噴噴,  燒鵝下莊連燒鵝髀, 配有秘制燒鵝酸梅醬.    鵝皮脆脆, 鵝肉厚厚,  特別喜歡那荔枝柴煙熏香味,   脆皮底下的鵝肉好鬆軟,  鵝肉厚而不肥,  點些醬汁很滋味,  送飯一流. 燒鵝真好味.鼓蒜涼瓜炆花膠     用瓦鍋上臺熱騰騰.  賣相吸引,  有鑊氣.  厚切的花膠, 膠質豐富.  質感滑又入味. 份

每年都會跟從小識到大的好友食中秋節飯，今晚我們又相約做節，當然傳統一點吃中菜才有氣氛吧！好友預定了荷利活廣場一間新開食店，原來這間餐廳好友一直都有去開樂富總店，鑽石山分店是新開的，而且荷李活廣場是唯一一間自設魚池，提供新鮮。店內環境光猛濶落，左右兩邊都有卡位，感覺特別舒適。【鵞鱻館燒鵝皇】（例）見每枱都差不多有叫，我們當然也不執輸，燒鵝用上秘製方法燒製，例牌分量都有1/4 隻，入口估唔到外皮勁香脆，肉嫩多汁，肉質濕潤，富彈性，而且醃料濃度剛剛好，不太咸，沾少少冰梅醬可以減去油膩感，超有水準。【鮮沙薑豬手】豬手已經預先拆骨起肉，再拌入新鮮沙薑汁、芫荽等等，食落豬皮爽彈帶嚼勁，肉質Q彈，配合鮮沙薑和其他配料製成醬料，令香味更突出。【冰燒三層肉】薄而脆口的酥脆外皮，配上肥瘦分明的三層肉， 味道咸鮮分明，不過咸，火候拿揑準確，十分香口。【桃膠田園泡時蔬】第一次食水芥菜入口爽脆可口，質嫩無渣，浸泡在上湯中吸收湯汁，食落更加鮮甜美味。【冬瓜冰粉】餐廳自家製冬瓜冰粉，先將冬瓜煮溶，再製作冰粉，入口清甜可口，冬瓜味香甜濃郁。

屋企人好鍾意食燒鵝，試過坊間好多燒鵝專門店，口味各有所長。聽朋友講鑽石山荷里活廣場新開業的「鵞鱻館」有靚燒鵝食，今晚早咗放工一於去試吓先。餐廳走新派中菜路線，一邊座位以弧型設計，優雅時尚，另一邊畫牆更以鵝作主題，設計獨特✨前菜：炸花生，鬆化脆口冇油益味👍🏻燒鵝皇（例）兩個人本來想叫半隻燒鵝，發現例牌份量做特價$108 ，就點了一份例牌留肚食其他餸菜😋鵝嘅品種唔算大隻，有燒鵝香味。燒鵝皮入口勁香脆，是我食過最香脆的鵝皮，連帶着那種鵝油甘香，入口溶化，美味邪惡到難以形容。鵝肉夠香，肉質細嫩，唔會醃到好鹹好重味👍🏻 但偏肥，有肥膏層~食完先算啦  瑤柱海味什菜煲熱辣辣滾住起菜，有蝦乾，雜菌，粉絲，白菜仔和西蘭花，非常豐富，而且吸滿鮮甜的瑤柱海鮮湯底，風味甚佳！😍👍🏻千島一字骨勁粗壯大件嘅一字骨，以千島醬收汁，自家唔容易做。醬汁令一字骨更滑更入味，每件都沾滿醬汁，食到舔舔脷😋最後送上甜品：冬瓜冰粉冰粉是台灣地道甜吃，店員介紹落足心機用咗半日時間自家炮製，把冬瓜皮熬煮再加入冰粉凝固，製造出軟綿滑溜的效果，再加上冬瓜蓉，又甜又冰凍，冬瓜消暑解膩，適合夏季食用。更適合吃完燒鵝中和返油膩感覺。贈送嘅甜

今天相約朋友二人來這家新開的餐廳，位於荷里活商場三樓，門口有一個大魚池，裡面放滿鮮蹦活跳的海鮮，驟眼看有龍蝦和不同的斑魚，似乎是唯一自設魚池的餐廳。店舖名字非常特別，於是好奇心驅使之下，上網搜了一下資料，原來「鵞」為鵝的異體字，意思相同，但字形不同的漢字，這個字非常特別，「鱻」則是「鮮」的異體字，那麼，店舖的主打菜應該是燒鵝和海鮮。鐵觀音、壽眉、香片之中選了香片，Menu選擇之多令我非常頭痛，每樣菜都想試，可是胃只得兩個，侍應見我不知道該叫什麼菜，便介紹店舖招牌是燒鵝，既然是招牌菜，當然不可錯過。燒鵝（例牌）除了外觀烤得金黃有光澤，外皮香脆、肥而不膩且充滿油香，鮮嫩多汁，份量實在不少，原來是秘方燒製，令我喜出望外。杏片黑醋銀鱈魚銀鱈魚外皮炸得香脆，裹上黑醋醬及杏片，外脆內軟，肉質柔滑，魚肉油脂豐富，黑醋酸味平衡油膩感，與咕嚕肉有點異曲同工之妙。蝦子海參豆腐煲煲仔的好處是保溫很好，熱氣騰騰香噴噴，足料海參配上豆腐，美顏又滋補，還有秀珍菇與紅椒黃椒作陪襯，除了多份香氣，色彩豐富令賣相增添不少美感欖菜肉崧四季豆四季豆與肉崧炒得夠鑊氣夠乾身，爽爽脆脆，令人胃口大開～最後送上時令甜品，霍師傅向我

這間位於荷李活廣場的鵞鱻館，主打燒味及海鮮，餐廳有自家魚缸養住海鮮，所以非常新鮮。七味鹽燒豆腐豆腐即叫即炸，新鮮熱辣，炸至金黃香脆，入口豆腐嫩滑。燒鵝以自家製的醬汁醃製，燒鵝燒至皮脆肉嫩，不會有雪氣味，肉質嫩滑而且有肉汁，夾起還滴出鵝油。黑蒜野菌炒豚肉豚肉爽口還帶點油脂香，黑蒜微微甜味，加上甜豆及野菌，非常健康。櫻花蝦炒飯炒飯飯粒分明，蝦仁新鮮爽彈，還有櫻花蝦的香味，炒飯份量十足，十分爽口且不油膩。最後餐廳還送上冬瓜冰粉，冰粉的甜味來自冬瓜皮，配上冬瓜蓉一起，味道清爽又不會太甜。

今夜外出晚飯，與家人相約在新張不久的「鵞鱻館」，除了我想吃中菜，另一個原因是地點方便，餐館在鑽石山荷里活廣場。在門口的玻璃缸魚池，展示為食客提供的新鮮海鮮食材，當中龍蝦非常吸引眼球，我欣賞了一會兒才進入餐館，餐館以淺灰藍及淡黃色為主色調，很舒適軟綿的梳化椅和餐椅，整體裝置雅淡舒適，此外還設有貴賓房間。餐牌顯示的照片，拍攝很有水凖，誘發我們的食欲！燒鵝例牌，皮脆有光澤，皮下沒有多餘油脂，肉質鮮美且濕潤汁多，配以酸梅醬十分開胃。 肉鬆黃金魷魚鬚，蠻特別的組合，肉鬆令脆皮魷魚鬚味道層次升級！砵酒汁脆蝦球窩巴，我頗為喜歡脆蝦球和窩巴這個配搭，酥香鬆脆，如果砵酒汁另上，吃的時候自己蘸更理想！椒鹽南非鮑魚，鮑魚肉質細緻軟滑，椒鹽香而不鹹，非常冶味。金不換豚肉炒烏冬，很有泰式風味，味道又像豉油王炒烏冬，份量不少、味道也好。羅漢齋煎麵，超級的份量把我嚇得輕哇一聲，金黃酥脆的煎麵蘸少許浙醋，去膩醒胃，羅漢齋味道清爽，沒有濃濃的調味，也令煎麵吃來可以平衡一些。我喜愛的川式甜品~冰粉，每次吃四川菜，都會點選，今餐是免費奉客，開心啊！