Video
Read full review
2025-03-10
67 views
假日同友人參觀前深水埗配水庫，到石硤尾先去食Lunch先，友人介紹到一間舊式茶記食-賓墟餐室，有幾間分店。餐廳面積小，茶記的格局，水吧位似舊式快餐店的設計，食晝時段都幾多人，剛好有卡位夠4人坐。餐牌，都幾多選擇，見到有個午餐，全日供應，有沙嗲牛配漢堡，咁抵食即叫了。特色午餐，$46，沙嗲牛肉麵配手打漢堡包。熱咖啡，醒神。沙嗲牛肉麵，個碗睇落細，但其實份量正常，牛肉份量適中，沙嗲味係有，但唔算好香濃又唔淡，正常水準，配埋片生菜及腍腍地嘅公仔麵，呢種Hea(*不是踩)真係好有種舊茶記feel。手打漢堡包，港式漢堡，似時新果種，Size比較細個，麵包有少許烘底微熱脆脆地果下正，牛肉薄身但煎得香口，咬落都有少許肉汁，不俗。香蔥豉油煎熙蹄肉餅飯，是日例湯，$52，友人的。菠蘿泰式蝦仔炒飯，是日例湯-木瓜雪耳豬骨湯，$54，友人的。食物味道正常水準，舊式的味道同感覺，重點抵食，呢個價真係冇投訴，有機再戰。
假日同友人參觀前深水埗配水庫，到石硤尾先去食Lunch先，友人介紹到一間舊式茶記食-賓墟餐室，有幾間分店。
餐廳面積小，茶記的格局，水吧位似舊式快餐店的設計，食晝時段都幾多人，剛好有卡位夠4人坐。
餐牌，都幾多選擇，見到有個午餐，全日供應，有沙嗲牛配漢堡，咁抵食即叫了。
特色午餐，$46，沙嗲牛肉麵配手打漢堡包。
熱咖啡，醒神。
沙嗲牛肉麵，個碗睇落細，但其實份量正常，牛肉份量適中，沙嗲味係有，但唔算好香濃又唔淡，正常水準，配埋片生菜及腍腍地嘅公仔麵，呢種Hea(*不是踩)真係好有種舊茶記feel。
手打漢堡包，港式漢堡，似時新果種，Size比較細個，麵包有少許烘底微熱脆脆地果下正，牛肉薄身但煎得香口，咬落都有少許肉汁，不俗。
香蔥豉油煎熙蹄肉餅飯，是日例湯，$52，友人的。
菠蘿泰式蝦仔炒飯，是日例湯-木瓜雪耳豬骨湯，$54，友人的。食物味道正常水準，舊式的味道同感覺，重點抵食，呢個價真係冇投訴，有機再戰。
Post
