C2 Lab

Open Now

Now Closed

今晚一行四人去食飯，睇完open rice d comment ，話服務態度唔好，已經有d驚. 不過去到同其中2 個staff 傾完計，加上見到佢哋招呼其他客嘅態度，我真係覺得唔差. 👉環境，👉地方乾淨程度，👉坐位既size，👉食物質素，👉食物既份量，👉staff 既service，👉價錢，我覺得可以一試. 4個套餐，包湯，頭盤，主菜，加咗兩杯嘢飲，兩個甜品，總共加埋$1800幾. 如果去d裝修靚小小嘅餐廳食，可能都要$3000幾，同埋重點係今晚個個都食得好飽👍。

12.23入去食晚餐，餐廳位置離鐵站好近，門口有個1:1 Ironman figure ，好易搵。由於坐落係橫街亦比較安靜。餐廳面積較細，但整體佈局尚算舒適，有個大黑板餐牌佔了唔少空間。我們點了4個主食：油鴨髀、熟成豬胺扒，另加$108套餐（前菜+湯），前菜和湯都好好味。到主食時，油鴨的皮煎的好脆、不過個人覺得肉質亦較鞋，另外份熟成豬胺扒的肉質亦好死實，廚師話係慢煮但是肉質一地都唔霖，同廚師反映咗（並非投訴）佢話係批豬問題，我更覺得係煮前處理方式出事⋯⋯個人建議主食都係食pasta好啲，至於肉類建議大家做足心理準備😞

今晚在C2 Lab享用了一頓非常美味的晚餐！雖然餐廳的空間有點狹窄，但食物的質量絕對值得一試。燒法國鵪鶉髀配紅桑子陳醋汁作為前菜非常出色，鵪鶉髀7分熟的建議真是恰到好處，肉質鮮嫩美味。黑松露忌廉湯濃郁香滑，每一口都讓人回味無窮。接著的松子青醬薯仔丸子口感細膩，青醬的香氣與松子的脆感完美結合，每一口都充滿了驚喜。油封鴨髀配杏脯乳酪汁更是令人驚豔，鴨肉外皮酥脆，內裡鮮嫩多汁，搭配杏脯乳酪汁的微甜與酸味，提升了整道菜的層次感。餐廳的服務也非常周到，環境雖然略顯擁擠，但絕不影響用餐的愉悅體驗。強烈推薦！

+$108任選一款前菜＋湯🍴燒法國鵪鶉肶配紅桑子陳醋汁 (7/10)鵪鶉髀煎得好香，沙律好新鮮，用咗醋汁好解膩🍴燒西班牙八爪魚配白玉粟米 (8/10)八爪魚好軟滑，上海鹹鹹辣辣燒香 好好食，白玊粟米好甜，沙律青瓜絲粟米同埋柑，好清新🍴忌廉蘑菇湯 (8/10)香濃忌廉味，好多打碎蘑菇，勁重蘑菇味，好飲。🍴牛尾湯 (8/10)重牛味，有肉食，蕃茄雜果令到個湯更開胃，酸甜！🍴鮮蟹肉北海道帶子紅花意大利飯 $188 (8/10)紅花幾香，甜美的花香與麝香味，用咗cream去調配入口好柔和入邊嘅蟹肉都好鹹香。蘆筍有口感，大致都剪得啱啱好鮮甜，蟹籽都唔係求其！🍴油封鴨髀配杏脯乳酪汁 $238 (10/10)呢個真係大癲好食，鴨髀煎到好香脆，個皮油脂豐富，入口好似化開咁 啲肉雖然係比較乾身底，一啲都唔嚡口，仲有個乳酪汁解膩😍薯蓉係粒粒有口感！🍋檸檬雪葩 $68 (8/10)用左成個檸檬做外形，有心思，酸酸哋勁開胃！打卡一流！🍴自家制心太軟伴雪糕 $68 (7/10)心太軟好輕盈，有流心效味，好濃朱古力味，雪糕係普通雀巢味。推薦指數: 9/10可能係今年食過最好食最高CP值嘅西餐，好食到不想推薦🥹📍C

網上睇到呢間兩個👬男人經營嘅深水埗西餐店 即刻約朋友去試吓點咗佢哋重中之重既油封🦆鴨髀 卡邦尼意粉 新鮮🐙八爪魚粟米沙律 先講油封鴨髀 真係好好食嘅💯 外表超級酥脆 用把刀輕輕一壓 已經切開 入面嘅肉質軟腍 油脂味豐富 同埋好大隻 兩個人分享都好足夠🥰 卡邦尼意粉有驚喜 醬汁香濃 意粉彈牙 最後就係鮮八爪魚粟米沙律 八爪魚肉質彈牙 粟米切到細細舊 好方便食 但係如果可以切出嚟就更加好啦🤣 花咗好多心機去切先食到深水埗西餐店 座位唔係太多 但係主廚會出嚟介紹當日嘅食材 定期有新嘢

一共去過四次這間餐廳，食物是可以，而且性價比亦好高，但係服務態度認真差，第一次去已經被趕出門口，尤其是著波衫個肥仔， 唔知係唔係似着自己是老細成日黑住塊面對啲顧客。我幫襯過三次lunch都係黑曬面，仲要好冇禮貌。 最離普一以食食下飲緊杯餐茶，突然肥仔跟我說, 話門口有三個人等, 叫我轉第張枱，你估而家去緊茶餐廳食飯？ 仲要好似老馮，一句唔該都冇。另一次食晚餐服務態度就好啲。老闆我想提提你，今天食午餐用300元埋單，唔擔保我下一次來包場，你明唔明？在此提示你顧客是你的老闆，請你對顧客多的笑容, 講”唔該“ 和“多謝”。

睇咗YouTube 介紹去嘅。餐廳12:00開門，星期日冇得預約，我大概13:00到，等咗唔夠10分鐘就有位。其實我見差唔多13:30已經有空枱，而家食肆都真係好難做到兩三round turnover 。食咗鵝干、油封鴨髀、同一個鷄意粉午餐。油封鴨髀皮脆肉嫩做得非常好，好食過我響巴黎食（不過我響巴黎食嗰間餐廳又真係太過一般，咁樣比較唔係好公平），連個杏脯乳酪醬一齊食，唔覺得好腬。其實食完鵝干再油封鴨都唔覺得好腬，我覺得佢都幾勁。個鷄意粉加入咗一啲松籽，多一重咬口同香味，我覺得都幾有心機，整體都好好食。上菜都好快，唔使等好耐就有得食。期間我論論盡盡整跌支叉，侍應好快就幫我換返。冇諗過食完又封鴨，佢竟然有幫我換碟。服務都真係好好啦。個廁所超大，雖然唔係真係好靚，不過深水埗區小店有咁企理嘅廁所，都算好唔話得囉。

今日本身諗住同朋友去試吓，不過三個人冇訂枱，入去諗住問吓walk in 等位要等到幾時啦，點知門口收緊錢嗰個便服侍應哥哥好cool咁同我講話:”今日冇訂位就無。” 咁我哋就過咗隔離搵食啦，等緊隔離鋪嘅時候，有另外三個人本身睇緊餐牌，覺得唔啱食，就過咗去C2 Lab，佢哋三個入咗去， 1分鐘之後就坐低左啦☺️。咁即係其實唔係full Booking，等15分鐘就有位啦☺️ 唔排除佢有人訂咗枱no show，但係態度可以好少少。 永遠Blacklist☺️👌🏻

牛油果🥑好食😋個鴨皮喺好香脆，出色鵝肝，好出色，見到佢呢個色水，就知佢咩料，其實胃大少少可以食3.4個🫶🏻🫶🏻👏🏻甜品🍮呢個都推薦大家試下.如果個胃大啲可以試埋其他😸😸

今日朋友生日黎左 呢間深水埗呢間西餐食飯 入面空間環境唔算大 都坐得舒服 入面仲有洗手間提供使用前菜叫左鵝肝多士 油甘魚🐷 鵝肝配柚子珍珠 大大件既鵝肝配上香脆嘅多士 唔錯 👍🏻🐷 主菜：油甘魚配柚子甜醋 本身我唔係好鍾意食柚子類既野 但朋友話想食 所以我就話冇所謂 當試下 點知黎到 又幾開胃 唔會有苦澀味 🐟油甘魚亦都好厚 身 配埋佢既橘子 好夾 🥂🐷 主菜： 帶子意大利飯 呢個冇咩特別 唔難食 正正常常 😂 下次可以試下其他🐷甜品： 打卡岩晒 📸️ 生日同佢講會幫你寫碟 有埋蠟燭🎂 唔洗另收費呢間餐廳唔錯 對得住個價錢👍🏻👍🏻 推介大家帶另一半/ 生日黎食

在深水埗難得一見的西餐廳，估唔到係會令人覺得覺得性價比超高，雖然人均消費都要200起，但食物質素絕對對得起呢個價，食物質素極好。佢個牛肩好有肉味肉汁豐富，油封鴨都係高水準，頭盤及湯都好得。服務係老闆自己帶住做，所以都唔會差得去邊。主要係餐廳較細，坐得比較逼。唯一令我不滿的，就係其中一次，佢提供嘅清水居然係臭嘅，當然唔敢再飲。不過光顧咗幾次，咁嘅情況只係出現過一次，希望佢哋以後可以小心啲。始終，高水平嘅平價西餐，實在係太罕有。

食物好，服務好，優質小店，值得支持！請朋友食lunch，近深水埗港鐵站D2出口，行無耐就到⋯朋友讚appetizer好睇又好味👇🏻Fresh Crabmeat, Crab Miso Paste Cucumber Salad我叫咗牛柳鵝肝，牛柳五成熟，非常軟熟，鵝肝正常水準👇🏻Grilled U.S. Beef Tenderloin with Goose Liver可惜食到中途有隻好微小嘅昆蟲，我直接用橙汁杯撳落去當冇事繼續傾偈🫠 set lunch跟嘅橙汁似乎唔係鮮榨，但味道都OK嘅⋯⋯唔多寫食評，但有心做嘅小店值得支持，希望多啲人去欣賞美食😊

深水埗都有高質既西餐廳，環境食物都唔錯🍽️意式薄切油甘魚配橘子甜醋 （$98）油甘魚入口滑溜，配上菜、橘子、同甜醋，非常之fresh同開胃，作為前菜岩岩好，好適合夏天食☺️🍽️鮮蟹肉牛油果蝦凍批 （$98）蟹肉同牛油果混埋一齊，但蟹肉唔算多，蝦唔算大隻，但整體比較新鮮，牛油果本身容易膩，但甜酸的醬汁中和左油膩感。🍽️意式卡邦尼手工扁意粉 （$138）醬汁濃郁掛滿面條，扁意粉煙韌有咬口，但整體唔算太特別，可試可不試。🍽️魷魚海蜆配墨汁意大利飯 （$178）眼前一亮的意大利飯🤩粒粒分明的飯粒超有咬口，而且魷魚同海蜆比得好足，食落超juicy👍🏻整體來講，係平民區性價比並唔算高，但以食物質素來講值得一試。星期日下午去可以walk-in，但4點要交枱。人均消費 $100-200，係西餐來講性價比都唔錯

主菜加$108 ，有前菜+湯湯牛尾湯頭盤🍖 燒法國鵪鶉肶配紅桑子陳醋汁🐙 燒西班牙八爪魚配白玉粟米主菜🦆 油封鴨腿配杏脯乳酪汁（$238）🐟 燒北海道劍魚腩配金桔柚子醋（$268）額外加配🧀 意大利芝士開心果煙燻杯（$68）呢間餐廳C2Lab位於深水埗福榮街，環境舒適，裝潢簡潔。餐廳提供主菜加$108的套餐，包括前菜和湯。睇完Youtube之後，係深水埗，難得有間走高級路線0既西餐廳，當然要試。首先上牛尾湯，牛尾湯同平時唔同，無好濃0既茄膏味，感覺比較清爽。頭盤有燒法國鵪鶉肶配紅桑子陳醋汁，鵪鶉肶經燒烤後質感鮮嫩多汁，搭配紅桑子陳醋汁的酸甜風味，非常開胃。另外還有燒西班牙八爪魚配白玉粟米，最得意0既係八爪魚的口感似肉，搭配粟米的清甜，味道獨特。主菜方面推薦油封鴨腿配杏脯乳酪汁，鴨腿外皮酥脆，肉質一絲絲，質地似煲淋左0既煲湯豬肉，杏脯乳酪汁的香甜與鴨肉的油香相得益彰。仲有燒北海道劍魚腩配金桔柚子醋，劍魚腩經燒烤後保持了魚肉的鮮美，劍魚腩油脂豐富，金桔柚子醋的酸爽增添了口感層次。如果想要額外加點配菜，可以試試意大利芝士開心果煙燻杯，芝士的濃郁與開心果的香脆相輔相成，令人回味無窮。整體而言，

Starters最常order既就係油甘魚，個source加埋一齊食，好襯好夾另外鑽石蜆都係好正，好鮮甜，好大粒肉，個汁仲可以點麵包食鵝肝超好食，但比較難shareMain 就好推介紅蝦意粉，超好食，好香蝦味意粉個texture都好好油封鴨髀都好推薦，不過咁啱今次無食，就無影相。豬鞍就係我幾個朋友既favourite，好嫩滑既肉質。今次試左個魚，有驚喜喎，外脆內軟，個人非常喜歡有一點個人好欣賞，就係佢地上完starters係會幫所以人換碟，再上main，雖然西餐黎講好似好基本，但深水埗小店做到咁，我係欣賞既。