canton pot (Closed)

今次黎到旺角嘅一間酒店內嘅餐廳，位置非常寬敞舒適，菜單都係用iPad ，但點單就要叫服務員。.龍蝦鍋套餐 $1200見新年就食過貴少少嘅獎勵一下上年嘅自己啦！🤣龍蝦刺身- 刺身size 比較少同細，但份量都岩岩好，食落口軟綿綿！龍蝦頭仲可以放埋入火鍋度做湯底，令個湯底更鮮味呀！火鍋底 - 火鍋湯底分為蕃茄龍蝦🦞湯及素菇龍蝦湯底，個蕃茄湯本人覺得特別出色，飲得出佢嘅鮮味！肉類 - 套餐已包有牛豬羊肉幾片，最為出色嘅真係非牛莫屬，牛味濃郁，口感軟綿！留意番牛肉係用番本地牛，仲要係牛頸脊肉！.龍蝦套餐又點會淨係得龍蝦呢，仲有鮑魚、大紅蝦、桂花蚌呢啲海鮮！.仲有玩味十足嘅百花海參雲腿釀蟹鉗、黑松露豬肉丸、羊肚菌黑豚肉餃、蟲茸野菌福袋、響聆、准山，仲有菜籃同稻庭烏冬呀！.我地兩個人真係食到勁飽攬住個肚走呀！！

今晚黎到呢間火鍋店, 偏離左繁衍嘅街頭, 可以靜靜地打邊爐室內環境寬敞, 樓底又高, 座位唔會排到好迫, 非常舒服醬料方面有成14 款: 蔥花、蒜蓉、豆瓣醬、日式胡麻醬、炸蒜、鮮洋蔥粒、自家製沙嗲醬、潮州辣椒油、花生醬、自家製麻辣醬、廖孖記腐乳、指天椒、麻油、豉油, 可以盡情混醬川芎白芷魚頭湯湯味非常鮮美, 用材十足, 除左有川芎白芷, 仲加入多款藥材, 所以味道好濃郁, 魚頭大大個, 魚雲又大又滑 ~~煲滾後不妨先飲番杯魚湯, 試試佢嘅味道先再放食物入去本地新鮮牛頸脊色澤紅潤, 雪花紋清晰, 而且肉質結實爽嫩, 肉味較濃, 可以食到啖啖油香蟹籽海皇餃屬於自家製系列, 入面加左蝦 & 蟹籽, 所以餡料口感非常爽彈冰菜第一次用冰菜打邊爐, 唔洗烚太耐, 口感爽脆, 而且水分夠多鮮冬菇份量唔少, 非常抵食香菇貢丸一碟有成 12 粒竹蔗茅根水清熱解渴, 味道唔會好甜

最近天氣凍左好多 所以打邊爐就當然的但大家都記住注意衛生 要用公筷喔！肉類就要淥熟先好食啊🤪今次同屋企人黎到Canton Pot裝修好雅致 寧靜舒適可以慢慢食湯底方面我哋要咗川味麻辣+松露百靈菇野菌湯 ($116)川味麻辣充滿麻香 而野菌湯清清地 幾好飲架😋餐廳仲提供12款固定配料及醬料 ($28/1人)美國牛頸脊 ($218)是必點的 牛味幾重 唔錯另外我叫咗蒙古牛肉片($118) 一啲都唔羶而餐廳職員更推薦沖繩豬肩肉 ($188)肉質幾厚實 都真係幾好味架👍🏻最後我都推薦大家飲返壺菊花茶 ($38) 可消滯😆-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

天氣冷加上很想食熱辣辣嘅食物保暖，火鍋必定係我同朋友的首選，今日來到旺角一間酒店大廈內的火鍋店「Canton Pot」，餐廳闊落而且座位舒適， 三五知己或者一大班良朋嚟打邊爐就最好不過。農曆新年為咗獎勵自己我哋就食咗一個價值1288蚊嘅龍蝦鍋套餐， 包括有湯底是龍蝦伊麵鴦鍋，一邊是番茄龍蝦湯底，以另外一邊就係清湯龍蝦湯底，食火鍋前先嘆一下番茄龍蝦湯，味道十分鮮甜，有很香濃的龍蝦鮮味。食材主角是原隻新鮮龍蝦刺身，size剛好2人份量，龍蝦肉軟綿綿，加上刺身豉油及wasabi，非常可口。新鮮鮑魚仔已切成一片片，輕灼數1分鐘就可以食，爽口夠彈牙。阿根廷紅蟹超大食，肥美鮮甜，食咗一隻十足滿足。肉類方面有豬、牛、羊，個人喜歡牛多一點，因為油脂分佈平均，肉質腍嫩，啖啖牛肉香。桂花蚌多爽脆新鮮，白花海參雲腿釀蟹鉗香口彈牙， 松茸野菌福袋食到滿口鮮菌味，響鈴合格正常，野生竹笙、山藥及有機甜粟米是健康食材好新鮮。稻庭烏及冬田園菜籃是最後淥的，因為可以吸引所有精華，味道更加濃郁。最後點了冰糖燉雪梨作結，滋潤一下，我哋二人都十分滿足， 捧著肚子回家。

睇食評好似幾唔錯，終於可以試下喇！個麻辣唔算辣，鍾意食辣既朋友應該會想加辣！牛頸脊、炸魚皮都好好味，勁香脆，有個福袋入面係菇黎既，奉勸各位唔好放落麻辣湯底，因為太索味，太鹹了，所以最好就係幾個朋友去叫多一個清鍋。我哋果個清湯叫左椰子雞，都好香椰子味，正🤤成晚最差最差係佢既通風系統，坐房的話，有兩個麻辣鍋，龔鼻龔到成枱成晚都在打乞嗤😖

Canton Pot聽就聽過好多次啦，食就第一次。餐廳好多野食都好靚，服務員會話好仔細咁話俾你聽呢個係乜嘢，牛都幾好幾種，邊隻係餐廳招牌等，而呢個餐廳招牌就係我返噱既理由！👉🏻 今次食左本地牛頸脊、澳洲牛及安格斯，本地牛頸脊就係招牌，真係好好食，好淋、脂肪比例好好（申利：我對日本和牛冇乜感覺）、牛味足夠👉🏻 麻辣湯底不夠辣，加辣後不錯。起初食嘅時候都幾好味，但係打到後來就好咸，咸到不能加湯，要叫加水👉🏻 飛碟咁既甜品好靚，係楊枝金露，ok啦 特別既

講起打邊爐～不期然想起好難浪漫到～事關環境一定嘈服務一定冇但canton pot居然可以做到浪漫打邊爐！男朋友同我講要去酒店食嘢～我以為一定西餐點知原來係港式打邊爐！！😱仲要lee度有包廂房入面好隔音同有部電視～門都係自動～但lee d只係加分位！～嘢食先至最重要！佢有好多出面好少見到ge湯底好多藥材補身湯！我地就叫左lee個「竹絲雞湯拼佛跳牆」（$888）d湯勁足料未打住先飲幾碗湯！侍應姐姐們會幫你分大細碗裝5同湯非常貼心！～個套餐包左幾樣嘢食～有響鈴/木耳/蘿蔔/米線餃子/手打丸/豆腐/粟米/蝦牛同豬（我覺得肉份量少左d）仲有生菜籃！～份量好足！～另外我地仲叫左一瓶紫貝天葵（$88）侍應們會幫你用煲暖住佢～等飲時暖笠笠～最後仲有甜品成餐飯非常滿足～值得一讚係服務！雖然我地係房但姐姐們係不時留意我地需要～非常有禮貌～雖然價錢幾貴但食物質素同服務完全值～一大班人想食得好又要有私隱推薦lee度～但記得book時講定想要房啊～

兩個女仔去食火鍋，又諗住養生，哈哈好矛盾！估唔到呢度有啱我哋食嘅嘢！湯底方面，我地點左個鮮椰皇燉雞湯，湯底非常足料，真係非常鮮甜，個湯一滾左我哋係咁飲湯，好好味！而且佢嘅雞肉好嫩，平時唔食湯渣嘅我，竟然將隻雞食晒！等待火鍋料嘅時候，可以調配調味醬，呢度有成12款料可以揀！喜歡佢個自家製麻辣醬，感覺到餐廳對食材嘅用心。雖然話就話養生姐，打邊爐又點少得牛肉呢？點左一碟本地新鮮牛頸脊，油花分布超級靚，食落牛味濃郁，油香十足，而且好滑！另外點左半份四寶丸，包括線黑松露豬肉丸、鮮墨魚丸、鮮蝦丸、陳皮鯪魚丸。粒粒都爽口彈牙，我最喜愛豬肉丸，加入黑松露嘅味道好香。先墨魚丸都好爽彈，值得一試！另外點左竹笙，個椰子湯滾完，吸晒椰子雞精華，好鮮甜。呢度連冰菜都有，唔係好多火鍋店有的。喜歡冰菜嘅口感，好特別。份量都算多，幾抵食。最後食埋金菇，已經非常之飽，滿足滿足！下次都會再嚟，整體食物都是高水準，服務亦都非常好。

踏入十二月，香港終於涼少少❄️，姐係話，又到火鍋季節🍲🔥🔥！！😍呢晚嚟到位於油麻地嘅《Canton Pot》，有多款高質湯底可供選擇，材料質素上乘，裝修時尚，服務良好。原來打邊爐都可以咁高級！（事後睇返先知道原來Canton Pot係酒店集團L’hotel旗下食肆，難怪可以咁高質素啦！）餐廳店面好大，有好多間房，book一間一大班人打邊爐都咪話唔爽🤪呢晚我哋去嘅時候已經入晒座，我哋兩個人獲安排坐一張四人枱，位置多咗，擺餸都無咁迫！12款固定配料及醬料 ($28/位)一坐低，侍應已經送上調味盤，勁多選擇，任由你配搭，好霸氣🔥菜單喺ipad上面睇，有圖有真相；落單又唔駛用紙，環保得多。首先係湯底：花膠燉響螺湯 ($298)湯底可以雙拼，所以個煲有兩邊。但我哋淨係揀咗一個湯底，所以兩邊係一樣嘅。我哋嘅碗前面，除咗有碗、碟、調味碟之外，仲有隻杯仔。原來係用嚟試飲啲湯嘅！個湯底一上枱，侍應就幫我哋「不」出嚟，俾我哋試下飲先。個湯好清，無好重味精嘅感覺☺️真材實料+足料，好多大塊厚肉嘅花膠🤩🤩之後就到餸喇。餐廳好好，餸可以選擇半份，價錢就咁除二，咁就可以試多啲嘢食啦！美國手切雪花牛片 (半份) ($7

今個星期見凍凍地，約埋一班同事去打邊爐。同事就介紹呢間canton pot!雖然佢位置係有小小難搵，縮左入去，但一入到間口都覺得餐廳係整齊企理，不竟係連住service apartment吧😄我地叫左花膠嚮螺湯底，打邊爐之前會先用小杯試下湯，好鮮甜呀！配料方面有攣毛豬(經理話出面好小有)，牛頸脊，蔬菜，小象拔，餃子等等，豬係的好香，但最出色一定係牛頸脊！好鬆軟甘香，所以我地都再叫多一碟😂另一出色就係和牛芝士餃，好香但芝士又唔會蓋過牛肉味，不錯！仲有阿根廷蝦，好新鮮，其實佢所有野都好新鮮，價錢中規中矩啦，不過值得一試👍🏻👍🏻

開始凍喇，打邊爐嘅季節又黎喇，同幾個朋友趁住閒日無咁多人就聚一聚啦👭👭🏻「湯底是川芎白芷魚頭鍋」聽個名，就覺得好鮮味，果然黎到係好香嘅魚味，唔怕腥，清清地都好健康架。「豬牛羊拼盤」有三款肉，岩哂想食唔同肉嘅朋友喇👍🏻仲要每款都係新鮮切出，脂肪同肉嘅比例分佈得好平均，咬感一流。「本地手切牛頸脊」呢個係無得輸架，平時好少地方可以食到牛頸脊，肉質鮮味，呢個絕對要試🤤「珊瑚蚌」食開嘅，都知道係幾爽脆，打邊爐唔小得嘅其中一款餸。「羊肚菌豚肉餃」第一次食，感覺幾特別，仲唔到呢個配搭又Match得幾好啵。「脆骨腩」厚切得黎勁爽脆，配埋魚湯底，係鮮中帶鮮，更突顯出魚味嘅精髓。「油麥菜」菜係好新鮮，而且一份有勁多，食太多肉好濟嘅，就食下菜fresh下啦。「楊枝甘露水滴」和「川貝陳皮雪耳燉津梨」食完一餐肉肉火鍋🍲，最適合食返酸酸甜甜嘅甜品消消濟，為一餐豐富嘅晚餐畫上完美句號。👏🏻

旺角薈賢居酒店內的Canton Pot，置身酒店來打邊爐，頓時變得高級，無論環境及食物質素都屬酒店級數。首先有12款固定配料及醬料（$28/位），當中有幾款自家製醬料，例如麻辣醬，有辣勁；以及名店廖孖記腐乳，配肉類好夾。湯底揀咗花膠燉響螺湯（$298）：湯頭好清甜，湯料有花膠及響螺肉，好滋補。本地新鮮牛頸脊（$159/半份） ：2人打邊爐最怕碟頭太大，吃不完浪費。Canton Pot可以讓食客叫半份，非常彈性。本地牛有肉味，夠新鮮。 匈牙利綿羊豬肩胛肉（$149/半份）： 綿羊豬入口軟滑，比較少見。 松茸野菌福袋（$59/半份）： 福袋索滿湯汁，內裡有滿滿的野菌粒，好有咬口。 蟹籽海皇餃（$49/半份）： 吃慣雲吞，轉食這個海皇餃也不錯，餡料換了海皇餡，有新鮮感！ 皇帝菜（$58）

🌀天寒地凍，🥘打邊爐嘅季節又黎。今日老細見我咁夜仲係到OT 所以就一齊去食晚餐，佢請。所以我就攞電話search 下附近有咩中上質素嘅打邊爐食店😋。🥰呢一間個環境真係一流，座位又靚又闊落，乾淨就基本啦。每個位都有足夠嘅餐具，公筷私筷自己都會有一set。👍🏼今日我地個位係間房到，📺所以有埋電視機睇，真係仲舒服過係屋企打邊爐。🤣🥰服務方面都好好，我地食食下會有人幫我地舀走泡同多餘嘅油。👍🏼佢個menu 係個pad 到睇，價錢有平有貴，原因係佢嘅種類同食材都真係好多同高質。⭐️調味料先調好自己嘅醬料。⭐️沙嗲湯底太耐冇打邊爐了，好掛住沙嗲湯底。⭐️美國頂級牛肋片❤️係高級嘅宮崎和牛同普通肥牛中，我地取左個平衡，叫左美國頂級牛肋片。果然都冇令我地失望。⭐️澳洲和牛芝士餃👍🏼呢個係佢地個自家製嘅餃，超好味，推薦。⭐️鮮蝦丸⭐️墨魚丸⭐️冰菜⭐️沈香茶🍵唔係好多餐廳都有提供呢個茶，沈香茶對身體好好，而且又有特別嘅味道。一壺茶又可以沖好多次，所以相當划算啊。🤑

最近天氣凍🥶，最適合打邊爐，而我就去咗canton pot度打🍲.佢哋有得叫套餐或者散嗌，我哋懶惰所以揀咗至尊滋補瑪卡鴛鴦湯套餐，個套餐咩食物都有啲，適合二至三人份量👫，咁就可以每樣食少少，試多幾款餸啦.呢個鴛鴦湯套餐嘅湯底有瑪卡燉竹絲雞🐓拼佛跳牆，兩款湯底都滋補十足，味道又好飲，燉竹絲雞湯嘅雞味會濃啲，而佛跳牆就胡椒味重啲，不過兩種湯底都好飲呀😋.而套餐嘅配料就包括本地新鮮牛頸脊🐂，西班牙橡果黑毛豬🐖，海中蝦🦐，香菇貢丸🍡，羊肚菌黑豚肉餃🥟，竹笙菠菜野菌餃，有機山水滑豆腐，響鈴卷，有機甜粟米🌽，秀珍菇，有機白蘿蔔，黑木耳，米線同埋田園菜籃🥬.佢哋嘅食材真係十分新鮮👍🏻，全部都係靚料，好高質，食得出同其他地方嘅有分別，十分有驚喜🤩.一開始望落d配料份量以為唔係好多，點知原來眼闊肚窄，食到超飽🤭，食唔晒添啊，所以係夠晒二人份量有餘🤗飲品我哋就叫咗紫背天葵🍹，唔知點解佢可以報到好濃，好似飲緊果汁咁，又係十分高質，第二度飲唔番😆

今天想找新地方飲茶，唔想諗咁多，貪方便，就上咗openrice去睇，見到嚮旺角有間叫做canton pot 有茶飲喎，仲有七折添💕，所以就去咗嗰度喇😋。去到都成兩點半，所以都無其他人了，自然我就變咗包場😂😂😂。見到張餐單，都有幾多選擇，但係就特別留意到無蒸排骨🤔，應該係因為依家啲豬價錢太貴了😥。蒸籠點心全部熱辣辣上枱，餡料還很juicy😍。海皇粥用料新鮮，粥底靚正👍🏻。咖哩煎餃很有特色，相當不錯😀。xo醬蘿蔔糕，乾身熱辣辣，乾爽有驚喜😋。花膠湯也足料，鮮甜✨。鹹水角用料足，十分美味，只可惜外邊有少少部份炸over左，有丁點位硬身左😔。作為一間小型酒店嘅食店，質素方面整體都算唔錯，性價比方面也可以👍🏻。食物方面全部都係即叫即做💕💕💕