canton pot (Closed)

一步入餐廳大堂，已經見到餐廳各種獎項，可知道呢間絕對唔係伏。餐廳裝修十分有格調，擺脫咗普通人覺得打邊爐環境相對差D嘅感覺。餐牌係用電子PAD，唔洗一本咁厚，而且支持環保，十分欣賞。調味料每枱都有，唔似其他火鍋店同人共用，比較衛生。沉香養生湯湯入面有一大隻烏雞，配以藥材淮山、杞子、圓肉、 沉香 、瘦肉。店員會盛載一碗湯底俾我哋試，確保原汁原味，湯底十分清甜已經吸收哂烏雞同藥材嘅精華，剩係個湯底都抵個價錢。鳥雞煲到肉質幼嫩，用筷子一夾就可以分離各部分，入唔痴牙。最重要係烏雞有養陰開熱、補益肝腎等功效，好啱女士食用。手切雪花牛肉片&雪花羊肉片睇吓D油脂花紋，就知唔係佳寶普通級數。兩者都係切到好薄，滾兩滾啱啱熟入口就得，口感極佳。海中蝦一上枱發現隻蝦仲未死識跳跳吓，可見係新鮮活蝦。滾熟後碌殼好易，口感彈牙，鮮味十足。墨魚丸&香菇貢丸唔係普通街市既丸，入口好彈牙，充滿香味。有機山水滑豆腐&甜粟米&白蘿蔔打邊爐食到有機疏果，真係帝王享受，全部都係好清甜，平時唔食粟米因為會痴牙，今次都唔理咁多，因為真係咬落真係爽口清甜。田園菜籃朋友鐘意食菜，呢個菜籃咩都有D，滿足哂我朋友嘅選擇困難症。值得一讚嘅係店

旺角canton pot，服務好貼心，環境坐得舒服，食物質素又好，今次最欣賞係滋補湯底呢！沈香養生湯（$398）材料非常豐富，有用沈香茶粉製成的茶包、藥材、杞子、烏雞、瑤柱、紅棗、桂圓及瘦肉等等，以沈香入饌，充滿香氣，湯底味道仲好有層次，先有香甜味，更後續有回甘味，所以未開始食火鍋料前，已經連續飲左幾碗湯呢！自助醬料（$28/位），我最鍾愛廖孖記腐乳，點肉類好好食；另外自家製的沙爹醬都好惹味。本地新鮮牛勁脊（$159/半份）：味道腍滑。匈牙利綿羊豬肩胛肉（$149/半份）：外面少見到的綿羊豬，肉質鮮甜有肉味，而且每件都好大塊，可以細嚐綿羊豬的味道。響鈴卷（$34/半份）：新鮮即炸的樹記腐皮，放湯幾秒後，更索滿鮮甜的湯底味道。精選餃子拼盤（$84/半份）：松茸野菌福袋、百花雲腿海參釀蟹拑、羊肚菌黑豚肉餃野菌福袋，餡料有滿滿雜菌，充滿咬口。蟹拑打邊爐，有貴氣。皇帝菜（$58）份量比外面大好多，食多啲夠健康。

呢間火鍋店係酒店2樓，環境幾豪華，坐得舒服，服務也不俗。這裡有ipad看menu,選擇豐富，單是湯底也有數十款，容易讓人花多眼亂。最後選擇了經理介紹的最新湯底試下。至尊滋補鴛鴦鍋 $398湯底鮮甜，大大隻烏雞係裡面，又有一些藥材，紅棗，桂圓等，非常滋補，打邊爐前一定要先飲碗湯。竹笙菠菜餃 $78入面有很多菇菌類粒粒，好清新健康!菠菜 $58份量都唔少，蔬菜吸收了湯底的味道，格外鮮甜。澳洲雪花和牛板腱 $238肉味香濃，有咬口。黑松露豬肉丸 $68黑松露味較淡，可以增強黑松露比例。

火鍋店喺酒店入面，環境非常乾淨企理。 餐牌就喺平板電腦入面。 12款固定配料及醬料，擺放整齊，酸甜苦辣齊晒。【椰皇燉雞湯$278】湯底都唔少選擇，價錢豐儉由人，我哋揀咗個中價嘅椰皇燉雞湯。 滾咗後打開蓋聞到陣陣椰香，店員用茶杯裝咗湯底我哋試吓。 甜甜椰子味+鮮味雞湯，濃度適中唔怕遮蓋食材味道。 燉出嚟嘅雞肉依然保持嫩滑，相當不錯。 除左雞翼部份，其他位置都去左皮，好細心。【皇帝菜$58】啱啱上枱嗰一剎以為店員擺個盆栽裝飾，原來係皇帝菜，好大盆，新鮮。【美國牛頸脊（大）$218】雪花分佈均勻，肉色鮮紅，淥一陣就食得，肉味好豐富。【SPF豚肉$138】SPF豚肉真係第一次聽，原來係Specific Pathogen Free無特定病源菌豚肉，係要認証㗎，食得放心。【四寶丸$98】有蝦丸、墨魚丸、陳皮鯪魚丸同黑松露豬肉丸。 全部丸都係手打嘅，陳皮鯪魚丸幾特別； 黑松露同豬肉丸又幾夾；蝦丸就蝦味濃。【堂弄唧蟹籽墨魚麵$98】都幾大包，墨魚麵爽彈。【響鈴卷$68】有十件響鈴卷，俾埋酸甜醬你，唔駛淥即食都得。 我就鍾意淥嚟食，放入湯底幾秒，索咗鮮甜椰香雞湯，半脆半腍就最好食。除咗食物，服務都係酒店

朋友喜歡吃火鍋，今天隨他到旺角薈賢居二樓的canton pot試試。這裡裝修雅緻，座位闊落舒適；而且環境寧靜，有別於一般火鍋店的熱鬧嘈吵。每張枱上都擺設兩排調味醬料，式式兼備，方便客人隨時添加，相當貼心。今晚我們挑的是川弓白芷魚頭湯煲($148) - 侍應端著鍋上來的時候，已聞到陣陣藥材香味。除了一個大魚頭外，煲內還有川弓、白芷、紅棗、杞子、胡椒等材料，吃火鍋前，先來一碗湯試試，清而不膩，味道不俗。美國牛頸脊 ($158/普通) - 色澤鮮紅，油花分佈平均，牛味濃郁。桂花蚌($168) - 賣相精緻，一灼即吃，爽滑彈牙，鮮味異常。響鈴卷 ($68) - 酥脆可口，既可沾甜酸醬來吃，又可燙一燙吃，兩種口感，不同滋味。菇類拼盤 ($108) - 特別挑了黃耳、雞油菌和秀珍菇。前兩者比較少在外出的火鍋店有供應，難得這裡有，當然要嚐嚐新口味。季節性蔬菜拼盤 ($98) - 內有白蘿蔔、南瓜、冬菇、娃娃菜、唐生菜、油麥菜等，份量相當足，而且青翠鮮嫩，確是火鍋最佳配搭。還點了這杯蘋果薑凍飲 ($48/杯)，口感清新怡人。這裡環境寜靜，食物質素有相當水準，服務貼心，喜歡吃火鍋的朋友，又多一個新選擇。

朋友介紹來吃火鍋，可能因為係星期一，餐廳客人唔多，店員安排了我們三人坐在最後的四人桌，比較安靜。餐廳裝修算有氣派，服務態度也很好，店員會幫忙把火鍋上的泡沫撈走。花膠響螺鍋底，花膠不算很多，味道不錯，螺頭就切得太碎，唔夠鮮甜，如果大粒d口感會好好多。黑豚肉味道很好很嫩，可惜只叫了一碟，不太夠吃。四合丸包括蝦丸、墨魚丸、松茸豚肉丸、陳皮鯪魚肉丸，整體口感不錯，味道比較淡，沾點醬更好吃。三色麵是預先已經煮過，所以燙一燙就可以吃，口感很好，特別喜歡蝦子麵。蔬菜拼盤很新鮮，要是有玉米和蘿蔔就更好。竹蔗茅根水味道有點怪，跟平時喝的不一樣，可能甘蔗和紅蘿蔔不夠吧！整體感覺不錯，食物有質素，不過價錢稍貴，宜家列印優惠券都有得打折，如果加入會員後，平日來吃還有75折。

同朋友聚會最鐘意揀打邊爐，而今次聚會就揀左個靜啲地方，係薈賢居2樓～座位都好舒服，平日嘅日子都座無虛席就代表都相當多粉絲。一坐低就聞到隔離枱川芎白芷魚頭鍋嘅香氣，就忍唔住嗌左個套餐，入面有美國手切雪花牛、和牛粒、海蝦、墨魚丸、貢丸、芋絲仲有好多蔬菜等等。鍋分左兩邊但都係同樣嘅湯底，兩邊都有個大魚頭，好足秤！魚頭入面好多肉，煎過所以好香！一開始店員先盛左一杯湯頭比我地試，川芎白芷嘅味道都好出，之後愈滾愈濃郁飲更正！套餐入面仲有個生麵，本身已經食到飽但竟然仲會想食，啲麵吸收晒湯底嘅精華。飲品嗌左一樽紫貝天葵，估唔到超濃郁好好飲，多人分享都好足夠！打邊爐必嗌本地手切牛頸脊，牛味重肉質又剛好！食肉獸要再點一個雜肉拼盤，入面有齊澳洲手切M5級和牛肉眼、黑豚肉、雪花羊肉片，咁就可以試晒全部肉，牛肉都厚同大塊～餃子揀左羊肚菌豚肉餃，款式比較特別，仲幾健康。甜品嗌左楊枝甘露水滴同川貝陳皮雪耳燉津梨，兩款甜品都好出色，楊枝甘露水滴製作比較新穎，燉津梨好滋潤作結剛剛好。

師姐匆匆回港兩日，住近旺角的薈賢居，相約吃晚飯就選在薈賢居下面的Canton pot邊爐。     格局主要以包廂為主，不算很大，但是私隱度很高，而且可以唱k，隔音不錯，完全不受影響。食物選擇豐富，提供的套餐選擇也多，我們點了個招牌套餐另加單點食物。    套餐放在架上上枱，湯底是川芎白芷魚頭鍋。火鍋料有美國手切雪花牛、和牛粒，海中蝦、墨魚丸、貢丸、豆腐、芋絲、以及一系列蔬菜、生麵等，頗豐富。    魚頭湯很香，大大個魚頭煎香，川芎白芷等藥材味又夠濃郁，很對我們口味。開動前，侍應先幫我們酙了三杯湯，讓我們試試湯底的精髓。的確很重藥材味，濃而不膩。     本地手切牛頸脊花紋好靚，肉嫩紅得來入口有陣陣油香，難怪這麼多人點。    食肉獸多點了個雜肉拼盤，有豬牛羊三款肉。肉質都睇得出新鮮貨色，羊肉帶微羶，豬肉爽口，十分不錯。    要推介這裏的羊肚菌豚肉餃，隻隻飽滿，皮薄餡也靚。翡翠蚌想不到份量很多，橙紅色的爽脆彈牙。還有脆骨腩，很是驚喜，魚肉和魚皮入口都很脆，比很多火鍋店更加優勝。     雖然是套餐，但跟他的魚蛋、貢丸、海蝦都新鮮，毫無雪味爽口彈牙！

老婆話要帶埋仔仔同朋友打邊爐，本來都唔太同意，但去到餐廳後，的確令我想法有改變。房間空間十足，乾淨又沒有明顯油煙味，係家庭聚會的好地方。食物選擇多，而且有創意。火力猛，等候時間短，可以密密食。椰子雞湯用上新鮮雞隻，雞肉新鮮冇雪味，椰汁清甜，係好好的配搭。愛牛如我，當然馬上試一下牛肉⋯⋯老婆為我點了和牛拼盤，有難得的日本和牛，入口即溶，超美味。簡單的本地牛都屬高質，柔軟無筋。幸運地當日來貨有新鮮本地龍蝦，鮮味十足。小小的象拔蚌，肉卻不少，爽口又彈牙。響鈴新鮮即炸，一點也不油膩。無論即食，或是淥一淥先食，都係令人好滿意。其他火鍋生料，算不上驚豔，但整體算高質。多謝朋友的好介紹，確是不枉此行。

自從有左小朋友之後，好耐無打過邊爐，因為怕好大陣味，又驚危險。帶小朋友出街食飯，對餐廳環境開始更加有要求。朋友仔推介我去一間新開的火鍋店，仲建議我帶埋小BB。去到現場，終於明白了他的苦心。位於Service apartment內的火鍋店，環境好闊落，乾淨企理到好似酒店環境一樣，亦都有提供四人包廂。空間感同私密度都十足，小朋友有足夠的空間，餵奶換片都好方便，亦唔驚嘈親其他食客。BB椅令我哋眼前一亮，唔係加置於普通座椅上的小座位，而係一張獨立、舒適、可調校的BB椅。仔仔表示非常滿意。除咗環境舒適，連醬料都好有要求，有十幾款選擇。至於湯底，我哋揀咗老少咸宜的椰子雞湯。湯底好甜，又有雞味。仲未開始加配料，大家已經忍唔住飲咗半碗。店長有用心招呼我哋，落力介紹時令海鮮。當中的本地龍蝦同象拔蚌都好抵食。象拔蚌做刺身夠晒爽脆，味道都好鮮甜。龍蝦被細心處理後，可以做兩食。龍蝦肉軟滑得來鮮甜味美，龍蝦頭就有好多鮮香濃郁的蝦膏。打邊爐的重頭戲當然係牛肉！和牛拼盤非常之有看頭，擺碟都好靚。唔同產地同部位的牛肉有唔同的口感，整體而言非常高質。本地牛頸脊都好高質，肥瘦分布均勻，而且牛肉味道好濃郁。其他火鍋配料質素

最近明明天氣炎熱，但不知為何大家好似中了魔咒般，常常有人提議去打邊爐。碰巧有位朋友的歡送會要想地方吃飯，提議到Canton pot來，順道可以一嚐其新推出的湯底。餐廳為了迎接夏天的來臨，特別設計了幾款新的湯底來消暑降溫。首先來個蕃茄波士頓龍蝦鍋，鮮甜帶酸香，極為惹味，不但醒胃，更能增加了味道的層次，配合巨型的波士頓龍蝦，色香味俱在。 接著是消暑解渴的海皇冬瓜盅湯鍋，用上冬瓜環來做，彷彿就是將一個小型冬瓜盅放進鍋內打邊爐，當成湯口先喝，清甜無比，絕對是一物二吃呢。剩餘的兩款夏日湯底都是素食為主，分別是萬壽無花果素湯鍋及花團錦簇湯鍋。前者未開始前，非常甜美，充滿果香，木瓜與無花果的甜全融入湯中，清潤解燥；其實前者的擺盤已不錯，但後者的更美，以紹菜芯為中心，伴隨著花瓣般的蕃茄，賣相精緻，初時味道清淡，但時間越久，湯底越鮮甜，最後連紹菜也被煮得軟腍入味，絕不可錯過。打邊爐時，湯底重要或是火鍋料重要，答案是兩者都重要，牛肉火鍋料當中是不可或缺的，本地牛頸脊油花平均，油脂甘香軟滑，肉味亦很濃郁，不消一會已被清碟。相對地，韓牛的吸引力不及本地牛，可是在肉味方面，它是更勝一籌的。雖然甚有嚼感，但一

canton pot可算是一間幾隱蔽的火鍋店，重點在於它的位置是在旺角區內呢！裝修幾有feel，而且空間感十足。湯底有special款，我地叫左：花膠燉響螺湯（$298）餐廳用上鴛鴦格，等我地可以一邊打邊爐，另一邊飲用燉湯的原汁原味。燉湯都好足料，花膠同響螺肉都落得大方。12款固定配料及醬料（$28/位）：特別之處係除左一般的炸蒜、辣椒等材料外，呢度有自家製沙爹醬（配牛肉一流）及廖孖記腐乳（配蔬菜好好食）。打邊爐點可以冇牛肉呢？本地金花𦟌（$178）：好有肉味美國牛頸脊（$158）：呢個有多些少脂肪，較肥美。四合丸（$98）：用鮮蝦肉、墨魚、蘆荀同金華火腿整成的手打丸，用料新鮮，所以食落去都好彈牙。蟹籽海皇餃（$98）：非一般蝦餃/水餃，加左蟹籽更有咬口，而且包得好飽滿呢！皇帝菜（$58）：滿滿一籃子蔬菜，份量好多！菊花茶（$38）：加左糖，少少甜，又滋潤。

天下無不散之筵席。是晚一行十人，替好朋友Farewell。最近兩次到訪，均是來打Farewell邊邊，希望下次再來，不會是這個原因吧～難得咁人齊，瘋癲一點，開夠四個鍋底又如何？       要健康既有花團錦簇湯或，要消暑的有海皇冬瓜盅湯鍋，仲有清甜滋潤的萬壽無花果素湯鍋，以及矜貴既蕃茄波士頓龍蝦鍋。什麼配料拌那個湯底，悉隨尊便。後來，各位索性企起身，反正大家都咁熟。等湯滾起需時，先吃些涼菜及小食最合適不過。胡麻手撕雞，勝在混入了不少青蘋果氣，感覺更清爽健康。黃金炸魚皮，脆卜卜，可當小食，更可成為火鍋配料，輕輕浸一浸，保留微脆口感，又索了湯底精華，很棒！打邊燼要有牛肉，尤其是人多，來幾碟靚牛是必須的。本地牛頸脊，在鍋內拖幾拖便可，質感軟腍，富肉香，一如以往的高質。另一份，是韓牛。採用了1++的頂級靚貨，仲要砌成花兒般美。入口更有嚼勁，卻不會韌，這晚單吃牛已值回票價。同樣是捲成像花卉的，有匈牙利綿羊豬，我哋叫佢做髦毛豬。然而，今次的部位，跟對上幾次嚐到的，不盡相同。還有兩款餃子，分別是素菜餃，以及黑蒜京蔥羊肉餃，前者雖是素食，卻不會很寡，味道蠻好，反而羊肉餃實在太有性格，不是人人接受到。

同事話去勁正嘅canton pot打個邊爐先！第一次見有咁多醬料揀有成12種咁多呀傻的嗎！炸響鈴卷同事話係大埔樹記啲貨我識條鐵咩！不過最緊要好味你話係咪！！熱辣辣再叫多碟胡麻手撕雞。趁著人未齊，先來份香脆的 酥炸魚皮，清脆無比的魚皮淨吃已經很可口，也可以在湯中快煮數秒鐘，令魚皮沾染湯頭鮮甜，帶來不同的滋味。我哋叫左個番茄波士頓龍蝦鍋，這款是有新鮮龍蝦在湯中的，在吃火鍋前先喝一下湯底，是濃郁的好喝呢。在吃到中段的時候再吃原隻龍蝦，以煮了那麼久來說已是有驚喜的呢！味道都唔錯，下次繼續。

約左位多年冇見既老朋友聚舊, 地點選擇當然係要坐得舒服、可以有個安靜環境邊食邊傾, 打邊爐就最好不過! 經朋友介紹, 有間隱世高質火鍋店, 距離太子地鐵站都有7分鐘路程, 但勝在有水準質素, 所以推介非常值得一去!原來位置係酒店旗下管理既薈賢居, 裝修格局都近乎酒店級質素。先送上12款調味醬油自由混醬, 醬油每位HK$28有不少耹貴特色湯底選擇, 價值太約$300左右, 而今晚我地只有二人, 所以還是選擇相對便宜既湯底【壽喜燒】HK$98湯底非常清甜, 唔會過鹹, 加湯依然會加入對應湯底, 所以唔擔心湯底味道轉淡【本地新鮮牛頸脊】 $318牛頸脊肉質鮮嫩, 牛味濃, 質地很林, 唔會起渣【澳洲和牛(M5)芝士餃】HK$128超有驚喜, 我地異口同聲地讚口不絕, 餃皮沒有雪氣, 似乎是即叫即包,熟後呈半透, 唔會一夾即散, 厚薄剛剛好, 和牛粉嫩充滿肉汁, 中心位仲有流心芝士, 雙重味蕾享受, 完全唔洗額外調味, 已經夠哂正!! 【四寶丸】HK$98分別有黑松露豬肉丸、墨魚丸、蝦丸、陳皮鯪魚丸每款丸都幾彈牙, 豬肉丸中黑松露味很突出, 墨魚丸鮮甜, 蝦丸中有鮮甜蝦碎粒, 鯪魚丸中加左好香