砂煲兄弟 (東港城) (Closed)

打完個十號波，匿左係屋企成日好肚餓，於是就落左樓下，幫襯東港城新開的砂煲兄弟。 不論鋪面，還是內部裝潢都好有香港舊式冰室的感覺，燈光偏黃，加上舊式冰室的設計。等左大約廿分鐘入座，入座後，感覺都舒服，位與位之間唔算太迫，服務員態度亦十分友善，未食感覺已經不錯。唔使等好耐，野食就上齊啦，都上得幾快，碟碟都熱辣辣，唯一美中不足就係唔記得叫甜品後上，結果連甜品都好早上埋。第一碟係椒鹽鮮魷，外皮脆，內邊魷魚仲好Q，味道適中，整體而語都幾好。之後到就係竹笙浸時蔬，個湯非常清甜，本身又多竹笙，竹笙吸晒個湯，食落為之一絕，對於好食蔬菜的人一定要一試！叫得砂煲兄弟，一定要食番個煲仔飯，之後到的就係臘味煲仔飯。對於煲仔飯，個人認為一定要有飯焦，呢個絕對滿足到我。一塊塊飯焦食落脆卜卜，臘味亦都好夠味，尤其膶腸，味道一絕，呢個煲仔飯絕對值得一戰。除左野食，仲叫左杯透心涼紅豆冰奶茶。個人最欣賞的係杯奶茶，奶茶味夠濃，飲落好有香港的味道，同一般茶記的奶茶冇得比！最後就係剛剛提到的甜品，天使西多士。本身黎的時候有好濃郁的椰絲味，加埋賣相，令人食指大動！食落發現，每一粒其實都有兩層，中間搽左花生醬，配上鍊奶同白朱古

我貴為一個將軍澳嘅地膽，見到砂煲兄弟新開無耐，就同我屋企人去試下啦。佢嘅裝修設計特別，以大排擋風格為主，好特別。好似返回五六十年代嘅感覺呀😁而佢所有盛餸菜都要瓦煲裝住，能夠保持熱度亦有佢既特色之處今次叫左幾款麻香胡椒雞加入胡椒一齊炒嘅雞， 特別香同惹味，陣陣辣味 🤤水煮魚辣度夠👍👍魚身十分嫩滑，而且都幾多舊架。內有芽菜，吸左辣味精華，辣得過癮呀。竹笙杞子浸時菜大大碟菜，內有冬菇、菜、竹笙 浸上湯，清清地，非常正

細細個食煲仔飯，已經好鐘意個陣臘腸嘅香今次嚟到呢間主打煲仔菜嘅舖頭，當然要回味一下真正嘅經典：臘味煲仔飯臘味煲仔飯有臘腸，潤腸同臘肉3種臘味一打開就已經好香，臘味嘅香味同油脂逼哂出嚟，連下面個飯都被染色簡單地淋上少許豉油，成個懷舊味道嘅煲仔飯就出咗嚟飯係較硬身，好有焦香，鹹味嘅臘肉有肥有瘦，真係好啱用嚟餸飯試試新嘢，煙燻太爺雞(半隻)上嘅時候係原煲連蓋上嘅，一打開，入面焗住嘅煙立即溜走出嚟，影都影唔切油雞帶有好香嘅煙燻味，呢種味道有點似日本嘅炭烤薰香，同醬汁好夾雖然嗌得半隻雞，但雞肉勝在滑嫩每啖都食到濃香嘅雞味同煙燻味嘢飲方面叫咗一杯紅豆奶茶同鹹檸7紅豆奶茶唔會太甜，味道都係港式奶茶，香濃幼滑鹹檸7嘅汽水同杯分開上，冰都唔會太多，方便我哋篤個檸檬秘製慢煮脆皮豬手好大煲，而且個皮好脆慢煮嘅豬手肉質好腍，又燒到粉紅色好香，點埋芥末醬真係食唔停，差啲連骨都選埋啫啫時菜煲，揀咗炒芥蘭好有鑊氣夠新鮮，啫啫嘅煮法好香，一啲肉碎同椒，好惹味最後甜品係好邪惡嘅天使西多士西多士切好一個個cube咁疊起，好靚加上煉奶，鮮忌廉，白朱古力同椰絲，整體口感好豐富，味道都幾甜每粒厚身嘅西多粒入面都有花生醬，而已每

新開嘅砂煲兄弟。第一次去食。坐得舒服。裝修都幾有feel。叫得砂煲兄弟。同朋友就揀左三個煲。試哂唔同煲。。而個馬來沙嗲火焰牛仔骨係餐廳推介菜。果然無介紹錯。牛仔骨非常入味又惹味，啲配菜撈埋個汁又新鮮又甜。送飯一流。可惜份量比較少。對兩個人黎講只係剛剛好。叫左蒜香海龍皇煲仔飯。依個飯等得最耐先上枱。應該係有認真煲過。真係熱辣辣同有香脆嘅飯焦。四款蒜香海鮮分別有魚。蝦。青口魷魚。一樣好味。仲有清清地叫左竹笙杞子浸時菜煲。依個煲份量又多禍。好多白菜。新鮮清甜。仲有竹笙同雜菇。用煲上又熱辣辣。個湯都好味飲左幾啖。食完依個感覺自己健康左。食完重口味。就叫兩杯野飲。龍鳳檸樂。爽呀。另一杯係蜂蜜荔枝爽。堅係用蜜糖沖。而且蜜糖味十足。杯野就搵唔到有咩爽嘅配料。但啲荔枝肉都幾多。

東港城新開了一間主打吃煲仔飯的餐廳，天氣稍涼就想來吃吃暖一下身子。餐廳裝潢走懷舊港式路線，很有特色而且很親切～砂煲兄弟除了煲仔飯還有地道小食和各種煲仔小菜先來了煲仔小菜，這個是滑嘟嘟鮑魚雞煲，用瓦鍋上保持菜式仍是熱騰騰。無骨雞件吃起來啖啖肉而且肉質真的很嫩鮑魚也很有份量，鮮味十足餐廳的煲仔飯有很多款式，有傳統的例如臘味煲仔飯和窩蛋牛肉煲仔飯等，也有新派的如蒜香海龍王煲仔飯和海南風味雞煲飯，蠻創新的，所以我就點了個東瀛抹茶櫻花蝦鰻魚煲仔飯試試看，上菜時還是熱燙燙冒著煙的可選辣或不辣的袐製豉油，選了辣的輕輕拌勻來吃非常提鮮，惹味好吃想不到以櫻花蝦和鰻魚入饌來做煲仔飯也很夾！吃起來別有一番風味底下是脆卜卜的金黃飯焦，非常香脆可口，是煲仔飯的精華～最後還點了一個菜，選了竹苼杞子京湯浸時菜滿滿的青菜、竹苼、杞子和菇，很大一煲呢，清清地可以和前面兩道味濃的菜式平衡一下點煲仔飯有一杯飲品半價，而且餐廳不收加一，幾抵吃～

肥妹仔平時好少行將軍澳，咁岩一入門口就見到懷舊裝修，又帶點西式風格的餐廳，一於試下。餐牌菜式其實跟普通茶餐廳、大排檔無異，不過就加入西式、日式風味。<東瀛抹茶櫻花蝦鰻魚煲仔飯 $78> 雖然驟眼望落有點奇怪，不過肥妹仔幾中意試創新、搞鬼菜式，決定一試。煲仔飯一上枱已香噴噴，鰻魚份量正常，沒有海量抹茶粉鋪面，本來打定輸數中伏。不過食落有抹茶味，配上鰻魚及煲仔飯鼓油同吃出奇地夾。底下亦是滿滿的飯焦，真心推介<懷舊砂窩雲呑雞 $88> 沒有味精，雲呑屬正常貨式冇特別。娃娃菜白菜浸完雞湯入哂味，清哂！雞件份量多，肉身沒有嚡口。肥妹仔同友人都食剩少許。<椒鹽鮮魷> 則相對一般，炸得不夠爽及乾身，粉漿較厚，可以忽略。總結經過將軍澳可以一試，比普通茶餐廳有特色。侍應都好有禮貌，但相對環境較嘈，好似要鬥大聲講嘢咁。晚餐時間餐要等一陣子才能入座。

同屋企人食飯，好耐冇嚟過坑口，知道有新開嘅餐廳梗係要試試 😋 但提一提餐廳位置其實有啲隱蔽，平時如果冇留意好可能就會miss咗！餐廳門口係咁嘅，叫砂煲兄弟，玩味十足，入面裝修走懷舊風，而且非常地道！我哋單點咗以下嘢食：應該係餐廳Signature嘅煙燻太爺雞：雞肉好滑，甜甜哋，其實有啲似豉油雞但有一陣煙燻味竹笙杞子湯浸時菜：啲菇應該之前處理過，所以好脆好香，好食 😋柱侯牛腩煲：牛腩下面有啲通菜墊底，惹味 😋總括嚟講呢餐食得好滿足，而且價錢好大眾化，下次都會繼續嚟食！順帶一提，餐廳店員都好細心，得閒就過嚟問吓我哋啲嘢啱唔啱食，讚！

已經食厭咗一般嘅中菜西餐，想食下一啲有特色嘅野食呢間新新哋嘅砂煲兄弟滿足到我嘅願望佢地好似主打各種唔同嘅創新同時懷舊嘅料理，係傳統嘅菜式上加添新嘅元素，可以係現時流行嘅味道，亦可以係各國不同嘅材料，令人覺得幾驚喜。上嘅第一個餸係馬來沙嗲火焰牛仔骨，雖然有火嘅食物好似已經唔係咁罕見，但係好多餐廳都淨係為咗個靚字，有火可能反而冇咁好食，但係呢個火同個餸真係好夾，因為個火將牛仔骨嘅肉汁鎖住曬，食落去個陣真係好juicy，而且牛仔骨真係好軟腍，一啲都唔韌，好容易咬，味道調得好好，唔會太濃or太淡 之後就係我最期待嘅鰻魚煲仔飯，你有冇諗過原來鰻魚可以整成煲仔飯？一開始會覺得好像怪怪地，但係食落去發現其實比想像中夾好多人食煲仔飯嘅時候最中意食飯焦，我本人唔太中意食飯焦，因為大部分飯焦都太硬，但係今次既飯焦亦冇令人失望佢唔硬反而好脆，連我都忍唔住食多幾啖，而鰻魚冇任何細骨，入口即化，絕對食得過之後既蜜糖BBQ雞翼配薯條都係令我覺得係必食嘅一樣野食，佢好貼心咁將雞翼分開一半，每件得番一條骨，好容易食，而且炸到金黃色，脆得黎唔會覺得好熱氣，而蜜糖BBQ醬係現時最受大眾歡迎嘅醬汁，兩者夾埋唔會搶走對方嘅味

今日係坑口搵好野食，就見到呢間新開既煲仔菜，決定入去試下我同朋友首先叫左個蒜香海龍皇煲仔飯呢種中西合壁既感覺好新奇！上面既配料就好似食西式既意大利飯，但係飯底就係中式既煲仔飯有蝦，青口，魷魚，咁樣嘅配搭出乎意外地夾飯好香 而且有剛剛好唔濃唔淡既蒜香味我地仲叫左 兩個餸一個係脆皮豬手，一個係雲吞雞個豬手既皮真係脆到不得了同埋入面既肉完全唔會韌或大鹹，再配合埋個脆皮，完全符合外脆內軟呢四個字 另外個雲吞雞既湯好濃，感覺上好真材實料 個雞都好滑，但係個雲吞就比較普通，娃娃菜亦好入味最後叫左兩杯野飲，係涼粉冰同埋蜂蜜荔枝爽 蜂蜜荔枝爽比較甜，但係入面真係有好多荔枝，可以篤黎飲，涼粉冰就幾好飲要我簡的話我會選擇飲涼粉冰，因為個味道層次多小小，會飲到奶既甜味同埋涼粉先苦而後甘既味道

播著懷舊歌的食店見到餐牌煲仔飯種類很多， 海南雞飯食得多，海南風味雞煲飯第一次見。是否跟質地軟滑海南雞飯一樣? 是我一廂情願認為一樣😂侍應會提醒:個煲好熱唔好掂到。😯雞肉質地肥美結實有口，👍真正煲仔飯底讚不斷口，粒粒分明，飯焦恰到好處脆口無燶味👍酸瓜，夠醒胃會再嚟光顧，但絕對唔會再叫海南風味雞煲飯。場內環境舒適，座位安排及座位擺放 有待改善， 張長枱搭完最左邊，搭最右邊，中間位置冇乜人肯坐， 眼見走咗幾枱客寧願唔食。 就算一行十幾人坐嗰張枱傾計都唔方便啦！

今日去接朋友放工， 三個人去到將軍澳， 下午茶時間梗係要搵嘢食， 入到東港城原本想食茶木之類嘅，可惜朋友唔太喜愛，話想食番啲港式食物，去到一間好似幾有特色嘅鋪頭。估唔到舖頭都有bb凳，細細張，用起黎都幾方便。馬來沙爹火焰牛仔骨， 牛仔骨數量比預期多，最重要配合新鮮菠蘿，適量嘅三色椒成碟餸視覺效果已經係靚咗，至於味道方面，沙嗲味偏重，如果重口味人士未必適合， 但係對於我同朋友嚟講就係一個唔錯嘅選擇，沙爹汁掛曬喺每舊牛仔骨上面， 味道一流 。竹笙杞子浸時蔬， 煲仔咁上， 味道清淡， 素食人士都可以選擇， 另外有驚喜嘅， 冇諗過鋪頭唔吝嗇竹笙， 食咗件數不少。主食方面我哋就叫咗 抹茶櫻花蝦鰻魚煲仔飯 茶味十足嘅煲仔飯真係未試過煲仔飯粒粒分明 食到最後成個煲底都係脆卜卜嘅飯焦 唯一可惜嘅就係鰻魚偏細。 下次再嚟食過。

星期五今晚放工，拖著疲憊的身體，只能在家附近吃飯。今晚選擇了一家新餐廳，餐廳生意很旺，7點左右已經要排隊輪候。門面裝潢典雅。一進餐廳，「砂煲兄弟」的牌匾隨即映入眼簾，加上醬油瓶子的擺設，呈現出舊式大排檔的感覺。餐廳沒有加一服務費，翻開餐牌，有不少煲仔飯、菜煲、小菜等。⭐️老火湯口感淡淡的肉香味，是媽媽煲湯的味道。⭐️滑嘟嘟鮑魚雞煲$98這煲鮑魚雞煲以脆瓜和紅蘿蔔入饌，鮑魚小小一隻，煮得很軟腍，很香甜。雞肉入口嫩滑，味道剛剛好呢！⭐️蒜香海龍皇煲仔飯$98相比起雞煲，這煲煲仔飯顯得失色。數片魚柳伴香蒜，還有青口、魷魚和蝦，加上醬油一起吃，味道清淡，卻缺少驚喜。⭐️竹笙杞子京湯浸時菜$78健康的菜煲最深得我心！有雜菇、白菜、杞子、竹笙等，青菜白飯也好味正是這種感覺。▪️以家常便飯來說，價錢和食物質素成正比，值得再來光顧。

東港城又有一間新餐廳，今次一於同家人黎試下～餐廳環境都算寬敞，我地食閒日18:30所以就唔使點等位。一睇餐廳名就知，餐廳主要都係食煲仔菜，都見到有唔少fusion菜，有點新意。櫻花蝦鰻魚煲仔飯$78煲仔飯充滿焦香，配上櫻花蝦，增添香味及口感。照燒鰻魚厚肉多汁，配上香茜，更加鮮味！馬來沙爹火焰牛仔骨$88配白飯、老火湯$28沙爹惹味得來又充滿椰汁香！配上三色椒及洋蔥，色香味俱全。牛仔骨肉質有嚼勁，唔會鞋口。整個菜式送飯一流！魚香茄子🍆煲$78又一個好送飯既菜式！醬汁辣味慢慢滲出，加上肉丁，真係好惹味呀！茄子大大舊，唔會覺得太油～用煲仔上又更加有鑊氣！整體感覺超值，岩哂放工同一家人舒舒服服食小菜～

好耐無黎東港城，成個商場好多店鋪都轉晒，又可以試下d未食過既餐廳。馬來沙嗲火焰牛仔骨：一上枱真係嘩嘩聲，好有火，好呃like！食落好juicy，一d都唔鞋，但就唔係好覺食到沙嗲味，同埋份量少左d。秘製脆皮慢煮豬手：份量好大，有d沙律菜伴碟，好靚！皮好脆，肉比平時食既豬手爽口d，又無咁肥，肉味夠唔會過咸，皮同肉一齊食，好正，食唔停口。抹茶櫻花蝦鰻魚煲仔飯：睇得到個煲仔飯有少少抹茶既綠色，但食落又唔太覺有抹茶既味道，煲仔飯有飯焦，鍾意食飯焦既人唔好錯過，脆卜卜既飯焦真係好好味。將鰻魚、櫻花蝦同飯撈埋一齊食勁正，櫻花蝦雖然細細咁，但都食得出佢既甜味，鰻魚就同平時食開既差唔多啦。最後食埋個甜品。天使西多士：見枱枱都叫，我地又試下，雖然西多士邪惡到不得了。但真係無叫錯，炸西多入面搽左花生醬，外面仲有椰絲、煉奶、忌廉同白朱古力，個麵包本身又夠鬆軟，比起傳統西多士，我更愛食呢個，又一必食推介。

今日約了表弟聚舊我們去東港城懷舊的茶餐廳「砂煲兄弟」吃晚餐。這餐廳一開業便其門如市，所以今次我們未到六點就已經在門外守候， 那樣就不用等太耐。餐廳設計以懷舊式茶餐廳、大排檔為主，環境簡潔明亮，座位都幾闊落，坐落東港城商場，位置方便。「砂煲兄弟」主打煲仔飯和各式小菜，價錢合理，最重要不用加一。餐牌設計圖文並茂，未吃只見圖片都已經令你口水流。臘味煲仔飯，上面放滿了臘腸、臘肉和潤腸，一開始，臘味的香味已經滲入鼻子中，令人有著說不出的期待。果然，熱辣辣的米飯吸收了臘味的油香，吃起來粒粒分明又有飯焦，非常惹味，配上臘味和醬油，令煲仔飯更加美味和鮮香，我們一會兒便把它吃清光。馬來沙爹火焰牛仔骨，一上來先在牛仔骨下面點火，名副其實的火焰牛仔骨。牛仔骨也有很多肉，煮得好林、非常入味，味道超正，好好送飯，我們邊吃邊讚，真是值得推介。讚! 讚! 讚!海味雜菜煲，份量充足，大大的一煲，有蝦乾、粉絲、多種菜蔬、什菇，味道不錯，清甜不油，抵吃!芥末蜜糖一字骨雞翼配薯條，單骨雞翼炸得香脆入味，芥末蜜糖很惹味，薯條外脆內軟，金黃香口，整體份量不少，只是38元，真的非常抵吃。蜂蜜荔枝爽$14和涼粉冰$12，跟煲仔飯叫