砂煲兄弟 (東港城) (Closed)

坑口新開左間餐廳，聽講係食煲仔飯，緊係要去試下間野都有普通小茶食，不過我就覺得有d 貴啦，$7x 一個小菜，另外加$28 有飯有湯。其實煲仔焗豬排飯我都好想試下，咁新試既煲仔飯真係第一次見。最後我都係揀左最原始既臘味煲仔飯落單既時候職員會問 要辣定唔辣豉油我揀左唔辣佢d 豉油應該自己煮過有好細粒蔥花，不過我先得有小小唔夠味。可能我重口味啦臘肉唔會太肥，我媽媽都大讚如果細食既人，可以一煲兩份食，肚餓既話一人一煲都可以食晒。提提大家，下載Storellet ，可以免費做會員，儲績分$20=1分，有優惠卷，仲有甜品送餐廳內都冇提示可以做會員

東港城行街行到氣咳，附近又好多鎖店，搞到無咩興趣食tea…咦！原來舊底中銀個位有間新野。砂煲兄弟？會唔會連小食都係砂煲呢？ 俾個門口吸引左，橫掂都行到攰，入去食啦。 卡位唔錯，坐得舒服，仲可以見到出面景色呢。 世界杯有特飲賣呀，不過我無咩興趣，下次先。好少茶餐廳有蝦多士賣啦，可能舊式食物都漸漸被淘汰。好有驚喜，可以呢度搵到細細個食開的小食。味道唔錯，仲有沙律伴碟減低油膩感。 我平時都健康開，所以食左炸野都會再叫多個沙律中和下。見到菜係好新鮮，完全唔會黃。不過溫泉蛋老實就比較難夾起食，我又唔鐘意拌勻，變左好似食唔到隻蛋咁。建議可以轉糖心蛋或白煮蛋好似抵食點。 話明係tea當然要食一食甜品啦，紅豆沙好正，入面有非常多一粒粒的紅豆。而且都唔會死甜，有好多出面賣的都係開粉，幾surprise 呢度無喎！望望下個menu原來其他小食都好正，有炸蝦雲吞，炸脾等等，煲仔飯都有新搞作-綠茶櫻花蝦鰻魚🤨，海南雞飯🤨，黑松露雞飯😏…下次有機會要試下。

公司附近新開左間砂煲菜，星期五晚未到7點經已好多人等位！品牌似乎幾有創意，sell 80年代大排檔，裝修都幾靚，坐位舒服。試左個脆皮豬手，外皮夠脆，肉質夠爽亦好入味，$128係抵食嘅。另外加左個鮑魚雞煲，加$28跟老火湯同白飯，同事覺得鮑魚比較普通，但雞夠滑是日老火湯係雪耳粟米豬展湯，冇乜味精、幾甜，值得encore！最後一人一杯世界盃特飲Nitro Drink，夠Gimmick$18/杯又OK喎！質感有D似飲啤酒，面層泡沫幼滑，烏龍茶味亦夠濃，但果味不足。等位時見到呢個邪惡西多士，似乎幾吸引，下次tea time可以一試！

呢頭食飯真心傷腦筋…間間都排曬長龍咁，最迎排得最勁都莫過於無印側邊呢間砂煲兄弟！如果唔係6點前企定定，就要等下一輪入座啦！今日就等我得正正響度、準時6點「食好西」！未夠6點已經排曬隊啦~一入門口就留意到新開期間要俾cash先~想食既朋友仔記住攞定錢錢啦。D壁畫、陳設同樣都係令人好舒服。雖然餐廳真係好多人、有少少嘈，但係個氣氛好好，真係好似一堆人圍在大排檔食野咁過癮，宣家香港搵呢d地方真係買少見少啦！我坐近廚房位置，因此有幸近距離影到咁懷舊既裝飾品。職員都好nice，無阻止我影相。入正題啦喂！Menu 上面既馬來沙嗲火焰牛仔骨相當吸引，睇張相有火，上到枱真係有火架！！！視覺效果一流唔在講，火的溫度仲令個沙嗲仲香左添。我最欣賞既係d配菜，有洋蔥、青椒，全部都入曬味架！雖然話係牛仔骨，但肉都偏多，好淋無筋，咁既價錢可算相當公道。海味雜菜煲都係非常足料，菇菇應該有先炒香再放落去煮。而菜類都有好多：西蘭花都依然保持翠綠爽口。唯一美中不足係放左魷魚絲，我印象中海味應該係乾左既海鮮，例如蝦乾仔、瑤柱等等，鮮魷魚絲就有少少唔貼題啦。唔夠喉！特我再叫埋小食同甜品先！如果新年食呢個黃金蝦意頭一定好好，正所

名符其實煲仔飯係佢哋嘅招牌，真係花咗心機作烹調。上枱時已有的濃濃飯焦香， 飯焦口感出奇地脆口不黏牙， 但飯的份量 真是剛好夠一個細食的女孩子吃，眼見隔離枱order午市套餐的份量，我也感覺到出奇的細小……這個並不是重點，焦點在於那身穿黑衫的服務員 ，帶著疲憊的身軀目無表情猶如喪屍般，由左行至右，又由右行至左眼見枱上食物一旦食完，立即趕緊收拾， 我坐在卡位的外端，那服務員不動聲色突然俯身穿過我，並沒有說任何，伸手便收拾我先生剛完膳之餐具！ 只覺他們目無表情，沒有，一句說話也沒有聽到， 目無表情猶如喪屍！ 唔知係咪壓力大得滯，我見佢哋同事之間，都好似零溝通亦沒有對話！ 餐廳用餐氣氛十分差！

東港城食店多，種類也層出不窮。大部份食市上菜餐具多是用碟上，但這間"砂煲兄弟"特色是用煲盛載的。門外門內都很吸睛，裝修有點似50或60年代感，可說是懷舊feel。早餐款式不多，最為特別的是那個三絲忌廉雞湯通粉。三絲是扎肉絲，鮑魚絲和火腿絲。配上煎蛋，牛油方包，還有一條長長的香腸。整份套餐比一般茶餐廳貴多4至5元。從外賣餐單上，食物圖片吸引，價格適中，其中砂窩雲吞雞$88，雙比其他食店很難以這個價錢出售。小菜種類雖然也不多，但值得一試。由於開業不久，為了吸引更多食客，客上只須安裝指定Apps，當成為新會員，即時以儲分形式、送贈甜品及積分換領等優惠。

近日在坑口東港城商場開咗一間煲仔飯餐廳「砂煲兄弟」，昨天午餐時間才第一次幫襯，吃了一個砂煲焗肉醬意粉，那份味道實在令人感動，好耐未食過粗身意粉煮的肉醬意粉了，因為現時差不多所有餐廳都用幼身意粉，加上芝士和肉醬的份量，合適，醬汁又沾滿了意粉，吃下去又滑又好味，已經好耐冇食過咁好味嘅肉醬意粉，再配上一個紅豆冰奶茶，真係有意外驚喜，因為呢個飲品不會太甜，紅豆冰的甜味唔會蓋過奶茶的茶香，真係飲過返尋味。今晚再同老婆去食晚飯，叫咗一個黑松露滑雞煲仔飯，雖然等候的時間較來，但實在值得，可以話係我食過最好味嘅煲仔飯，煲仔飯一上枱就已經香氣撲鼻，雖然我自己唔係咁習慣黑松露嘅味道，但係配上餐廳自家製的豉油，加上滑雞和軟硬適中的白飯，真係美味至極。餐廳裝修有啲懷舊大排檔風格，配上不同年代的流行曲，大大增強了進食時的氣氛和風味，向大家誠意推薦。

新開張和老婆試下做白老鼠,因為是兩位,等的時間不是太長,侍應都十分勤快,不過坐位就一般好坐,叫了一個臘味煲仔飯($88),一個梅菜扣肉煲仔菜($78),再加一杯紅豆冰($30).首先講煲仔飯,落完單5分鐘就送到,我和太太都有點驚訝!好明顯是煮定好的.良心講雖然是煮定的,不過整煲飯都算好食既,亦有飯焦,可以有75分以上.不過最離譜都是那個梅菜扣肉煲,梅菜是小到你搵唔到,整個煲底都是白菜仔,梅菜祗有幾粒,係細細的幾粒,扣肉仲大鑊,不肥亦不瘦,如果食開梅菜扣肉既就明白不肥不瘦點解會出事,食落去還是"鞋"的.其他煲仔菜我冇試,可能剛好祗是梅菜扣肉出事,大家可以試下其他,不過梅菜扣肉就奉勸大家真的不用試了.

今日同老媽子2個去食新開的砂煲兄弟，叫左個茶餐和一個煲仔飯，味道都可以，如果想坐卡位要3個以上。可能新開關係，員工有d忙，但都有禮貌。由於都繁忙時間及可能星期六，安排左一個4人枱（可分開2張2人枱），之後隔離坐左對情侶，位置都近，不過唔太迫，如果你有 storellet,可以入會及有coupon。叫左個鮑魚雞煲仔飯和茶餐牛河。煲仔飯約等15至20分鐘當然茶餐會快d，隔離對情侶就叫左個麵和窩蛋牛肉煲仔飯，唔知佢地係唔係真係好趕時間，果男仔吹左2次單，第2次個職員同佢講煲仔飯要耐d,佢話果職員唔好用這個理由，（無錯個麵係差不多食完）但我心想煲仔飯要即叫即做是常識吧，你係屋企煮麵點都快過飯，無謂要職員受氣！不過職員係可以做好些，如果第一次吹單的職員可以跟進得好些，可以避免情況發生。其實可見職員係用心去做，但欠缺經驗，可以改善一下。令一些尊貴又要求高的客人對你們有好表現