砂煲兄弟 (東港城) (Closed)

呢間餐廳開咗一段時間，位置喺東港城其中一個出入口外面，咁耐先嚟試係因為我麻麻哋煲仔飯，原來仲有粉麵選擇。餐牌小菜好多都幾吸引，精選午餐選擇相對比較少，價錢都大眾化，裝修有特色，卡座都算多，就算唔坐卡位都其他座位都幾闊落。我哋叫咗兩個午餐，一個正價意粉，一個甜品，味道一般唔特出，服務可以，人手算多。豉椒排骨炒河，無咩鑊氣，味道可以，份量正常。臘味煲仔飯，唔夠香，好普通。白汁海鮮焗意粉，個汁有啲淡，食到胡椒味粉，意粉烚到有啲過淋。邪惡金沙西多士，份量幾多，每件多士都由兩塊面包組成，上面舖滿耐高溫黑白朱古力粒，唔會因為西多士熱而溶晒影響賣相，有心思。透心涼粉冰(奶茶)，無特別。

當晚一行兩人，到沙煲兄弟食晚飯，共點了1個窩蛋牛肉飯以及1個惹味麻香雞煲。先說說惹味麻香雞煲，不過不失，用上雞柳所以較滑及淡淡肉，但失去雞件既香，雖字面上說麻香，但一點都沒有麻味反之應叫黑椒雞，因為黑椒味很多很重...總而言之，不過不失到窩蛋牛肉煲仔飯，是牛肉片，個煲仔飯則做得不錯，飯焦造得又香又脆，相比一些所謂煲仔飯專門店的又乾又硬，簡直完勝! 另外，亦隨飯可選秘製豉油及辣椒豉油, 我選擇了辣椒豉油，但辣椒味太強完全搶走了豉香，加上因為是淋上飯的，過多的辣椒籽令煲飯有點過辣，這點可稍作改進，總括而言是水準之上的煲仔飯。

天氣終於轉涼了，又到食煲仔飯嘅季節。見到有間裝修得幾用心嘅餐廳，就決定一試。😋 餐廳裝修有本土香港特色，似八九十年代嘅舊香港。但賣嘅野食就一D都唔舊，係base on茶記嘅特色菜加上新式食材。一睇menu就知想跟上宜家流行嘅gimmick野😂 東瀛抹茶櫻花蝦鰻魚煲仔飯（$78），聽個名有種日港混血兒feel🤔 建議鰻魚汁可以分開兩次落，因為鰻魚汁有D蓋住其他食材嘅味道。但係飯焦都算ok多同香口😋 邪惡金沙西多士（$38），賣相幾吸引。但係真係極邪惡，簡直係增肥聖品。是日又少一個台式飲品quota🙁 總體感覺似新式香港野，想食正宗D可以試舊式茶記。但係不失爲一個打卡choice～

這天晚上相約友人到坑口這間充滿港式風情的煲仔專家晚餐！首先就來一個煲仔飯，由於其中一個友人不愛抹茶，經理非常友善的幫我們改了普通飯底 — 櫻花蝦鰻魚煲仔飯！鰻魚份量也不少，是外脆內軟的質感，與櫻花蝦一起拌勻，口感特別，非常惹味！個人非常欣賞這個滑嘟嘟鮑魚雞煲，這樣的價錢足足有四隻彈牙鮑魚！ 再加上鮮嫩的雞肉、鮮甜的翠玉瓜、洋蔥和冬菇等等，煮的非常入味！接下來的黃金蝦也非常出色！ 外表是滿滿的鹹蛋黃，邪惡但超惹味！而且外殻烹調的非常香脆，咬下去脆脆之後，就吃到新鮮又彈牙的蝦肉，超棒的！友人無牛不歡，所以就追加了這個馬來沙嗲火焰牛仔骨。上菜後店員為它點火，美美的火焰讓人十分驚喜！ 牛仔骨肉質軟稔又有嚼口，加上香濃的馬來沙嗲醬，滋味非常！最後就是啫啫時菜煲，經理推存靚價的菜心，果然翠綠爽口又鮮甜啊！ 配上啫啫醬汁，不會太鹹味道剛剛好！

將軍澳坑口東港城的砂煲兄弟，很不錯的一個新選擇，價錢合理，質素不錯。難怪一定要在六點鐘前排隊等位。每一碟菜都用煲仔送上，傳統的煲仔菜當然少不了竹笙杞子京湯浸時菜，味道不太濃烈，滿有杞子香味的時菜非常適合在這個深秋初冬的時分吃。來到這個砂煲兄弟，當然要吃煲仔飯。點了兩份煲仔飯，鹹魚肉餅飯，和抺茶櫻花蝦鰻魚飯。煲仔飯味道比較一般，絲苗白飯不俗，但煲底飯焦不是那麼香脆，一定要靠豉油來調味。太爺雞也不過不失，雞肉也香滑。焦點所在，就是這碟慢煮豬手，如果來到這裏不試這碟豬手，真是白來一趟。豬皮燒得很香脆。原來這碟鹹豬手有四款食法：第一，直接放入口食；第二，點芥醬吃；第三，生菜加番茄仔包着肉吃；第四，生菜加番茄仔包着肉點芥醬吃。原來第四種方法才是正確食法，ha ha。這裏的甜品也不可小看，非常邪惡的朱古力西多士，香口的街磚麵包，慢慢吃，萬萬不能錯過。整體來說，價錢也不貴，食物味道也不錯，雖然不算頂級，在東港城已是非常優異的選擇。

呢個星期六終於黎咗呢度食 early lunch .. 之前路經過就未揀到啱食嘢，而今日，見佢都都有公仔麵食，又只係十二點幾，女友又未食早餐，食公仔麵都算係一個好選擇😁睇餐牌，佢真係大部分都係煲類，連公仔麵都會係煲上，不過就只得三款選擇，嚴格黎講，都可以話有多過六款嘅，因為有款稱為百撘煲仔一丁麵😄😄 有3款朳揀(🐷🐔🐮)，再撘有4款㨂嘅蛋、腸、餐肉、火腿。 我哋兩個都要🐷扒，撘蛋我，女友就撘餐肉。叫麵可以半價叫杯飲品，我哋只係加咗一杯，因為我已經飲咗☕️先出門口😌 熱奶茶到先，個杯都幾大下，茶味都算唔錯😊麵到喇，麻油分開上自己落我最鐘意！但。..⋯⋯我隻蛋呀⋯⋯講少一次都唔得，因為見到寫煎蛋，一心就以為是熟的，點知⋯⋯無法啦，唯有快啲堆佢落底，應該都可整熟少少😅😅 至於味道，塊豬扒麻麻地，年倆都唔多鐘意太厚，加上又無味咁。而午餐肉呢，都有煎香咗先，ok啦。雖然個豬扒一般，但都會再黎試吓佢啲煲仔飯，睇餐牌啲賣相都幾好，所以都會想試寸下，而呢度都算環境環境唔錯幾好坐，啲職員都有禮，又無加一，可以再來😅

11/3 今日6:20左右，諗住行開附近搵間野食飯，就搵左呢間咁嘅嘢，諗住試吓食個煲仔飯，以為評語好，就食物好，就去試下，未入到去已經被人白鴿眼，原來呢間店舖係唔招呼一個人食飯，入邊明明有位，我話一個人，佢望都唔望就話冇位啦！然後就轉身走人，都費事理你，咁嘅服務態度，原來要兩個人先至可以入去，咁不如喺門口寫明不招呼一個人啦！咁㗎店鋪，你地去埋佢啦！試都吳駛試，黑名單算係咪一定要兩個人消費先至可以入去呢！

第一次黎食，當然要叫煲仔飯啦 。叫左鮑魚雞煲仔飯同埋芥末蜜糖雞翼配薯條 ！先講左雞翼同薯條先，薯條同雞翼係唔係好熱既！感覺好似唔夠新鮮！ 或者係涼左先拎上枱吧！ 煲仔飯方面，鮑魚仔有兩粒 等左唔係好耐就有得食！！有飯焦！不過得麻麻地所以冇食飯焦。同埋唔算大份！ 我地午飯食 正價！同埋有bb椅 所以同埋小朋友去食都有得坐

整體態度0分，冇招待，問野hea答，叫左餐成20-30分鐘都未有單，之後張單黎發覺先啱啱入機，問佢咁耐佢答你「有單啦嘛，等陣」呢間野每次黎食都要受氣，想俾錢黎受氣既可以一試

大家知道住將軍澳，真係冇啖好食，黎黎去去都係食嗰幾間連鎖快餐店，最近喺坑口東港城開咗一間以沙煲小菜為主嘅中式餐廳，聽個名就知道夠晒鑊氣，決定今晚同屋企人嚟呢間餐廳食晚餐因為平日嚟食嘅關係所以今次就唔使排隊， 平時行過都見到好多人系出邊排隊先來一碟小食花雕醉雞翼，喺度嘅雞翼size都算大隻，而且仲非常入味，每一啖都食到酒香，而且雞肉鮮嫩，作為小食我俾佢100分見到隔離枱叫咗煲脆皮豬手，仲食得津津有味，我哋都唔執輸叫一煲，豬手外皮揸到脆卜卜，而且豬手非常入味，份量足夠四個人食量剩係得肉無菜又點得呢？竹笙杞子京湯浸時菜，又係大堆頭，個湯值得一讚，夠鮮味！到最後親而家開始凍凍地食個煲仔飯先，我哋就叫咗個臘味煲仔飯，有臘鴨，臘腸，臘肉，喺煲飯嘅過程中立美嘅鮮味油份都流到飯底，令到你食每啖飯都有充足嘅油份，好滿足

今日又山長水遠入將軍澳做野完左當然要係個到食埋飯啦難得入到黎~~朋友介紹話有間餐廳專用砂煲黎做主題食小菜既~咁就一於試下啦去到餐廳已經聞到好香野食味haha！餐廳既店員服務好友善令人覺得好舒服。首先我地點左珍珠奶茶，茶夠濃，珍珠咬落好有彈性，同時都點左荔枝冰，唔通普通茶餐廳用罐頭糖水黎沖既味道，令人胃口大開先點左豬手，皮脆肉嫩 食落去有幾種口感 肉既香味留係口腔 呢d應該叫齒頰留香haha 重點係皮夠脆！同食緊薯片一樣，調味調得好好味，又唔會太油膩，加分！第二道菜係冬菇雞煲仔飯，雞肉好嫩滑，飯吸收哂所有汁嘅精華,美味可口，重點係夠多飯焦啊！！個人食煲仔飯最最最中意食飯焦又夠香又夠脆!!!!又要加分之後就叫左個鐵板黑椒牛柳，一上到枱已經聞到勁香加上配菜新鮮洋蔥青椒等非常鮮甜，黑椒既香味香濃郁 辣度剛好。注重健康飲食既我們都點左一個上湯浸時蔬，無諗過個湯都幾好飲,完全唔會覺得好勁味精 飲落有香噴噴既香菇味 再加上枸杞，非常養生。估唔到將軍澳有間咁好食既小菜餐廳,下次經過都會再黎試啊！！

依間類似高檔冰室的中菜餐廳，同朋友及屋企人都嚟東港城食過幾次，每次嘅水準都唔錯，沒有質素下降，最緊要係環境舒服，食飯次外亦係傾計嘅好地方。可能這一間開店時間不太長，所以什麼裝潢都十分新淨！我們吃的早，算是食頭圍既時間...如果唔係，餐廳一定非常多人喔！入到去感覺挺的意的！成個感覺係一間挺有氣氛的懷舊高檔大排檔，雖然食中菜類但要境上夠大又闊落令人好舒服！話明【砂煲兄弟】，應該是專食砂類煲的餐廳吧！煲仔飯？剛剛好，轉涼了，這個時候食不錯吧！眼看餐廳的煲仔飯有很多款式！新派舊式都樣樣有齊，本想點一樣的是臘味煲仔飯，但又睇中其兩款，所以就試試比較不常吃到的吧！係煲類方面，我地叫咗個員工都推介嘅懷舊砂窩雲吞雞 $88再加$28配白飯同湯。都上得幾快，熱辣辣黎到面前。砂窩雲吞雞在外面吃通常都要過百，這裡賣＄88挺足料的1/3或1/4隻雞加上小棠菜還是紹菜再用上海餛飩等材料而煮成，盛載於砂鍋之內，經長時間熬出來的湯呈奶白色，雞湯解味都幾出色！雞肉煮得嫩嫩的，湯口既清甜又好喝。份量足夠，因為有雞又有雲吞！雲吞大概六隻，雞當它是1/4吧！但都好飽了，因為飲晒湯的話就好飽肚！但呢個砂窩雲吞雞湯好好飲...

星期天的下午🌞，跟老公和媽媽特意出去吃午飯👵，想起在地鐵站附近的商場🚉，剛好有一家新張小店🎉，就去試試看了😉。海南風味雞煲飯🐣：雞是用上了雞腿肉😍，但肉質卻不算嫩滑😥；飯則是用上了油飯的🤔，加上了飯焦🔥，入口是蠻香口的😋。東瀛抹茶櫻花蝦鰻魚煲仔飯🦐：抹茶味被鰻魚汁掩蓋🍵，完全是可有可無的存在😰；鰻魚方面🐟，味道平平😑，索價HK$78💸，實在驚人😱！總結：食物質量一般😶，但價錢卻相對上頗貴💸。另外，服務質素更是其差👎，首先店員先是下錯了單✍，我們是一行三人3⃣，我們點了兩個菜✌，因為媽媽的胃口不大😊，但她卻寫了四個菜😨。為我們改了單以後📲，她的態度馬下急轉直下😤，不但是完全不理睬😠，就算有所回應😒，也盡是冷言冷語的😫。吃了大概1/3🤔，一位貌似經理的🤵，又把一張單放下📝，上面寫明我們點多了一個麵食🍜，但我們並沒有加單呀😰，唯有再更正了一次單😫。差不多吃完了😶，另一位女店員再次放下了一張單📝。。沒錯，一個午飯🌞，足足是收到了5張單🙄。。

秋天到，自然想到食煲仔飯，早前，在我家附近的商場就開了一間可食煲仔飯的餐廳，香噴噴的飯香、焦香味，真是聞到垂涎三尺，加上煲面的配料香氣，難以想像啊！趁著國慶節，親友在國內來港購物，在商場的中港巴士站落車，在這可逛商場，又可食飯，非常方便。不二之選，當然首選我想食的煲仔飯啦！而且上菜亦好快，一餐飯可在一個小時，親食完離開，好方便趕時間。到左餐廳，幾乎每檯上都會叫了煲仔飯，餐廳內充斥了陣陣的飯香味道。先來了一杯解渴的奶茶涼粉，涼粉爽彈，奶菜夠滑，甜度剛好，適合的味道。花雕醉雞翼，淡香的酒味，滲透了整隻雞翼裹，雞翼沒點兒肥，皮肉夠爽滑。椒鹽鮮魷，酥炸可口，魷魚嫩滑，一點都唔韌，入口彈牙，有嚼著！秘製脆皮慢煮豬手，香噴噴，熱辣辣，皮脆肉香，皮炸得夠鬆化又脆口，肉質嫩滑有點鹹香，入口陣陣香濃，一點都唔肥膩。主角是臘味煲仔飯，香噴噴，熱辣辣，仲嗅到勁香的臘味油、飯焦香，流晒口水了，米飯在煮時慢慢地吸收了臘味的油香，臘味鋪滿了飯煲面，有臘鴨、金銀腸，再加上秘製煲仔飯的醬汁，增添不少滋味。

突然想食臘味飯。在商場見到介紹牌，便走進去這餐廳。當然立即叫了一個臘味煲仔飯，再加一個扎肉酸辣薯粉。扎肉酸辣薯粉不是我杯茶，因為不太受這樣油及辛辣味道。但是薯粉、蔥、扎肉絲加在一起（不要加湯），就好好味。如果這道菜可以多給扎肉絲，會好好多！最重要的主菜當然是臘味煲仔飯。拿到枱時砂煲熱熱的，豉油倒進去發出啫啫聲（可惜沒有蓋，所以沒有焗一焗煲飯）。膶腸好味、臘腸不硬、臘肉又不肥不瘦。最重要是飯焦是脆的。只可惜沒有西洋菜湯給我做湯飯。最後叫了凍檸茶，覺得茶胆不苦澀，好👌🏻。當然，臘味煲仔飯用鵝膶腸，我更加瘋狂。但是$68一個煲仔飯，這個已經很好了。如果要好D又要平D，唯有自己做飯吧⋯⋯你會嗎？回家後走進廚房找砂煲，發覺砂煲都發霉了😅