砂煲兄弟 (東港城) (Closed)

1. There was a long queue outside the restaurant on a Sunday evening, I guess people are just like my friend and I who wanted to try out this new restaurant with their signature local clay pot rice. It took us quite some time to wait before getting a seat.2. My friend ordered a Hainan Chicken Clay Pot Rice, and I was a bit more adventurous so I ordered this  Eel Clay Pot Rice in Matcha Flavour with Sakura Shrimp. We shared the two pots and were actually quite happy (and full!) with the quality o

今日同男朋友行街，見到一間茶餐廳好特別，裝修好得意。反正肚餓，就入去食個tea啦。。一行入去右邊好多卡位，中間係長枱，入面都好大。餐牌都好得意，卡片通化。我地點左2份茶餐。芥末一字雞亦拼薯條🍟:雞亦有6條骨，都算大隻，炸到脆卜卜，不過雞亦好似無醃過，但都多汁既。薯條係直紋既，想食扭紋薯條，嘻不過全部都好夠熱。份量亦算多，而且擺得好靚。特色雲吞酸辣湯麵🍜同想像中有啲吾同，麵係紅薯粉，有4粒小雲吞，湯底類似係重慶酸辣粉既湯底。份量就正常一碗，用小煲仔上。我地點左熱奶茶同凍咖啡☕️奶茶好香好滑，又吾喼口，好好味咖啡亦好香，吾太苦

每次來砂煲兄都有驚喜，肥仔佬闆的用心製作值得欣賞。邪惡金砂值得一試，今次去食豬扒飽，送到埋嚟果刻連隔離唔識果D人都嘩……，我值頭有一刻衝動，想放枝臘竹上去合皮爬地。希望佬闆繼續用心製作，做好榜樣比新一代年青人。

今日係將軍澳東港城見到一間港式餐廳，個店名幾盞鬼叫「砂煲兄弟」，再望一望內裏嘅裝修似七，八十年代所以吸引到我注意同幫襯。晚飯時間都有幾多人排隊，不過等左一陣間就已經入得喇 ; 本身諗住佢有章魚既煲仔飯，不過可惜係無既。最後叫咗臘味煲仔飯同蝦多士。蝦多士 : 雖然爽口彈牙，但唔夠熱同比較油膩。臘味煲仔飯 : 份量幾大，潤腸味道好濃郁，有入口即溶既感覺 ; 臘腸都好香，而且重有啲腩片同飯焦都好脆口，不過味道始終不及街邊咁地道，就算落左佢地既豉油食，味道都係差啲。整體黎講如果想食煲仔飯又想方便既話可以幫襯下，如果唔係都係去廟街食會好啲。

天氣轉涼少少，想食d熱噴噴的飯餸，最近行經坑口東港城商場，見到間食煲仔飯既餐廳，我地就入咗去食喇。我地兩個人叫咗碗老火湯，味道都ok既唔會太淡味，仲有少少瓜食吓！廿二蚊一大碗紅豆冰奶茶，紅豆冰平時就飲得多，加埋奶茶就真係第一次，感覺如何啊？夠創意，但味道和一般茶餐廳奶茶無異。竹笙杞子京湯浸時菜$78哩個煲好正！送到枱面仲係好熱既，我個人喜歡食竹笙，因為索晒上湯的味道，加埋香菇令到個湯好香。天氣轉涼想食熱既菜？不防一試食上湯保仔菜。椒鹽豆腐$58其實唔好睇佢好似好少，4個人食都仲得！因為椒鹽豆腐外面，點了炸粉，外脆內滑，d豆腐新鮮炸起好熱架，食既時候小心d。蒜香海龍皇煲仔飯$98這個煲仔飯入面有鮮魷，魚柳，青口，蝦。我也是第一次食這類餸菜的煲仔飯，味道當然唔夠肉餅煲仔飯，臘味煲仔飯香，但也是一個不錯的嘗試。記得食煲仔飯一定要加豉油喔！最後要提吓，這間餐廳只接受現金或八達通，暫時唔收信用卡💳。注意⚠️

今日同同事放lunch去咗公司附近嘅東港城覓食。近排食得太多西餐就想食d中菜。今次揀咗依間出各食煲仔類嘅餐廳。餐廳嘅裝修幾有特色，主打香港情懷，環境亦不錯，光線充足。小食方面，我地點咗個炸蝦雲吞。雖然放咗一陣，但個炸皮依然好鬆脆，而且個炸皮唔會好厚，點埋個泰式辣醬就更惹味。煲類方面，我地叫咗個推介嘅懷舊砂窩雲吞雞($88)。雞湯唔會太咸，有鮮味。份量都好足夠，有紹菜同少量洋蔥，雲吞大概六隻，雞大概係1/4隻，雞肉肉質結實，雞味冇因為浸過湯而變淡。牛類嘅煲都有幾款揀，我地就揀咗個紅酒牛尾，都係$88，再加$28配白飯同湯。個紅酒牛尾煲好夠熱，上嘅時候個汁仲熱到起氣泡，而且牛尾煲嘅紅酒味同蕃茄味都好濃。牛尾燜得好腍，煲嘅蔬菜好足料，有生菜、蕃茄、豆角等。最後點咗杯咖啡涼粉作結。

和朋友飯敍，選了這間有懷舊裝修的餐廳。餐具幾特別，看似瓦的食具，其實是膠造的！先來一個三蔥牛仔骨：三蔥應該是京蔥、洋蔥和大蒜， 加了特製的醬汁 ，特別juicy，牛仔骨不肥膩，又不韌，味道香香甜甜。花雕醉雞翼: 花雕酒味不會太濃烈 ，但淡淡的酒味同雞翼是一個好配搭，雞翼皮爽爽的，肉很滑。臘味煲仔飯：熱騰騰的飯有淡淡的燒焦飯味，飯裏面有臘腸、潤腸和臘肉， 全部都已切好一片片 ，所有的香味滲落了入白飯裡， 再配上煲仔飯豉油 ，色香味俱全。 最好的是飯並沒有因為臘味而很油。竹笙杞子京湯浸時菜：有竹笙、杞子 、白菜、雜菇 ，配上一個濃濃的菜湯 ，不油膩，清清甜甜真的好味。竹笙更吸收了所有菜的精華，美味可口，我們結果整個菜湯飲清光。還有透心涼的紅豆冰奶茶：珍珠奶茶飲得多，這個飲品把兩種有香港特色的飲品合二為一，奶茶味濃郁， 紅豆夠綿，幾啱key。

轉涼就想食煲仔飯，探婆婆既時候比我見到東港城開左間專食砂煲既餐廳，仲有煲仔飯😍即刻叫牙婆唔洗煮落黎食；依到既裝潢好特別好有懷舊feel，好似有間士多係中間咁，燈用左玻璃樽堆砌而成餐廳的煲仔飯有很多款式，傳統既臘味煲仔飯、窩蛋牛肉煲仔飯等……仲有d新派既蒜香海龍王煲仔飯、海南風味雞煲飯……夠哂創新我點左東瀛抹茶櫻花蝦鰻魚煲仔飯$78試下，等左一陣好快就有，上抬時仲係熱辣辣，食煲仔飯一定要落佢個豉油，可以簡辣或不辣既祕制豉油，搞拌均勻非常提鮮好惹味；估唔到櫻花蝦加鰻魚既煲仔飯好夾😋脆卜卜金黃色既飯焦，非常香脆可口只有微微焦燶絕對係煲仔飯既精華〜馬來沙嗲火熖牛仔骨$88真係著哂火咁上抬🔥配上三色椒、洋蔥、菠蘿炒埋主角牛仔骨用錫紙盛著可以保持溫度，牛仔骨好有嚼口，而且好入味惹味麻香胡椒雞$78件件都去哂骨，岩哂我地鐘意啖啖肉既😁麻油加上粒粒胡椒令到雞肉食起黎好惹味，除左三色椒同洋蔥仲有加左冬菇吸哂汁既精華，正！邪惡金沙西多士$38😈加左朱古力醬同黑白朱古力粒，大大舊粒粒四方形既西多士，佔滿朱古力醬咁樣食法真係好邪惡

最近坑口開左好多餐廳，好多都未試過，其中一間就係呢間砂煲兄弟。最近就的起心肝拉埋細佬去試下。夏天咁口渴就緊係要叫番杯野飲，我地分別叫左凍檸樂同凍華田，水準同一般茶餐廳差唔多，夠晒解渴。細佬就叫左呢個鰻魚煲仔飯，相當之好食!上面嘅鰻魚分量剛好 食落味道同日式燒鰻魚差唔多，加埋荽茜香，非常好食。煲仔飯嘅火喉亦控制得好好，值得一讚!白飯粒粒分明，有煲仔飯特有嘅鍋氣，食到落底亦有最重要嘅飯焦!非常好食。滑雞煲仔飯同樣出色，飯粒同鰻魚飯嘅水準相約，雞肉煮得非常嫩滑，再加上姜蔥絲令其味道更為突出。呢個牛仔骨亦係令我非常驚喜嘅一道菜!牛仔骨相當入味，而且非常滑，必點!

東港城最近開了新餐廳，大sell港式大排檔小炒情懷，作為街坊既我當然唔執輸試下新餐廳以為係茶餐廳格局，點知有裝修得幾有心思，營造返大排擋復古環境煙燻太爺雞（半隻）主打菜式之一，店員會喺面前開蓋，然後一股煙就會湧出黎，有睇頭 聞都聞到好大陣煙燻味，好香 食落口亦有好濃煙燻味，而雞亦都夠滑嫩懷舊涼瓜炆黃立倉好耐無食過呢款小菜，涼瓜炆既汁好入味，份量仲好多，煮到岩岩好 黃立倉都好新鮮，啖啖肉海味雜菜煲賣相好似好清淡，其實個味都幾出咖 多款菜煲埋一齊，總有一款岩口味 除左海味、雜菜，仲會有粉絲墊底，抵食臘味煲仔飯煲仔飯係餐廳另一賣點，第一次食所以揀左最基本既臘味煲仔飯試下先 超香 我特別喜愛食臘腸，幾肥都要食晒佢

坑口而家愈開愈多連鎖餐廳，有時想食餐簡簡單單既都諗唔到，最近東港城開左砂煲兄弟，食既就係大排擋風味既港式小炒，即刻好有興趣試下🤗好耐無食過豉椒炒蜆😍超惹味，唔會太辣😋啲蜆隻隻都好大隻，好鮮甜，一啲沙都無～跟住就叫左個惹味麻香胡椒雞，一上菜已經好香，胡椒味重👍🏿啲雞勁嫩滑❤️最傳統既煲仔飯莫過於蠟味煲仔飯，有蠟肉蠟腸潤腸，啲油滲入煲仔飯到好好味👍🏿點都要嗌返個菜既，我地就揀左海味雜菜煲，會有粉絲襯底，啲菜夠淋夠入味，即刻覺得個人無咁熱氣😂全部菜都係用砂煲上菜，添左更多大排擋港式風味💕

經朋友介紹先知呢邊開左呢間野都一段時間所以就黎食下 話明砂煲兄弟咁就當然要食哂所有砂煲嘅野食不過諗下好啦我地就叫左惹味麻香胡椒雞雞肉好嫰滑而且已經起哂骨食落好方便胡椒味都好重好香濃最特別係有好多三色椒好清甜 另外仲有呢個鰻魚煲仔飯飯唔算好飽滿但飯焦超香脆如果鍾意食煲仔飯飯焦既真係要試下而且飯加埋豉油好好味而鰻魚肉質好腍煮得好好特別係魚油滲入左飯度好香好惹味 呢個邪惡金沙西多士都係廚師推薦所以我地都叫左個呢款小食真係好邪惡係一座西多士山每一舊西多都好似磚頭仔咁一啖食落去好滿足西多士炸得好香口而且朱古力粒同朱古力醬好足料好香濃西多入面既花生醬都好濃郁如果有埋牛油就真係完美 再飲埋呢個紅豆冰就夠哂杯野好大杯配埋餐用半價買好抵而且紅豆好足料飲落比一般既紅豆冰更香濃更加甜

今日响東港城行街，無意中發現這間餐廳，叫得砂煲兄弟梗係以砂煲為主啦餐牌整得好精美，又有食物圖睇見都流口水。格局亦很舒服，員工服務好，有禮貌，讚！👍🏻海南風味雞煲飯～雞腿大得來夠滑，黃油飯一點都不油膩，底部既飯焦脆卜卜好得意好好食😋🍗加杯凍檸茶都係加$9，抵！秘製扎肉酸辣薯粉～竟然响呢度有得食，好香既辣麻味，薯粉煙韌有咬口，扎肉切絲溝埋一齊食，亦唔會太辣，感覺良好！地獄水煮魚～用砂煲既好處就係食物凍得無咁快，食水煮魚辣得好過癮，份量好足夠，枝竹木耳吸盡辣汁好好味，溫度亦能夠保持到食晒。邪惡西多士～太多食物太吸引了，食埋甜品都唔係好過份啫🤣，黑白朱古力慢慢溶化响花生厚西多士上面，又甜又美味，確實夠晒邪惡！😍

適逢東港城取月餅順路去醫肚，被一間裝潢唔算靚但充滿懷舊feel的港式茶餐廳吸引住，坐落至知原來佢係主打煲仔菜的但又有些fusion野，總知奶茶咖啡甜品多士乜都有啦。我本想食咸魚肉餅煲仔飯但見到有煲仔菜套餐就改叫了個雜菜煲和梅菜扣肉煲。先來個免費例湯，嘩，不得了!大碗無味精，霸王花煲豬骨湯，飲落有媽媽的味道，碗湯有構圖架，能看出廚師放上了心思。梅菜扣肉煲個汁味道不咸不淡剛好，扣肉肥瘦適中好啱和我一樣想食又怕肥人士。會再去因想試食其他菜式。

東港城除了近一田超市開了幾間新食店外，亦開了這間砂煲兄弟。砂煲兄弟這名字感覺很親切亦很貼題，應該是以煲仔飯煲仔菜為主打。砂煲兄弟名字設計得卡通化。裝修方面，磚仔牆身磚仔地板，加上模仿舊式窗花的裝飾，顏色則用上帶黃的綠色與木色，新潮與懷舊兼備。餐廳除煲仔飯煲仔菜外，亦有脆皮豬手、小食、甜品及懷舊飲品。秘製脆皮慢煮豬手脆皮豬手於商場海報就已經見到其踪影，應該是餐廳推介。脆皮豬手的價錢與西餐廳相比，實在算是十分便宜。豬手皮與豬手肉上枱時已經分離切好，豬手皮比一般燒肉皮要厚，入口較硬身但依然脆口，豬手肉味道不鹹，軟硬適中，可以點上黃芥末增添辣度。東瀛抹茶櫻花蝦鰻魚煲仔飯此煲仔飯加上抹茶味，味道比一般煲仔飯清香，感覺較不油膩。鰻魚切成細細件，肥美甘香，想不到抹茶與鰻魚都可以煮成煲仔飯。竹笙杞子京湯浸時蔬此菜煲加入乾菇菌提味，即使是菜煲亦不會太清淡。竹笙小白菜吸滿高湯味道，入口很濃郁鮮甜。