潮民

Open Now

Now Closed

與家人在維園打波後，在此用午膳。之前已知這裡有胡椒豬肚湯粉麵，終有機會一嚐。胡椒豬肚湯味濃，卻又不會過辣；其中一碗選配米粉，米粉身幼，每條均沾滿了湯，入口時味道特強；豬肚份量足，再加上其他配料，頗豐富，當中各樣肉丸尤佳，皆火鍋材料水準。這天早起，至午飯時已昏昏沉沉，點了凍鴛鴦，提提神，迷糊間卻忘了說「少甜」。幸好，原來糖漿都是食客自己後加的，正。同行小朋友Oscar 超愛吃通粉，自自然然點了番茄濃湯牛肉通粉，餐後給Oscar 一道「功課」：用少於 25字 但多於 10字講出對這個通粉的評語。Oscar 交出功課如下：番茄湯味很濃郁，牛肉好味，像打邊爐的牛肉。

有時餐廳的環境配合，會今食客加分，星期日送完個仔去童軍後，都好喜歡去潮民嘆個早餐，秋涼天氣，將車停在門口，坐在舖外用餐，要走鬼抄牌都無問題！我係牛王，無牛不歡，通常會點鑊仔牛扒炒蛋，用料好OK，牛肉味濃，厚度稱心，烹調火路恰到好處，掂！老婆就點番茄湯安格斯牛肉通粉，番茄湯香濃得來有香草味，唔似勝香園咁寡，又有橄欖油香，唔係一般茶仔水準，所以我每個Sunday Morning都係呢度搞掂！

夜晚同太太來到，星期一晚約 7:30 唔駛等位。在街旁泊低車入去立刻有位坐。叫皮蛋芫茜湯底，都幾足料的，好易入味。再叫了以下的食物：1. 黑牛切片（大）肉質有o趙口，更值得讚的是厚薄適中，不會太薄無口感，又不會太厚難淥熟。牛肉有肉味兼彈口。2. 蝦（五隻）幾大隻，拉直有六寸長而且厚身，亦好o趙口。蝦膏頗多。3. 蠔（六隻）頗大隻，糖心算香口。4. 墨魚丸一般，彈牙，但其實食落無乜墨魚 feel，反而唔知點解有少少似貢丸。但OK 嘅。5. 娃娃菜無乜特別6. 鹹蛋芹菜餃其實淥完加上芹菜咁重味，食落已經無乜鹹蛋味。不過有鹹蛋的粉狀口感又幾特別。整體頗香口，值得一試。7. 粉絲以粉絲來講都幾有咬口。味道一般啦。另外值得一提的是：(1) 服務非常好，店員好斯文又殷勤，值得一讚。(2) 星期一晚來講，靜靜地坐得幾舒服。(3) 泊車喺街可以唔駛就住停車場鐘數，加上唔多人適合坐低慢慢食傾吓偈。整體而言，我未來之前都無預咗呢間舖仔要食咁貴，但食完佢係值嘅。因為食得出佢用料靚係有心機去選擇同預備材料。呢樣嘢即使食千幾蚊的貴價嘢都未必有的。

小同聚會 大家都唔知食咩我提意左潮民 因為記得係打邊爐但係我忘記左其實好貴.........不過一場泥到, 本住平有平食, 同埋我地成班咁多人 誰怕誰 最多咪下場就坐低左 哈哈. 一坐低眼前唔係個爐而係一盤有唔同種類ge配/醬料決定左嗌咩之後大家就開始係度混"醬"啦 開飯!!!叫左胡椒豬肚湯底淨飲都好好味 <3基於張點菜紙其實無到過我手, 一路都只係不斷大叫自己想食咩 XD所以我只係知有一碟平牛同貴牛 XDDD平牛 話則佢係平D果個但係質素絕對唔係牛陣果D可以比貴牛實在係無影相 XD 因為未影得到已經跳左入窩再直入我地口中貴價牛果然係貴得有道理佢係滑D有牛味D好食D XDDDDD食到咁上下會有侍應哥哥泥片走D油見到我朋友係咁"不" D 湯飲又會自動自覺俾D碗我地好貼心的服務 <3雖然個個都話佢係貴 但係我地每人都只係$140. 而且佢D水準真係值li個價錢讚!!!!

一朝早車咗老婆返工，未夠八點鐘心血來潮自己一個人剷入大坑，見呢間店幾靚便泊低架車在街邊入去食。一張早餐點菜紙，$28 有厚多士仲有三樣食物揀，加個通粉同飲品，仲想點？最特別係個通粉，湯底好似加了少少蒜頭有種獨特的香味。奶茶和炒蛋亦不錯。其他如腸仔及多士等都 ok。$28 咋，想點？可能係星期一，咁早無乜人，我坐喺度靜靜地開個 iPad 上吓網睇報紙，坐半粒鐘之後駕車去返工，都幾寫意㗎！

中午, 唔係好多人以前午餐是有飯餐, 現在午餐全是麵 或 米線,有不同湯底, 番咖湯會比較熱, 要慢慢食,快捷午餐另包泠熱飲品,並設有 wifi, 要問店長哥哥取 ( 其實同log-in name 差吾多)潮民 最方便就系泊架車向正鬥口 or 對面(錶都吾使入)適合駕駛人士, 好方便所以1個月去1-2次

早幾天訂了位，3人。可以坐係鋪頭內或外面，我們坐係鋪頭內。雖然我們3個人，可以叫好多野食，但我覺得比起一般火煱店，我地叫得算少，因為都覺得有點貴..另外一提，睇緊張火煱紙個陣，先發覺鋪頭係有播歌的，但佢係播英文歌，有時仲會聽到有Lady Gaga的歌，格調真係"潮"! 湯底 - 都係揀左個最平最普通的炸魚皮 - 好大碟，食唔曬! 墨魚滑 - 幾彈牙，不錯! 草菇 - 我唔食菇的，所以依個唔知好唔好啦...但都見佢好大粒同幾多!芝士腸 - 同普通的都無咩分別好似係"菜肉餃" - 菜味同肉的味都好平均，不錯! 鵝腸 - 無咩味，好淡...五花腩 - 與想像中差太遠，un左一點，覺得有點唔消化..魚腩 - 新鮮，味道一般安格斯牛肉 - 以薄片形式上，但唔知係唔係太薄，覺得口感一般，味道同普通的無咩分別羊肉 - 幾有羊味, good! 魚肉卷 - 無咩特別Asahi - 叫左一枝，亦俾左雪過的啤酒杯，唔係一般的普通玻璃杯...但最後老闆額外送多枝Asahi俾我地! (可能因為我地第一次幫襯吧..)服務好，但我諗多人食會抵D同埋叫D特別D的食物可能會好好多。如果好似我地咁叫番D普通野食...就真

馬拉松的早上，維園變了滿溢的水塘，傾瀉的人流灌滿週邊地區。完成10公里賽事後，順著銅鑼灣道入大坑，沿途食肆都熱熱鬧鬧，來到浣紗街這裡，仍要搭檯。在火鍋店吃早餐還是頭一趟。看餐牌以為又是常見的茶餐廳早餐：通粉自選幾款餸菜、配厚多士、再加咖啡或茶。實物送上時有點意外，應該說，有幾點意外。意料之外一：餸菜與通粉分開，用不銹鋼碟盛載，鋼碟更分開三格，牛肉、蕃茄、時菜(舉例)分置其中，頗有特色，甚至可說有點格調；唯一擔心，天寒地涷，餸菜放鋼碟中，可能冷卻得快。意料之外二：通粉竟用了大粒粗紋那種，有異於一般茶餐廳，這種通粉較厚身，相對不易入味，宜配搭較濃味的湯 (見店內海報有胡椒豬肚湯河粉，不過早餐時間未供應，其實許多人吃通粉都會落胡椒粉，何不順勢推出胡椒豬肚湯底的通粉)；意料之外三：奶茶不俗，沒想到火鍋店的水吧有此水準。早餐一客，附送3個意外，算抵。

本人經常四處搵食, 在這個聖誕假期和家人去大坑午餐, 因上次已去過民聲, 今次試附近一間叫潮民的東西. 他們是火鍋店但亦做早市, 午餐的創意粉面的確別出心材. 因為我試咗個胡椒豬肚湯河實在好好味. 其實我好鍾意冬天飲這個湯因為覺得飲完特別暖而這個湯河的配餸的確唔錯, 咸菜好爽口,豬肚夠林. 第日我忍唔住再去食點之沽清, 於是我試咗個招牌麻辣米線, 配餸中有豬腩肉真係必食之選, 好正! 個樣睇落好似好肥但原來入口即溶亦唔流. 而潮州牛丸都好正. 如果唔食得辣可以配豬骨湯底.可能因為假日關係都幾爆, 耍等一陣位, 但老闆好好人, 見我地一家大細就比 幾張凳我地坐住等, 重比面包我隻狗食. 我媽耍食藥個伙記即刻比咗杯剛剛啱 飲的溫水給她, 真係好service! 可惜我住得遠唔可以成日去幫親, 不過我一定會再去.

I've become a frequent customers since my first visit to Chiu Man Hot Pot earlier this year! Definitely not a fancy restaurant, my best experience at Chiu Man is sitting on its street tables (it's in a relatively quiet street in Tai Hang) on a nice cool evening. I'm waiting for the temperature to lower so I can do that again!! The extremely friendly restaurant owner always make sure his customers are well taken care of, offering food recommendations and always make sure you order enough food

住在大坑，经常来这里。其实除了火锅，这里早餐也不错的。打边炉的话，尤其是冬天，要翻三次台的，很火。味道也确实超级好。力推牛肉丸，很Q，还有胸口牛肉，号称5秒就熟，超级嫩。雪花牛肉很赞的点了螃蟹锅底，蟹很新鲜，黄很多。番茄锅底也不错，我觉得比麻辣的好吃。墨鱼丸啊鱼丸也都不错的。btw，店主很靓仔

朋友住在大坑是潮民的熟客，差唔多每天的早、午餐都光顧，對他們的食物及服務總是讃不絕口。有見及此，到潮民試下佢地有咩好野….他們的早餐都幾多元化，有一般早餐可食到的之餘還有Hot Dog、奶油脆豬等。 我叫咗個炸魚柳+炒蛋+腸粉+菜+熱啡，個魚柳真係好正！冇雪味又夠脆，魚肉唔乾，個炒蛋同腸粉都好滑。原來只係$21，這個真是令我最驚喜的! 最重要係食物質素好又底食。 我個friend叫咗叉燒+番茄+菜+公仔面+熱奶茶。 我地座足成朝都冇被人炸型趕客之類，後來我發現有人等位先自動埋單， 唔怪得我個friend日日去食。

唔講佢既打邊爐喇.....因為真係唔值得提，講佢既早餐，好肯定講佢既早餐好唔掂，發現唔到有咩野食得落肚唔在講，如果大家留意下佢檯面既調味品....大家摸一摸就會食唔落野，全部係黐立立那那渣渣，睇到都唔開胃，所以以後都咪搞我！

兩星期前，在朋友W介紹下，有機會試試偶有經過的潮民.店子裝修簡單，播放著西洋或爵士樂；醬料種類除有大路選擇外，還有較少見到的芥茉及自家製XO醬及欖角醬。看似普單的火鍋店，細微處卻滲有不少店主個人喜好，有趣。是晚配料由店主親自發辦，整體來說均屬中上。特別喜愛的有 -- 蕃茄海鮮湯底: 勁多蕃茄，料足而鮮甜，就算到最後蕃茄味依舊濃郁。- 潮州魚蛋/牛丸: 據說特別由潮州運到，無論型狀與味道均與平常吃到的不同。滾前滾後身型一致小巧，味卻更為濃烈,相當不錯。- 私家蛋炒飯: 夠香夠乾身，味道好，連極飽的我亦禁不住吃了半碗。- 自家製XO醬及欖角醬: 香夾惹味，可成為餸飯妙品! 老實說，店主外表冷酷又串串地， 但對食物倒是充滿熱誠/情，質素有要求之餘，價錢亦算取之合理。整晚食物由他全程配給，招呼雖好，但為食貓真的不慣打邊爐如此拘謹。 有機會的話，本貓想私自再訪試試其他湯底，吃個痛快，但到時大概沒有美味炒飯了... 再次多謝朋友及店主的款待.

又係天后打邊爐，一早聽聞呢間舖都唔平, 心諗唔通又好似個間上品咁, 又貴又普通？由於早到, 我地三條友先坐低睇menu, 嘩, 不得了, 200一碟安格斯牛, 真係一d都唔平呀~咁見佢乾乾淨淨, 又播哂jazz咁, 唔知係唔係食環境呢？由於貴,都唔知點叫好, 但係朋友仔大力推介, 我地三個就乖乖地等佢o黎發板啦~朋友到o左, 先來的係清酒雞湯底。呢個真係無得頂呀, 十分清甜, 有好香o既椰子肉味,跟手放埋隻雞，嫩滑彈牙, 之後我地放o左其他o野落去, 唔記得食o既雞, 煮耐d都無變老雞, 讚~!試完雞，就梗係試$200牛牛啦, 佢份量算合理, 入口即溶, 牛味十足, 令我覺得, 今晚俾多d就俾多d啦~~我地好似餓鬼咁, 車輪咁放花甲、蠔同帶子入去. 呢度d花甲非常新鮮,個種甜法，係我呢世女都無食過咁甜。我以前以為花甲係無乜味o既蜆, 我真係錯哂!!!跟住o既蠔, 入口creamy, 唔似花甲個種甜, 但係有蠔個種帶海水味道o既鮮味, 又係正到痺~!不過, 跟住隻帶子就變得好失色啦, 呢d 咁巨型o既帶子, 真係唔係好o岩打邊爐, 無哂甜味, 仲有d d 靱 tim...响呢個時候, 靚