潮民

Open Now

Now Closed

上星期同班friend去潮民原本只想打邊爐, 但發現他們推出的冰鎮海鮮套餐,心想天氣開始熱試試都冇防。盤內有帶子、鮑魚仔、蠔、螺、蝦都幾豐富。帶子是北海道帶子都幾大隻, 帶子同蠔係生食的,食落口比一般刺身更爽口,原來年青老闆話係因為只是桌熟它的表面,可減低食刺身的風險之餘又能保持原有海鮮的鮮味, 其實如果唔講都唔知係桌過表面。而鮑魚仔、螺、蝦就係熟食, 我起初以為鮑魚仔會韌,但原來入口都好淋食完冷盤送火鍋湯底及烏冬共$266都抵食…還有加 $98 叫了支白酒。我地加咗隻凍蟹都好大隻、多肉同鮮甜,話係法國蟹。原來這樣冷熱食感覺清新可口值得試試! 但如果不是只送火鍋豬骨湯底或可送其他湯底及有蕃茄汁點蠔會更好。而且我覺得d蠔大隻咗d,如果細隻d可一口一隻送酒會更過癮!

聽說這間店的主打是牛，我又好喜歡食牛，所以就和女朋友來試試啦。我地叫左個魚頭湯，好有鮮味。之前好多人贊過這裡的牛丸，所以我們也叫來試試。店員話滾5分鐘就最好味，我地跟住試下，果然好有牛味，好香，重有少少醬爆的感覺。我地跟住叫左一客安格斯牛肉（一半切片，一半切粒），我們叫店員安排了一個燒爐，用來燒切粒的牛肉（竟然不需要另外收費），切片的用來打邊爐。一次過滿足了燒烤和打邊爐的慾望。再叫左個牛胸口，好少鋪頭有牛胸口食，所以叫來試下，聽說成頭牛只有一兩磅牛胸口。咬落去都幾桑口。我最喜歡這裡有好多不同的醬料給我自己去配，有成十多種醬料。我們再叫了廣島蠔，聖子，都幾新鮮。埋單平均每人兩百左右。

八月下旬•晴 來這裡附近找些資料，看到有這一間晚上是火窩店，下午賣粉麵的地方，看到有個蕃茄湯牛米，好像幾健康的，最近大局頻頻，吃得清淡一點，也正好。 有店員在門外落力招徠，內裡的檯椅是低了一點的，幾有趣。 湯米就放在一個大金屬碗內，份量都不少。先喝湯，蕃茄湯底也真的真材實料，有不少鮮蕃茄在內的。不過味道是過甜了一點，似乎是加了過多一點的糖去煮吧。牛肉說是美國牛來的，吃起來軟熟嫩滑。還有不少菠菜在內的，吃起來感覺很健康。 連飲品，埋單32蚊，可以一試的。

聽秘書講，有些朋友到過潮民火鍋，據說幾特别，不防試一試。我們同是煙民一共6人，必然坐在出面。幸好有個是MEMBER，當然點海鮮蟹湯（半價），本地手切肥牛，Black Angus 切粒，潮州牛丸, 蒙古羊，帶子餃，小籠餃，皇帝菜，田雞，洛神花茶，烏冬。。。。。。第一次來，點收手，重要我點，艾！！！海鮮蟹湯 – 十分多膏，推测有十多兩，鮮。本地手切肥牛 – 有牛味，很多雪花。Black Angus – 他們比個酒精爐我地燒(好在有女士在場幫手)，好吃，類似食Roasted Steak in cube cut.潮州牛丸 – 多汁，彈牙，真正手打黃牛。蒙古羊 – 本人不太喜歡，還是大陸小肥羊好。帶子雲吞 – 甜，與豆苗很配。皇帝菜 – 一句 （新鮮）烏冬，服務員叫我們要煮多10分鐘，真太耐， 不過那彈牙”al dente” 感覺全晚最愛。基本上，老闆選配料幾奇特，如果不是，什麼理由打邊爐聽JAZZ ？？？？

上星期五和朋友吃了一餐很美味的火鍋，這是一間位於大坑有個人風味的小火鍋店，他們舗細細但食物琳琳種種。 首先我們點了一個蕃茄海鮮湯底，個湯用魚餚已經很甜，還跟隻蟹(好大隻)，點了很多丸和餃，我最喜歡他們的手打牛丸和魚蛋， 非一般牛丸一定要試，魚蛋好香跟平時吃到的很不同，鹹蛋雲吞夠特別，愛心餃是自製的唔肯定用什麼料但好好味，羊架另上爐燒好野味……吃了很多，很飽，每位收$180。

好小在火鍋店食肥牛因怕肥, 經潮民伙記推介改為食牛舌, 好爽! 可燒可滾不需加錢, 兩種食法都好味, 燒好放小小鹽食便很可口. 第一次打邊爐食小籠包餃同皇帝菜都好好味. 我班friend 都係食肉獸, 見佢地食得咁開心, 於是我試咗一片極上安格斯牛都好得, 好juicy. Overall 樣樣都好食而且有好多都係第一次試. 價錢唔貴, 每人$180. 但應要改善上菜速度.

去大坑食飯，食厭左民聲，又唔鐘意食火車頭，米去試下呢間新野，其實之前想試好耐，不過天氣唔夠凍，唔過癮。今天涼涼地正好去打邊爐。這裡主打牛，開正我老公胃口，因為他最鐘意食牛。我們叫了一份極上安格斯牛肉，一半是切片，一半是牛肉粒。切片的用來滾，切粒的用爐來燒。另外叫了牛舌，牛胸口，牛丸，牛脊，再叫了一份潮州黃牛，再加一個潮州牛腩湯底，及一份日本手大烏冬外，基本上是全牛宴。評分如下：極上安格斯牛肉（切片）：好味，waiter話是手切的，挑嘥d筋，所以完全唔駛嚼。極上安格斯牛肉（粒）：有得燒，多樣野玩，唔錯。牛胸口：老公覺得是寶，我當是草。牛丸：好！！！潮州黃牛：有d難嚼。湯底：不過不失烏冬：正！

環境: 小店 橙色牆壁,播放柔和音樂, 感覺時尚, 近門的兩枱偏矮, 情侶拍拖好有 “撐枱腳”feel食物:材料新鮮; 手切牛脊 (好味, 下次會再點) , 牛丸 (未放入口已經聞到牛肉香味) , 番茄湯底 連一隻蟹 (湯夠清甜, 隻蟹夠大又新鮮), 其他 (餃子, 蠔, 雜菜籃) 一般好多人都有點個日本竹炭爐 (配牛肉粒或羊架), 今次冇叫, 下次要試吓價錢: 兩個人共和$500 (唔算平又唔算貴) 可以一試

有d新朋友不食牛肉，去到潮民, 叫d 另類菜式。牛奶根雞湯，幾有新意，煮起來有牛奶或椰子味，雞又幾滑。 白鱔片，是吃過最鮮甜的鱔片，無泥味，我們燒了一半，幾好玩，燒脆鱔，又燒花腩片。炸魚皮，無特別。花膠，抵食，有六件花膠筒 $88花蛤， 超級大粒，脹卜卜，極甜。墨魚滑，也是好吃的，最後叫了田雞，好嫩。夥計建議我們點個烏冬，一路煮一路再混醬準備點烏冬。。。一路見到有許多外籍顧客，他們應該做個英文MENU嘛！接著飲乾淨d湯（好在一d都無頸渴），夥計再送花茶，好飽啊！！！

尋日看東方日報，看到有段野講呢間潮民火鍋店，話d野好好掂，敢所以同d朋友去試。間舖好裝修很簡單，舖頭內只有6將枱，不果牆身油了很鮮豔的橙色，可見店主是一個潮人。可能是星期五關係，店內坐滿了客，我們先點了一個麻辣湯底（麻麻地，很普通），但等了很久才來，之後我們叫了一個安格斯牛肉粒，要了個爐來燒（必試，因為唔駛加錢），另外也叫了個五豐腩，本地牛脊（好食），雜菜，聖子皇（普通），牛丸（好好味，必試），魚蛋和一些餃子。總括來說，d 野都幾好食，不果裝修就差d, 環境普通。

周末，閒來無事，和老婆到大坑尋找美食，去到一間新開的火鍋店，見天氣凍，米入去試下。這裡原來主打潮式打邊爐，所以叫做潮民，叫左個潮州芹菜牛腩請湯，重有牛丸，魚蛋，墨魚丸，潮式貢丸。老婆喜歡食羊，所以叫了份蒙古雛乳羊。再叫了一份老闆介紹的愛心餃。可能是假期天，店內很多客人，雖然我們不是叫了很多食物，但還要等了很久，相信是舖新，店員唔夠。羊好酥，好味！推！！湯底特別。牛丸好好味，很香牛味其他丸都唔錯，不過不失。

最近天氣凍返，所以好想去打邊爐，見雜誌推介一間在大坑的潮民火鍋店，所以就同朋友去試試。去到舖頭，很多人，店員按排我們坐到另外一間分店。店面很小，有點逼，坐得不是很舒服。我們點了極上安格斯牛肉，一個蕃茄海鮮湯，牛丸，魚蛋，羊架，還有很小可以吃到的牛胸口。海鮮湯跟一隻蟹，雖然價錢貴，但隻蟹很大，很好味，值得。牛胸口店員叫我們隻可以滾5秒鐘，我自己就唔多鐘意食。牛丸同魚蛋都好好味，下次如果再來一定要再食，可惜每客數量唔多。店員話可以幫我們安排一個烤爐，給我們燒羊架，因為是不需要另外收費的，所以就試下都無妨，很好玩，有得燒又有得滾。埋單每人200多，店員話可以幫我們join member, 下次來湯底和飲品可以半價。

膠枱. 膠凳已經唔多開胃, 攞起張點菜紙, 一望已經已經俾距D價錢嚇一嚇... 我心諗你咁嘅裝修用D咁嘅傢具碗筷 (D碗筷望落去係韓式銀碗筷, 但攞上手輕飄飄已知係A貨!) 我地叫咗 酸齏(得6件仲要唔好食!) $28 牛奶清酒雞鍋連半隻雞 $138 (咁上下價錢) 牛頸脊, 6oz, $126 1/2 魚皮餃 (但4粒) + 1/2 潮州魚蛋 (5粒) : 唔記得幾多$$ 皇帝菜 : 唔記得幾多$$, $30幾啊... 讚奇烏冬 : $28 (呢個好好食 !! )唔想叫咁多, 一黎想食嘅野價錢幾貴, 二黎距選擇唔多, 同埋坐得又唔多舒服咁, 好茶餐廳feel 但絕對係出名火鍋店價錢...唔多值 ~ 食緊嘅時候距地係咁番枱準備第朝早餐嘅set up, 成個過程一D都唔多享受 !!

我對火鍋從不抗拒但肯定它亦不是我的 "那一杯茶"....清末進士嚴辰的《吟火鍋》有詩句 : " 圍爐聚飲歡呼處，百味消融小釜中" 描述與親朋歡聚共享火鍋的愉悅情景。其實良朋聚飲歡呼不一定需要圍爐，百味消融混作一團也是不見其妙，所以我對以火鍋會友一舉是毫不熱衷。袁枚先生在《隨園食單》裡有一節《戒火鍋》："冬日宴客，慣用火鍋……各菜之味，有一定火候，宜文宜武，宜撤宜添，瞬間難差。今一例以火逼之，其味尚可問哉？近人用燒酒代炭，以為得計，而不知物經多滾，總能變味”。這話一矢中的，亦道明我不嗜火鍋的重要因由。是夜友人飯聚，有不知我者倡議火鍋，惜竟無人反對，唯有吾從眾也。潮民可算是蝸居逼仄，圓桌幾張巳將地方擠得密不透風。上菜需飛越閣下頭上，斟酒要從耳邊下注，雖香港食肆因租金昂貴每多如此，但亦難免有點兒掃興。用來混合醬油的配料五花八門，種類繁多，讓老饗自行選配，盡情發揮自我創作空間，值得一讚。湯底選了農家牛奶根清酒雞湯和雜菌豬骨濃湯。農家牛奶根清酒雞湯雖說是燉上了長時間，但未見其獨特之處，只像濃縮版的某牌子清雞湯。豬骨濃湯確實是十分貼題，湯濃得不可開交。兩個不同湯底卻有一特點是不約而同 - 鹹得令人

15/11/2009 稍涼, 空氣污染子數頗高早陣子抄下介紹, 話這兒有brunch吃, $69 per set, 可選擇安格斯牛扒餐或北海道帶子餐,每餐包2杯飲品, 而且會用一個小型 iron pan serve 啲早餐, 聽落幾好.中午十二時許來到此小店, 坐在露天之座位,只得一個早餐menu, A,B,C,D項目選擇,弄了數分鐘才弄清怎樣點, 價錢只是$18 or $23. 都幾抵. $18 餐我們的選擇:A: 餐肉,义燒及炒蛋 (其他有芝士,牛肉,魚柳,腸仔及煎蛋)B: 公仔麵 (可選米綫,麥皮)D: 熱檸水 (c 是多士或腸粉)意見:食物水準可以接受, 幾抵食點菜前再多問一次, 才帶來另一MENU, 就是本來想找那種, 點了海鮮餐:- 首先可選一杯花茶或花旗蔘茶- 有三文魚,吞拿魚及帶子, 前兩樣各放在一片多士上, 一般三文治材料,帶子得一粒煎得香熟放在小pan上- 炒蛋煎得像pancake, 份量不少,但唔似炒蛋,- 配有煎茄子- 最後再來一杯奶茶意見:1, $69餐唔明點解有2杯茶, 應該一杯是果汁, 唔通成本較高, 扮brunch扮唔足!2, 賣相唔好看,不似高級材料3