張公館

Open Now

Now Closed

🔸茶芥 $20/位 要咗普洱 有助消膩解膩🤭史努比唔系好識品茶 所以唔作詳細評分~有點蠟燭仔keep warm所以一直飲茶都好夠熱 同埋見我哋飲晒就即刻加水呢點系抵讚嘅🥰但$20/位確實貴🔸小食 $20/位分別有橋頭同炸魚仔花生橋頭爽脆 酸酸甜甜系個唔錯嘅開胃前菜🤭炸白飯魚好香脆 不過就脆到唔系好知食緊乜🤣花生同樣香脆 但兩樣炸物都稍鹹🤏🏿👍🏿鐵板西班牙叉燒(半份) $168*呢個要提早預訂 book位嘅時候記得講定🤪*用鐵板上 嚟到嘅時候熱辣辣出晒煙 爭啲焫親嘴🤣即使擺耐咗都仲可以keep warm👍🏿叉燒有肥有瘦 唔會太過肥膩😚雖然佢唔系焦脆嘅燶邊叉 但佢好厚切 食落仲相當軟嫩🤤連瘦叉嘅肉質都非常之淋😳帶少少肥膏位嘅部位就更加唔使講🤭淋得嚟帶肉香 高汁!唯一挑剔系調味稍重 但唔系死甜死鹹嗰種媽媽👩🏻話如果有碗白飯送就正🤣味道: 9/10 （媽媽👩🏻比9.5🤭)性價比: 7/10👍🏿脆焗鮮鳳尾蝦多士 $68/件本身嫌佢貴 但嚟到嘅時候就覺得值一件蝦多士差唔多成隻手掌咁大😳夾起超級有份量多士薄而香脆 唔算太淋油滿滿嘅蝦肉塞爆喺多士表面🤭咬多超級熱 蝦肉爽彈帶少少鮮甜仲要有啲汁bit出嚟

放假日，朋友話要一齊chill下，話最近發現到間境靚，食物正嘅餐廳同我飲茶，原來係V Point嘅"張公館" 一入到去，就見到落地玻璃配維港景色，真係見到個view就已經覺得好chill la未坐低，就已經見到有兩碟前菜已經喺枱面，仲有個爐仔，點左個火，原來係用黎暖住壺茶嘅，冬天真係啱曬，茶要熱先好飲⭐️蟹籽燒賣燒賣大大粒，食落好彈牙，個面仲有蟹籽，咬落脆卜卜，入面有大大舊冬菇粒，好香😋⭐️張公館蝦餃皇蝦餃大大粒，好足料，好彈牙，正呀😍⭐️櫻花蝦蘿蔔糕蘿蔔糕好香蝦味，因為個面鋪滿曬櫻花蝦，好足料，仲有臘味，食落有口感，煎得好香，蘿蔔糕本身就配辣椒醬好香，辣椒醬好香，不過我自己覺得蘿蔔糕就咁食已經好好食la😋⭐️脆脆笑哈哈第一次食腸粉外軟內脆，好得意嘅口感，仲有大大隻彈牙嘅蝦，又靚又好食😋⭐️紅燒乳鴿乳鴿燒得好香，乳鴿本身就好難有咩太突出嘅亮點，不過今次li隻乳鴿有伴碟，仲用左d心思，有炸過嘅葉，食落脆卜卜，仲有d加左黑醋嘅沙律菜，食完乳鴿食返d菜類可以解下膩👍⭐️生磨蛋白杏仁茶真材實料，好香杏仁味，蛋白仲好滑添⭐️養顏紅棗糕清甜，食落煙un, 正😋作為一餐嘅ending，完美❤️

呢度淨係個環境都已經正過人，180度飽覽維港海景，坐得舒舒服服，而且無論係食物定係服務質素，都完全達到高級中菜的水準。接近晚飯時間，座無虛席，好彩我地有提早book枱姐！🤍 蟹粉小籠包一啖一個嘅小籠包有著薄薄嘅外皮，可以感受到湯汁同蟹味喺口中爆發。🤍 蟹粉扒時蔬菜苗鮮嫩翠綠，淋上大量嘅蟹粉，兩者嘅味道都幾夾，碟菜清得好快！🤍 羊肚菌松茸竹笙花菇燉湯帶有濃郁鮮菌的香氣，超適合秋冬天氣飲。清甜得來又有滋補功效，飲落去暖心又暖胃。🤍 新加坡胡椒蟹爪粉絲煲呢個真係食上癮！胡椒的辣味搭配蟹爪，粉絲吸晒啲精華，成個煲超惹味之餘，蟹殼都炸到好脆，呢個大推!

點心的溫度十分足夠，即點即製。菜館正在推幾款特價點心，於是我們今回嚐新，點了蟹籽麻辣燒賣。在經典燒賣的基礎上融入了富創意的麻辣。燒賣扎實足料，內餡溫熱多汁，蟹籽的鹹香與麻辣相融合，層次豐富。個人喜愛麻辣的香，惟不接受過辣，這款在我來說是過辣了，那麻辣不是外加的，是與餡料混合在一起的，因此不嗜辣者還是選傳統燒賣較為穩妥。蘿蔔絲酥餅的外皮酥脆，層次分明，內餡的蘿蔔絲細膩、清香，帶蘿蔔天然的微甜。脆脆笑哈哈，即類似炸兩的脆米網腸粉，外層是蒸粉皮，下方包裹著一層炸得金黃酥脆的米網，最內層是爽滑的大蝦，美味！唯一想反映的是豉油另上會較好。羊肚菌素餃的內餡是羊肚菌與其他的素食食材，晶瑩透薄的餃子皮能包裹住餡料之餘，又能保持彈牙的口感。 香煎黃金糕黃金糕金黃軟糯，外層有香煎的香氣，透出椰香，甜度恰到好處，美味！室內的部份枱可望維港海景。服務方面非常優秀，有禮又勤快。

呢間餐廳可以望到好靚既海景，景色係維港兩岸既海景，座落於銅鑼灣既29樓位置，茶仲會用火哄住唔會太凍，飲落岩岩好既茶味，我地叫左秋天系列必食既蟹粉菠菜，wa,蟹粉底勁多勁creamy同好濃郁嫁，另外仲叫左蟹粉烏冬，烏冬混合蟹粉蛋黃色勁惹味，烏冬滑溜。甜品叫左養顏既薑汁湯圓，芝麻涵料好香濃，如果多幾粒就更正。整體黎講呢度環境舒適好岩傾計，慶生等活動黎呢度會有季節限定既新菜式，保證有驚喜。@張公館 #29樓 #維港海景

天氣凍咗好想食蟹，約朋友嚟出晒名嘅張公館，蟹逅美食。餐廳幾grand, 望維港聖誕燈飾大海景。坐低就有以蠟燭熱住嘅茶同精緻小食，待應會幫忙斟茶。枱與枱之間空間充裕，私隱度高。 #羊肚菌松茸竹笙花菇燉湯好濃郁嘅湯，鮮甜嘅各種菇菌，燉出一種特殊香氣，加上完全冇味精，開胃暖胃。 #蟹粉小籠包大大粒，比一般大兩三倍，而且好重嘅蟹肉蟹膏味，浸喺熱辣鮮甜嘅湯汁。 #蟹粉時蔬大大盤，好清新嘅波菜，配搭超濃厚蟹粉，齋睇已經好養眼。味道中和得啱啱好，唔會飽濟。 #香炸蝦球炸物有淡淡嘅蝦香，配搭醬汁，惹味之選。而且蝦膠打啱啱好，口感彈牙。 #蟹粉拌稻庭麵麵質滑溜，每啖掛住蟹粉。稻庭麵配搭味道略淡嘅蟹粉，啱啱好唔會搶。 整體感覺舒適、味道唔錯、價位合理，值得再嚟。

放假同屋企人去行完街食下午茶，最岩就係一盅兩件，去飲下茶傾下計～呢度環境好大，坐得又舒服，仲有得望住個靚海景食野，好寫意櫻花蝦蘿蔔糕 - 充滿鋪滿左櫻花蝦，兩邊都煎得好香脆，蘿蔔味都幾重雪山叉燒包 - 外皮好脆，入面包住既叉燒都幾多，都好多汁張公館鮮帶子粿 - 外觀精緻，粿皮好薄，包住左大大粒既蝦，上面係帶子+蟹籽，成粒食落去好都鮮味仲有黃金糕同混醬齋腸，齋腸好滑好結實，好有咬口，黃金糕煎得好香，食落煙煙韌韌，兩樣都唔錯

張公館銅鑼灣登龍街18號 V Point 29樓經開銅鑼灣，老友推介高汁廣東菜，望住維港嘆茶，真係好Chill。😸張公館蝦餃皇即叫即蒸，皮薄餡靚，蝦肉爽口彈牙，鮮味十足，鹹度適中，調味處理得恰到好處，好味道！😽野菌素餃外層鬆軟，餡料新鮮爽口，食完好舒暢。😃櫻花蝦蘿蔔糕即叫即煎，外層香脆，內層鬆軟，香氣四溢，櫻花蝦同蘿蔔糕好夾，豬肉口感煙韌，推薦！😻脆脆笑哈哈面層放了紫蘇葉提升層次，腸粉外層煙韌，油炸鬼內層鬆脆，配新鮮蝦肉，正呀喂！😋紅燒乳鴿即叫即炸，炸油新鮮，肉質鮮嫩，配紫蘇葉和沙律菜，先試原味，之後可加醬汁淮鹽，效果更佳。😍蟹粉伴稻庭麵將蟹粉撈勻，稻庭麵口感煙韌，吸收了醬汁的精華，蟹的鮮味慢慢滲出，好快畀我清曬，必食！🤤蟹粉小籠包份量十足的蟹粉小籠包，煙韌的外層，餡料新鮮爆汁，我會飲曬啲湯，再慢慢品嚐，大滿足！😘張公館 環境舒適氣氛好，無敵海景又夠靜，食材新鮮高質，侍應服務態度好，還會再來。😎🤘🏻

蟹粉伴稻庭麵蟹黃量毫不留情，幾乎溢滿整隻碟，真的誇張，喜歡蟹粉絕對不能錯過。稻庭烏冬掛滿了蟹粉， 真的超滿足。蟹粉小籠包最愛蟹粉小籠包，必食推薦。薄薄的手工小籠包皮，包住金黃蟹粉同梅頭豬肉，蟹油若隱若現，湯汁充足滿溢， 蟹粉味道香濃回味無窮。經理推薦的， 無添加靚燉湯 。羊肚菌松茸竹笙花菇燉湯， 香濃菇菌味道， 竹笙厚肉又爽口， 配搭大羊肚菌， 加埋味道香濃嘅姬松茸， 清潤又香濃。 杏汁豬肺湯， 秋冬滋補精選， 杏仁味香濃， 好滋潤的感覺， 乾瑤柱的鮮味， 這個配搭更顯美味， 豬肺乾淨爽口，用心製作。臘味炒芥蘭臘味品質優良， 臘腸加入玫瑰露製作，味道鮮味突出，而且肥瘦均衡質感鬆化，油香十足。 另外仲有潤腸同埋臘鴨片， 真的很滋味。 芥蘭嫩綠清爽， 根部上削去硬皮部分非常鮮嫩。

蟹季就嚟去到尾聲🦀，今年仲未食蟹嘅我梗係把握機會睇下邊到仲有得食👀，比我搵到呢間粵式中菜館，除左有大量蟹品，仲有落地維港海景🤩，一路睇景一路嘆茶好享受🫖今次主要試左限定嘅秋冬推介蟹粉菜品，味道都幾唔錯👍🏻，不過份量唔算太大，如果多人嚟食嘅話可以叫多啲唔同菜式😎-Menu ▫️蟹粉小籠包 $68/隻 ★★★★★作為小籠包愛好者，呢個蟹粉小籠包我比100分💓首先佢個size已經比起一般酒樓食到嘅大，一食落去已經見到大量蟹粉✨，皮夠薄餡料亦新鮮，啲汁仲要多到bid出嚟🥹▫️蟹粉扒豆腐 $238 ★★★★☆一上菜比佢滿滿嘅蟹粉驚艷左，幾乎要係一片金黃色嘅蟹粉入面搵豆腐🤣蟹粉嘅調味做得好好，保留大部分蟹嘅原汁原味之餘，亦有少少鹹香味好啱送飯食，好食到停唔到😍▫️蟹粉伴稻庭麵 $128/位 ★★★★☆蟹粉都係一如既往地好食😋，反而稻庭麵呢個配搭就少見啲😲，估唔到食落都幾夾，如果蟹粉再多少少就更好🤓溫馨提示大家記得趁熱食，唔好好似我咁掛住影相搞到啲麵凍咗會難啲撈勻🙂‍↕️▫️香炸蝦棗 $108 ★★★★☆餐廳嚴選新鮮蝦肉、馬蹄、豬肉等食材，製成棗形丸子🦐，並炸到金黃香脆，呈現外酥內嫩嘅口感，建議配埋酸醋汁食用

🐔 川色麻辣雞軟骨 $138高溫炸至香脆嘅雞軟骨，再用勁多嘅炸蒜、辣椒乾、辣椒粉炒至乾身，係好惹味嘅一道菜，完全係唔覺唔覺咁食哂😄🥢 臘味炒芥蘭 $188唔知點解一到秋冬就好想食臘腸，平時食芥蘭多數都會有浸苦苦地嘅味，但呢度就炒得好翠綠，而家菜頭位置係有細心處理過，所以食物唔會好硬，而係比較爽口🥄 蟹粉海皇炒飯 $298超足料嘅炒飯😋有蝦、帶子、蟹子、蟹粉、菜粒….飯係炒到粒粒分明同乾身，好香好香，而且一啲都唔油膩🥣 羊肚菌松茸竹笙花菇燉湯基本上所有材料都清楚見到，唔好睇佢好似好細盅咁，入邊有齊晒所有材料，大大棵白菜，仲有好厚身嘅竹笙，每啖湯都係精華，重點係冇味精

之前同屋企人食飯嘅時候就去過佢哋觀塘嘅張公子，今日心血來潮想食吓中菜，就一於去銅鑼灣試吓呢間張公館啦😌杏汁豬肺湯🍲豬肺湯非常足料，暖心又滋補☺️杏汁嘅清新令湯底唔會太膩，啱晒冬天飲😋沙薑豬手🐖肉質軟嫩，同沙薑嘅香味完美融合，豬皮咬落去既有嚼勁但唔靭，而且又唔油膩，係一道唔錯嘅開胃菜👍🏻花膠雞絲菊花姬松茸羹🍲呢個羮精緻得黎又好味。花膠嘅Q彈配合雞絲嘅香味，還有菊花帶來嘅清香，好食不突止，仲令我有種食緊美味嘅享受。😌🤤蟹粉小籠包🦀蟹味味濃郁🤤咬開包身，蟹粉嘅鮮味同湯汁瞬間爆出，小籠包皮薄而富有彈性，咬落去嘅時候，感覺真係無法形容，完全係美味嘅巔峰🥰蟹粉伴稻庭麵🦀稻庭麵嘅煙韌爽滑同蟹粉嘅鮮甜相互襯托，簡直係絕配🤩將面頭蟹粉同麵撈均再加少少蟹醋，個味道真係好過癮，正到爆😋臘味炒芥蘭🥬雖然係一個比較簡單嘅菜式，但臘味嘅香氣配合芥蘭嘅清脆，食落去真係好有層次感。特別係潤腸嘅味道非常之香🤩一啖潤腸一啖芥蘭真係香到上天靈蓋😋🤑 人均消費：～$480🤩 推薦指數：8 / 10📍 餐廳資料：張公館 (銅鑼灣)銅鑼灣登龍街18號V Point 29樓☆.。.:*・°☆.。.:*・°☆.。.:*・°☆.。.:*

🍽️張公館（銅鑼灣）📍銅鑼灣登龍街18號V Point 29樓今日去SOGO行完街，醒起話係銅鑼灣登龍街有間酒樓的點心相當唔錯，又去試吓😃～魚翅灌湯餃湯底濃郁鮮美，魚翅與灌湯餃的完美結合，入口即化，充滿海鮮既鮮味，令人愛不釋手🥣🐟～脆皮菠蘿叉燒包外皮香脆，麵包鬆軟，又有少少好味嘅煙靭感，內裡叉燒多，又加咗菠蘿肉，減少肥膩感，汁也香甜，每一口都令人回味無窮😋🍍🥟～張公館帶子粿味道出色，外皮軟糯，內餡帶子鮮甜，口感層次豐富，美味之選❤️～脆脆笑哈哈即係腸粉包着油炸鬼，油炸鬼裏面又有好多好爽口嘅蝦肉，口感脆脆又爽口，應該仲有啲香菇粒、西芹粒、伴著甜豉油一齊食十分美味🍤🥢😋～櫻花蝦蘿蔔糕蘿蔔糕加入櫻花蝦，特別香口惹味🤗蘿蔔糕外層煎到金黃酥脆，內裡則軟嫩香滑，同埋最緊要有蘿蔔糕特有的濃郁味道，證明真材實料😄整體嚟講，酒家落地玻璃設計，裝潢擺設得令人感到幾舒服，服務員態度殷勤，今朝喺度嘆吓菊花茶，一盅兩件，係不錯的選擇👍

回頭指數：⭐️⭐️⭐️⭐️食物質素：🌮🌮🌮🌮服務質素：☺️☺️☺️☺️消費指數：💰💰（TTL $844.8，人均消費$422.4）環境質素：☘️☘️☘️☘️坐落係商廈高層既精緻粵式餐館，享受美食之餘，亦飽覽維港景色，絕對係親友聚會或者招待商務客戶既絕佳選擇。襯蟹季未完，就決定食個蟹粉系列既中菜😆。茶位 ($20/位)。小食 ($20/款)。蟹粉小籠包 ($68/隻)蟹粉小籠包size比一般小籠包大2-3倍，一打開蒸籠已經香氣撲鼻，裹面既上湯同蟹粉味道濃郁，絕對係必食之選👍*溫馨提示，因為小籠包入面既汁比較多，食既時候小心唔好熱親😗。香炸蝦棗 ($108)蝦膠打得好好，令到每粒蝦棗都非常彈牙。而且炸既時間控制得宜，唔會太乾亦都唔會太油。。蟹粉扒時蔬 ($268)OMG，呢個係我成餐最愛🥰😗蟹粉份量非常充足，加上軟硬適中既菠菜，令菜式完成度極高，如果你係蟹粉控既話，呢個係絕對唔可以錯過😗。蟹粉伴稻庭麵 ($128)用左稻庭麵做底，口感嫩滑，相比起其他菜式而言蟹粉味冇咁濃，但作為晚餐主食就啱啱好😌。薑湯湯圓 ($48)黑芝麻湯圓穩定發揮，糯米皮滑，芝麻餡香，最令人驚喜係濃郁既薑湯，小編一滴不留咁飲晒同類餐廳 #co

又到大閘蟹季節，諗起都興奮🤩喺OpenRice碌到呢間餐廳，有唔少蟹粉菜式，忍唔住要嚟試吓🤤今日我哋叫咗蟹粉小籠包，一籠一隻，比普通小籠包大隻，蟹粉超香，帶點肉汁，味道一流👍🏻川式麻辣雞軟骨，很麻很香，辣度剛好，香脆唔油膩，雞軟骨大大粒，例牌份量好多👍🏻蟹粉拌稻庭烏冬，麵質幾煙靭，蟹粉份量唔少👍🏻👍🏻蟹粉扒豆腐，豆腐超級嫩滑，再加上大量嘅蟹粉，食落每一啖都係滿滿嘅蟹粉，好滿足😋食蟹梗係要配返個薑茶湯圓，驅下寒氣，薑茶湯圓夠晒熱，辣辣地甜甜地，湯圓唔會好膩，正👍🏻呢度仲有開揚維港景，餐廳裏面擺位都好寬敞，坐得好舒服，而且啲Staff都好Nice，好細心，就連小食蕎頭同魚仔都好好食，呢度嘅蕎頭酸酸甜甜好開胃😳整體來講很不錯☺️☺️