薈麵館

Open Now

Now Closed

約左朋友見面，佢係灣仔返工黎開呢到食，就帶我黎食個late lunch可能我地過左繁忙時間，黎到唔係好多人，侍應仲俾左張超闊落既卡位我地朋友想食飽d ，要六寶飯，包甜品我就要雙拼撈麵，炸菜豬手撈，另外加左馬拉糕&蝦餃，可以share食六寶飯有齊各種燒味，有叉燒，油雞，燒鵝，燒肉，乳豬，咸蛋，朋友俾左少少我試下叉燒肥瘦均勻，肉嫩多汁乳豬皮脆而不油膩但燒鵝卻比較遜色，只有皮，沒有肉，令人有點失望炸醬豬手撈麵，送一碗清湯炸醬是炸菜加豬肉絲的廣東製法，醬汁惹味，香辣開胃豬手炆得入味，但皮多肉少撈麵沒鹼水味，不易黏稠，爽口彈牙整體算不錯點心來了，馬拉糕，圓滑的糕面，質感非常軟綿鬆軟，有傳統的味道，就算用筷子按下去也立即回彈，Q彈十足蝦餃巨形，餃皮晶瑩透薄，蝦肉爽口彈牙，有水準，雖然要$38籠，但仍覺得物有所值福果腐竹糖水，腐竹已煮爛溶在糖水中，入口盡是腐竹的味道，底下仍有不少薏米渣， 不過味道稍甜

今日朋友約我去食飯 係係合和中心 係我之前既認知合和中心應該係得自助山 點知原來入面仲有好多餐廳架🤤佢帶左我黎薈麵館 睇到menu都係有粥粉麵飯 仲係有點心 但最吸精既係2-3人既套餐 見到入面包好多野食 價錢都係258再加一 覺得幾抵食！入面包三款點心 一款小食 一款油菜 一款麵飯類 仲有二個甜品 可以揀 2個女仔其實真係食唔哂🤧 到最後我地係要打包🤣油菜 煮得岩岩好 仲好脆 但通常出街食既菜都會落好多油煮 所以大家可以叫佢少d油～皮蛋雪得好夠凍 但佢真係冇乜任何調味 唔好expect佢係好味 因為佢淨係得皮蛋味🤔豉油皇龍鬚炒麵 本身個麵好夠味 但龍鬚就好似就咁拎滾水淥左咁 冇調味 呢d扣左少少分 但overall都幾好😗蛋煎蝦米腸粉幾好食! 有d似紅磡美味佳個個蛋炒腸粉 但依個再有d蝦米同蔥花就再香d🍤😗流沙包真係流心架!’就算係涼左佢都仲流分 個包真係加哂分🤤🤤依個蘿蔔絲煎蝦餅加哂大分！係有少少油 但成個combination 好好!!!🤤🤤🤤🤤最後呢個木瓜雪耳糖水 都係同平時個d差唔多😗 入面係木瓜小粒 而唔係出面個d大大舊 比較易入口 同個糖水base都唔係話好甜 所以覺得幾

今日好想食中式野，係開附近的我同朋友就黎左呢度，因為我地兩個都好肚餓的關係，所以嗌左好多野食，只係無諗過碟碟都咁大碟！正！食到好飽。我地嗌左瑤柱鮮龍躉粒薑米炒飯，呢個炒飯一上的時候，我地兩個都shock，因為好大碟xd佢炒飯火候十足，個米係炒得啱啱好，咸淡適宜，龍躉粒都好食，肚餓必嗌！雖然只係普通菜心，但個菜心好甜，材料新鮮！好耐無食過薑蔥鯇魚皮，呢個薑蔥鯇魚皮好香麻油味，一d都唔腥，對於唔中意魚腥味的我黎講完全可以接受，不過如果佢再爽d就好啦xd我地仲叫咸燒賣同北菇牛肉球。燒賣好大粒，料足味濃，必食！ 個牛肉球都唔錯，不過本身以為係入面撈左d香菇，原來淨係加係岀面。最後嗌埋甜品，有紅豆沙同雪耳燉木瓜。雪耳燉木瓜正，滋補養生，味道清甜，唔會過甜，必食！

前幾日同K先生放工後，去咗公司附近合和中心薈麵館食晚飯。我地點咗二人套餐非常抵食又豐富，套餐包一款炒粉麵、三款點心、一款小食、油菜、飲品/甜品兩款。豉油皇龍鬚炒麵炒面粉量很多、配料有蛋絲、芽菜、魷魚鬚、好有鍋氣。招牌流沙包即叫即蒸，新鮮熱辣，呢度流沙包水準十分高，真係要俾個like 佢蟹籽燒賣王燒賣皮薄餡靚，蝦肉大大隻，好好味。香煎蘿蔔糕K先生每次食點心，都必點蘿蔔糕， 食到佢Lam Lam 脷。小食點了炸雲吞，香脆可口套餐包咗一款油菜，菜心很鮮嫩。食飽飽，食返碗糖水，套餐包的糖水款式都幾多，我地選了合桃露同雪耳燉木瓜，非常滋補，啱曬冬天飲。

早前係灣仔上堂, 落堂後, 有點肚餓, 我就係附近一排揾野食, 最後入了薈麵館食飯. 見到這裡套餐配搭幾多, 可以揀粥或麵, 再拼油菜, 特點, 小點或糖水, 而且幾抵食. 最後, 我選了瑤柱水餃麵, 配菜心. 另外, 加了一碟原汁柱候炆牛腩. 店員先奉上瑤柱水餃粗麵. 水餃幾大隻, 味道調教不錯. 麵軟硬適中. 原汁柱候炆牛腩. 牛腩肉質尚算稔身, 而且仲有牛根. 份量也唔算少 不過我覺得略為咸了一點. 菜心. 估唔到會咁大碟, 嚇了一跳. 菜心可以中和牛腩的肥膩感覺. 來這裡坐得舒服, 快食一個餐也是不錯選擇.

去合和買家電，經過隔離呢間粥麵店,竹林深處感覺幾有悠閒既清新氣息 , 睇埋門口既餐牌, 都幾多種類揀，粥粉 麵,點心,小食都有~ 拎住盒電器都唔想周圍揾野食, 所以一試。店員見我地拎住一大盒野就安排我地坐卡位~ 其實自選套餐幾抵食,不過2個人似乎多左d, 鄰桌叫套餐既炒飯真係好大碟. 最後都係散點啦~柱候靚牛腩撈粗麵（撈麵緊係撈粗正啦！）　有腩有筋，正合我意~ 粗麵吸收哂腩汁, 麵條入口有彈性，牛筋都夠軟身，牛腩略韌不過好入味。海南文昌雞飯文昌雞做法係先用高湯浸，再沖冷水，皮薄而肉質滑嫩。配合三款調味，突出唔同既鮮味。不過雞汁飯略乾，如果多返d汁更好。飯餐有例湯跟埋，好有住家湯，溫暖既感覺。材料有蟲草花，雞腳，鮮准山，圓肉，用料十足。爽脆薑蔥鯇魚皮呢個真係正, 薑蔥鯇魚皮好多時要去舊式粥店先有, 喺呢度見到緊係要叫黎過吓口癮~ 以$48而言,份量好足, 可以唔點醬汁,一片片夾住好新鮮既薑蔥黎食, 刺激一下味蕾,更有層次 , 魚皮沒半點腥味, 經過冰水泡過, 好爽口好好味。五柳醬酥炸雲吞一碟有8粒,皮薄餡入面既蝦肉都唔少,炸得好香脆鮮蝦餃睇menu見到下午4點前供應, 但見套餐都有點心,

難得放假，專誠約埋朋友由中環搭電車到利東街行下，順便發掘下有咩好食。喺利東街對到正嘅係合和中心，望上去，見到都有好多角色各樣嘅餐廳、菜館，有選擇困難症嘅我，決定交俾朋友揀食咩。佢點指兵兵，最後就決定咗去薈麵館，估唔到今次佢又揀得唔錯喎呢度環境佈置都唔錯，有少少中國特色之餘，亦都夠光猛同埋乾淨企理，人流唔算多，所以我哋兩個人都可以坐到四座卡位，可以慢慢食，慢慢傾，係聚腳嘅好地方講返食物先，呢度種類繁多，有齊港式嘅粥粉麵飯、點心同糖水，本身我都幾想試佢呢度嘅粥架，不過最後都係俾佢個2-3人餐吸引左$258有三款點心，小食，油菜，炒粉麵同埋糖水，價錢都算合理本身點心想食炸兩㗎，可惜一早已經沽清，唯有揀蝦春卷代替啦呢個春卷，都算令我喜出望外，上枱嘅時候熱辣辣，脆口不特止，入面嚿蝦仲好爽口，點埋少少喼汁，好味然後就到蒸嘅點心啦，呢度嘅點心係即叫即正，同朋友吹下水，好快就有得食啦，呢個招牌流心包，食落有一粒粒嘅鹹蛋黃，奶黃甜度適中，唔會太甜搶晒味，果然係招牌菜而北菇牛肉球，就相對啖味左啲，不過勝在夠大粒，好飽肚而小食方面，我哋就揀咗出面買少見少嘅蜆蚧鯪魚球，上枱嘅時候真係好吸晴，幾乎有網球咁大粒，

中午同一班同事想坐得舒服啲同埋食上海菜，最後同事介紹呢間係合和中心嘅薈麵館餐廳唔算太難搵，食飯時間等左一陣就有位算好好彩，我哋一行四人坐係卡位，地方算闊落，睇吓餐牌，最後我哋選擇咗一個套餐，同埋再散叫一啲嘢食點心方面，馬拉糕做得好鬆軟，唔會太甜另外叉燒腸粉個腸粉皮唔會太厚，亦都好滑，再加上叉燒嘅份量算幾多，每一啖都有好多叉燒係入邊，算不錯不過特別要讚一讚佢嘅炸雲吞，個皮炸得好香脆，好鬆軟，但係唔會太厚，配合埋嗰醬汁好惹味，必試其他炒河同埋炒飯都算份量多，而且都幾有鑊氣，最後飲埋腐竹糖水就完成左呢餐性價比算高嘅一餐

今日被我發掘咗一間超抵食嘅餐廳, 合和中心裏面嘅, 一個2至3人食嘅自選套餐, 只不過係258蚊, 有炒粉麵飯, 有點心, 小食, 油菜一碟, 同埋有兩個甜品㖭份量非常之多, 多到食唔曬要打包肉絲炒麵炸到脆撲撲,上面再加啲嫩滑既肉絲, 不錯!點心有蟹子燒賣, 大大粒, 咬落去, 蝦肉配豬肉個餡料平均, 十分之q彈另外就有蜆蚧鯪魚球, 成粒乒乓波咁大, 真係咬一啖都啱唔曬, 外面炸到金黃色, 內里好滑, 點一點欠蜆蚧食, 可以提升鯪魚肉嘅鮮味唐生菜鮮綠非常咬落去脆口, 好大碟另外仲食咗佢哋腐竹糖水, 好清甜, 作為一晚晚餐呀總結真係大滿足

食飯時間通常都已經到咗下午茶，因為比較易搵位，最終合和中心上樓呢一間中菜廳係我不二之選，易搵位之餘，價錢又公道，而且食物亦相當唔錯，選擇亦都多！座位非常寬闊，坐得好舒服。我哋要咗套餐，價錢實惠！叉燒腸粉，腸粉皮好滑，雖然唔夠薄，不過米味唔錯！單骨雞翼好惹味，略嫌有少少過火，但好彩肉質都算嫩滑！炸雲吞非常美味！皮炸得好香好脆！入邊仲有一至兩隻鮮蝦，好鮮味又彈牙！令我哋都食唔停口！鮮蝦腐皮卷亦都炸得好香脆！皮好薄， 亦唔算油膩！好香口！灼菠菜亦都好脆好嫩。唔油膩，不錯！甜品要左一份桂花糕，唔太甜，桂花味亦都好香！另外腐竹雞蛋糖水亦都唔太甜，又香又好滑，感覺好滋潤。整體全部食物都覺得唔錯，地方亦都好乾淨企理！服務員態度亦都好好。

星期日，午飯唔去茶樓飲茶，入夜後竟然想食點心，好在灣仔合和中心呢邊有得食一盅幾件。傍晚六點嚟到，人客唔多，兩個人可以坐卡位。呢到啲裝修幾雅緻，卡位又坐得舒服，喺度飲啖茶食個飽係幾寫意。我懶諗食乜，通常有套餐就叫套餐，見呢度有2-3位用嘅套餐，就喺呢度揀啦。 瑤柱鮮龍躉粒薑米炒飯，冇呃大家真係有唔少瑤柱同龍躉肉架。點心揀咗蟹籽燒賣皇、蛋煎蝦米腸粉，同埋招牌流沙包。全部都大大件又好好味，好多正式嘅酒樓都未必有呢個水準，非常滿足。五柳醬酥炸雲吞，餡同皮嘅比例啱啱好，香脆惹味。連菜心都整得靚。福果腐竹糖水同紅豆沙，個人較喜歡腐竹糖水。呢個2-3人餐其實份量相當多，我哋兩個人食完之後非常飽飽大滿足呀！

這間位於灣仔合和中心的「薈麵館」以新式包裝買地道的粥、粉、麵和點心，這些食物任何時候只要想起都可以來個大滿足，永不限時只要食物新鮮，點心即叫做現在想起也立即肚餓起來😋如果喜歡食魚皮，這個爽脆薑葱鯇魚皮真的不能錯過，魚皮厚身爽脆冇魚腥味，再加上薑葱、花生粒和小小辣椒，點小小醬油來提升鮮味，令人一再回味薑蔥生滾魚雲粥，魚雲十分新鮮，新鮮的魚雲會把本身的鮮甜味融入粥內，而且魚雲滑身魚味重，再加上粥底煲得火候十足，軟綿綿厚身，米香加上魚香，熱辣辣正！食粥當然要配一隻粽，這隻瑤柱真料裹蒸粽，大大隻材料十足，味道調得恰到好處，微微的五香味加上肥豬肉的油香和鹹蛋黃的鹹香味，食的時候點小小醬油，煙煙韌韌的十分滋味。原汁柱候炆牛腩，牛腩質量高炆的時間恰當，入口溶化加上完全入了味的牛筋，增添了不少膠口感，不過淨食味道會較濃，配上河粉或麵來一起食，味道會平行一些。

星期日同媽咪周圍行，利東街範圍已食過晒，差不多四點去飲茶又唔係，見合和呢間唔洗中場休息，又有點心又有炒粉麵飯，又有卡位，所以就入去。叫左好多點心，我地都幾肚餓，兩個人竟然食得哂。海蜇皮，豬耳，小青瓜，好惹味，爽口醒胃。炸兩，內有油炸鬼外層以腸粉皮包裹著，既能食到脆口嘅油炸鬼，同腸粉皮嘅嫩滑，層次非常豐富。媽咪要嘅炸鯪魚球，啖啖內。我至愛嘅炸雲吞，香口，做到皮薄餡靚的效果。叉燒包，我最鍾意傳統舊式呢隻白包，叉燒包入面嘅叉燒肥瘦均勻，好味。風味酸辣米缐，米缐爽口，酸菜/肉碎/牙菜/腐竹等等，好足料。坐得舒服，又無時間壓力，食物有質素種類多，會再encore。

朋友仔在灣仔OT完選擇了這間位於灣仔合和中心的＂薈麵館＂醫肚，放工後在合和的食店不是很繁忙，如果想傾計選擇這裏就最好不過了，裝修格調舒適，座位寬敞而且價錢合理👍🏻炸醬雲吞撈麵（套餐) $72炸醬雲吞撈麵份量足，炸醬微微辣，雲吞裏面的鮮蝦彈牙爽口，麵沒有太重的鹼水味油菜跟餐的油菜大大碟很抵食，而且很新鮮薑蔥生滾魚雲粥＄58粥底綿滑，吃到最後也不會變一攤水👏🏻魚雲就有少少腥，建議叫其他配料原汁柱候炆牛腩＄68牛腩質量高，牛腩又腍又入味，牛筋口感煙煙韌韌很膠口感覺骨膠原甚高，回味無窮😋晶瑩鮮蝦餃＄38晚飯有蝦餃食很過癮😆蝦餃外皮晶凝通透，熱辣辣脹卜卜，一口一啖咬落去馬上爆汁👍🏻酥炸蜆蚧鯪魚球 $48鯪魚球粒粒大過乒乓波，熱辣辣香噴噴的外層還有米通增添口感，裡面就軟淋淋很鬆化😋

來到合和中心吃廣東菜，坐在卡位相當舒適。先上枱是白灼芥蘭，菜很嫰淋上醬汁相當惹味 。繼而是泡椒冰浸豬手，豬皮爽口味道惹味，奈何只是皮包骨肉部份較少。點心選了腐皮卷蟹籽燒賣及煎蝦餅，燒賣及腐皮卷有水準，餡料十足味道也很好，㚈觀也看得出製作認真，蝦餅好吃但有點油膩。星洲炒米炒得乾身，材料有叉燒絲及蝦仁，簡單的炒飯有家的味道。炸鯪魚球有六粒，魚蓉沾上米粉炸至金黃色，酥脆有魚香但稍欠彈牙。最後是湯圓合桃露，湯圓是麻蓉口味，合桃露吃得出很足料 但質地較稀叫合桃湯可能更貼切。