Read full review
2019-07-05
1470 views
約咗女朋友係西灣河食午餐,平時食開都係南記或大安樓,今日決定搞搞新意思,去咗東區友介紹既呢間Cs’bakery。我朋友點解搵到呢間餐廳呢?因為餐廳正正係佢屋企樓下。雖然餐廳比較細,但座位之間既空間非常足夠,唔會為左可以容納多啲人而犧牲顧客座位空間。入面亦有靠牆位,自己一人食都得。雖然小店經營,但餐廳嘅飲品選擇可謂應有盡有,而且有我最鍾意嘅焦糖鮮奶咖啡。Cs’ bakery連一杯焦糖咖啡都特別用心,咖啡上面有我嘅圖案,圖案有我真人三成咁靚仔,憑呢點已經值💯。All Day Breakfast既炒蛋夠順滑。麵包有兩片,仲要係自家制,非常健康。另外亦有火腿、腸仔、沙律菜、菇等等。個人認為All day breakfast主要睇有咩啱食既食物。Cs’bakery All day breakfast每款食材我都鍾意,尤其是炒蛋,牛油果醬同巴馬火腿。蒜香銀魚蜆肉意粉分量足夠,幾乎每一啖意粉都食到蜆肉,味道方面有少少驚喜,銀魚為意粉加添鹹度。拿破崙蛋糕非常搶手,好好彩自己食到最後一份。每一層嘅酥皮都好香脆,中間既奶油非常香滑,大量芒果肉令蛋糕甜而不膩。女友叫咗朱古力千層蛋糕,甜度適中,賣相當然冇得輸
我朋友點解搵到呢間餐廳呢?因為餐廳正正係佢屋企樓下。雖然餐廳比較細,但座位之間既空間非常足夠,唔會為左可以容納多啲人而犧牲顧客座位空間。入面亦有靠牆位,自己一人食都得。 雖然小店經營,但餐廳嘅飲品選擇可謂應有盡有,而且有我最鍾意嘅焦糖鮮奶咖啡。 Cs’ bakery連一杯焦糖咖啡都特別用心,咖啡上面有我嘅圖案,圖案有我真人三成咁靚仔,憑呢點已經值💯。 All Day Breakfast既炒蛋夠順滑。麵包有兩片,仲要係自家制,非常健康。另外亦有火腿、腸仔、沙律菜、菇等等。 個人認為All day breakfast主要睇有咩啱食既食物。Cs’bakery All day breakfast每款食材我都鍾意,尤其是炒蛋,牛油果醬同巴馬火腿。 蒜香銀魚蜆肉意粉分量足夠,幾乎每一啖意粉都食到蜆肉,味道方面有少少驚喜,銀魚為意粉加添鹹度。 拿破崙蛋糕非常搶手,好好彩自己食到最後一份。每一層嘅酥皮都好香脆,中間既奶油非常香滑,大量芒果肉令蛋糕甜而不膩。 女友叫咗朱古力千層蛋糕,甜度適中,賣相當然冇得輸啦。 下次再經過會再買Cs’bakery嘅拿破崙蛋糕,或者週末嘆杯咖啡都係一個唔錯嘅選擇。
Post