大丼屋 (Closed)

住係荃灣，都未試過百悦坊的食店，今晚去到百悦坊，隨便選了一間日式食店~大丼屋。入面環境舒適，裝修以木為主，啱哂我D鐘意静静地，要坐得舒服，環境要乾净企理的人食飯。一家四人各選了不同的套餐，套餐包括麵士湯，沙律和主菜。我選了海鲜刺身丼。海鲜非常新鲜，份量充足，厚厚的三文魚刺身，最驚喜是海胆很鮮甜，令我喜出望外。小朋友叫一客鳗魚丼，鳗魚大份兼皮香肉滑，小朋友赞超好食。老公叫左份燒牛肉丼，大份夾好味，啱哂男人份量，工人姐姐最鐘意香口嘢同食飯，㗎喱吉列猪扒佢最啱食。整体食品質素好，服務良好，最緊要小老板like,值得再去。

作為日本菜愛好者，香港大大小小的日本餐廳都不會錯過！這天放工，相約閨蜜到荃灣大丼屋來個日本菜晚餐，環境乾淨企理，靜靜地與好友暢談是一個不二之選。.自選丼三選－三文魚丼＋天婦羅丼＋鰻魚丼 ＄168味噌湯及沙律配菜，剛上菜就馬上被我們清光。下圖中的味噌湯已被朋友馬上喝了一半了；柚子沙律酸酸甜甜十分開胃，飯前小食都十分誘人，將兩個細食女子的胃都打開了。 三文魚丼三文魚是新鮮的，一上枱就要馬上食，三文魚下面都是壽司飯，味道不俗，只是朋友覺壽司醋多了一點，整體來說是十分吸引。天婦羅丼－大蝦、冬菇、南瓜、蕃薯最好剛上菜就馬上吃，熱辣辣很脆口，大蝦好彈牙，南瓜和蕃薯都十分淋身，入口即溶；冬菇食落口多汁。飯底加上天婦羅汁十分美味，朋友都不停encore食天婦羅與飯底。鰻魚丼鰻魚十分新鮮，再配上了蛋花及鰻魚汁，整體十分美味。一口氣吃了一半，朋友食到鰻魚都大讚十分美味及新鮮。.芝士蟹籽厚燒玉子 ＄26一食落口，溶溶的芝士及口味十足的蛋，再配上新鮮凍凍的蟹籽，口感十分滿足。.章魚小丸子（六件） $28當小丸子剛上枱，我與朋友見到已經心心眼，香氣十足，咬落去熱辣辣的，入面食到大粒八爪魚。木魚加上章魚汁及紫菜，

買左飛響附近睇戲, 唔係好多時間但又想食埋飯先, 醒起楊屋道街市有間日式丼飯, 一於行幾步黎食. 電梯一上果層就係, 地方幾大, 又乾淨, 起碼唔會背貼背, 舒服D.燒牛肉丼定食D肉好澎湃, 滿滿咁鋪晒響飯面, 肉味濃又夠入味, 肉質夠厚有口感, 軟嫩唔韌, 片片都好大片, 所以食落比想像中快飽.個飯底係珍珠米, 撈埋D汁好好味. 定食仲有一兜小沙律同麵豉湯.另外要多款小食, 芝士蟹籽厚燒玉子, 蟹籽好多, 一食爆晒響口. 玉子厚滑, 蛋味香, 芝士唔算太芝, 清清地幾好.簡單丼飯已經好滿足, 而且唔算太貴, 份量OK.

入嚟之前係門口睇咗陣menu，俾佢呢個鮭親子丼吸引咗除咗我最鐘意食嘅三文魚同三文魚籽之外，仲有蟹籽，真係冇得頂小食同壽司嘅價錢都好平！忍唔住叫咗好多嘢食首先上嘅係吉列炸蝦$28有4隻，新鮮炸得好香脆，而且每條都肥嘟嘟好有肉，又夠長，真係一飽口腹之慾雞骨腸$22有兩條，燒到外皮好脆，入面好juicy有少少似台式腸，但佢嘅皮薄啲，而且味道唔甜加埋檸檬汁好有日式小食風味壽司全部都係打孖上嘅，有海膽軍艦，鰻魚壽司同三文魚壽司海膽好澎湃，疊咗足足兩三層，金黃香甜，食落都夠鮮味朋友叫嘅燒牛肉爆丼嚟先，跟餐配沙律同味噌湯燒牛肉丼真係好豐富，每一片牛肉都十分大塊，足料又抵食日本人好鐘意將燒牛肉點生蛋黃漿嚟食，我都覺得呢個配搭好啱，而已見到啲蛋漿流落牛肉片同飯個度，啲口水已經流哂出嚟重頭戲鮭魚親子丼有五大片厚切三文魚，三文魚籽同蟹籽嘅份量都唔吝嗇，基本上唔使醬汁已經好好撈飯晶瑩剔透嘅三文魚籽帶有鮮味，而蟹籽則較重甜味，兩者互相融合，令呢個丼飯味道十分有層次芝士蟹子厚燒玉子係朋友必點之選，因為佢鐘意日式玉子嘅甜厚果然呢度嘅玉子都冇令我哋失望，上面一層薄薄嘅車打芝士帶有些少燒過嘅焦香，上面嘅蟹子依舊香甜食到

呢排愛上左食丼飯，原來係荃灣楊屋道街市附近，有個隱世商場，裡面層層都有好野食。我同朋友仔決定由2樓食起，哈哈，先黎呢間大丼屋。睇下餐牌有咩食先，咦，價錢唔貴喎。燒鰻魚丼定食，條鰻好大，大個飯碗，仲有跟湯同沙律，正正正。朋友仔既北海道丼係人氣推介，新鮮入口即溶既魚生，食完心情當堂靚晒。油甘魚刺身48蚊有六件好厚嘅。明太子雞翼好香口，又juicy。又有我必食既芝士年糕，炸到熱辣辣，好好味。今餐食到捧住個肚走。

荃灣近幾年有很多新餐廳進駐，食肆林立，我間中都會到這區尋找美食，最近行過川龍街的百悅坊給我發現了一間吃海鮮丼的餐廳，見到門口完全感受到日本風情的格局，覺得不錯，就入去嚐一嚐日式美食啦 ~入到店內環境充滿日本格調，這裡佈置時尚悠閒，地方寬闊，枱與枱之間不會有壓迫感，牆上貼滿大大張丼的海報，更令人食指帶動呢！餐牌𥚃有不同丼選擇，爆丼、魚生丼、天婦羅丼、咖哩丼等，還有多款日式小食和飲品，價格實惠，值得一吃。蟹道樂丼         $149蟹丼材料非常豐富，包括蟹柳刺身、蟹肉、海膽、蝦刺身、蟹膏、蟹籽、蟹蚶 ; 濃郁香醇的蟹膏味，是我最喜愛的，蟹肉口感綿密，用料非常新鮮，各款刺身鮮甜肥美，散發鮮的清香，所有材料混合一起吃，豐富的口感，色香味俱全。三文魚親子蟹子丼       $89鮮橙色調的食材鋪滿飯面，賣相已令我食指帶動。用上大大片的三文魚及大大粒的魚子，刺身鮮甜肥美，再配合咸咸的魚子一起吃，咸與淡的味道中和，口感幼滑，鮮味十足，好吃。芝士蟹籽厚燒玉子      $26濃濃蛋香味，加上燒過的芝士，味道更濃郁，咬一口噼噼聲的蟹籽，更有特別的口感。季節蔬菜天婦羅        $48外脆內軟的

有熟人帶路, 今次勇闖荃灣區覓食.近年荃灣跟著潮流開左唔少餐廳, 近年hit爆的大大碗丼飯,都可以係呢區搵到.是日來得比較早, 只係6:30pm時間,所以餐廳人流唔算多終於唔需要等位等成個幾鐘都可以有丼飯食啦.限定餐牌有我最愛的蟹, 黃金蟹丼定食 $149 包沙律及味噌湯, 免加一全碗丼主要由蟹組成, 有蟹鉗、蟹子、蟹肉、蟹腳、蟹膏、蝦同海膽, 聽到都知犀利.蟹肉及蟹子載滿丼飯之上，睇見啖啖蟹肉唔洗自己拆蟹殼就不其然生出一份滿足感丼飯跟蟹肉蟹膏入口後鮮甜味不斷經由咀嚼絲絲滲出, 加上海膽的鮮甜味, 真係無得輸.除左丼飯, 呢喥都有唔少小食, 價錢由廿幾元起明太子雞翼(2只) HK$36 味道不算太鹹, 而且明太子味道十分突出芝士蟹籽厚玉燒 HK$26每次看到厚玉子都會忍唔住想食, 上來的長長一條早巳切開了六份,玉子色澤呈鮮黃亮麗,上方還洒了蟹子. 夾起一件,內裡是藏著滿滿的芝士芝士半溶狀態下呈現出長長的拉絲,入口質地都頗軟綿, 看得出層次分明內裡的芝士份量下得多,吃起來不俗. 不過本身玉子熱度不算高, 芝士硬得較快, 所以必須要快點吃.帆立貝刺身 HK$48,肉質亦極盡柔軟甘甜,味道鮮

終於唔需要走去旺角排長龍先食到丼飯啦, 荃灣都有啦. 位於荃灣楊屋道百悅坊都開左間高質丼飯專門店.大丼屋店內比較寬落, 兩邊盡是2人或4人枱,人多時可以拚埋一齊做一張長枱.最重要這裡有BB櫈, 下次可以帶埋小朋友來打開餐牌, 才發現這裡原來不只有海鮮丼供應,小食甚至是刺身壽司都有, 價錢平均由廿多元到幾十元不等. 我覺得這裡的選擇比較彈性, 如果同行者不吃魚生, 其實這裡亦有多款熟食丼飯選擇, 例如牛肉, 燒魚、燒雞、燒豚定食等, 而且丼飯都已包沙律及味噌湯,仲免收加一服務費. 價錢大眾化.我比較貪心, 想試不同款式, 所以築地自選丼就最適合我.可以從8款丼飯中選自己愛吃的.牛肉口感咬落油香,牛味都算十分濃郁, 最喜愛牛肉同飯都沾滿燒汁, 很惹味, 而且細細一碗, 唔會食到太膩.鰻魚丼都唔遜色,魚肉油脂豐富，肉身又夠厚蒲燒將醬汁融入鰻魚之中，醬汁甜蜜味美海膽的份量舖滿了半碗飯, 看到滿滿金黃色的海膽, 真的食慾大增又估不到海膽的質素一點都不差，完全沒有苦澀的味道，質地細滑而CREAMY，食完滿口都是甘香鮮味朋友點的蟹道樂丼(黃金蟹)也十分豐富,當中有蟹鉗、蟹肉、蟹子、蟹膏、蝦.偷吃了幾

之前見到買一送一優惠，又見份量認真大，所以就決定會一會，睇睇可唔可以列入Dinner list啦。大概晚上8點去到，等左唔太耐就可以入座嚕。因為等緊期間已經諗左食咩，一坐底就叫左個牛丼同海老丼。等左一陣就黎到啦，送菜速度okay。認真，兩碗賣相真係好吸引，成座山咁。海老好食，好脆證明係岩岩炸好既！粉唔多，而肉質都彈牙，加分😋比既唔係天婦羅source，而係甜豉油，不過哩個都好，因為就咁食好dry🤦🏿‍♀️但相反，牛丼就較為遜色，牛既份量係多但一啲牛味都無，而且有啲質口同un。總括黎講，如果唔係有買一送一，會再去食既機會不大🤦🏿‍♀️

放工去左荃灣千色行左陣街 朋友話有間日本野想食 所以就一齊過左去餐廳主打丼我叫左黃金蟹丼定食 勁鮮甜勁大份有蟹肉、蟹膏、蟹柳、蟹籽、蟹鉗 蟹控必食！朋友叫左原條海鰻野菜天丼定食天婦羅野菜都有幾多 滿滿一碗試左啖炸鰻魚 炸得幾好 鰻魚幾厚肉炸完一啲都唔乾 甜蝦刺身 48蚊有4隻 啲肉好剔透 入口鮮甜 4隻真係唔夠喉 不過又想留啲空間食其他野 所以冇encore章魚小丸子 size好似乒乓球咁火喉啱啱好 章魚都幾彈牙芝士蟹籽厚燒玉子玉子燒行好滑上面鋪滿芝士真係不得了加埋蟹籽口感好豐富豚肉餃子餃子好juicy 皮薄餡靚真係值得一試原味波子汽水好少見日本餐廳有波子汽水 啲童年返曬嚟原隻椰子雪葩 真係必食 雪葩聞到已經好香椰子味 食落椰子味真係重到不得了 真材實料！呢餐真係食得超滿足 水準幾高 又平又抵食

荃灣出名多野食，肥妹仔我既老死係荃灣友，又鐘意食日本野，今晚一於就去試下食呢間大丼屋啦蟹道樂丼$149呢個丼飯好豐富，有蟹膏，蟹子，海膽，松葉蟹腳刺身，熟蟹鉗，熟蟹肉，甜蝦，真係有唒成隻蟹每一part!蟹膏同海膽幾新鮮唔腥，肥妹仔我都接受到，松葉蟹腳刺身口感軟諗，食得出蟹腳既鮮味，熟蟹鉗同蟹肉好食，d海鮮既份量好多，足夠撈唒成個丼飯食!穴子天丼$139肥妹仔既老死好鐘意食鰻魚同炸物，呢個穴子天丼一次過就滿足唒佢既兩個願望啦～條炸鰻魚好大條，外面既粉漿炸到炸卜卜，鰻魚肉質嫩滑，呢個真係好正!呢個丼除咗鰻魚仲有炸茄子，炸南瓜，炸蕃薯，炸冬茹，大路野，不過亦都做得唔錯，唔油膩，而且個丼飯淋滿了鰻魚汁，每粒飯都好有味道!芝士蟹籽厚燒玉子$26厚燒玉子係肥妹仔每次去日本餐廳都會叫菜式之一，黎到又點會唔叫呢？呢度既玉子燒好札實厚身，面層同中間都夾了芝士，芝士味唔算太濃，但都令個玉子燒無咁單調，蟹籽既份量一d都唔手軟，不錯喔～豬肉餃子$22呢個無咩特別，炸得香脆可口，ok!炸魷魚鬚$38呢個好好食，魷魚有調味同爽口，炸到脆卜卜點沙津醬，好正呀!明太子雞翼$36呢度既明太子雞翼同肥妹仔食過既有少少唔同

張相好靚好豐富咁，但出到嚟實物係咁....都知未必會整到好似花咁靚。但都唔好咁求奇丫...啲肉又嚡...味道又唔係好...樣又唔靚...但價錢又貴過人...真係去食返吉乜乜嘅牛肉飯好過

日本野係我既最愛, 荃灣更加係同朋友食飯的聚腳點，當然又去食日本野，係楊屋道街市附近,川龍街既百悅坊2樓,有間大丼屋,充滿日本風格既裝修，木枱, 木椅十分簡單設計, 又舒適！睇下MENU 先~~ 蟹道樂丼定食 (日式味噌湯 + 新鮮野菜沙律)飯上放左松葉大蟹蓋, 認真充滿霸氣, 再加上用蟹膏、蟹籽、蟹柳和刺身蟹腳作為丼飯食材, 除了蟹的不同食材之外, 仲有一隻牡丹蝦同小量海膽, 而且食材新鮮, 味道鮮甜 ! 北海道海鮮丼定食(日式味噌湯 + 新鮮野菜沙律)滿滿的魚生好新鮮鋪滿成碗飯，賣相十足，真係好新鮮，蝦夠鮮味又彈牙，口感一流，海膽好鮮味美味，厚切魚生，再加埋大大粒帶子，超新鮮，大滿足之作 ! 炸魷魚鬚每一條都束既炸魷魚鬚，香脆內彈牙，再加埋沙律醬，更可以帶出鮮味! 不錯不錯 ! 帆立貝刺身新鮮厚切嫩滑帆立貝，再加小小檸檬汁，更能帶出鮮甜味道，口感豐富! 食材新鮮而且價格合理，又不收加一服務費，以後同朋友飯聚又多一個聚腳點啦！

荃灣食肆臨立，食物款式多不勝數,不過大部都係集中係市中心，較少人知道原來街市附近,係百悅坊都有好野食。要介紹既就係呢一間以丼飯為主題既日式料理.呢間開係新開既商廈，見到裝潢都好新好寬闊,我地差吾多晚飯時間去都吾算多人,環境算係幾清幽,岩哂去一齊玩手遊,拍拖,傾計.餐廳有幾款主打菜色推介都係以丼飯為主,餐牌嘅食物款式唔多，但係每樣都好吸引。而且價錢非常平民化，真心岩晒想平平地食到高質日本菜嘅朋友.介紹番呢度既野食先,我地今次就2個人食,就一人叫左一個丼飯,再加D小食大家一齊食.我地今次主要叫左1個蟹道樂丼同1個穴矛天丼再加一D小食.野菜天丼定食-原條鰻魚成個碗都放唔哂，同圖片中既一模一樣，口感十分鬆脆可口,咬落啖啖肉,好有鰻魚既鮮味，麵粉吾會好厚身，炸到D粉變成好薄,好似正花咁痴住係D野食上面,炸得岩岩好.黃金蟹丼定食-海膽新鮮美味,唔會有一種苦味,蟹子份量十足，蟹蓋下面原來隱藏左一大陀蟹羔，用黎餸飯一流.點了一份蟹籽芝士厚玉子燒.面層的芝士是有燒過的,所以是有少少火炙味道,而玉子燒真係好厚,食落有流心芝士與蛋,再加埋D蟹籽,口感好豐富.🍴明太子手羽先-隻手羽都炸得幾香脆 ,入面既明太子

上次與同事到此吃日本料理時，發現二樓有間大丼屋大排長龍。今晚準時收工，便一起衝去霸位 Dinner🍱~時尚居酒屋的裝潢，光線充足，環境舒適~前菜沙律，🥗新鮮爽脆，淋上醋汁，酸香醒胃。味噌湯，溫熱暖和，鹹淡得宜，鹹香鮮味!蟹道樂丼定食，賣相吸引，🦀膏及海膽甘香豐腴，濃厚鮮味; 松葉🦀腳，清甜彈牙; 🦀籽粒粒晶瑩，口感豐富; 赤🦐刺身啖啖肉，肉質鮮美，帶點蝦膏; 底層鋪滿🦀肉，鮮甜爽口，拌飯吃一流!穴子天丼定食，各款天婦羅即叫即炸，炸得金黃，薄脆香口，鎖住食材的原汁原味，炸原條海鰻酥香鮮美，炸香🍄彈牙多汁，炸南瓜🍠香甜味美，香口惹味!甜蝦刺身，色澤粉嫩，🦐肉細軟，鮮甜無比; 帶子刺身軟嫩細緻，帶點鮮甜，加上🍋汁更能提鮮!雀巢檸檬茶，冰涼止渴，有助解膩~✔️各款定食份量十足，配菜種類豐富，鮮味十足，值回票價!✔️店員上菜速度快，期間自動定時加水，值得加分!