麵屋 元祖達摩 (Closed)

有日搭車見到門口達摩公仔好搶眼，決定搵日會會佢，香港真係唔要求食正宗拉麵，都係岩自己口味就可以。門口就係有呢隻大大隻既紅色達摩，真係對面馬路都見得到。有好多日本既裝飾，店舖有兩款座位，都可以望到師傳即整拉麵。期間限定既越谷海老拉麵($98)，真係成碗都係櫻花蝦，差唔多舖哂成個面，最好味既係湯頭，本人鍾意食濃味野，一飲個湯蝦味真係好重。另外用左鹿兒島五花腩同西班牙黑毛豬上肩，較喜歡黑毛豬肉味重啲同好淋身。達摩醬油拉麵($68)，呢款只配鹿兒島五花腩，都用左靚料不過無咁淋身。醬油湯底唔算濃，麵條未夠彈性。再加多左一份西班牙黑毛豬上肩，灑上左七味粉，惹味不少。沖繩豚肉餃子($32)，外面煎得香脆，熱辣辣夠香口。叫左野飲達摩梳打同招財貓梳打(各$20)，見到個樽好靚所以叫左，味道其實係波子汽水味。當然新店仲有好多需要改進既地方，不過老闆真係逐枱客問意見，做街坊當然要支持有心做既食店。店名: 麵屋 元祖達摩地址: 大埔太和路15號太和中心地下12號舖餐牌:

大埔最近開咗間新拉麵，叫達摩拉麵，大埔終於有間特色拉麵啦。一入門口好多好多招財貓，好有仙氣feel呀~ 裝修簡單但裝飾搭夠主要賣五款拉麵，三款小食，款式唔多不過都夠揀嘅，落單紙都印咗鋪頭logo，堅持！連餐具，紙巾盒都好detail，老闆係有heart嘅叫咗個期間限定海老拉麵(左邊)，寫到明話用日本原材料，係堅喎！嘩~見到真係嘩咗聲，好豐富好足料呀！啡啡地色嘅湯底味濃不咸，有4+2=6塊肉，肥瘦均勻，啲肉好嫩好好味，原隻糖心蛋點解可以做到咁滑，仲有菇菇，粟米，芽菜，竹筍，紫菜...數唔晒，好多配料，最緊要係有勁多櫻花蝦。媽呀~點解98蚊食到咁多野特上豚骨拉麵-鈴川配料，豚肉份量同期間限定一樣，但個湯就唔同，我試左啖湯，好香豬骨味，對比起嚟個湯會淡dd，鐘意豬骨就唔洗諗，叫依個啦墨汁餃子，黑色嘅肉餡，好好味真係黑色唔係呃你芝麻雞翼，炸到好脆好香，放左一陣先食都係keep住脆，係咪有獨門炸野秘技?拉麵店有凍水，所以我冇叫飲品，而佢啲飲品都係招財貓樣，好搞笑

今日去完大埔太和農墟揾朋友，又係時間覓食了，向救護站望過對面馬路見到有間「達摩」店舖，個舖名咁得意ge？行過去睇下食乜東東先，到達門口時已經有六、七個人向度等緊位，原來係食拉麵的，就試下先未入得去，八下門口宣傳海報，順便諗下食乜，看見寫住"湯底無添加"、"採用日本原材料空運到港"，諗起都想食輪到我地可以入去坐，先睇下餐牌有乜食先，再攞張 order 紙揀選我的拉麵，有款期間限定的"越谷海老拉麵"，等我試下先，仲有得因應個人喜好而選擇制法拉麵的軟、硬程度 ，湯的濃、淡......，亦可加追配料，好貼心，「堅持」加個"芝麻雞翼"小食同友人分享先期間限定~越谷海老拉麵， 先呷一口濃湯，好香豬骨味，麵條入口順滑，有彈性，日本產雞蛋，糖心蛋，好入味，還有鹿兒島的五花腩，入口即溶芝麻雞翼肉質嫩滑，又很香脆，我好唔客氣咁食左兩隻招財貓梳打，梳打少少甜很而且有氣店員一早已為每枱客人準備了開水、紙巾、 order紙、檸檬汁、芝麻、酸薑......配料，讓客人隨意添加店內周圍放置大大小小的招財貓及達摩公仔，好 cute 小食有三款，不用多，好食便足夠了基本的拉麵有四款，如拉麵唔可加追(+$15)今日被安排

最近朋友推薦我黎依間新開既拉麵店，話說很正宗的日本拉麵，叫我一定要試試雖然我不是住在附近，但說得如此吸引，我也忍不住要去嚐嚐今天與媽媽來到，原來在太和地鐵站附近，不偏僻，很容易找到！環境設計都很有特色，坐下來不會覺得逼迫，椅子下面還有一個籃子給客人擺放物品，非常貼心店內擺設的公仔很有日本風格，令人感覺置身於日本餐廳般點左兩款外型設計特別既梳打汽水 招財貓梳打 ($20) — 忌廉味梳打達摩梳打 ($20) — 波子汽水味梳打兩款都好味好解渴！而且樽身公仔好可愛><!餐牌上有數款拉麵，最吸引我的當然是期間限定—越谷海老拉麵 ($98)而媽媽就點了鈴川達摩特上豚骨拉麵 ($92)上枱見到澎湃既櫻花蝦，好興奮呀⋯⋯感覺會好好味先嚐一口湯底，味道像醬油湯底，但蘊藏著櫻花蝦米既鮮甜，真的不錯呢！溏心蛋味道濃郁，滷得入味而且富蛋香，七成熟剛剛好，很好吃麵條只有種粗幼度，是屬於幼麵。我其實愛粗麵，平時有粗拉麵一定會揀粗，但今次食左依隻麵發現佢隻麵係我食過咁多間中最好食既！掛湯力強而且非常爽滑有嚼勁我知道我自己食野比較慢，所以軟硬度方面一定揀最硬！咁就吾怕食到啲麵淋曬，失去彈性！炙燒豚

今日老公因為小額錢case攪到好5開心﹐所以諗住搵啲好嘢食用味覺來沖淡一下，返到大埔都5知食咩好﹐梗係又到出 openrice 出馬喇！Search 到大埔最近又開左間新麵館『麵屋 元祖達摩』﹐當然身為大埔友一定要試下喇！按地址是太和中心但去錯了太和廣場﹐住了大埔甘多年﹐原來太和中心係消防局對面﹐要去的食友要留意，去到門口都有幾多人等緊位﹐等左15分鐘左右有位了﹐間舖坐位不多﹐店內有很多飾品﹐當然少不了招牌商標(達摩) 餐牌內的款式不多﹐麵款有4種全部都以達磨為名的﹐松川達磨(醬油拉麵)、高崎達磨(豚骨拉麵)、姬達磨(辛辣麵)及鈴川達磨(特上豚骨拉麵)﹐店員推介了兩款一款是姬達磨(辛辣麵)另一款是鈴川達磨(特上豚骨拉麵)﹐落單是自己選點手寫的﹐每款麵都可以有不同制法及可加錢追加配料的﹐而我們分別點了店員的推介外還加了我的最愛芝麻雞翼﹐芝麻雞翼已經好難食到了﹐很多日本食店已經5賣這款了﹐在等食時間好奇心問下點解會叫『麵屋 元祖達摩』﹐原來係有由頭的都好有趣的﹐食友們有機會去食不妨也問一下。姬達磨(辛辣麵)先上

見到有報導話有新拉麵店今日入開大埔有時間就順便去試下因爲怕新開張人多要等所以就係開門無耐就去食當時唔需要等就可以即刻入得，店内大概坐滿2/3人左右餐紙：但其實眼見無咩人係開始食緊麵 畢竟新開張有咩問題都會盡量包容但去到某個點真係難以忍耐... 1）等待上菜時間接近45-50分鐘我有D唔明白點解一碗拉麵需要客人等咁耐難怪當時入門口發現無咩人開始食緊等左好耐我老公碗麵黎左佢食完我個碗都未到黎到仲要上錯麵比我 2）厨房混亂，各種準備不足比D客聽到因爲我地坐係bar檯所以厨房發生D咩事我地都聼得一清二楚例如包括前晚無準備到糖心蛋（聼到之後我好傷心因爲我個人食拉麵係好中意食糖心蛋）或者佢地太忙無注意到其實客人會聼到 3）衛生問題眼見其中兩位厨師處理食物的時候沒有戴上手套其中一位厨師在處理食材期間更用手抹汗.... 等左咁耐食物到1）鈴川第一次食所以想試下白湯，見到幾豐富就揀左呢個看似很豐富...事實上：其實我覺得可能有部分配料都無落....圖片話有3塊最後比2塊我問店員店員話因爲Size問題所以有D 會有3塊有D大既會有2塊但D肉少肉多肥膏，你叫我情何難坎剛才提及過既糖心蛋結局變成咁變成普通鷄蛋

見到雜誌報導，專程去試下，等位要好耐，超過40分鐘，見到入面有吉枱，但無安排入底，可能呢d就係營銷手法，好似好多人排隊甘。終於安排入座，一睇左order 紙勁花，d字好難睇，唔怪得不停聽到隔離枱話錯單，甘花師傅睇錯都唔出奇。order 後20分鐘有麵食，第一啖梗係試下個湯，自家制湯，較為淡口，已經選左濃味，拉麵無乜特別，正常拉麵。點左個墨汁餃子，但20分鐘後先話無，轉左個豬肉餃子，餃子應該係用炸方式，好多油。總結，有進步空間，湯底應該係自家制，食完無口渴，但較淡口，order方面要改善，成間店運作好亂，餃子用煎方式會較好較香，同無甘油。埋單有問客人意見，亦有提供意見湯底唔夠香濃，暫時唔會再去試，可能過多三個月會俾多一次機會

朋友介紹大埔開左間新拉麵，一於過去試試🤤🤤🤤去到都幾多人，好在我一個人去，搵個位試試應該唔係好難😅😅拿拿聲坐底叫野食先，湯底有幾款，我叫左碗高崎達摩 豚肉拉麵菜單有得選擇唔同配菜，面既軟硬度，果然好專業👍🏻👍🏻👍🏻拿拿聲試下先，湯底味道濃郁，口感唔錯，好似有以前係日本食到既味道，甘正既湯底，肯定要連湯清！最後補上好可愛既達摩汽水❤️大埔其實我唔係好熟路，不過對面好似有個救護站，下次應該唔難搵，拉面迷既我，一定要試曬佢地全部湯底😅😅😅

去之前，睇地址以為會好「隔涉」，但原來出咗太和站行唔夠10分鐘就到，心諗「唔…會唔會又係食租金㗎呢次…」去到坐底，環境ok不過食拉麵，最重要從來都係湯！然後係麵！再嚟係配料！見有期間限定嘅越谷海老拉麵，當然叫期間限定先啦。麵上到嚟，第一感係「嘩…會唔會豐富咗啲？」一來擔心佢圍唔圍到皮；二來擔心明明係海老拉麵，但呢碗麵入面食材種類咁多，味道會唔會好雜亂，甚至各自為政？不過，食完就知道係杞人憂天。同樣係以「海老」為題嘅拉麵，如果話某間大坑同旺角都有店嘅拉麵店嘅海老拉麵，係展現咗「純」呢個形容詞，咁達摩嘅呢碗越谷海老拉麵，所展現嘅就係「豐」——唔止係份量，而且感受到以蝦為首嘅味覺大軍，洶湧而不見雜亂咁，進擊而來。所以，我決定除咗碗之外，所有食得嘅，即使只係一滴湯，都唔會留返俾店家！

2017.04.30 😊襯著幾天假期天氣好🌞去左坪洲一轉 回程時咁巧就撞上一架307巴士理所當然又回到我最愛的美食地圖太和大埔區啦 😎小妹上星期亦有去過太和食飯就俾我發現左太和消防局對面開左間拉麵店個名咁得意既 行過都忍唔著"讀下佢"餐廳的裝修設計都以簡潔為主分為"私家座"及"交流區"小妹口水多過茶的性格🤣當然就係坐在bar枱 有得同廚師互動啦在等食的同時 看著成間店鋪都擺有紅色娃娃抱著好奇心的我上網搜尋了一下這隻紅色的公仔原來就係達摩😲其實係日本的不倒翁擺飾 模仿著佛教達磨的坐姿一般的公仔眼睛都保留空白在願望達成後再畫上眼睛是有吉祥 長壽 平安的寓意🙏餐廳不論是飲品 餐具擺設亦印上達磨圖案而菜色都以不同種類地名的達磨命名 好有意思鈴川達磨特上豚骨拉麵 $92高崎達磨豚骨拉麵 $72兩款拉麵都是豚骨湯拉麵🍜湯頭感覺上味道差不多 而特上的比較濃郁些少而且加上菇類配菜 好爽口而最大的分別是前者是分含了2款不同的豚肉西班牙黑毛豬的豬肩 及 鹿兒島豬的豬腩🐖後者就只有鹿兒島豬的豬腩兩款肉比較起來我就覺得西班牙黑毛豬的豬肩肉較為有肉香味較討女生歡喜💃而鹿兒島豬的豬腩 較肥 口感入口溶化岩曬重口味