日喜樓 (Closed)

一家大細o黎日喜樓食飯，新開張乾淨企理光猛，大人細路都坐得舒服！一個Pad睇晒主菜單同 Drink Menu，方便又環保D先o黎一碟杞子花彫醉雞，用杞子湊左朵花岀o黎，賣相好掂，酒味香濃，D雞係好嫩黃金蝦球好香咸蛋香，大大粒啖啖肉，蝦肉彈牙爽口！想食羊，店員就介紹左呢碟京燒羊比我地。無介紹錯，外皮燒得酥脆香口，裏層帶少少脂肪，不膻不膩，正！試下LEE到GE日喜灌湯小籠包，厚薄適中 ，熱辣辣入面湯汁超燙口，有水準👍🏼芙蓉三鮮睇落平平無奇，蛋白炒起好似芙蓉花，三鮮就係蝦仁、帶子、鮑片，令成道菜非常鮮甜厚切海參黑豚煲好抵食，一煲有勁肥厚重量級海參同靚靚黑豚肉，肥肉甘爽！雖然已經好滿足，不過都叫左個北京炒拉麵，食下D澱粉質落肚。又炒得幾好，加D辣辣地GE豆瓣醬好好食老婆例牌要食飯後甜品，吾是南瓜個樣夠晒特別！南瓜GE外表，紫薯蓉GE內心，清甜不膩，有驚喜👍🏼

對日喜樓最印象深刻既就係百碟宴，之前見到有朋友黎食擺到成枱都係小菜超壯觀。百碟宴就暫時未有機會試到，今次黎食個lunch試下d野食先。喺v-point扶手電梯落一層就到,好有氣派的門面呀。入到店內好寬敞，中午食客唔算好多，可以傾到計慢慢坐。見到有午市套餐共有四款，價錢又ok wor，我想像中會貴d。俾佢既任食涼菜小食吸引到，細問店員原來有六款小菜可任食，超正呢！跟餐點了熱薏米水，個杯超靚呀，藍白中國風，好想要。第一次飲薏米水加左薑，味道幾特別，但如果可以大杯d就好喇，唔夠喉。小菜碟超靚，五顏六色，是日有的小菜包括：雞絲粉皮、瑤桂冬蓉、麻婆豆腐、家常水餃、蔥油餅、涼伴雲耳，款款都食得出廚師們用心製作，有地道家鄉味道。套餐A. XO醬鮮菌海三鮮店員告知黑松露轉XO醬，我地表示ok。XO醬炒得超香，微辣，三鮮有斑片、帶子同蝦球。好新鮮，整道菜好入味，連配菜既菇菌都炒得鑊氣十足。套餐C. 蔥爆牛肉配煨麵一碟濃味配清淡的麵形成強烈對比，有趣！牛肉好林入味。煨麵就清清地，ok的。食完主餐我地點左一碟甜點，高力豆沙香蕉球。好香，炸得金黃色，不錯！

環境5分：高級上海菜格局，有D小古董擺設，有大房，有梳化位，空間感充足，可以畀五分。衛生5分：雖然感覺上似新派，但入面都非常之光猛。用電子屏幕做餐牌，非常之環保，唔會浪費紙張，又夠衛生，加上Ｄ碗筷新淨，畀佢五分。服務5分： 服務員快手快腳，態度好，唔囉唆，滿分。味道4分：1)      蔥油拌海蜇食落非常之爽口，點埋提供嘅芥辣就非常開胃。2)      清炒蝦仁每一隻蝦仁都大大粒，非常晶瑩通透。廚師清理得非常乾淨，好新鮮好彈牙。3)      干煸四季豆有少少辣，非常惹味，有好多肉碎粒，送飯一流。4)      雞煨麵上到枱熱辣辣，雞粒都唔少，碗麵非常之淋，唔使點咬都吞到，Ｄ湯就好有味，但係食完唔會口渴，真材實料。5)      半隻自家制油淋雞個雞皮好脆，不過Ｄ雞肉就鞋左少少，要扣佢一分。6)      四喜臨門有四隻唔同味道嘅小籠包，個look可能有D怪，但每隻都皮夠薄，入面又夠多湯汁，Ｄ料又好軟淋，果Ｄ特別口味又唔會話好重口味，非常清新。抵食4分：平均三舊水食精緻上海菜都算正常，可以畀四分。

平時出街食飯通常都係食西餐，偶然都會想食下中餐調劑下嘅🤩講到中餐，我最鍾意嘅莫過於係上海菜🥢而今次嘅選擇就係日喜樓，呢一間前身係主打一百碟京川滬菜😲其實而家都仲有，不過我哋小貓兩隻就食唔到咁多啦。餐廳嘅裝修都好Modern，好舒適，啱晒約朋友嚟食飯🤙🏻先講下d涼菜先，呢個就係黑松露煙燻蛋，濃濃既煙燻味配黑松露係超夾，可能因為係糖心蛋所以會有少少飽肚，下次可以先叫一隻同朋友share先😉最愛既醉雞🐔估唔到份量都ok多😲完全係超抵食，另外雞肉超嫩勁滑，真係唔覺唔覺就食咗好多啦😖🤤有人可能唔知其實賽螃蟹係冇蟹嘅成份㗎，望落去白雪雪以為好普通，但其實全部都係靠蛋白而做到好似蟹肉嘅口感，如果一道好食嘅賽螃蟹係絕對好考廚師嘅功夫‼️結果，我同朋友清晒成碟，我可想而知味道係幾唔錯😂最後就係呢一個松子魚啦，絕無欺場‼️唔知侍應姐姐用左啲咩方法，令到條魚真係做到有火焰嘅效果，真係又睇得又食得🤙🏻 ig story 又得另外，值得一提嘅就係餐廳嘅侍應們都態度好好，超好服務，仲會得閒過嚟問下你食物如何，好有親切嘅感覺💓

位置十分方便，係登龍街V POINT隔離。日喜樓嘅LOBBY製修得好靚，有成個花花牆，女仔最愛，可以呃LIKE。仲有靚靚SOFA可以比人坐係到等。入面有好多張大枱，啱哂一家人黎食！餐廳與時並進，而家已經用IPAD睇MENU！餐廳用嘅餐具好靚，好有設計感！杞子花雕彫醉雞我平時就唔鐘意食酒味好重嘅花彫雞，呢道做得酒味唔重，雞肉好滑好嫩，非常好食！北京烤鴨好少係香港食到唔錯嘅北京烤鴨，係到就可以食到，北京烤鴨嘅份量比得好大方，我覺得半隻鴨就夠全家人食，呢到都有片皮鴨，配料就有餅皮、青瓜、洋蔥及甜醬，片皮鴨燒到個皮脆卜卜，好好食，仲有層脂肪附左係到，咬落去食到啖啖油香，但唔會好油膩，肉亦唔會燒到好老，仲保留到肉汁，甜醬係呢道菜嘅靈魂，甜甜地，帶到鴨味。加多$78，就可以有第二種食法。爆汁牛肉餡餅小心小心，食呢個餅果時真係要小心，因為佢真係會爆汁，佢個皮薄，入面有熱辣辣嘅湯汁。四喜臨門好特別，小籠包有四隻色，每隻色都有唔同味，包括:原味、蒜味、九層塔同茴香，小籠包皮薄餡靚，咬開爆開哂D湯汁出黎。茶樹菇、金菇高湯翡翠苗煮得好爽口，高湯好入味。鱈魚雪裏紅煨面面身煮得好有咬口，可以一試！

一入“日喜樓”就發現佢哋嘅地方非常寬敞舒適，有高高嘅樓底，再配長長嘅沙化位，中間位置更有數張大圓枱，真係非常適合一家大細又或者三五好友相聚嘅好地方喔⋯⋯👍🏼👍🏼👍🏼《四喜烤麩、雞絲粉皮》烤麩吸收了傳統上海式甜甜嘅醬汁，配上筍片、木耳、毛豆，好醒胃呀！😋滑滑嘅粉皮、嫩嫩雞絲同脆脆青瓜絲，加埋濃香嘅芝蔴醬，又一醒胃之選！😋《日喜灌湯小籠包》小籠包皮薄肉汁極豐富又鮮味，無得頂呀！👍🏼《羅春閣爆汁生煎包》生煎包肉汁都係咁豐富同鮮味，要讚讚包底煎得非常香脆，食時真係要小心燙到嘴仔呀！👍🏼👍🏼《高湯鮮菌豆腐煲》高湯馥郁濃厚嘅鮮味完全浸入豆腐同鮮菌中，令人不禁一口又一口咁食唔停～👍🏼《黃金姜米鱈魚粒炒飯》炒飯粒粒分明又唔油膩，鱈魚粒切得幼細，每啖充滿魚香、米香，值得推介喔！👍🏼👍🏼《薺菜雞絲炒年糕》年糕味道雖是清淡，碎末嘅薺菜葉黐係每件年糕上，散發住淡淡清香，一口軟糯一口清香，白綠相間，暖心又暖胃，真是難得的美味呀⋯⋯👍🏼👍🏼

係銅鑼灣行完街見肚餓就去搵野食，到了登龍街，一個新派既飲食天堂，地點係V point B1 既日喜樓，呢間上海菜既裝修好特別，坐位有足夠既空間感坐得好舒服，坐低左好快店員就問我地想問咩茶最後我哋叫咗四個菜，于煸四季豆四季豆炒得乾身有咬口配合埋小小肉碎味道非常一絕，因為呢個餸做得好嘅餐廳已經買少見少，宮保蝦球蝦球肉質鮮甜整完之後仲係好大隻冇乜點縮水味道有少少辣辣地甜甜地又酸甜嘅感覺好開胃，招牌水煮牛肉平時其實好少上海野好少嗌水煮牛肉呢個餸或者有好多上海嘅餐廳未必會有呢個餸但係店員極力推介我哋呢一個水煮牛肉，牛肉肉質鮮甜一食就知係靚牛肉，辣同嫲嫲嘅感覺配合得好好，最後仲有一個灌湯小籠包，食呢個餸之前真係要小心啲咬開個頂少少，因為一咬嘅時候個小籠包入邊嘅湯汁真係會打晒出嚟，呢個小籠包應該係我食過咁多間上海嘢之中暫時最好食嘅一個 最後喺銅鑼灣以呢個價錢食到咁多樣嘢仲要好好味，真係好值得大家一試

假日本來訂Alto lunch semi buffet$138， 坐低後才發覺假日只有三百幾蚊brunch， 寧願下次告假才來， 打算去樓下松露屋， 搭錯咗升降機去咗地下， 發現此處。坐低破軍看看周圍，發揮彈的本色~裝修，主調略素白，天花冇啲燈飾， 牆用圓鏡單調，如採用中國特色花花碟~青花，彩繪，加添色彩，獨立房用淺黃夾板間，白光照射更加白，外觀低品，如用深色木加裝飾-中國式木窗框或加幅水墨畫，是否有意思呢！椅是西式cafe用，我說佢是走年青版，想吸引年青人，個人意見如年青人喜歡這種形式就直接去西餐廳。像花樣年華走年青版，簡簡單單有中國特色就多年青人接受……，如以白色為背景，可加黑色線、彩點，像吳冠中畫。還有門口招牌，黃色光環，白色雲石，白光照射，似大酒店，如像佢茶壼，帶點红與黑，是否好看呢！還有雲石纹，像漫畫龍珠撒亞人。整體食物有水準，賣相，器皿有番本色：五香薰魚$68，魚外脆肉嫩， 煙燻味不濃，特別在陳醋加話梅肉，掛汁，酸甜適中，一二件有大魚泥味。四喜臨門$58，爆汁，熱到辣咀，蒜味，茴香，九層塔，原味，每樣各一件，皮薄，各款都應有香味，味道不會失望，失望只细了一點，看蒸籠，放4件

Happy Friday！梗係要同好姊姐聚一聚，Relax一下。日喜樓係近時代廣場，地點好就腳。好彩有Book定位，一黎就可以入座。杞子花雕醉雞，雞肉非常嫩身，而花雕既用量好適中，所以唔會好重既酒味，而酒味亦都唔會搶咗雞原本既鮮味。鱈魚雪裡紅煨麵，煨麵比湯麵唔同既係，用煨既方式，麵條會吸收湯汁既精華，就到麵入口時唔會淡而無味，多咗一陣湯汁既味道。用鱈魚煨麵，湯頭好鮮味。茶樹菇、金菇高湯翡翠苗，簡簡單單高湯蔬菜，味道好鮮呢。北京烤鴨，鴨皮非常香脆，而鴨肉則嫩，皮與肉之間仲有一層鴨脂，所以入口時有陣陣既油香。用薄薄既餅皮包裹住鴨肉加清新既青瓜絲、蔥絲，及甜甜的秘製醬汁，四者結合，非常美味！一鴨可以二食，加$78，就會有呢道小炒。不過小炒的醬汁味道太濃，蓋過咗鴨本身既香味。而且經快炒後，鴨肉變得乾身。我就覺得烤比炒鴨更勝一籌。四喜臨門，入面有四隻味既小籠包，分別係原味、蒜香、九層塔、茴香，皮薄餡靚，仲有熱辣辣既湯汁。爆汁牛肉餡餅，非常有驚喜呢。餡餅真係有爆汁效果，所以食果陣要小心啲。肉餡既牛味都好香。就算食到好飽，但最後點都要食甜品作結。高力豆沙香蕉球，入面放了香蕉片及豆沙，而甜度唔會太高。

日喜樓前身是日熹樓，最出名是百碟宴，引起我的注意，近期搬到了銅鑼灣，今晚有空便來到了。這裡位於地庫的，地方頗大，座位寛敞。杞子花雕醉雞$68，酒香四溢，雞肉嫩滑。水煮桂花魚$258，桂花魚魚質鮮嫩，水煮麻辣味道十足，辣勁力強。爆汁牛肉餡餅$43兩件，外脆內軟，肉汁豐富，由於即叫即製，所以要小心燙傷嘴唇。日喜灌湯小籠包$63，小籠包皮薄，肉汁飽滿，點些浙醋，不會肥膩。四川擔擔麵$52，擔擔麵蛋香而帶嚼勁，湯頭充滿花生香味，辣度適中。高力豆沙香蕉球$38，外皮鬆軟彈牙，內𥚃的香蕉經烹煮過，味道比生吃甜。豆沙鍋餅$38，外皮焦脆，豆沙餡料豐富，很有上海特式。

最近因日喜樓特色的百碟宴吸引左我同朋友嘅目光，就相約黎食晚飯。餐廳位於登龍街街尾的地庫。晚上嘅7點，未算好多食客。餐廳裝潢簡潔明亮，正中間的部分主要擺放大桌為主，以桌上亦都擺放住準備百碟宴的雙層轉盤。由於見每桌都暢飲中，發現食京川滬菜嘅日喜樓有12款以生肖命名的中式雞尾酒供廳。有興趣可以選番自己生肖飲下～鐵板蔥爆羊肉 $148呢道菜會在客人面前先放在鐵板上，發出喳喳聲，香氣樸鼻。羊肉配埋京蔥真是最佳拍檔，羊肉有羊肉少羶，有鑊氣又惹味。日喜灌湯小籠包 $63比起外面黎講，小籠包體積就較細小。不過咬落湯汁濃郁而多，肉質都唔錯。黑松露天椒炒蛋 $128黑松露平均分佈於整碟炒蛋，食落黑松露同菇菌嘅香氣超濃郁，特別之處配埋指天椒去炒蛋。食落有黑松露香之餘，用辣椒去除膩感。上海炒年糕 $78份量都幾大碟，不過如果濃味d 會更加好。霸王辣子雞 （半隻） $148店員表示辣子雞需等30分鐘，雞肉炸得通透少少麻，辣得過癮。

今晚同屋企人食飯 指明要食京滬菜就帶佢地嚟呢度啦!叫左幾樣嘢食 味道都唔錯！三鮮豆腐($148) 有帶子、蝦仁同豆腐估唔到都幾足料 帶子蝦仁都幾爽彈 豆腐又夠滑 清清地幾好食灌湯小籠包($63)有四粒 外皮夠薄 又多湯汁 小心會爆出嚟呀！五香燻魚($68)外皮好香脆 魚肉質又夠嫩 味道甜甜哋 好滋味賽螃蟹($108) 唔會太油膩食落都幾滑身 但放涼左會有啲鞋身最後都食唔哂最後都係要有飯落肚 叫左蝦仁炒飯($88)炒飯正常味道 但就唔夠粒粒分明可以再炒好啲整體嚟講食物都OK的! 服務幾好有機會都會再嚟！

今日下午去完跑馬地拜山，就同親友一家人去左日喜樓食番個lunch! 裝修較新穎，我地被安排坐係sofa 位，十分舒服😌1. 四喜烤麩$48；細細碟十分精緻，味道適中，麵筋都好腍身，岩晒素食者口味！2. 雞絲粉皮$58；涼伴粉皮撈埋麻醬雞絲一齊食好有咬感，煙煙韌韌好好味！3. 高湯鮮菌豆腐煲$138；味道較咸左些少，岩送白飯，鮮菌豆腐都好足料兼大大舊。4. 薺菜雞絲炒年糕$98；味道較為淡口，薺菜配埋雞絲黎炒年糕好Q彈，不過食左幾舊都會有飽意！5. 黃金姜米鱈魚粒炒飯$108:；炒得好有穫氣，炒到米粒黃金色，仲有鱈魚🐟粒，味道更滋味！6. 日喜小籠包（4件）$32:；上海招牌菜，熱辣辣皮薄料靚仲好多汁，點埋醋同薑絲好味道！7. 羅春閣爆汁生煎包（4隻）$36；煎得好甘香脆口，要小心翼翼咁食因裡面好熱同好juicy,一不小心就會燙傷個口！☺️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

同女女去小飛象影完相，就黎食晚飯。因為6點就到人不多這裡裝修得好豪華高級，坐得好舒服，我地2個人黎比4人檯我地坐，員工都好有禮貌。呢度有菊花茶飲，比較特別，又健康，清新健康，清熱解毒。食物水準高，不過份量較小，每樣都細細碟，不過好食就唔緊要。桂花糕得3小粒，幾迷你，食左好似無食過咁，所以相對來說，這裡價錢都幾貴，性價比不算高。

上星期有晚同左家中既大帝同女皇出街食中菜揀左黎呢度就係因為知道呢度新開有優惠，北京填鴨有七折，所以個晚專登book好位，帶埋愛食填鴨既家中兩老黎食返晚本身想要全隻填鴨等佢地食得盡慶，但女皇話想留返個肚試多啲唔同既菜色，咁就聽佢話要半隻既“北京填鴨”HKd$159（折後）+10%啦，之後我地再叫左啲推介食物同菜色準備開餐 先黎既係店家推介既“四喜臨門”HKd$58+10%，分別有四種唔同既口味，個晚我淨係試左粒原味，上湯同肉餡既味道都唔錯，外皮亦唔會過厚！大帝仲話佢食個粒係九層塔既味道，個香味好出添之後就係我揀既“酸菜班片”HKd$178+10%當中既班片魚嫩無骨，魚皮厚而富膠質！仲有唔少既雜菌同酸菜混合其中，最重要係有我最愛既煙韌寬粉味道酸而醒胃不過辣，吸左精華既寬粉固然好食，配上香軟既白飯同樣合拍呢半隻燒得皮脆肉嫰，肥瘦均秤既北京填鴨同樣無令我地失望薄而不破既餅皮包住沾上帶甜醬料既鴨片，加上清新爽脆既青瓜絲同京蔥段一同食下，當中既滋味讓人回味而大帝個晚揀左個“羊肉搶湯麵”HKd$58+10%做主食有我同女皇大人喺度，甜品環節就當然唔會缺少啦除左嗌左份女皇鍾愛既“高力豆沙香蕉球”HKd