花朝軒 (Closed)

上次嚟西貢就食過萬年街嘅西餐，經過呢間花朝軒，覺得裝修好靚，嘢食又好似okay，就約咗個朋友下次食呢間。經理招呼完我哋坐低之後就問我哋要咩茶，差啲唔記得咗呢度係食中餐添哈哈。我哋要咗鐵觀音，茶味好香。另外仲比咗熱水同洗碗盤我哋，洗碗盤都好靚lol 個熱水可以用嚟自己沖茶。本身嚟係想試北京填鴨，但原來要早一日預訂，可惜可惜！大家都要留意呢一點呀！首先上咗碟餐前花生，$20，冇需要嘅可以唔要～椒鹽山水豆腐粒（$42）小食點咗個椒鹽豆腐粒，外皮薄脆，豆腐滑，配上椒鹽同炸蒜，非常可口。花朝原盅燉湯（$48）呢晚嘅燉湯係蟲草花燉齊肉湯，$48/碗。唔係味精湯，真材實料。齊肉唔知係咪咁寫，但其實係豬肉～除咗蟲草花同豬肉外，仲有雞腳、雞肉。好飲，感覺好健康！菠蘿咕嚕肉（$108）咕嚕肉炸粉好薄，半肥瘦，唔韌，好入味，好食！菠蘿亦十分鮮甜～野生加拿大銀鱈魚（$168）嚟到西貢都唔可以唔食海鮮嘅～本身嗌咗龍蝦伊麵，但冇曬龍蝦，經理介紹話銀鱈魚都好食，咁我哋就試下啦～果然唔錯呀，外皮脆，魚肉嫩，淡淡嘅調味亦唔錯。都幾大舊～蒜蓉炒菜心（$78）另外仲叫咗個炒菜，唔錯～整體嚟講餐廳坐得舒服，環境好，服務好，價

平時入西貢，都係為左搵野食，行行吓突然間想食海鮮，見到呢間裝修得幾靚，就冇諗入咗去，菜式都算多，我同女朋友花多眼亂，最後都係叫左個二人套餐晚餐！紅燒雞絲翅呢個可以話係呢個二人套餐入面嘅王牌，雖然係第一道上嘅菜但係仍然印象深刻，雞絲嘅香味完完全全滲透入去個翅度，超正！乾煎銀鱈魚銀鱈魚平時都好少食，但今次印象原來可以係好好食，雖然係乾淨，但係魚肉入面仍然保持濕潤，食粒外脆內軟，十分滋味！蠔仔肉碎泡飯西貢海鮮咁出名當然一定要試吓啦，泡飯就食得多，呢個蠔仔肉碎泡飯頗有特色，蠔仔細細粒，容易入口，仲要十分鮮味，口感一流！最重要係泡飯嘅湯，鮮味十足，話咁快就連飯食晒！

因為去西貢探bb，同朋友一齊在西貢順便晚餐完再離開。在花朝軒晚飯，睇左陣餐牌都好難抉擇，直接問部長有咩好推介，部長推介套餐夠抵食。是日用餐：呢款龍蝦伊麵味道香濃，芝士哄朋友會特別喜歡，龍蝦有半隻，都好夠食。食完，店員更貼心遞盆水供容洗洗手，夠貼心。杞子魚湯浸菜苗，由湯底到菜好fresh，湯底沒味精。薑蔥焗美國珍寶蠔-大大隻蠔，煎到黃金色，配有好多薑蔥西芹等配菜，prefect match。蟶子配有炸蒜及粉絲，蒸到又香又好味，看似簡單菜式，廚師調較火候剛好，令蟶子唔會過火。一款好足料原盅燉湯，有蟲草桂圓螺肉雞腳雞肉等製成，夠味又夠香，食得出沒味精味道💯另外有清蒸金花尾龍躉，火候同蟶子一樣剛剛好，肉質彈牙。唔睇餐牌仲以為係石斑。櫻花蝦炒飯，份量剛好，一人一碗，因為前面食套飽，飯通常都食唔哂，呢度分量剛好清哂。

親戚約食飯 約在西貢食京菜-花朝軒，好在屋企附近有巴士直去西貢碼頭，出入幾方便。餐廳就在碼頭附近，巴士總站行過去都只係5分鐘時間。餐廳裝潢華麗，室內佈置經過精心設計。店員服務細心有禮，值得加分。晚餐有好多套餐選擇，我地叫左個4人套餐：芝士深海龍蝦伊麵&杞子魚湯泡時蔬原盅花朝燉湯薑蔥焗美國珍寶蠔金銀蒜蒸蟶子皇清蒸金花尾龍躉杜小月櫻花蝦炒飯盛惠$1188，真係超低食。烹調手法好，龍躉沒蒸過火，肉身依然滑。龍蝦伊麵味道夠香濃。燉湯有蟲草花雞肉湯，又香又清甜。總體質素超班！

The Fat Duck Den is a relatively recent addition to the Sai Kung restaurant scene. Usually come here for lunch about once per week (work nearby). They use to have a set lunch menu - soup, rice with one dish, tea - for ~ HKD 70 but they've changed the menu recently. However the new dim sum lunch menu is also good as well. 

新年緊係要周圍去下 行個大運啦今日就入左西貢唔少得緊係去食海鮮🦞事關新年差不多餐餐都係肉呢間好有中國風既餐廳裝修好靚 坐得好舒服😌睇下個餐牌有咩好西食先😬諗左陣 最後揀左個丁財兩旺二人餐好意頭 有六個菜 都係海鮮為主 岩曬我呀芝士龍蝦伊麵香濃既芝士汁加埋成隻龍蝦仲夾爆曬啲龍蝦殻好易打開就食得貼心好大隻龍蝦鉗呢個係豉油皇煎虎蝦個汁好好味色香味俱全清蒸金花尾龍躉仔呢條魚比我想像中大鮮味十足火候啱啱好 條魚一啲都唔老金銀蛋泡時菜清清地 個菜都幾大份食到黎呢道菜我地都飽飽地最後係杜小月櫻花蝦炒飯十分滿足呀兩個人食 夠曬數有麵有飯有魚有菜有蝦仲有龍蝦都係$468 當然未計啲加一同我地啲酒水啦但呢個價錢食咁多野 係開心既😚

臨近新年，同屋企人選擇左呢間餐廳食團年飯！先叫咗個燉湯，茶樹菇煲雞，鮮甜得來唔太肥膩芝士龍蝦伊麵龍蝦好新鮮原隻上，啖啖肉得來唔會比芝士搶走海鮮甜味，配上傳統嘅芝士伊面，伊面略嫌個芝士汁唔夠濃，不過可能係想比大家食真啲個龍蝦味啦黃金蝦球好出色！新鮮滾熱辣炸起，出面層鹹蛋黃炸得好香，蝦球大大隻啖啖肉薑蔥蠔係用美國筒蠔，隻隻都啖啖肉蒜片牛柳粒餐牌寫住蒜片，嚟到就變咗蒜蓉，不過食落去都同牛肉粒幾夾，而且牛肉粒好林好入味餐廳環境都幾好

難得新年有長假放，家人帶咗我去行於西貢更花朝軒食晚飯。入面環境幾闊落，裝飾優美！清清閑閑，點做幾個小菜。侍應話今晚聖子皇批貨靚，每隻＄68，專登點左蒜蓉蒸聖子試試！等左冇耐，先來蒸聖子，聖子好大隻，好彈牙，入面啲內臟整得好乾淨，果然好新鮮！椒鹽魷魚，外皮炸得鬆化，魷魚都新鮮彈牙，點買喼汁一齊食冇咁熱氣！薑蔥焗桶蠔，桶蠔大大隻，鮮味重👍🏻！夾埋薑蔥好香，必叫！蠔仔肉碎泡飯，呢個湯底好鮮甜，仲見到有啲方魚塊，蠔仔粒粒爆滿，味道鮮甜！上湯龍蝦伊麵，龍蝦斬件上，呢個唔熱氣，伊麵份量好多。👍🏻

已經到過花朝軒好幾次，不過每一次都是飲茶，記得之前都有寫花朝軒食評，覺得這間茶樓點心唔錯，亦很喜歡花朝軒的裝修風格，帶有中國懷舊風，雖然店舖環境不算太大，但店內的裝修很精緻高雅。今晚大年初四就到花朝軒吃晚餐，看見餐牌上加了賀年新春菜，改的名字也好好意頭，我們點了薑蔥焗桶蠔$188， 芝士焗龍蝦伊麵$168，脆皮燒乳鴿$68， 蒜蓉炒時蔬$78，沙拉京都骨$88， 紅豆沙湯圓$28。脆皮燒乳鴿 ～ 送上枱的時候已經聞到陣陣香味， 真是能做到皮脆肉嫩的口感， 一點也不乾身，入口還很有肉汁。芝士焗龍蝦伊麵 ～ 開頭睇錯餐牌，以為只是一隻龍蝦$168，幸好店員提醒，原來這個價錢已經有伊麵底，都幾抵吃！ 這個芝士焗龍蝦的味道調教得剛剛好， 有香濃的芝士味， 但又不會蓋過龍蝦的鮮甜。薑蔥焗桶蠔 ～ 每隻蠔都很大隻， 鮮甜入味， 如果喜歡吃桶蠔的朋友一定要叫啊！沙拉京都骨 ～ 這一道菜比起出面的沙拉京都骨有不同，平時食開的多數都是一大嚿， 沙律醬已經同沙拉骨混合一體。花朝軒的 沙拉京都骨做法是一口一粒的，酸酸甜甜好開胃，沙律醬另上，我又幾欣賞啊！因為有陣時沙拉骨和沙律醬混為一體的時候，比較膩，這一個

今日入左西貢，行到七點幾，食埋晚飯回家，見此店門牌華麗就入左去一入去俾我嘅感覺係一間有格調的中菜館，鋪面不大只有幾張，反而更佳，因為更方便同友人傾計聊天看了一輪餐牌仍未有主意，有點想食翅，於是叫左套餐‘二人品嚐宴’一來就是我最想吃的紅燒高湯雞絲翅，碗翅非常濃郁，好重膠質，而且每啖也有翅乳鴿新鮮熱辣，外皮是香脆的西蘭花炒帶子的帶子大大粒，味道鮮甜，而且半碟也是帶子，感覺好富貴，西蘭花亦同樣出色，應該係炒前先獨立調味干煎銀鱈魚扒係這餐最好味嘅一道菜，雖然佢叫干煎，但其實佢係有落汁去煎，煎到佢乾身，佢個汁調味超好味，微甜，而且煎到乾身，令汁完全滲入魚肉內，而且銀鱈魚本身含豐富油份，入口即溶，此配搭可謂完美個蠔仔肉碎粥超多料，而且個湯有香濃既蠔味，超甜蠔仔粒粒大細相約，都幾大粒今日享受到完美嘅一餐，最值得一讚係佢出餸嘅時間䀫到好處，每當一味餸剛好食完，或是差不多食完就出下一味

星期五嘅晚上，一家人喺西貢食咩好？難得唔煮飯，梗係出去食好西啦喺毫無頭緒嘅情況下，行到萬年街見到有間叫花朝軒嘅餐廳，由門口就咁睇落似酒樓，細心啲睇原來係一間海鮮中菜館，啱哂一家大細嚟食啦店內裝修優雅，擺放左唔少古典嘅中國陶瓷同埋公仔擺設，環境亦都寧靜，適合一大班人敘舊食吓飯傾吓計是日燉湯燉湯每日都有兩款，我哋就叫咗個螺頭燉湯。湯入面有好多材料，雖然顏色睇落好深，但係一啲都唔鹹，而且每一啖都飲到鮮甜味，亦都飲得出好夠火候，作為餐前湯係一個唔錯嘅選擇紅燒大鮑翅屋企人話好耐冇食過翅，突然口痕想試吓，就任性地叫咗一份大鮑翅過吓口癮雖然以一小碟上臺，但份量都足夠兩個人分。翅湯十分鮮甜，飲得出無半點味精，配埋芽菜一齊食更有口感。而鍾意食醋嘅人可以加少少吊出鮮味另外如果熱啲會更好。翅嘅份量相當多，驟眼睇仲以為係生菜添不過似乎煮得腍咗啲，個人覺得爽口啲會更好。沙茶翡翠牛肉份量相當多，牛肉係用安格斯，所以食到幾香濃嘅牛味，而沙茶醬調味得啱啱好，唔會過鹹，芥蘭好新鮮翠綠，咬落爽脆清甜又冇渣，呢個餸有菜有肉，用嚟送飯最好不過薑蔥炒蟹經店員多番推介，我哋就試吓當晚最後一隻大肉蟹，真係好大隻，足足有一斤重！我哋

今日dayoff 去科大搵朋友仔食飯吹下水出番西貢市中心~朋友仔話而間唔錯！一於試下佢啦咁就！！一入到去環境相當唔錯~佢地仲有好多set 餐選擇多超級開胃小食拍青瓜~酸酸甜甜!加埋超多既蒜粒好野味啊燒乳鴿 乳鴿一上枱就熱啦啦 咬落去d汁噴哂出黎架 hahaha ~原汁原味乜都唔使加已經very good 上湯菜煲~本黎想叫豆苗，但咁岩個日無貨 所以試下而個 都好味清清淡淡好健康美國焗蠔🇺🇸 超級肥美 價錢唔算貴~但食到高質既蠔加埋小小薑落去更加鮮甜啊安格斯牛柳粒 而個真係必點~牛肉好軟 牛味重！！不過如果配菜有d三色蕉就無咁唷~最後係杜小月蝦炒飯， 米飯粒粒分明 仲有少少叉燒 完美一餐

個個話去西貢一定要食海鮮，但海鮮酒家樣樣大大碟，兩個人比較難叫餸。想食少少海鮮又想叫其他中菜，花朝軒係一個吾錯既選擇。中式燉湯材料有雞同猴頭菇，味道濃郁但唔會有味精，飲完喉嚨當堂感覺好滋潤叫咗半隻霸王雞， 雞肉好滑，食得出係新鮮雞，而且半隻價錢只80幾蚊，仲抵過某啲茶餐廳，咁既質素算超值。叫左一隻乳鴿，以為細細隻但原來都幾多肉，上枱時仲熱辣辣，食落仲好juicy店員推介上湯或芝士焗虎蝦$38隻，叫2隻仲送伊麵底，就叫2隻上湯試下。蝦好大隻好鮮甜，送埋伊麵連飯都吾洗叫。仲叫仲西芹炒鮮魷，鱿魚好爽口，而且一碟好多鱿魚，夠哂足料!其實已經好飽但口痕叫多一個小食牛柳粒，話係小食類但都好大碟! 牛柳好滑，食落冇渣，加埋 蒜粒好惹味好味又食到飽飽都係幾百蚊，係西貢區開餐一個吾錯既選擇

今日難得千里迢迢來到西貢當然要吃頓豐盛大餐在寒冷天氣下實在不想食西北風啦，更不想被當水魚挨貴價海鮮斬到一頸血趕快略過那些海鮮食店後黎到漂亮的門面及超值的價格輕易吸引我們進內餐廳餐館竟然價錢非常親民，食物質素很好乳鴿 來了一隻開邊乳鴿陣陣香味~超級香脆~肉汁很多!!是高水準之作皮脆肉嫰~啖啖都是肉喔 薑蔥焗美國桶蠔香氣四溢！桶蠔十分大隻肥美飽滿肉質鮮嫩多汁~以薑蔥等多種配料調製的醬汁很惹味充分滲入蠔肉加上用瓦鍋，令食物既溫度色香味具全所以對我黎說 真係好滿足蒜蓉粉絲蒸扇貝最新鮮最靚的海鮮來料理扇貝雖然不算太大不過肉質緊實~~配上蒜蓉香氣撲鼻聖子皇蒜蓉蒸很入味~蒜蓉加蔥更是精華所在！ 新鮮銀鱈魚🐟肉質軟滑加上少少香甜和焦香真係令我一試難忘絕對保證而且一點也不腥絕對必叫 不枉千里迢迢入黎食好西呢

很久沒有入西貢，今晚就和爸爸媽媽同老婆一齊入左西貢行下搵下野食😋一聽到去西貢食野，都梗係諗食海鮮，有點悶，泊低架車係碼頭果邊，行過見到呢間門面同名字都充滿中國風的飯店——「花朝軒」京粤菜，就入去試試看。不只門面，內部裝潢亦洋溢著中國風。菜式種類選擇非常多。先來了一味薑葱焗美國桶蠔，一打開煲蓋，吱吱喳喳熱騰騰的聲音連帶香濃惹味的薑葱味撲著來！蠔身大隻飽滿，咬落非常Juicy，一流！再來乾煎銀雪魚扒，夠哂大塊厚身，配搭著惹味的鼓油，一梳一梳的魚肉，每一啖都非常滿足。蒜香炒芥蘭，蒜香味十足，芥蘭無苦味，又不會太硬身，啱我最後來一個可以算是壓軸的主角——京燒元蹄！是當晚親切的經理先生推介的，元蹄的位置比豬手上一點，沒豬手那麼肥膩，烹煮前的處理過程繁複，吃落每一口都是師傅的心機。元蹄肉質非常軟腍，膠質恰到適中，週邊的生菜拌著芡汁都變得十分好吃呢。飯店的職員服務態度非常親切，會向你推介一些特式菜式，一次搵多人D黎再食過先！