花朝軒 (Closed)

好耐都無同媽媽出街食飯，難得到左happy Friday，老公車左我地去西貢行下，順便食埋晚飯。媽咪話想食中菜，所以我地揀左花潮軒食。店鋪既裝修非常華麗、中國風，牆身一面以湖水綠為主，另一面質係銀色既特色牆，加上木質既餐桌，同中式擺設，甚有特色。而環境乾淨企理，而且樓底好高、坐位寬闊，一d壓迫感都無，最岩一家大細一齊黎食。湯方面，我地叫左個淮山杞子螺頭燉雞湯，一個例牌湯大概有4碗半左右，盛裝既器皿非常特別，個蓋係一隻雞頭樣。而碗湯方面，清清甜甜，一d味精都味，而且好香雞味，就算係d湯楂都非常好味，螺頭腍嫰，十分足料。上網睇，個個都大讚金沙蝦球，咁我當然都一定要叫黎試下啦。一客例牌有8粒，都只唔係講笑，真心好味，即叫即炸，新鮮又熱辣辣。鹹蛋黃炒到起哂沙，完完全全痴滿所有蝦球，，食既時候散發出甘香，外皮脆卜卜，蝦肉爽口新鮮，而且一d都唔油膩，食到停唔到口。我地3個人食，所以叫左半隻菜膽上湯雞，雞比生菜包圍住，非常有睇頭。芡汁打得好好，菜同雞都非常入味，雞肥美大隻，非常嫰滑，但又唔會好鹹。而最值得一提既係京燒元蹄。呢一樣餸係職員超級推介。我咁大個女都未試過食元蹄，但一食就已經愛上左。元蹄同菜

好耐冇去過西貢去得西頁更係要揀返間正既慢慢坐慢慢食鐘意去花朝軒因為裝修靚，食物又好味古式古香又乾淨整齊坐底諗到唔洗諗HK$688 2 人餐得左一陣就有得食先黎乳鴿再黎個翅個翅冇渣流同埋唔會好膩同有飽既感覺之後就係西蘭花帶子D 帶子隻隻都大大的又厚又彈牙乾燒銀雪魚我以為係冇醬汁原來係有嘅熱辣辣香噴噴最後有個豪仔肉碎泡飯啲豪仔隻隻又飽滿又肥而且有好多粒泡飯嘅湯味道香濃唔會太咸整體都幾好味如果佢個套餐可以有埋甜品咁就very good啦

心血來潮想去西貢行下，記起上次去花朝軒好有質素，今晚決定再次光臨。環境你唔會失望，湖水綠色配木質傢俱和中式雕塑，一面用上銀色wall，另一面花牆紙，好多設計位，感覺仍然很清雅，唔會好多好亂。唯洗手間可以再改善下。菜式做得精緻，食物有質量，價錢唔貴，物有所值。茗茶$10/位豐料燉靚湯($48/位)喺姬松茸燉赤肉，豬靚肉位冇肥肉，入面仲有雞肉，個湯冇油又好甜，帶松茸味香。海蜇分蹄($78/小碟)，豬手肉大大塊，可以啖啖肉，海蜇好爽口。薑蔥霸皇雞($72/例)可以滑成咁，唔會死鹹，蓋過雞味。避風塘排骨($88/例)肉質鮮嫩，少骨又爽口，一d都唔肥，冇用隔油紙都唔會好油，蒜一粒一粒好香口，要一齊吃喔，強烈推薦！薑蔥焗美國桶蠔($188)，香噴噴，桶蠔夠熱，肥美大隻，唔腥，有大排檔風味。西蘭花帶子($158/例)份量不少，帶子新鮮大粒，肉質超爽彈，西蘭花唔會太硬太軟，想不到的高質。絲苗白飯($12/碗)相當滿意的一餐，朋友都很喜歡。

出開西貢，就同好友係碼頭附近食晚餐，約6點半入座，餐廳幾闊落，設計作為中菜館唔會俗氣。一坐低就比了一碟花生🥜（需要$20）同一壺普洱茶。我地揀左海蜇分蹄做前菜，海蜇幾好咬口，味道剛剛好，而分蹄就本身有味，瘦肉分佈比較多。之後再叫左個二人套餐，$428包4款小菜同一碟時蔬。脆皮燒乳鴿味道可以，肉質食落口感都唔錯，外皮炸得脆，可惜我地冇即上即食，少少暖冇熱辣辣食咁好味。豉椒炒蟶子係最惹味既菜式，雖然得2隻，但炒得好香，有紅青椒、豆鼓同洋蔥，零舍好食！蒜蓉粉絲蒸元貝係有2大隻，好新鮮好厚肉，打橫切開左一半黎煮，加埋蒜蓉粉絲一齊食好正。清蒸鮑魚仔又係2大隻，蒸得岩岩好，好咬口，個汁似平時蒸魚既汁，有果皮。是日時蔬係清炒芥蘭，賣相一般，但炒得都夠獲氣。我地另外追加左大蝦配芝士伊麵，芝士味不濃，反而香上湯味，配埋隻蝦，食得好滋味。

同朋友傾開計，講起西貢出名食海鮮，但自己就一直以黎都未去過食🤣真係唔夠膽話俾人知！所以決定今日難得大家放假，一於入西貢！去到原來都有好多間，花多眼亂！最後揀左呢間門面睇起黎好有特色既海鮮餐廳食！見佢啲小菜海鮮唔會話好貴，價錢合理又幾多選擇！一入到去餐廳員工已經好好招呼，服務好好的，又幫我地倒茶咁，好有禮！😋😄值得一讚！先來半隻 薑蔥霸王雞🐔 都幾大隻幾肥美！雞肉嫩滑，不會老。再加上薑蔥一齊調味，食落香口惹味，送飯一流！好快俾我地KO左🤣薑蔥焗桶蠔👍推薦！熱辣辣新鮮上菜。每隻桶蠔都好大舊，肥美飽滿，而且食落仲好多汁，味道新鮮。配上薑蔥爆香左既醬汁，味道更加好味！抵食之選:芝士焗大海蝦🦐送伊麵底！海蝦可以自己決定要幾多隻。海蝦size好大隻，仲幫我地拆開左殻方便食！由於開左殻，所以海蝦食落好濃郁既芝士味，肉質爽口彈牙！最好味既就係佢個伊麵，鐘意食芝士岩哂，醬汁濃濃重芝士味！好滋味🧀🧀新鮮蒸蒜蓉粉絲大扇貝😋正呀！鮮甜爽口既扇貝連埋粉絲一齊食，口感飽滿豐富！蒜蓉令到粉絲更惹味！真係睇番都流口水呀！食到最後，仲送飯後甜品我地食。係杏仁汁雜果豆腐花🍧食落好清香既杏仁味，不會太甜，幾好味。

今日帶屋企人去左西貢食海鮮大餐，慶祝一下新一年既來臨😚揀左呢間環境又靚，又抵食既海鮮餐廳。仲擔心遊客勝地，會收得好貴。有套餐選擇，但家人想點其他想食既餸，決定散叫喇。天氣咁凍，叫了熱辣辣的淮杞螺頭燉雞湯，暖下個胃先。用了一個好靚靚既 銀雞盤 上菜，好有睇頭！燉湯非常足料，用左好多既螺頭淮生杞子。雞湯非常濃郁鮮甜。好味！叫左每人一隻蒜蓉粉絲蒸帶子！好香。最鐘意粉絲同帶子咁樣既配搭！粉絲吸哂啲精華，蒜香味重。大粒的帶子，啖啖肉，好新鮮！😋避風塘炒排骨，惹味菜，辣辣地。排骨炸到金黃香脆，再加埋炸蒜辣椒一齊炒，好入味！干煎銀雪魚🐟意想不到的好味。起初擔心干煎會令到銀雪魚好乾好鞋，點知佢可以煎到外脆內嫩滑😍好香！最正既係塊魚片，煎到炸魚皮咁脆，好味！金銀蛋浸時菜🍲大大鍋，個汁都幾好飲，可以當湯飲。用左好多皮蛋鹹蛋，好夠味。令到個菜好入味。清清地又幾好！最後仲送甜品我地食，杏汁雜果豆腐花😬好清甜解膩。除左野食好味外，餐廳服務仲好好！又nice,又主動幫我地分菜又換碟。好滿意呀🤗🤗🙂

山長水遠去到西貢做嘢，點都要食返餐好嘅慰勞自己，就食海鮮～見呢間餐廳裝修幾乾淨雅緻，入嚟試試先～估唔到原來有湯叫，我最愛～豐料燉靚湯（位）有雞肉、瘦肉、雪耳等湯料，好足料，感覺滋潤2隻芝士焗大海蝦伊麵底逐隻叫大蝦$38隻，仲包埋伊麵底，蝦好大隻，伊麵個芝士汁好香滑三文魚頭腩（小食）脆卜卜又肥美嘅三文魚頭腩，做小食一流2人餐白灼海生蝦蝦肉彈牙，蝦殻脆卜卜，一定係新鮮游水海蝦即灼先有呢個效果蒜茸粉絲蒸元貝元貝大隻過手心， 粉絲索晒元貝同蔥蒜味，好香，咁大隻難得連元貝裙邊都唔靱，鮮味十足！薑蔥焗海蟹有一大隻蟹，好新鮮，蟹肉鮮甜，蟹鉗肉大大隻，預先敲碎左，好易就起到肉薑蔥霸皇雞雞肉嫩滑，無乜肥膏，醃得又入味，連雞皮都好滑。新鮮雞先有呢個效果清炒時蔬好嫩滑嘅菜心

難得千里迢迢來到西貢當然要吃頓豐盛大餐，在碼頭車站附近較旺一帶四處看看尋覓心水餐館，大部分都是室外海鮮酒家，在寒冷天氣下實在不想吃西北風，更不想被當水魚捱貴價海鮮斬到一頸血，趕快略過那些海鮮食店後，就在旁邊發現到這間主打京川滬粵菜的中式食府，漂亮的門面及超值的價格輕易吸引我們進內。餐廳佔兩層，環境一流，雅緻的裝潢充滿古色古香，彷彿置身另一空間似的，到處都充斥著優雅的氣息，好有舒適感。連茶具都十分精緻。餐廳服務亦佳，殷勤招待，店長也很親切。最驚喜是這間環境及服務均屬上等的餐館竟然價錢非常親民，大部分菜式只需七十至九十多元便有交易，而且食物質素很讚，完全是物超所值。高度推介金沙蝦球，每粒蝦球都很巨大很厚肉，肉質更是超級彈牙爽口，而且完完全全被大量咸蛋黃醬包圍，毫不吝嗇，金黃色的蛋黃醬味道非常濃郁，最喜歡其起沙的口感，令蝦球滋味無比，拌飯一流。薑蔥焗美國桶蠔香氣四溢，桶蠔十分大隻，真材實料，肥美飽滿，口感滑溜，肉質鮮嫩多汁，以薑蔥等多種配料調製的醬汁很惹味，充分滲入蠔肉，美味得很快已全部被吃清光。蝦米魚肚泡時菜很大的一鍋，份量十足，以鍋盛上能保持溫熱，在天冷時喝口熱湯格外美味，尤其這個湯底味

經常到西貢市中心逛街，今次第一次到花朝軒飲茶，之前已經畀花朝軒大門口的裝修吸引住 ，古色古香的中國風格調，帶有懷舊亦裝修高貴的氣派，相比起西貢其他的酒樓的確是比較有特色的。這裏除了提供京粵菜色之外，還有我們香港人最愛的傳統點心。看見餐牌上有孖寶早餐，由早上七點至到11點半供應， 價錢抵吃，所以我點了兩個早餐 (香煎菜肉餃配北菇雞飯$48，精選點心拼盤六件配自製有機豆漿$48), 然後再點多兩款點心 (上海小籠包$26 & 酸甜炸雲吞$22)，茶芥$6一位。北菇雞飯，雞肉新鮮，飯質地軟硬適中。香煎菜肉餃，煎得好味香口。點心拼盤，總共有六大粒點心，即叫即蒸熱辣辣出爐，包括蝦餃，燒賣，牛肉，一籠六件一次過滿足曬三個食點心的願望。 蝦餃皮薄餡靚，蝦肉新鮮大粒。 牛肉和燒賣都唔錯， 算是中上的點心味道。自製有機豆漿，味道不算太甜，豆味濃郁，熱辣辣幾好飲。上海小籠包，小籠包的皮很薄，每一個入面都有 熱辣辣的湯汁，肉汁豐富。酸甜炸雲吞，脆卜卜，入面的蝦肉新鮮好味！整體來說對花朝軒都幾滿意，環境坐得舒適， 員工服務態度親切友善，又多一個飲茶好地方 可以選擇了！

男友小時候住西貢，所以有時我會陪他一起舊地重遊。在任何行程前，先喝個茶~他說這家花朝軒在小時候是沒有的，就選了這裡。這菜館佔地頗大，我們坐樓上。除了傳統點心，還有京粵菜式的選擇，感覺新鮮。兩人吃不到好多款式，幸好有個精選點心拼盤，山竹牛肉、蝦餃和燒賣各兩件，可以一人一件剛剛好呢！蝦餃和燒賣內的蝦肉塞好塞滿，啖啖肉又爽口，正！雞湯水餃的湯帶清甜菜味，水餃大粒，皮薄，豬肉和韮菜餡量又足。難得茶樓有川菜，我一定要吃點辣東西，就強了夫妻肺片。冷盤來說它好大碟！！除了麻香辣味，配料的豆豉、京蔥等讓味道更加濃郁。肺片爽口，筋部煙靭，加上軟身的豆豉和清脆京蔥，口感豐富。總覺得只叫點心不夠喉，我們連京燒羊肉都點了~上菜時看起來像素鵝😂其實是十分酥香的羊肉！外皮輕輕炸過，脆身又香口，中心的肉卻厚而不實，肉質軟滑，充滿羊的香味，一點也不膻呢！附上的醬汁帶微酸辣，跟羊肉也很配合。吃了兩道重口味的東西後，就要了上湯金菇翡翠苗來refresh一下。上湯帶鹹香，菜夠新鮮，咬下去清新爽甜，跟爽脆的金菇混在一起就是爽！這樣組合竟然沒有黏牙呢😂最後還加了個甜品，豆沙鍋餅！是即叫即製的，上來時完全是剛炸好的狀態，熱騰騰的

假日去西貢逛一逛，感受一下新界的寧靜和舒適的環境，走累了，便找一間餐廳吃個午飯，最後選了花朝軒。午市有點心，有小菜，點心小點20元，中點24元，大點28元，頂點33元，特點38元，茶位10元，價錢不貴，與一般酒樓相約。點心拼盤 - 蝦餃皮薄，蝦大大粒，爽口彈牙，牛肉和燒賣屬正常酒樓水準。雞絲魚翅 - 魚翅夠粗，爽口豐口感，高湯鮮甜味美，最細心的是餐廳將翅放在火爐上，保持翅的熱度。原盅燉湯 - 是日燉湯為蟲草花菇湯，滋陰補腎，味道清甜，貨真價實不含味精。香酥鴨 - 鴨炸得酥香可口，炸漿鬆化，將鴨放入包子，配上蒽、青瓜和醬，減輕油膩感。糖醋魚 - 簡單的菜款，卻用上新鮮上乘的食材，魚塊經過煎炸仍保持鮮嫩，魚肉一絲一絲，毫不乾身，配上開胃的糖醋調味，令人愈食愈多。蟲草花浸菜苗 - 賣相美觀，蟲草花鋪在菜苗上，菜苗鮮嫩翠綠，上湯調品適中，不會太咸或太淡。招牌炒飯 - 廚師炒飯工夫了得，粒粒飯都炒得乾爽身，落油份量適中，沒有過份的油膩感，值得一試。杏仁豆腐 - 糖水充分滲透出濃濃的杏仁味，冰爽的豆腐口感特別，難以用筆墨形象，十分好吃。第一次在花朝軒吃飯，總體十分欣賞，喜歡的原因是它用簡單、優質的

家人外國回來訪港，於週一黃雨下來到西貢花朝軒晚膳。一行五人，雖然是兩大三小（即人多多但胃口不多的那種陣型），但店員均服務態度極佳、還細心照顧週到。 專程來訪是因為聽聞這裡有填鴨又有海鮮，能夠一次過滿足到訪港家人的願望。 食物質素超級驚喜：填鴨皮脆、薄餅超軟薄。黃金蝦初看賣相平平、但一食才知蝦是極之啖啖有肉、黃金鹹蛋亦是份量十足。拔絲香蕉極好味足料，還加上滿滿糖漿拉花，大人細路都一致認為是必食推介！ 我們還點了很爽脆的涼拌海蜇、還有小朋友們都喜歡的嫩鷄㛱麵和上海炒年糕。 整頓晚餐十分滿足盡興！

一直經過尼間野都唔會入去食。因為佢既裝修門面真係好高貴，感覺價錢都會好貴。突然有一日停係門口睇下個menu，原來一d都唔貴。仲幾抵食。所以決定入左去。環境一流，食物方面都好味道。平價 食中價菜 嘆高級環境。尼間真係可以試下！

平時都唔寫食評但係今次真係忍不住正宗又貴又廢368 2 person斬件豆腐花真係第一次見味道淡過水小菜份量細 調味緊緊合格但係個前菜 蒜泥白肉 同埋雞絲粉皮 真係不知所謂總之分兩隻細好細超級細同埋極細 肚餓嘅就千祈唔好嚟食飽嘅都唔好嚟

家住西貢附近，有時間都會到西貢飯茶，今日想試下其他酒樓，行經呢間花朝軒，就入去試試〜餐廳裝修得幾骨子，花了心思去配搭，要會以為是專做遊客生意的，試過就知他們的點心也不錯！花朝鮮蝦餃 $33鮮蝦大隻彈牙，也不錯，如果加入荀就會更加好〜脆皮素鵝 $28我們不吃素的，也經常點不同店舖造的素鵝嚐嚐，因為要用一層一層的腐皮疊起，期間其搽上醬汁提升味道，卷走成形後煎成，這家店做得很好，內層軟熟得像炒蛋，外面脆身口感很好〜頭抽煎蝦米腸粉 $28最欣賞呢到嘅煎腸粉，帶有甜味嘅頭抽，將腸粉煎至焦香脆口，十分惹味，點多一碟也可以吃清光！上海小籠包 $28小籠包樣子看來並不討好，依然帶有肉汁，也算是不過不失。花朝軒Fat Duck Den Seafood Cuisine星期一至日 08:00 - 23:00西貢萬年街79-81號地舖電話: 22050399在銅鑼灣也有另一家店“京.花朝” 下次去試試看〜