四點金飯店

Open Now

Now Closed

住將軍澳幾年，成日都出入新都城，但甚少過百佳呢邊，今日因為約人，先發現有間潮州菜，「自己人」好耐都未食過潮州菜，就決定試試。因為我哋只食咗個brunch， 所以呢餐晚飯點咗好多嘢食。先點咗我最愛嘅杏汁豬肺湯，原來一窩份量都幾多，差不多有8-10碗，味道清甜，滋潤養生冇味精，豬肺好味又夠淋！依家點選精選餸菜可以加$1點韭菜豬紅，豬紅係我愛人至愛，所以就為咗豬紅點咗聖子，聖子味道不錯，份量夠多，送飯一流。豬紅反而係我哋嘅主菜，豬紅微辣，味道很不錯。另外點左滷水拼盤，裏面竟然有愛人至like嘅豬大腸，好邪惡但好正呀！滷水拼盤真係性價比，份量又多又好味，味道唔會太咸岩岩好。總結，滷水拼盤是必點之選，而喜愛飲湯嘅朋友，必試杏汁豬肺湯！

約朋友食飯，方便大家就揀到寶琳站，近B1出口，交通非常方便。環境舒適，而食肆有C區供6人一枱可跟朋友歡樂聚餐。餐牌上有多款菜式外，還有抵食晚飯孖寶(A-F款)，每款有兩個餸，一個是固定菜式，而另一個是二揀一的。我揀了F款($208)鳳梨梅羔一字排甜甜酸酸挺開胃喔，一字排充滿肉汁，啖啖肉，美味可口。潮式凍烏頭魚一大條起骨開邊凍烏頭，怕魚骨的就放心食喇，記得點豆醬呀，因為是絕配！凍食款式最啱天時暑熱食！戲棚海鮮粥($48)材料有蠔仔，魚片絲，肉碎，一碗足夠2人食，鮮味十足。

今晚去咗寶琳食飯，間餐廳叫四點金，主打潮州嘢。坐低見到佢有好多套餐，睇落幾抵食。我哋叫咗一個晚市孖寶，有半隻貴妃雞拼菜圃煎蛋。隻貴妃雞外皮非常之薄，雞皮又爽又脆，雞肉好嫩滑又多汁，外皮有少少鹽醃過，所以似鹹雞嘅味道。菜圃煎蛋上枱睇得出係心思之作，蛋餅嘅顏色煎得好金黃，唔會太燶，加埋菜圃嘅鹹香，非常之有家鄉風味。之後叫咗一個鮮魷炒通菜，加一蚊仲會送一碟韭菜豬紅。通菜上碟都好大碟，足三至四人份量，魷魚傳統式刀功有界花，通菜炒得好香濃又有鑊氣。一蚊嘅豬紅都幾大碗，唯一缺點係韭菜少咗一點，豬紅滷水之後非常之入味，食得出幾新鮮，冇腥味，送酒應該唔錯。埋單$380兩個人來講食得都幾豐富。其實見到佢仲有一啲二人套餐，不過份量菜式非常多，擔心食唔晒，下次叫食量大D嘅朋友嚟，一定會試吓！

之前每次經過四點金飯店都見到人頭湧湧，一直都好想試，今日終於捉咗老媽子陪我飲下茶，吃個午飯。竹龍荷葉蒸龍躉頭腩飯成日都對荷葉飯情有獨鍾，因為我好鍾意荷葉那種清新的氣味！果然一上枱，就聞到淡淡的荷葉香。個飯有好多件龍躉頭腩，頭腩一定要加埋豉油食，咁樣會更加突顯魚肉既鮮甜，而且仲有炒飯底，夠哂誠意。福果芋泥嚟到一間潮州餐廳，當然要食潮州地道甜品—福果芋泥！呢個福果芋泥果然冇令我失望，芋頭超香，口感軟綿順滑，甜度適中。另外，白果好香口，再配合芋泥一同進食，絕對是完美配搭👍🏻！吃飽過後，發現餐廳可以買到綠豆糕，所以我就和媽媽買了它回家吃，果然好鬆軟，綠豆蓉好香，下次都會再買！

我對四點金唯一嘅批評就係佢地用嚟盛載點心嘅蒸籠實在太舊啦，殘到有啲難以想像，顏色已經黑哂，都唔打皮去更換，你想像下睇到咁嘅樣，一定程度會影響食慾及擔心衞生上嘅問題，希望店主能夠盡快安排更換啦！

又係放工鬆一鬆嘅時候， 去咗新都城行街加搵嘢食，見有間樓面幾光鮮的中式潮州菜館就入去試下。門口有大大個櫥窗，掛住好多鹵水同潮州打冷食物， 感覺乾淨衛生，侍應招呼周到，室內環境寬敞，感覺唔錯。家鄉煎蠔仔烙煎得好香口，有脆脆邊， 是厚底那種，內裏包着滿滿的蠔仔，而蠔仔size唔細， 一啖已經食到滿滿的蠔肉。粉漿調教得吾錯，落好煙韌， 呢個口咁我鍾意。乾撈粉絲海皇煲上枱時滾熱辣， 粉絲炒得好乾身夠鑊氣， 一啲都唔覺得肥膩，加了黑胡椒，有少辣， 但唔太過火，好惹味， 有蝦仁乾瑤柱做點綴。香脆招牌蛋散見呢個蛋散好多好評， 當然要試下。26蚊有半打， 價錢相宜。上枱時還有微熱， 新鮮即制，炸得好鬆化。糖漿唔太多，用咗椰絲、黃糖、花生碎取代 ，口感豐富 超讚。

之前試過去土瓜環四點金飯店都覺得好食，今次約朋友去將軍澳分店，有市孖寶，仲有指定菜式加一蚊有一碟鵝肝，都幾抵食地鐵一出已經係新都城2期，地點十分方便入到去姐姐隨即serve茶，服務唔錯牆上掛有中式書畫增添約分文化氣息，地方都算寬躺，坐得舒服鹵水獅頭鵝肉 （例牌）$128鵝肉算幾嫩鹵水味適中，底下有鹵水豆腐都幾有豆香鹵水鵝肝 $1 （優惠餐牌）優惠價黎講份量都幾多！鹵水鵝肝入口唔會太油，肝香都幾出，加上鹵水味道唔錯，底下有鹵水豆腐，一蚊會唔會蝕本架啫啫鮑魚雞煲 $168雞煲熱辣辣上枱，打開蓋好香！雞肉入口好滑好惹味，最驚喜鮑魚用原隻罐頭鮑魚切片，入口有彈牙有鮑魚味咸菜胡椒豬肚湯 $38胡椒豬肚湯可以叫一忠，一人份量啱啱好，豬肚新鮮，胡椒味湯味道剛剛好，又唔會太辣口，又有胡椒香蠔仔肉碎粥 $44蠔仔肉碎粥可以叫一碗，份量都夠3人每人一碗，唔駛叫一煲食唔晒，蠔仔大隻又鮮甜一D都唔鯹，加上方魚幾好味紹菜煮三寶丸 $88有彈牙魚旦、牛丸、魚皮餃，加上肉碎一齊煮，菜都有肉鮮味每人二百蚊都唔駛食到咁多野，真係好抵食

蠔仔烙 $40蠔仔份量足😻新鮮唔腥有蛋香🍳帶少少煙韌炸到外脆內嫩👏🏻不過略嫌太油隔左油再上會更好🤭蠔仔肉碎粥 $40/碗🍲有蠔仔、肉碎、火腿、冬菇絲等蠔仔：份量多，口感鮮嫩，無咩腥味肉碎：食到肉感，瘦肉比肥膏多火腿：煎過，質地硬實有嚼頭，夠鹹香🥓冬菇絲：有咬口👅湯底唔會好多油味道鮮甜👌🏻似食緊湯泡飯🍚福果芋泥 $26芋泥油份🍾唔算好多仲有少少綿綿沙沙既口感👍🏻芋頭香味唔夠突出甜味正常🧉如果再少甜啲食到最尾就唔會膩🤔福果口感煙韌唔乾😋份量雖然睇落唔多但足夠兩個人share不失為一個好既飯後甜品😽整體而言，味道唔差正常潮州餐廳水平價錢適中💸食物份量足料🈵經過又唔知食咩不妨一試~

香港雖然被譽為美食天堂，但每個香港市民每日都要思考依一個問題：今日食乜好？無計啦，全因為食店選擇非常多，不過呢個係幸福嘅煩惱，其實每日食到家常小菜都係一件樂開心嘅事。是日到【四點金飯店】走的是中價路線，跟長輩吃飯的安全區，因為媽味食過幾次都話質素幾穩定又不乏有中菜及上海潮州菜式。餐廳裝潢沒什麼特別，都是做中式潮州風設計。樓底正常沒有一點壓迫感，當時既上客人不多，所以環亦境清淨舒適。整晚的空間感坐得很舒服。晚市茶位 兩位 $20鹹菜 $9餐牌款式都多選擇，當中套餐亦相當吸引。所以不用想太多，就衝著套餐去了。＋＋＋晚飯孖煲 $208＋＋＋🍃黑椒脆薯一口牛不少人都喜愛大牌檔的餸菜，全因都是即叫即整，款款都很有「鑊氣」，而其中黑椒蜜汁薯仔牛柳粒更是大牌檔必選菜式之一，薯仔粒外脆內軟，醬汁惹味。四點金炒出一口牛特別香口惹味，薯仔外脆內軟，牛柳軟腍適中，每顆食材都裹有蜜糖和黑椒汁的濃香適合下飯。🍃海皇粉絲煲海皇粉絲煲是一道很好吃的菜，其中的海皇主要指的是魷魚、蝦仁等海產品，把這些海產品切成小塊，和粉絲一起放入沙鍋。有些食材雖然不起眼，但就像電影裡的黃金配角一樣，能夠在關鍵時刻，出奇制勝。粉絲真是個

某日睇報紙，見到專欄作家介紹土瓜灣四點金。我咪上openrice 睇下食評，點知見到將軍澳有一間又叫四點金，而且有很高評價。咁我用openrice book 位，我以為酒家會打電話來確認。誰知到了當天4點幾都無人打來，我怕有遺漏，我主動打去reconfirm求安心~我地係星期六晚6點，5係full，一路食到7點幾都5 full。環境係寬敞，幾舒服，適合聚餐。員工算係多，尤其近排食肆都減省人手，但呢間侍應數目係我近年所見最充裕既，所以服務都幾好。咁我地3條，就叫佢個“三菜一湯“套餐。湯揀咗加$20升級為“杏汁炖白肺湯“。有微微杏仁味，豬肺大約有8塊，湯水大約有5小碗。味道係得~主菜我揀咗：1. 乾撈海皇粉絲煲：有蟹柳c、蝦仔粒、魷魚c、迷你帶子粒、瑤柱c、椰菜c。勁重黑椒味，粉絲太乾身，於是有些乾到係硬咗，煲底勁多油。5健康、5掂、5推介2. 鹵水鵝拼盤：呢個係漏咗單，我地見到附近2枱遲過我地落單都上了菜，於是追。終於來了，拼盤有6款食材：墨魚片、紅腸、腩肉、豬大腸、豆腐片、腎。先講味道，鹵水味5濃。再講質素，豬大腸很硬實、腩肉夠肥。但。。。我完全察覺5到，我豬咗。。。因為呢個拼盤係“走

這天只有兩個人，但大家都想吃中菜，所以我們便不點澱粉質！我們一邊喝茶，一邊吃鹹酸菜，不知不覺便吃了大半碟！這是晚市孖寶套餐。我覺得貴妃雞帶點血，但是朋友說貴妃雞就是這樣，而且雞肉要香嫩骨頭多少會有血。貴妃雞的確很細嫩，味道亦很合適，整體我覺得是不錯的！沙嗲牛肉芥蘭味道很好，芥蘭爽脆，完全不苦，連不喜歡深綠蔬菜的我，都覺得很好吃！蛋散半打只是$26。我覺得很抵食，而且味道都很好！蛋散完全不油膩；而且黃糖及煉奶粉量足夠，所以吃得很滿足！

今晚唔想煮晚餐，所以我們就到屋企附近食晚飯。 見到呢一間有晚市孖寶，價錢幾抵食。金銀蒜蒸斑頭腩魚嘅份量好多，有鮮味。啖啖肉，又唔會話太多骨。下面鋪住嘅粉絲吸收晒蒜蓉同魚嘅味道，就咁食好正，我覺得如果用來撈白飯都好好食。魚腐上湯浸時蔬魚腐有新鮮嘅魚味道，我點有少少煙韌口感。上面有好多芹菜拌味，感覺清新。依個菜清清淡淡，又唔會油膩，健康之選。排骨燜煮春菜排骨燜到好林，最鍾意食上邊嘅炸蒜，春菜其實有啲似菜芯。福果清心丸豆爽潮州糖水最鍾意食清心丸，配上綠豆清熱。呢個糖水唔會太甜，美中不足佢得熱食，如果有得選擇凍食我一定會選擇凍糖水。餐廳裝修好有特色有懷舊風味。

約了好久不見的朋友於四點金食晚飯。座位闊絡，環境都幾舒服，可以靜靜地傾下偈。主打粵菜同潮州菜前菜係酸菜一小碟，好酸好正，菜醃得好入味爽口，超醒胃。通菜炒鮮魷 $108好大碟，翠綠爽脆，調味剛好唔太鹹，魷魚新鮮有嚼勁，份量都唔少，👍🏼椒鹽白飯鮮魚 $88白飯魚被炸至金黃香脆，不算鹹，不過炸衣厚左少少，薄返啲會冇咁膩同滯。加一蚊可要一份鵝肝，雖每枱只限一份，但真係超級抵食！鵝肝被滷至入味，質感軟腍，仲有軟滑豆腐，索左滷水汁，正。最後點了一個福果甜芋泥開心share😄 $26呢個熱辣辣嘅甜品有驚喜，賣相雖普通，但芋頭味好岀，並不是乾身的芋泥，質感黏黏的，綿滑，又唔會好甜，上面有幾粒白果(福果)，咬落好軟糯。

今日同屋企人嚟四點金食晚飯，叫左個套餐，平日$288 ，星期六日$308。三餸一湯 再送招牌蛋散一份 呢個價錢絕對相宜我地叫左杏汁炖白肺湯(呢個要加$20)， 鹵水鵝拼盤，家鄉煎蠔烙，海鮮類因為家人話係網上見過人推介撈海皇粉絲煲，所以就想叫呢個煲。我地問侍應姐姐個煲有啲咩，佢好似唔多知，求其答話有啲蝦有啲元貝咁啦 ，雖然係咁，我地都照嗌咗呢個煲。啲餸菜好快上枱，應該廚房一早煮定哂。快到我嚇親落完單，侍應先返轉頭同我地講今晚冇招牌蛋散，(其實一入餐廳時我地已經問左有冇蛋散先，佢地話有)，落完單先同我地講話原來冇，就算你地真係唔知情，俾個客嘅感覺都唔太好，好似呃左人入嚟咁。希望餐廳係開晚市之前可以好好咁brief 下啲員工有冇啲咩餐牌寫左嘅野其實個日係唔供應，唔好再咁樣呃左人客坐低就轉講法之得架。好講返野食第一樣野就係個加錢嘅湯色澤不錯，味道還好，冇個陣好黑人憎嘅杏仁味，已經好感恩。之後就嚟 鹵水鵝拼盤其實個拼盤好一般，本身對個鵝腸好有期望，點知硬到咬唔到，失望。成碟拼盤係得個鵝片好少少。之後就上左個煲啦，睇圖都見到，真係好多粉絲。所謂嘅蝦同元貝細到得1cm 左右 🤣，真係吹脹。主要都係食

今晚唔想煮飯，約埋老公食埋飯先返屋企。由於老公鐘意食潮州打冷，所以去咗屋企樓下嘅係新都城二期四點金飯店。由於仲係疫情期間，所以飯店係每4人一枱，而且都隔得幾開。坐得好寬敞，好舒服。，又食得安心。鹵水雜錦拼盤（有6款食品，由廚師發版）$98豬大腸，沒有肥膏，沒有壓味。 豬大腸入晒鹵水味豬脷，我以往唔食的。今次老公叫我試吓，咁試啦！又真係ok喎，夠淋。墨魚，都係好淋。容易咀嚼大紅腸及豆腐家鄉煎蠔仔烙$92超大碟，而且係用煎的煮法的。夠蛋香味，又有蠔仔鮮味。最正就係唔會油淋淋。(因為係其他店食過係炸的。非常油膩又多粉)。所以四點金嘅蠔仔烙直得食。川椒龍鳳球$128碧綠紫蘇葉，雞塊，蝦球。望落都好吸引，蝦球肉夠爽。但係都有少少失望。因為比較好鹹。加$1，可以換鵝肝一個。雖然只收一蚊，但係有整個鵝肝亦有豆腐墊底。夠晒抵! 唔錯！