四點金飯店

Open Now

Now Closed

潮州人食潮州嘢。今晚去到寶琳站嘅四點金飯店試吓呢度嘅潮州餐。 最近好容易攰，所以要滋潤吓，叫咗個菜膽杏汁白肺湯。杏汁味香濃，材料充足，豬肺大大件，感覺滋潤養生。再點咗碟欖菜肉碎炒飯，好鍾意欖菜，令人特別開胃，肉碎同炒飯亦炒出色香味。然後來一個乾撈海皇粉絲煲，金黃色嘅粉絲，亦有好多鮮蝦，蔬菜同瑤柱絲作點綴，非常豐富。潮州甜品點可以錯過，今晚點咗棗皇糕同褔果清心丸豆爽，紅棗糕暖暖的，煙煙韌韌的，綠豆爽甜甜的，粒粒綠豆，有口感，好有潮式風味。

今日同屋企人一齊食四點金飯店，感覺上都唔錯！1.水晶蝦皇餃每隻蝦餃嘅蝦都好大隻，爽口彈牙、鮮美多汁。個皮比較比較薄，唔會好似出面飲茶咁厚。2.明蝦子燒賣呢款燒賣鹹味適中，肉質鮮嫩，一啖落去真係好滿足🥰🥰3.醉香棉花雞呢款棉花雞竟然有蟹柳，雞肉肉質好嫩滑，冬菇好入味。4.薑粒雞仔包平時都係食叉燒包，今次就想試下呢度嘅雞仔包有咩唔同。淡淡嘅薑味，食落去鬆軟綿密，再配合埋內餡嘅雞肉，簡直完美，不過一定要趁熱食😌😌5.鹵水鵝掌翼黎到呢度當然要食呢度嘅特色啦，所以嗌咗一份鵝掌翼，一份份量唔算多。但係佢嘅味道都唔錯，鹵水嘅味道好重但唔係太鹹，鹹度掌握得剛剛好。鵝掌好有嚼勁同埋有韌度。6.滑蛋蝦仁炒河第一次食蝦仁炒河，感覺都幾特別。味道較淡，蝦真係又多又爽口！！而且份量夠大，足夠四個人食！7.鹵水豬手撈麵有三大塊豬手！每一塊豬手好似拳頭咁大，啖啖肉真係好滿足！食得出炆咗好耐，肉質夠曬濃香軟爛，而且真係好入味。撈麵都好爽口，值得一試😋😋整體黎講都唔錯，食物款式都幾多

今天難得不用上班，終於可以抽時間陪家人去飲茶🫖。潮汕美食是小時候的回憶，家中老人家很中意整來食。四點金飯店除了飲茶點心，還有各種特色滷味、潮汕特色小食 例如綠豆餅⋯⋯即刻就吸引了我飲茶當然少不了兩大經典：燒賣同蝦餃從這兩個點心已經可以嚐出一間茶樓的水準高低燒賣粒粒飽滿，裏面混合豬肉和蝦肉，鹹度適中同時又充滿明蝦籽的鮮味，師傅手工真的不錯呢！蝦餃的皮晶瑩剔透，厚度適中，包裹著大粒爽口蝦仁，每一口都是滿足⋯⋯鹵水豬手撈面豬手已經燉得軟爛，晶瑩剔透的外皮讓人垂涎三尺🤤滿滿的骨膠原⋯⋯正啊！鹵水與麵也是絕配 爽口的麵同軟糯的豬手雙重口感回味無窮！最後還有一盤鹵水鵝掌翼一般的茶樓比較少見，鵝掌翼全部都大大隻，鹵得很入味！底下還有滷豆腐，一口接一口吃停不下來。

路過見到套餐假日$308元都幾抵，家姐生日飯就揀左呢到。點知事隔一星期已加到$338。一場來到照食。由於6人關係，叫左2個3餸1湯套餐，再散叫左2個餸加$1元豬紅，3碗白飯。食評在相下邊。是日全場爆滿，被安排角落位都好無咁多人行黎行去，食物質素平平，可幸價錢又唔貴6人食左$1300。失望係無蛋散換左紫米露。服務正常唔係好唔係差。會唔會再黎，相信短期內唔會了。四點金門口食一個小菜加1元換的。豬紅無乜味。1元就算吧唔好咁苛刻啫啫鮑魚骨雞煲（$168），鮑魚無食，雞份量勁小，雞骨多肉小，搵笨之作。我覺得食貴妃雞好過。正完澄海滷水獅頭鵝$188，呢個全間最好味，有鵝的清香味，望落大碟其實下邊全是豆腐。豆腐算入味唔差套餐湯杏汁炖白肺腸（加$20），2個餐都係呢個湯，份量唔小，肺好食的，湯可以多d杏仁味潮州凍烏頭，我唔慣食凍餸的，同埋條魚無乜肉又無乜魚味，最唔愛撈海皇粉絲煲，煮得太乾無乜汁水，粉絲多餸小，唔好食一品貴妃雞（例），無乜雞味 正常唔鞋家鄉煎蠔烙，蠔仔唔細但腥味幾重，唔太喜愛鹵水鵝拼盤（紅腸薄片，好刀功），我覺得個汁唔夠入味家鄉春菜煮腩肉(即係芥菜我就一般，佢又唔會好苦，腩肉變排骨，o

寶琳地鐵站上邊嘅新都城有好多食肆，今晚就試吓一間叫四點金潮州菜。餐廳環境唔錯，裝修都新派，樓底又高，空間感十足。因為朋友係潮州人，所以今晚都主打食潮州嘢。首先叫咗個滷水鵝肝鵝腸拼盤。鵝腸上面嘅肥膏唔太多，但咬落去都甘香，亦都爽口，而滷水味唔太鹹，算係啱啱好。鵝肝就非常好食，外面嘅滷水入味，個心中間做到入口即溶嘅效果，拍得住西餐煎鵝肝，好食好食。再嚟過普寧炸豆腐，外皮炸得香脆，入面豆香味濃，點韭菜魚露食，鹹味就啱啱好。另外一個潮州名菜就係沙茶炒牛肉，店員講如果唔係用芥蘭炒，呢碟就唔係正宗嘅潮州菜。芥蘭都揀最嫩嘅部份，牛肉用沙茶醬同炒，好濃味，配合芥蘭嘅青甜都平衡得好好。最後叫返個蠔仔肉碎粥，蠔仔非常大粒，洗得乾淨完全冇殼，肉碎裏面加咗方魚，令到成個湯底都好鮮甜，加少少胡椒粉食，咁就啱啱好夠飽肚啦。餐廳除咗潮州菜，其實都有粵菜小炒，但主打潮州菜，做得唔錯，滷水香濃順喉，令人食過返尋味😋

今日又沒有煮飯，約埋老公食晚飯才回家，經過寶林一堆食肆，真的花多眼亂難選擇，最後老公還是想吃中菜，既坐得舒舒服服，又能歎杯茶。椒鹽白飯魚加一元韭菜豬紅白飯魚大大條，而且味道夠香酥，外層炸得金黃脆口，白飯魚鈣質豐富，魚肉白雪雪，但太大條有骨，太細條又失去魚味， 四點金飯店的白飯魚size剛剛好。 指定優惠小菜可加一元的韭菜豬紅，一元的東西本來就不期望味道，意外的是豬紅非常入味，爽口不黏牙，韭菜沒有渣，一元簡直超超超值。鹵水雜錦拼盤鹵水味純厚，鮮香可口，豬耳夠爽口，紅腸味道鮮香，鴨腎幼嫩爽口，有嚼勁，大腸不腥，墨魚片夠彈牙，而鹵水豆腐吸盡精華，超入味。老公幾乎自己就吃了一整碟。潮州小炒皇小炒皇味道超讚，超推薦的，好夠鑊氣，還有惹味的魷魚作配料，色香味俱全，配料還有蝦球，三色椒，花生，韭菜等...... 廚師掌握火喉剛剛好，保留了韭菜的濕度，又不會令其他配料過乾，吃得出清鮮爽嫩滑的口感。

今日去完將軍澳體育館打針，順便去新都城嘅四點金飯店醫肚。明蝦子燒賣燒賣薄面皮，有肉餡和蝦仁，口感扎實爽彈，食完好滿足。時菜牛肉球牛肉球一向都係我嘅至愛！牛肉球啖啖肉，好juicy，加埋喼汁簡直無敵！好味，好味！叉燒雪山包雪山包外皮香脆，叉燒餡算多，有蜜糖甜的味道。翡翠鮮蝦腸腸粉好滑，除咗有鮮蝦之外，仲有翠肉瓜，口感豐富，豉油又唔會話好鹹，味道不錯。福果芋泥上次食完一次福果芋泥之後，每次見到有得食我都會食。芋泥口感順滑，好香口又唔會太甜，加埋福果食就可以增添口感！

難得今天是假期，於是便約了媽咪一起吃一盅兩件，嘆午茶。我們選了到四點金飯店，一來這裡坐得舒服，食物亦很有水準。我們大約十二時到達，坐下後，便看看點心紙落單。這裡有多款款式選擇，不單有傳統點心供應，還有潮式特色食品以供選擇，最吸引的，當然要揀平靚正的孖寶。我們叫了兩個孖寶，分別是水晶蝦餃皇拼香煎南瓜粿，及懷舊綿花雞拼鮮蝦莧菜餃，也叫了一碗至尊蠔仔泡粥，和素翅灌湯餃。水晶蝦餃皇果然晶瑩剔透，飽滿脹卜卜，入口爽滑，吃到濃濃的鮮蝦味道香煎南瓜粿煙煙靭靭，細看原來粿子上印有福祿發財，真是好意頭呢！懷舊綿花雞雞肉嫩滑，綿花份量好多，冬菇又大大隻，確是超值之選鮮蝦莧菜餃是健康之選，原隻鮮蝦有咬口，莧菜嫩綠夠fresh，這個配搭恰到好處蠔仔粥非常地道，蠔仔新鮮惹味，兩個人食啱啱好素翅灌湯餃湯底味道濃郁，加埋足料灌湯餃一起吃，令人回味無窮啊！

剛巧來到寶琳，就記住要再食四點金， 除了名字好記， 還有一份好值得令人記起的美味。今次叫了優惠套餐的清蒸沙巴躉加潮州蠔烙， 另外因為太抵的關係叫了通菜炒牛肉和加一元加配的韭菜豬紅。清蒸沙巴躉雖然是特價套餐， 但這條魚一點也不細， 而且賣相 新鮮吸引！ 同類型的鮮魚價錢也差不多接近二百元， 這裏的有專業廚師煮好， 而且熱辣辣送上， 絕對值回票價。 蒸魚的火候剛剛好， 嫩滑得來熟透， 不鞋口不黐骨， 魚肉尚有一點咬口， 而且魚鮮令人齒頰留香！潮州蠔烙很特別， 應該加了一點類似番薯粉令它帶有一點煙韌口感的蠔餅， 配合充滿鮮味的蠔仔， 又相當不錯， 每一口都充滿煙韌鮮香。通菜炒牛肉有鑊氣，通菜炒得脆口， 用上新鮮牛肉， 充滿牛香之餘再配上腐乳香， 好搭配。韭菜豬紅豬紅最緊要新鮮， 這裏更加做得非常入味， 韭菜翠綠不黐牙。帶著滿足的心情離開時看見餐廳品牌自家製的綠豆餅， 又忍不住買了試試， 同樣沒有令人失望， 下次回來再買！

一行三人，午膳喇!將軍澳新都城二期，走到入嚟見到四點金，睇下食得咁唔甘先!咁我哋坐低叫咗啲美食，叫咗幾款點心，再加碟咸魚雞粒炒飯，點心有時菜牛肉球，叉燒雪山包，翡翠鮮蝦腸，咖哩豬皮魚蛋，蘿蔔清湯牛腩，三個人280，午膳差唔多喇，都唔算差喇。咸魚雞粒炒飯， 有鑊氣立散 又唔多食落鹹鹹地有鹹有鹹魚味 而且配了 都唔錯 三個人一人兩碗有多 呢個炒飯值回票價點心有時菜牛肉球， 時菜時蒸得啱啱好，最遲上格就係佢，到枱時仲脹卜卜，好耐冇食過咁有香味嘅牛肉球，入邊仲有幾粒馬蹄，爽脆聲入耳。叉燒雪山包好似墨西哥咁白雪雪，不過有個特別就係相同，啲雪山唔會隨便跌落嚟，咬落去一粒粒 咁散晒，完全同墨西哥唔同呀！ 一邊甜甜地叉燒頂一頂，口味甜甜地，食落口滑一滑爽呀!翡翠鮮蝦腸，大大粒鮮蝦，粉皮薄一薄，爆旋粒粒下上，呢三條賜粉，一開二件件都有兩隻蝦，呢個蝦腸用料足，果然唔同呀!食得再嘗試，有蝦味，同啱啱出爐，即整即食，去邊度搵呢，梗係嚟呢度啦!咖哩豬皮魚蛋，以前街邊食品，後期少咗街邊檔，要食呢味嘢真係要撞到先至有得食，雖然唔算好辣但係個人口味，咁都算係得咗，呢啲辣辣咖哩魚蛋味，整得都算合格，唔算太林，亦都唔會太

💥約了朋友去將軍澳食潮州菜，叫四點金飯店，個名都幾懷舊，現在古老當時興，什麼冰室、飯店名紛紛出籠🤩🤩裝修以宮燈為主題，有豪華大紅燈籠式、簡單掛燈式和銀白式組合，好有心思💕💝開茶跟著有潮州鹹菜小食奉上見到枱枱都有韭菜豬紅，原因在此，指定優惠小菜一款，可以一元一份，如此筍價，當然唔執輸啦😉😉份量雖然不大，但過下口癮，豬紅醃得入味， 韭菜新鮮 優惠小菜揀了啫啫鮑魚骨雞煲夠哂鑊氣，上枱已經香氣四溢，洋蔥味香到不得了，有雞塊、肉片和開邊鮑魚鮑魚軟韌適中，慢慢食味道盡出通常會叫鹵水拼盤，因為每家的組合各有不同，今次有紅腸、豬朵、鴨腎、 墨魚、 豬脷和豆腐豬脷較為小見，常有的鵝腸反而無😔，豬耳爽口， 墨魚煙韌，美中不足就是配碟的鹵水汁太少潮州鮮蝦炒粗麵麵條似廣式粗麵餅， 但質地比較薄身和軟綿，更容易吸味，配菜有蔥頭、芽菜、香菇絲、洋蔥絲和鮮蝦仁，配上黑醋食， 消除膩滯，特別開胃✌✌2個人睇落都幾食得啊

今日約咗將軍澳之友食吓飯，呢間餐廳裝修唔錯，古色古香👍🏻👍🏻環境舒服，乾淨企理，空間感好夠，坐得好舒服👍🏻👍🏻⭐️韮菜豬紅⭐️ 每週精選$1 每星期都有唔同優惠味道可口，熱辣辣,好惹味，一定要試👍🏻👍🏻⭐️豉椒炒蟶子⭐️$98蟶子最緊要無沙，又夠鑊氣，蟶子炒得時間岩岩好，爽口，彈牙👍🏻👍🏻⭐️通菜炒尤魚⭐️$108尤魚超彈牙，好入味，通菜無發寶膠架😋😋⭐️沙茶牛肉⭐️$88牛肉嫩淋，同沙茶味好夾🥰🥰⭐️瑤柱蛋白炒飯⭐️瑤柱份量好多，炒飯係一粒粒，超有咬口👍🏻👍🏻呢餐飯好滿足🥰🥰

專登搭地鐵入嚟食潮州嘢，懷着看見食評的好評有一絲絲的期待，點知感覺….少少伏😅呢一度係好抵食可以用一蚊換韭菜豬紅，但係個韭菜豬紅完全冇味道，我叫咗個小菜（豉椒炒蟶子）啲聖子好心佢用啲白酒落去吐返D沙…鬼唔知好鬼新鮮咩成口都係沙😂😂，飲咗個胡椒豬肚湯，喊到阿媽都認唔到完全冇胡椒味仲諗住驅一下胃寒，點知個腎受罪，真係好鬼咸睇嚟呢度只可以食鵝腸同埋掌翼…滷水得幾入味這裏有少少分攞返。其實本人都冇乜要求食得落口都唔會太差…加上我知道咁嘅價錢但係真係好鬼難食….最後芋頭鹹肉炒飯更加係….今日唔知個廚師咩，點解個炒飯係冇味係咪冇落鹽😅😅😅

住將軍澳幾年，成日都出入新都城，但甚少過百佳呢邊，今日因為約人，先發現有間潮州菜，「自己人」好耐都未食過潮州菜，就決定試試。因為我哋只食咗個brunch， 所以呢餐晚飯點咗好多嘢食。先點咗我最愛嘅杏汁豬肺湯，原來一窩份量都幾多，差不多有8-10碗，味道清甜，滋潤養生冇味精，豬肺好味又夠淋！依家點選精選餸菜可以加$1點韭菜豬紅，豬紅係我愛人至愛，所以就為咗豬紅點咗聖子，聖子味道不錯，份量夠多，送飯一流。豬紅反而係我哋嘅主菜，豬紅微辣，味道很不錯。另外點左滷水拼盤，裏面竟然有愛人至like嘅豬大腸，好邪惡但好正呀！滷水拼盤真係性價比，份量又多又好味，味道唔會太咸岩岩好。總結，滷水拼盤是必點之選，而喜愛飲湯嘅朋友，必試杏汁豬肺湯！

約朋友食飯，方便大家就揀到寶琳站，近B1出口，交通非常方便。環境舒適，而食肆有C區供6人一枱可跟朋友歡樂聚餐。餐牌上有多款菜式外，還有抵食晚飯孖寶(A-F款)，每款有兩個餸，一個是固定菜式，而另一個是二揀一的。我揀了F款($208)鳳梨梅羔一字排甜甜酸酸挺開胃喔，一字排充滿肉汁，啖啖肉，美味可口。潮式凍烏頭魚一大條起骨開邊凍烏頭，怕魚骨的就放心食喇，記得點豆醬呀，因為是絕配！凍食款式最啱天時暑熱食！戲棚海鮮粥($48)材料有蠔仔，魚片絲，肉碎，一碗足夠2人食，鮮味十足。