海福樓 (Closed)

古語有云「不時不吃」。縱使現今科技先進，食材可不分四季人工養殖及培育，可是我還是喜歡依循大自然的定律，享用四時為我們帶來的口福之樂！ 單憑「海福樓」之名，必然包括滿載海洋賦予的口福之意！ 「海福樓」位於紅磡「九號水產」內，「九號水產」 以水產市場為概念，場內提供多款新鮮海鮮和專題食店，而「海福樓」是唯一一家駐場的中式食肆，廣東人最善長烹調海鮮，「海福樓」當然是首選！ 那到底冬季有什麼時令海鮮可品嚐？原來十一月份正值蟹祭，一看蟹池生猛的皇帝蟹，心裡恍然大悟的「叮」了一聲，不作他選、兼不二之選的不時不吃就是皇帝蟹了！ 先來碗老火湯，滋潤一下喉嚨，天氣乾燥的佳品！ 百味脆豆腐 以湯代酒，一邊品嚐小菜，一邊聊天，賞心樂事也！這道百味脆豆腐，皮脆肉嫩不在話下，黃色的「雀巢」更是以蛋皮製作，色澤金黃，薄而纖巧，精工之作！ 蜜餞叉燒皇 一咬蜜味叉燒皇，隨即感受到軟腍鬆化，與及夾附甘香油脂的肉質，釋出甜蜜蜜的叉燒滋味！ 煎藕餅 既爽口又香軟的煎藕餅，蘸上喼汁更是開胃！ 皇帝蟹二食 星期一至四以 HK$2000 的優惠價，可品嚐約兩公斤重的皇帝蟹二食，二食包括蛋白蒸蟹腳和南瓜忌廉焗飯，品嚐前先看看我們的

上星期約了一班好朋友再次去到九號水產吃晚飯，不過今次唔係食日本菜而係食廣東菜，而揀選的餐廳是海福樓 。 大家是否對海福樓有點陌生呢？確實佢係一個新品牌不過背後主理的團隊其實是大家熟悉不過在香港享富盛名的福臨門集團。 滿帶期待的晚餐由一碗熱辣辣的節瓜章魚瘦肉湯揭開序幕，湯色十分濃郁富滿滿的章魚香氣，絕對是一碗合格的老火湯。 食粵菜很多時也離不開美味叉燒吧！這兒的叉燒肉質頗軟熟而且唔會太肥，但味道略甜很適合喜歡甜蜜口味的朋友。 再來是香口美味的百味脆豆腐，從來不是貴價材料的豆腐炸得香脆可口內裏嫩滑即變成人間美食，吃下的是不少功夫呢！！ 還有懷舊菜式香煎蓮藕餅，煎得香口的藕餅質感唔會鬆散合格有餘啦！ 食完幾款少吃後我們走進九號水產內的海鮮檔揀選美味海鮮，今日恃著人多整返隻皇帝蟹大拆一餐吧！ 另外還點了蒜蓉粉絲蒸元貝因為實在太抵食了！做緊特價這隻北海道大充貝只信＄10/隻，除了堂食之外我還另外買了五隻回家給車爸爸作宵夜，隻隻肥美肉厚鮮甜細嫩大家行經必要入去掃貨喔！ 蒸至嫩滑的元貝加上蒜蓉粉絲試問怎能抗拒這魅力呢！ 接下來還有爽口鮮甜的豉椒炒蟶子，芡汁打得恰好不會過於杰身惹味非常。 再來便是

持續寒冷的天氣下，最好的保暖方法當然是相約友好大快朵頤！喜歡中菜尤其是海鮮的朋友要注意，黃埔「九號水產」場內，最近新開了由「福臨門」集團主理的 海福樓，食客可親自從海鮮大街挑選新鮮海產再交餐廳精心烹調，體驗美妙海鮮盛宴！ 坦白說，大鄉里的甜魔媽媽也是上週中才首訪黃埔 九號水產。這個佔地五萬呎的全港最大水產概念場，除了乾淨企理、毫無腥臭味，物價也比預期中相宜很多，例如鮮活的北海道元貝，只是$10/隻，會不會太抵食了？ 面對如此價廉物美的元貝，除了選來當晚即場烹煮，煮得一手好菜的車媽媽入了一批帶回家！聽她說，如此鮮美的貨色，簡單清蒸已經可以了，下次我也要買回去試試～ 除了元貝，蟶子及皇帝蟹也是我們的目標；大家選了隻約4斤重的大蟹，帶去海福樓，來個幸福一蟹兩食！ 作為場內唯一中菜，海福樓 地方闊落舒適，以船身及海洋為主題的環境十分輕鬆；在這個秋季，主打蟹類菜式，如避風塘麵包蟹、白汁芝士焗蟹蓋，以及我們選點的皇帝蟹二食等～ 抵達後先以粵式老火湯滋潤一下，當晚是 節瓜章魚瘦肉老火湯，十分家的味道，我非常不客氣喝個清光！接著又有鬆化甘香的 叉燒、外脆內嫩的 百味脆豆腐，以及簡單見真章

秋來蟹兒肥，各大中外餐廳皆在推廣 ”蟹逅” 美食，繼新同樂吃過蟹粉、Fish & Meat 及 Porterhouse 嚐過西蟹之後，今晚我終於一嚐蟹之真身，來到黃埔九號水產的海褔樓，與皇帝蟹會面，約2kg 來自俄羅斯的巨蟹，不幸被我們看中，即買即煮，新鮮無比，皇帝蟹二吃，閒日開心價$2,000大元，足夠我們6人分享，性價比高！ 難得的是，烹調有心得，並非隨便蒸煮，大廚不介意工序，客人吃出工夫來。 皇帝蟹二吃 蛋白蒸蟹爪 皇帝蟹二吃的第一道，說實話，蛋白蒸蟹很多飯店到有做，有咪特別？分別就是，不少酒家先蒸蛋白、然後加蟹，這樣做，蟹與蛋白只有身體接觸，並沒有產生多大化學作用！ 相反地，海福樓的心思、是先蒸蟹，然後把流出的蟹汁精華混入蛋白內蒸，不需多講，大家可以想像到，妹仔大過主人婆，蛋白可能比蟹還要好！美味超出預期，蛋白真的鮮甜亦滑溜，表面完全沒有皺紋，亦沒有積水，吃蛋白已經滿咀蟹之鮮美。 巨大蟹爪亦不輸蝕，新鮮生劏的確不同，肉厚有彈力，肉汁亦豐富，飯店配備剪刀，開懷大吃，不會太失儀！ 南瓜忌廉焗飯皇帝蟹二吃的第二道，賣相非常吸引，蟹蓋作頭，米飯砌出圓形的身軀，焗至微焦的葡式焗飯，透

近大時大節真係唔好去試新食肆！中大.......伏！😱我地興高采烈先到「九號水產」海鮮檔揀咗條紅瓜子（差不多兩斤重）及八條聖子俾「海福樓」代煮！誰知呢餐飯食到不知所謂！成晚先係有餸冇飯...繼而有飯冇餸！😡8點開始上菜每隔10-15分鐘才上一道菜、由8:30開始追問條魚幾時可以上？得到不同既回應係「馬上」、甚至係教育式的「蒸魚嘛！梗係耐啦」！最後拖到九點鐘魚才上枱！生生猛猛嘅魚上到枱竟然係陣陣腥味、條魚甩頭甩骨！呢個廚房蒸房功力連我依個師奶都不如！更懷疑條魚有被偷龍轉鳯！😳最後經理主動減茶錢送月餅！但都無補於事！不會有回頭！👎🏻👎🏻👎🏻😳是晚菜式-叉燒、金鈎銀絲椰菜、京蔥海參豚肉煲還算不錯！三杯雞醬汁太甜、椒絲腐乳通菜腐乳味不夠！最可惜條魚、除咗甩頭甩骨、蒸魚豉油毫無鮮味、諗唔到蔥絲竟然係生既、可能被我哋催得太犀利！應該係油未滾！無言！😳😳😳

九號水產原來係黃埔開左一段時間，但係完全都無發現到！可能係facebook無咩人提，宣傳又唔多，所以無人留意到。九號水產距離黃埔地鐵站都唔係非常遠，大概步行五至八分鐘就到達。九號水產內有幾間日本餐廳，海鮮檔，中餐廳等。我地一家人最後就選擇於海福樓用膳！晚飯時間餐廳用膳既人都唔多，唔使排隊等位就已經可以入座。餐廳裝修都十分優雅簡潔乾淨，比起係鯉魚門海鮮坊食海鮮嘅環境好。因為食嘅人數唔係好多所以都係揀咗兩款海鮮比餐廳煮。海鮮價$300或以下，餐廳會收最低＄100代煮燃油費，高過$300就再按比例收費。聽屋企人講喺呢度揀嘅海鮮價錢同街市買差唔多，所以都幾抵架！多人食都會買條魚蒸下！揀咗八條蟶子每條＄20再加餐廳代煮燃料費＄100！一碟新鮮甜肥美又夠火喉既豉椒炒蟶子成為$260！係九號水產真係即睇即揀即刻煮！除左蟶子，我地仲揀左帶子！每隻帶子海鮮價都只係$10！實在太抵食！經理推介蒜蓉粉絲蒸最好食可能蒸得耐左少少，帶子變硬左，整體來講都唔錯除左海鮮，仲叫左幾款小菜試下！另一推薦蟲草花杞子百合浸豆比較清淡，豆腐又滑，小朋友都食得！對餐廳服務及食物印象都唔錯，下次會再去食但問過包房都係得十幾至二十

今天的家庭飯聚,特地試一間新中菜。聽聞是由福臨門班底主理，所以就去試試啦燒乳豬皮脆而且沒有一點肥膩，把本身的肥膏都去掉乳豬件半肥瘦的乳豬件，因為有豬有一點的肥令肉身不會乾掉更為滑口豉椒炒聖子本人最愛豉椒炒系列，這個豉椒味極香濃，而且聖子肉很新鮮厚肉又甜。蒜蓉帶子 現在帶子做promotion , 係九號水產海鮮檔買只係10蚊一隻，可以攞去酒樓煮。帶子而且十分新鮮唔係啲咩次貨。法國藍龍蝦上湯伊麵蝦杆超大，有我隻手甘大係外面一般都係用波士頓龍蝦做上湯伊麵，波士頓龍蝦都比較重海水味而且好多店家都無處理好就會有一種味。 而法國藍龍蝦比波士頓龍蝦更為鮮味，是淡淡的海水味，很彈牙，肉質比波士頓更好。伊面底亦好足料，無好似其他酒樓煮得過淋。依個真係必試炸炸炸子雞炸子雞由新鮮雞做，皮薄脆，肉嫩十分juicy沒有很重的調味，重可以食到雞味！薑汁芥蘭我愛薑汁，所以好鐘意依個餸!薑味濃！清蒸三刀沒去鱗蒸更保留原本魚味。馬拉糕&千層糕 馬拉糕鬆軟不算甜，千層糕就好多欖仁。總結：以食物和環境是很不錯，重點現在新開業有85折及場內買水產有特別優惠。以後可以唔洗去到鯉魚門都可以食到新鮮海產啦！

九號水產新開張，多數都係日本菜，就是得海福樓一間中菜。它不是最平的餐廳，不過性價比一定是黃埔區數一數二的。新開張仲有85折，把握機會去喇！小弟去過三聖村同鯉魚門，覺得環境好差，海鮮舖濕淋淋，污糟邋遢，酒樓又污糟，價錢又不算平，相反：九號水產用同一型式連作，但海鮮舖在室內，有冷氣，又乾淨，又不用自己拎住袋海鮮，消費不相伯仲，但體驗正好多。交通都好方便，地鐵黃埔站C出口行5分鐘就到，再近啲有大把停車場。小弟特別介紹：蟹蓋 - $128叉燒 - $108滑蛋蝦仁 -馬拉糕 -

今日黃埔花園食飯又多了一個選擇，位於9號海產內的海福樓終於開幕了。餐廳設計帶點個性、用水泥做牆身、加上木製船骨作為骨幹。今日晚餐由朋友發板、而且非常豐富。包括了廣東叉燒，脆皮燒雞，上湯煮法國藍龍蝦、淮山螺頭燉湯，釀焗蟹蓋，黑松露滑蛋炒蝦球！首先講下碟叉燒，係用正宗梅頭肉燒烤、燒得好有水準、入口有少少焦香味道、肉質有嚼口帶有小小肥、唔講以為佢係用上了黑毛豬。脆皮燒雞、賣相非常吸引、未上枱，就已經聞到燒雞香味。自己比較鍾意食雞背骨位置、所以特別覺得美味。雞皮入口非常香脆。連雞胸位置都好滑入味。淮山螺頭燉湯，用料充足、非常清甜、還帶點膠口感覺。焗釀蟹蓋，雖然賣相有點浮誇，但餡料非常豐富、有新鮮蟹肉，帶子，鮮蝦等、外面焗得好香口、入口鮮甜。黑松露滑蛋煮蝦球、可能自己唔係太鍾意食黑松露，所以覺得有點畫蛇添足的感覺，影響了整體的味道。幸好蛋炒得好滑、蝦球丈大隻補返數。上湯煮法國藍龍蝦，係今晚主菜。餐廳和9號海產的海鮮檔掛鉤、運作有點似鯉魚門、但是收費亦非常合理。兩隻法國藍龍蝦都加起來都不用1000元。這道餸，炒得夠鑊氣，烹調時間啱啱好。龍蝦有嚼口、龍蝦味強勁。煮得最好的地方、就是這個芡汁夠薄及不太