金滬庭京川滬菜館 (Closed)

我是在屯門認識呢間店.如果屯門店已執了n年.有點可笑是呢間店出名的.不是任何食物.是一壺的人參烏龍.平時去食店飲的茶.只會越飲越淡.呢間店的人參烏龍是越飲越濃.越濃越回甘.只是為茶而來也值得..首先呢間店.價錢不是便宜.但勝在環境闊落.坐得舒服.服務也不過不失炸乳鴿:42元(2隻)也不算細隻.剛剛炸起的.皮脆肉嫩.十分惹味.煎餃子:比平常的餃子大隻.世上無二全其美的.要皮唔穿,一定要皮厚,咬下口.豬肉肉汁散發在口中,相當好食.嫰雞煨麵:不是煨啦.太多湯,幸好大碗,雞肉份量同菜的份量十分平均.而雞肉味道甜美.好正!!銀絲卷:熱辣辣.易入口.咬下去,一條條跌下來..令人有點狼狽

大約21:15 到, 不用等位, 入內看到仍然有好多吉位!!2個人叫了3個送~~擔擔麵: 我很少食擔擔麵, 我朋友就很有意見, 因為他很喜歡食擔擔麵的, 佢話D麵都好入味, 佢話平時的擔擔麵要一啖湯先食都好味, 有D麵會冇味的, 但係佢話金滬庭依間既金滬庭連D麵都好入味, 所以比個GOOD~~沙鐹雲吞雞: 我細個時就已經好中意食沙鐹雲吞雞, 依個湯真係好好味, 好鮮, D湯有少少甘香留係個口入面, 個沙鐹雲吞雞大約有8粒雲吞, 我反而覺得D雲吞麻麻地, 入面舊肉好似我MAMA平時整肉餅D味..所以依度扣左少少分....個湯就, 雲吞就小籠包: D肉同沙鐹雲吞雞D雲吞一樣 但係就真係好有肉汁LOR人蔘烏龍: 以為好特別, 可能我太高期望. 冇咩人蔘味...得烏龍味, 係有少少甘~~~~

每次去到食飯都好滿足..水準幾穩定以下係我精簡的推介1. 酸辣麵...非常推介(不過間中一次會少少失水準, 不過唔駛太驚)2. 水煮魚 (超辣LIKE辣既人會勁LINK, 不過一定要小心食唔好一路食一路講野...死梗)3. 花雕醉豬手...必食酒香到呢.....4. 雪菜內絲拉麵...清得黎夠味.... 5. 招牌生煎飽.. 必食真係無改錯名 6. 韮王內絲抄拉麵...7. 黑椒牛柳絲抄可.. 係油架啦不過無計好味係唔健康架啦 8. 煎鍋貼.. 成日都會煎到金黃色又脆口... 真係頂佢唔住...一個人都可以食成碟 9. 回鍋肉.. 都係佢句係油架啦不過無計好味係唔健康架啦 10. 黑醋排骨... 一般啦都唔錯如果可以酸D就滿分11. 紅油抄手.. 記著撈到成粒都汁咁就PERFECT ... 12. 上海粗湯麵..無乜內架..不過D湯會浸到D麵好好好味..... 13. 茶我會推介..西湖龍井..好有龍井味..... 人參鳥龍...參味好夠

一路以黎飲茶都係食點心，只飲水唔飲茶。上星期放假陪兩老去東涌探個auntie，飲茶活動無得避免。幾經auntie推介，試飲左獨特的人參鳥龍茶，好特別，茶唔苦，反而有陣涼涼地同埋好甜口的感覺。雖然係飲茶，不過呢間本身係食上海野，所以都叫左平日飲茶唔會叫的小籠包同埋鍋貼(因為通常飲茶食倒都好厚皮) 今次食的小籠包，皮薄多汁，夾起皮無穿，咬落d湯爆晒出黎，大滿足!至於個鍋貼，好多料。唔鍾意宜家好興o個d長型鍋貼，2邊通lon，d汁會流晒出黎。都係傳統上海鍋貼好食d

金滬庭提供的人參烏龍確實非常非常正可惜執淨兩間分店,一間東涌,一間將軍澳,所以無得話想飲就飲.近期到了好幾次東涌,一直未有機會,皇天不負有心人,今次又黎東涌,終於安排到機會"飲茶"了入場前問知客是否有人參烏龍?(如果沒有我不排除走人),知客有禮貌回答"有啊",我再說需要坐卡位時,她笑說"有啊,我們剛開店",隨即帶領我入店內.除了門口裡面看到的廿幾三十張枱外,轉彎位還有十幾張枱,實在很大的店子啊.卡位由金碟陣相隔,很特別.旁邊一列鏡子,感覺更加開揚.一坐下不等服務生問就嚷著要人參烏龍茶,哈哈哈.用的壺子是瓦質,保熱力極強.人參烏龍茶味道非常純厚且甘香,最特別之處,茶經過喉嚨後,即帶出絲絲甘涼感覺.好舒服.一壺茶約飲五轉便可,因過後那陣甘涼感亦會隨隨消失.除了收茶錢每人十蚊外(晚市收十二蚊),還有硬食小食收十蚊(晚市收八蚊),是花生魚仔.食物紙一大張,分小食,冷盤,飽點,小炒,粉麵飯等,價錢確實幾貴,所以我們二人點了三款食物和一甜點來到上海小店怎會不食小籠包呢?一籠四粒,絕對要趁熱食啊,學別人吃法先在包頂咬開一小個窿,再倒入小小黑醋,然後一整個吞下皮子厚了點點,所以可以玩盪秋千,幸好口感軟

We had dinner after cycling for 2.5 hrs in Tong Chung last Sunday. We had booked the table at 7 o'clock but we arrived at 6:40p.m. A table was allocated to us immediately.The dishes are quite expensive. 砂鍋津白 cost $80 and a bowl of rice cost $12. However, the dishes are quite large. We two people had four things to share. very very full蘿蔔絲酥: it is very big. the hot radish was stuffed in the crispy pastry. there was some sesame at the bottom. delicious but quite heavy. I was already hal

這間上海菜館也來了很多次, 但還沒寫過食評呢以下是我的推介雞絲粉皮: 粉皮爽口滑溜, 麻醬味香, 但略嫌油味重了一點蘿蔔絲卷: 外面酥皮鬆脆, 裏面是熱辣辣一條條的蘿蔔絲回鍋肉: 怕肥的朋友最好不要點, 因真的很油, 但很好吃, 薄薄的一片腩肉, 脂肪和肉的比例適中,肉吃下去是爽口, 嫩滑有脂肪香, 回鍋汁味道杰身微辣, 和腩肉極配~乾煸四季豆: 這個我想是叫小菜必點的吧! 四季豆吃下去口感像走過油, 恰到好相處, 沒半點焦, 外面乾身入面多汁 , 質感爽脆, 配絞肉一起吃, 香口得令人吃上癮, 正!擔擔麵: 湯底花生醬, 麻醬味濃, 麵質ok其他好吃推介有牛肉餅 ,四喜烤夫, 銀絲卷, 鮮肉鍋貼, 時菜肉雲吞, 酒醉鴨, 黃金豆腐等~不推介的如下:鎮江肴肉: 一個字, 鹹!花彫豬手: 以前愛吃這個, 但最近差了, 豬氣味太強, 豬手太肥, 只有皮一點肉也沒有黑醋排骨:肉質偏乾, 口感不佳豆沙窩餅: 不知是不是因為不新鮮製造的關係, 表皮一點也不脆, 而且很厚它的小菜我也沒有試過很多, 通常我們點小食點心吃多, 總括來說, 這裏的菜式大部份是不錯的, 所以好吃不好吃, 是看你怎樣選

東涌食肆本身選擇唔多，再加上好味既話，5隻手指可以數曬！！聽落好似有d悲哀，但至少仲有食肆努力緊，食客都要為佢地打打氣，期望將來有更好既轉變。身為東涌"友"，自然對呢邊既食肆質素熟悉。好肯定係金滬庭下午茶常客，下午茶就當中午飯食，一來扺食、二來可以食多d款式，分享下我通常會叫咩野食啦！ 夫妻肺片：原本唔知係咩東東，簡單講其實係帶麻辣味既牛脷同牛肚，之前無試過上海菜有內臟，對我黎講好有新意。鐘意牛脷爽口、牛肚"淋" 度適中，麻辣汁更係最愛，用黎點銀絲卷一流！ 雜菌湯飯：呢個係第一次試，都唔錯！d菇新鮮好味，湯底味道較自然，但唔乏味，清清地同夏天好夾。 蒸銀絲卷：早期認為金滬庭既蒸銀絲卷係一絶，點解？原因係佢極之鬆軟，會見到裡面由一條條獨立既麵粉條條組成，一咬您會感覺到鬆軟中一層層既質感，好正。但近期一個多月，質素明顯下降，再睇唔到同食唔到一層層既質感，雖然不至於死實實，但跟以前比較，確實相差好遠、好遠！唔知係麵粉既問題，定師傅技術問題，總之希望佢地可以改進啦！ 鮮肉鍋貼：皮夠煙靭、肉較鮮、汁夠多，煎得夠香，正！ 嫩雞煨麵：上海野通常比人感覺較為油，叫碗嫩雞煨麵可以中和一下。有青菜粒、雞粒

小籠包很大件, 夫妻肺片太甜又辣, 炒年糕普通, 生煎牛肉包太濕且味道一般, 人蔘烏龍太甜.

呢排日日都係東涌 愉景灣返工....車錢同埋食野都好昂貴...諗起食野就緊加頭痛唔係大食代...就係河合居/...\就唔係就係士的屋但呢D要平日先有優惠....假期就冇..返愉景灣緊加慘...冇啖好食...今日聽到同事話去食金滬庭...都想試下...一聽滬菜就知係上海野...上海野我會諗起小籠包...擔擔面..由於好肚餓既關係..叫左好多野食...擔擔面 x 2 湯底熱辣辣....要左小辣...差唔多成碗我食晒....係飲唔晒d湯...小籠包 x 2 小籠包d汁支晒出黎...驚熱,,,一啖唔敢食晒排骨炒粗面 好多油...d面好粗...勁正...排骨好大舊...啖啖肉...胡椒豬手 同事叫...好怕食豬手豬腳...鮮肉鍋貼 好好味a!!!個皮厚左d...生煎牛肉餅x2 熱辣辣...d汁同小籠包一樣支出黎..豆沙?? 個皮好厚...3"胡"茶...d茶好正a!!!人參烏龍...仲有一個唔記得左係咩...下次一定會再黎...不過要下午茶...因為真係好抵...最衰醉雞好貴...如

金滬庭（東涌）食評：美豬蓮間中都會吃一次上海菜，但是上海菜的煮法大多數是濃油赤醬，時常吃的話，美豬蓮的腸胃也未必能應付下來。位於東涌東薈城的金滬庭是美豬蓮常去的上海菜館之一，今次美豬蓮一行二人就來吃一頓簡單的晚飯。先開一壼人參烏龍嘆一嘆, 然後再慢慢地打開點菜紙點菜。今次主要點一些常點的馳名小吃，看一看水準有沒有下降。菜式包括小籠包，乾煸四季豆，生煎牛肉飽及鹹肉菜飯。不需五分鐘，四道菜同時送到桌上。先吃小籠飽，看來個個樣子豐滿，一看就想把吞進肚子裏。用筷子夾着飽頂，然後點一些鎮江醋，看一看有沒有「盪鞦韆」的狀態，結果是倒下來了。因為皮做得不夠薄，餡料亦太多。對美豬蓮而言，夠抵吃也！不要太尖酸吧！因飽裏不...乏肉汁，豬肉餡亦頗有鮮味。生煎牛肉餅，非常辣口，一碟有二個，餅面煎得非常香口。咬開一點看見肉汁豐富。好吃！肉質很嫩滑，味道合宜，此餅趁熱吃為佳。吃後亦會令美豬蓮想起九龍城的清真牛肉餅。乾煸四季豆，食到唔停口，這句話是真的，因為此道菜好考工夫的，第一要炒得夠乾身掛味，第二要保持爽嫩翠綠不過火。這店的確足得到。尤其他的材料十足，有絞肉、蝦乾、蔥末、薑末、蒜蓉及芽菜等，配極細碗的菜飯吃也

中午吃了十多款點心，再加上去食友新居家訪時吃的心太軟，基本上已飽了九成。大家仍依計劃六時到金滬庭晚膳，我當然是奉陪，不過每款東西也只能淺嚐一口。先來涼菜兩款開開胃口，是鎮江肴肉和海蜇青瓜絲。前者是我點的，主要喜歡肴肉的清新感覺，而這裡的出品也對勁，肉質鮮美，帶點煙韌口感，仍保持涼快感覺；後者則相對失色，海蜇並不爽口彈牙，有些韌，亦稍欠麻油香，鋪面的青瓜絲，偏稔身，不爽又淡口，嚐一口便算。收起涼菜碟子，再來的是兩味刺激的餸菜。水煮牛肉，一看便知不是正宗。雖然已叫了加麻加辣，但港式做法，麻辣度始終柔弱，溫度又是不足，與川菜的麻辣燙扯不上任何關係。呢度既霸王辣子雞並不是要在辣椒堆中找雞丁，因此麻辣度也不致太厲害，更奇怪的是除了辣椒外，還看見幾粒泡椒，又是新派制法。還好，雞肉尚且嫩滑，食味並算太差。吃了辣菜，再來醒胃的黑醋排骨。煎過的排骨，挺香口，肉質鮮嫩鬆化，肥瘦比例適中，黑醋酸度得宜，飽極也吃了兩件。再者，我們亦點了蒸銀絲卷，除了點煉奶外，醮黑醋汁和水煮牛的辣汁也可以。食友們有彈無讚的上海粗炒，我也勇敢地嚐了一口。果然，麵條過稔，又不入味，大家沒有說錯。完成了咸點，本來已打算埋單走人。但係

話說, 某週日，yan, 龍哥, FL, 和我，心血來潮，跑了去Oli 家搗亂。最主要還是搗亂人家個雪櫃，人雖少少，不過食力強勁 - 由於屋主oli親製的心太軟實在美味非常，Yan已忍不住吞了三大個，而我，雖然臨上樓前被龍哥揶揄我"對肶粗咗"(嗚...)，但都吃了1.5個；另加一盒半自製雪糕....不過到晚上，打了陣波，食力回歸；雖然對家居樓下的金滬庭印象一般，本無期望，但東涌的這家的出品卻是竟喜連連；結果，唉，又吃了不少.....(肶呀肶，你快高長大把啦....)海蜇青瓜絲 - 海蜇皮切得粗幼適中而不韌，雖爽脆度不太足，但都算合格有餘；如yan所言，麻油不夠香，欠了些大師傅的風範，不過倒也有點上海人自家製作的味道，感覺較親切，不經不覺吃了大半碟。鎮江肴肉 - 肉是香了，不過我覺得肥膏的比例太少，不夠豐腴，許是為了遷就廣東人的口味而作出了改良。黑醋排骨 - 這一道很多館子都做不好，這裏就相當對板，令人有驚喜！鎮江香醋的醋香中和了排骨的肥膩，而排骨也夠酥，作得不錯。六人小組也嗜辣，也忍不住叫了些辣菜；不過水煮牛肉較人有點失望，麻香辣香皆欠奉 (我們還是加了麻加了辣的呢) ，牛肉也只是平平

飽到反胃其實與這頓飯無關，主要是自己對甜品抵抗力太差(還是根本沒有??)，先在殷悅吃了不少飽肚甜點，又在Oli家裡鯨吞3個心太軟，及大量美味自家製雪糕...　然而探完新居又打完波，大家仍是照原計劃到金滬庭晚餐。全靠兩位大胃公坐鎮，是晚六人可以得嚐還不少的菜式：　鎮江肴肉-雖只試了小小的一口，但覺肴肉非常鮮香，膠脂比例又不過份，相當好吃，如有胃納我一定吞掉三數件或更多!　海蜇青瓜絲-淺嚐了一小條海蜇，彈性一般，也沒有吸引的麻油香，加上清淡青瓜，不算滋味但幾適合胃口欠佳的女生們。　小籠包-巨大的身量與皮薄不成比例，主要是肉餡太太太大了；雖然豐富的湯汁是個賣點，可味道不夠鮮，而且令小籠包極易挾穿，大家評價是很一般。　　黑醋排骨-肉質鮮嫩的排骨加上酸甜開胃的黑醋汁，煎至香口熱辣，Oli的推介果然不俗，被大家吃得清光!　霸王辣子雞-另一款地頭蟲介紹，雖然不是正宗四川干煸口味，辣度也減低許多，但改版的雞肉香辣可口中保持嫩滑，口味還是挺吸引的，我也特別破例吃了三數件!　水煮牛肉-憑外表也知好極有限，果然味道同賣相一樣不濟，一點不香辣刺激，稱它似辣牛湯粉其實更為貼題...　　上海粗炒-食友們都彈粗炒難

因為有免費車票的關係..今天黎個昂平360 一日遊 星期日去真係好痛苦..因為到到都多人..就是等纜車每次都要等成半小時 因為怕多人同埋覺得素菜唔係咁吸引的關係．．我地冇去到食素！已經太累了．．已不想再想．．想找到坐得舒服一點，食得比較好的地方休息一下！早的關係不用等位．．太好了！姐姐記得他是有迫螺春提供的 一看餐牌先知原來茶價成＄１２位 好在叫左迫螺春．真係要飲多幾杯！餐前小食都要＄１５．．下難又真係貴左D喎 排骨拉面 $38 : 豬扒冇咩味麻麻地...拉面算大碗面質也不差 大班炒飯 $60 : $60 碟炒飯都算幾貴..不過無論顏色同味道都炒得很好..亦很夠料 花彫豬手 $48 : 雖然為前菜冷盤但一碟都有好多舊..就咁食會覺得冇咩味..但他的汁卻十分濃味..酒味十足 什錦鍋巴 $78 : 開頭問第一個侍應什錦有些什麼...他說只有蔬菜等..後尾我唔係好信再問多個侍應是否只有蔬菜沒肉..點知第二個就話咩都有..反家肉多...哈哈..最後我地都係叫了這個..真是什麼都有..有蝦仁 , 豬肉條 ,菜 , 豬肚 , 魚肚 , 冬茹等 .......高力豆沙 $30 :見好耐冇食.