權八居酒屋 (北京道一號)

Open Now

Now Closed

今日同老公去開尖沙咀shopping 記得權八喺北京道一號開左間新分店 就上去食返個tea 😋餐廳樓底超高 景觀十分開揚 飽覧維港海景 枱與枱之間嘅距離亦都好寬落 一啲都唔迫夾食物方面我哋叫左個$498 和風afternoon tea set:頭盤 - 蟹肉飛魚子沙律•枝豆•香蔥吞拿魚腩鍋巴•權八太卷•穴子牛油果卷沙律非常fresh 蟹籽分量十分重手 🤩 啖啖都食到蟹籽吞拿魚腩同鍋巴呢個組合估唔到出奇地夾 卷物都唔錯熱食 - 唐揚雞柳•炸鮮蟹肉餅• 燒宮崎黑豚肉腸•燒雞翼•燒野菜魚餅 • 燒粟米•燒宮崎番薯熱食種類好多元化 炸蟹肉餅非常酥脆 餡料也非常豐富 造型可愛 燒物都有驚喜 燒雞翼同豚肉腸外皮脆卜卜 但內裡仍然好juicy 👍🏻甜點 - 椰汁南瓜白玉子•十勝紅豆牛乳奶凍•綠茶蕨餅•大福•日式蛋卷•芝士蛋糕 •時令水果甜品方面就覺得失色左少少 比較普通 老公就話南瓜白玉子南瓜味好出 其他甜品就冇乜特別🙈Afternoon tea set仲包2杯酒精/無酒精飲品 老公點左draft beer 我就點左柚子iced tea 甜度剛剛好😉

Lunch for 2 in Kowloon. Massive space. Nice views.Doing a lot of promotions to celebrate its new opening.Very comprehensive menu. Have never taken so long deciding what to order.Here’s what we had.松葉蟹肉牛油果卷 (50% off)燒雞翼蔥鹽牛舌炭燒大蔥吞拿魚腦天牛肉石鍋飯- loved the 飯焦. Initially had in mind a straightforward 網燒牛肉飯 (rib eye/sirloin) but they only had wagyu or tenderloin on the menu. So settled on this, which wasn’t a bad choice. 燒木魚花醬油飯團- not bad, but could be a bit crispier.十勝紅豆綠茶雪糕 monakaIn summary: pleasant lun

權八係尖沙咀北京道開左分店 ，環境真係不得了 ，同朋友閒日2點半去食下午茶，享受美食之餘，一邊欣賞美景🥰先講室內裝潢，充滿日式情懷，仿效江戶居酒屋的格調設計，加上擁有超高樓底落地大玻璃 ，270度維港無敵景致盡入眼簾，餐廳引進自然光，環境明亮舒適空間感十足， 黃昏時間更可以欣賞到日落美景。終於講到正題，食物方面，我倆二人點了和風下午茶Afternoon Tea Set：❤️冷盤蟹肉飛魚子沙律、 香蔥吞拿魚腩鍋巴、權八太卷、 穴子牛油果卷、枝豆👉冷盤樣樣都出乎地好地，沙律的蟹肉飛魚子分量足，每一啖都好鮮甜清爽開胃😋。吞拿魚腩夠鮮嫩，配上鬆脆鍋巴和藏紅花，口感更豐富。卷物都合水準，特別要讚的是醋米味道酸甜適中，微微黏口軟糯🧡熟食唐揚雞柳 、炸鮮蟹肉餅、 燒宮崎黑豚肉腸 、燒雞翼、 燒野菜魚餅 、燒粟米、 燒宮崎蕃薯👉熟食都有驚喜，炸鮮蟹肉餅串上日本青椒仔，賣相好可愛🤩，蟹肉餅鬆脆不油膩，還食到絲絲的鮮甜蟹肉。其他燒物同炸物都 燒/炸到剛剛好，尤其雞翼，燒到皮脆肉嫰多汁，師傅功夫果然了到😋💛甜品椰汁南瓜白玉子、 十勝紅豆牛乳奶凍 、綠茶蕨餅、 大福、 日式蛋捲、 芝士蛋糕、是令水果👉甜品略嫌

環境幾好，黃昏景同夜景都好令。。魚生食材有d唔夠新鮮。。。A5和牛西冷幾好食，生蠔都新鮮但係壽司、天婦羅都好一般。。。特別係火炙海鰻，6人一致覺得難食6人食左$9958，性價比好低。。。

 每次去權八都要老遠地跑過海，但今年開始就方便得多了，除了原先的銅鑼灣店搬往新地址外，九龍區方面，亦在尖沙咀北京道一號開設九龍旗艦店，地點就在原先胡同的舊址。地方是寬敞得多，而且靠窗的落地玻璃，維港夜景盡入眼簾。唯一要挑剔的，是欠了塌塌米房，未免有點美中不足。有美景當然要同太太飲返杯，再欣賞優美的維港景色，誠意推薦以Rum酒、紅莓及草莓調製的Sakura-Berry Daiquiri（$108）及以新鮮菠蘿汁調製的Japanese Cassis Pineapple（$108）。餐前小食是［酸汁伴牛筋］（$68），牛筋炆得好軟稔，牛筋的膠質豐富，真係好啱我，而且帶微酸，減輕了油膩的感覺，相當討好。再來是［宮崎豚肉胡麻沙律］（$168），豚肉片夠薄食，咬落不太費勁，拌和蒜片、生菜、松子、紅椒絲及胡麻醬，非常惹味。其實餐牌有太多菜色好吸引，下酒菜又點可以忽略［炸鮮蟹肉餅］（$138）炸得啱啱好，蟹肉鮮甜，仲有一條日本青椒，正好用來解膩。跟太太分別點了［海鮮茶碗蒸］（$68）以及［海膽茶碗蒸］（$98），兩者本身餡料已經有蝦仁、冬菇及蟹肉，海膽茶碗蒸是加添了一份海膽，但可能加熱後的海膽失去了神

餐廳新開張，見到社交媒體網站相好似幾好所以想試下，經Openrice訂檯，餐廳都有email 確認訂位。準時上到餐廳，門口Reception同事行開左，見經理路過想問一問，點知經理無視行走左….餐廳係位處頂層可以睇到維港景，但當日有幾張吉嘅窗邊檯都話無法安排，表示窗口位需要預先一個月預約😑😑😑但係無記錯的話，餐廳都未開業超過一個月🧐🧐我地直到埋單離開，窗邊位都係保持吉嘅狀態😐😑可以睇翻圖，真係有吉檯都唔俾坐，想幫佢地賣餐廳景廣告都唔得…..落單同埋單都要叫幾次先有service，餐飲唔提都唔會問，真係食lunch時間就要超級快手叫曬先好黎食呢間。定食嘅前菜salad，湯都OK，甜品都OK叫左特級和牛定食揀左5成熟同埋刺身定食，刺身正常發揮，無驚喜。和牛叫左5成熟，出黎效果似7成同凍凍地😤😠同埋真係一塊和牛就甘上，上檯個陣以為自己叫左豬頸肉定食…….少少伴碟嘅菜都無😩😫埋單都接近900蚊，但係呢個價錢絕對唔值，景又話要預約一個月，lunch時間都要預約一個月？餐點同services都唔值呢個價，甘可能佢地要搵多少少社交媒體網站KOL賣廣告啦。😡😤😡😤😡😤

Visited Gonpachi's newly opened restaurant at Tsim Sha Tsui and it was simply amazing! 🎏Not only the stunning view of the harbor, but the vibrant atmosphere, attentive service and delicious food made for a truly unforgettable experience. The sashimi and juicy wagyu beef steak were particularly excellent - highly recommend a visit 😋Aqua同HuTong舊址- 1北京道開左間新日本餐廳～ 店員服務好好我同朋友每喝一擔水就過來斟茶 😅😂

踏入權八, 看到朱紅及深啡的木質裝潢, 古味盎然, 甚具江戶居酒屋的氛圍和韻味, 而又位於北京道一號28樓, 無敵海景, 美景加美食, 絕對讓人留下深刻印象. 權八旗艦店佔地面積相當廣, 而且分區清晰, 例如Omakase餐區、炭燒區、壽司亭, 也有角位的廂房、開放式主餐區, 飽覽維港景色.今年食神常在, 吃到好多美食! 朋友點了cocktail例如Yuzu Mojito $108, 夠晒fresh~  另一杯忘了是甚麼, 但也獲好評!我認為若想在權八來個happy hour配些小食很不錯, 例如燒鱈魚條及枝豆$58. 首先極上三色卷 $438 (碎吞拿魚腩、海膽、三文魚子), creamy的海膽與咸鮮三文魚子是絕佳配搭, 而碎吞拿魚腩滑滑的, 也十分美味!幾款壽司也讓我們吃到讚不絕口. 我就特別喜愛慢煮鮟鱇魚肝, 好幼滑! 其他鮮甜的壽司則有鰤魚、金目鯛, 油花滿滿的赤身燒大拖羅及厚切慢煮帆立貝. 十分推介酸汁伴牛筋 $68, 作為熱門菜之一, 牛筋軟嫩入味, 配搭酸汁醒胃不嗆喉.這客宮崎豚肉胡麻沙律,$168 豚肉肥瘦均稱兼大大塊, 細心一看, 有果仁及炸蒜片, 清新之餘又香口.晚

權八最近在尖沙咀開了分店，位處北京道一號高層，享用美食之餘，更可飽覽維港美景。以日本傳統江戶時代格局為藍本，亦延續日本總店的用色；以朱紅及深啡為主色調，氣派高雅。此店特別增設The Kabuki 壽司廚師發辦餐區，每日由日本直送新鮮時令食材到港，想享受一個價錢親民的壽司廚師發辦，以後又多一個好地方了！餐廳有3間VIP房，最喜歡面向維港景的這間，大概可容納13至14人，如將兩間房打通，更可多容納8人，一大班朋友在此聚餐，想起都興奮！人未到齊，先來點餐前小吃(枝豆和燒鱈魚條)及Yuzu Mojito，一於邊吃邊等。首先上場的五款壽司，分別有慢煮鮟鱇魚肝、鰤魚壽司、慢煮帆立貝壽司、金目鯛壽司 及 赤身燒大拖羅壽司，味道最濃郁的必定是滑溜綿密的鮟鱇魚肝，而我最喜歡的是油潤鮮香的金目鯛壽司，而其它三款也同樣鮮甜味美。酸汁伴牛筋的配方採自日本總店，保證原汁原味，配上酸汁更能有效減低油膩感，友人說肉嫩味濃，相當不錯。柔嫩富肉香的豚肉、鮮爽的沙律菜配惹味的胡麻醬，這個宮崎豚肉胡麻沙律不錯吃。戴了頂小帽子的炸鮮蟹肉餅鮮香味濃，內藏一絲絲蟹肉，福岡青椒的味沒貫常吃的那麽濃，我也接受得到。酥脆的權八和風薄餅

我很喜歡的日本餐廳權八居酒屋在今個月進駐了尖沙咀北京道一號，開設首間位於九龍區的旗艦店，作為粉絲的我當然要即刻去捧場啦。權八居酒屋旗艦店坐落於北京道一號28樓，升降機門一打開便看見熟悉的招牌。這個位置居高臨下座擁無敵維港靚景絕對是毋庸置疑的美，一邊在斜裁落地玻璃窗前欣賞眼前璀璨夜景，一邊品嚐著精彩的日式料理是何等寫意的一夜。招牌炭火串燒當然繼續坐陣在旗艦店當中，那份炭香味道真的誘人非常。權八居酒屋尖沙咀旗艦店更特設*The Happiest Hour*，在下午及晚上的指定時段內特色和風調酒，例如Sakura-Berry Daiquiri、Fuji Mountain等均可享有買一送一優惠，另外客人亦可以七折優惠享用*獺祭 二割三分*、*出羽櫻 雪漫漫 五年冰點下熟成酒 *等特選清酒，Happy Hour時間來這兒看著黃昏摸著酒杯底真的Chill極點啊～旗艦店更特別增設有12個雅座的The Kabuki壽司Omakase餐區，每日從日本直送時令食材由壽司主廚張俊邦師傅為大家奉上優質兼價錢親民的壽司廚師發辦。餐廳更設有廂房這個位置絕對是超級無敵靚煙花景，跟朋友在這廂房中慶祝節日必定能非常盡興

權八居酒屋於新年前已進註尖沙咀北京道一號啦﹗環海維港景色，加上餐廳裝潢的悉心設計，讓我迅速融入江戶居酒屋之中。  這旗艦店設有炭火串燒區、壽司區、調酒區、手打蕎麥麵房等，另增設Omakase專區，提供優質的時令魚料及席前餐飲體驗。 餐廳設有廂房，同樣是可以看到無敵維港景觀啊﹗這晚就跟朋友來個團年聚餐啦﹗ Happy Hour時段可享特色和風調酒HK$108買一送一及特選清酒7折優惠。特色和風調酒不太酒精，微甜易入口，頗適合女仕們飲用﹗  極上三色卷，以碎拖羅腩、北海道馬糞海膽及三文魚子堆砌出澎湃的三色卷，這3款食材放在一起已經是絕配，再在其上添上魚子醬及金箔，一整件放到口裡，油潤豐盈，口感鮮味遞升。 廚師發辦壽司，有金目鯛壽司、鰤魚壽司、慢煮帆立貝壽司、慢煮鮟康魚肝、赤身燒大拖羅壽司。 赤身燒大拖羅壽司，把赤身與輕燒過的大拖羅梅花間竹地疊放，可以一次過嚐到吞拿魚兩大部分的不同口感，再以蔥花點綴，平衡豐膄魚脂。 慢煮鮟鱇魚肝，入口軟滑，魚油濃膩，配上奈良酒粕醃漬西瓜的甜味，解膩同時提升食用層次。 前菜系列， 酸汁伴牛筋，牛筋熬得軟嫩入味，配以酸汁中和那黏稠感，好美味，難怪是日本總店熱門菜

Gonpachi has recently launched their latest establishment at One Peking, Tsim Sha Tsui. It boasts a larger capacity, wider variety of food and a spectacular panoramic view of the Victoria Harbour. I’ve always loved Gonpachi as it provides a one-stop solution to all your Japanese cravings with all kinds of dishes like sumiyaki, sushi, sumiyaki, tempura and a variety of snacks of top-notch quality. It further upped their game with their unbeatable location, where you could enjoy the light show at

喺 OpenRice, 我一向都係CD-ROM. 今次係我very first time 寫食評 （因為權八 尖沙咀實在令我同家人非常之失望）。因為工作地點關係，我同太太之前多次喺權八 銅鑼灣用餐（主要係午餐），我對佢哋食物質素及服務非常滿意（Sunny 係非常專業嘅經理）。最近收到WhatsApp 通知，權八進駐尖沙咀，於是訂枱一家四口去食晏。到達餐廳，見到門口接待不停講電話，對我哋一行四人甚至連一個眼神或一聲請等等都沒有，我哋唯有呆等接待講完電話。終於，接待講完電話，確認咗我哋嘅訂枱就安排入座。可能我哋早訂枱嘅關係，餐廳安排左一張靠窗有海景位置俾我哋，加上樓底夠高，環境實在一流。我哋打算叫一個串燒定食$268，同經理確認一下串燒會唔會有免治食物（我哋唔太prefer），經理非常之肯定回答「無」。結果係，串燒定食係有一串免冶肉另外，我哋叫咗一客壽司定食$288，壽司質素明顯非常一般，壽司嘅海鮮好 dry 無乜光澤，同經理反映，佢就話「正常呀，無乜問題」。魚生飯 $338 就正常發揮，但無驚喜。如果對食物質素同服務有基本要求，建議去權八 銅鑼灣。如果對用餐環境有要求，北京道一號 或者尖

大家睇過我寫野一定識得權八啦，原來佢剛剛係尖沙咀北京道開左分店，我想講，真係千祈唔好錯過。首先個分店環境真係不得了，同原址嘅前餐廳同樣享受勁開揚嘅海景，我哋選擇左年三十嘅下午去，可能餐廳仲係好新，唔算太多人，享受到足夠空間感，仲要而家餐廳有好多新張優惠，呢幾日假期去就最好。前菜個牛筋一定要點，配上酸汁，骨膠原一流，開胃又醒神。壽司試左幾件時令嘅，帶子、劍魚腩、赤鯥、銀鱈魚都好得，最推薦係拖羅配赤身，真係未聽過，但咁樣夾法又幾好食又幾新鮮。當日食左好多串燒，特別愛免治雞肉棒同燒腦天，後者真係好少見，仲有個燒牛舌，又juicy又香又多汁，不能不吃。個和牛壽喜燒見到啲牛都知靚又好食，仲有天婦羅拼盤又係個個鐘意，當中紫蘇葉海膽天婦羅係最令人難以忘懷，而每日手打嘅蕎麥麵又係不吃不能。大家如果呢幾日去，想知多啲優惠，睇下like佢個pages一定會滿載而歸。