揀得啱車仔麵 (Closed)

係上環想食個有質數，價錢又實惠午餐的真不容易，「揀得啱車仔麵」應該是不錯的選擇。這裏跟平常的車仔麵有些許不一樣，除了大路的粗面、幼面、米粉、油面之外，還有麻辣小窩米線，餸菜也有30多款，醬汁也有六款：咖喱、麻辣、沙嗲、清湯......今日我叫咗一個水煮魚和一碗豬軟骨、腐皮、貢丸清湯米線。水煮魚非常惹味，辣味十足！麻辣的香氣令人胃口大開，雖然一邊吃一邊抹汗，而且兩片嘴唇麻麻的，非常過癮。清湯車仔麵，貢丸彈牙帶有冬菇香味，新鮮腐竹軟滑順喉，豆味十足，豬軟骨蚊得軟霖入味，吃完水煮魚後，吃個清湯車仔面就可以緩解麻辣的刺激😍

去咗上環新紀元廣場揀得啱食車仔麵，店內光猛！車仔麵紙勁多款選擇，有差不多30多款配料，我就叫咗一碗花菇仔，牛肋條，豬大腸，麵底就點了油麵，麻辣醬係另上！ 因為店舖賣點辣醬係非常之辣！所以另上會安全d!! 特別一提係豬大腸非常嫩淋，入口即溶！ 而且質感有啲滑滑感覺！感覺幾正！花菇亦都好濃既香菇味！質感爽彈。牛腩條兩條好粗，入口不痴牙！啖啖肉，不錯另外再叫咗一份千杯不醉雞翼！ 花雕味幾香濃， 好入味！ 而且雞翼嘅肉質都幾嫩滑！正呀。

今晚同朋友嚟到上環新紀元廣場嘅揀得啱車仔麵，餐廳環境乾淨企理，燈火通明，座位舒適，衛生唔錯。食緊嘅時候都見到唔少人幫襯，係上環上班一族放工醫肚好選擇。價錢都唔貴，三餸麵加特飲都係55蚊。因為我唔係太肚餓，叫咗生菜底，有呢個選擇真係好，因為有時會唔想食麵，想食多啲菜😋😍朋友叫咗沙嗲湯底嘅米線，試咗瑞士雞翼，豬軟骨，豬大腸等，選擇豐富。額外仲叫咗菜心，營養更均衡。仲有小食千杯不醉雞翼，酒味香濃，入曬味。飲品嗌咗凍檸茶，茶底幾香，炎炎夏日清新解渴。

估唔到中上環都會又抵食車仔面車仔麵位置都幾方便 上環出口行1分鐘就會到達 入到去環境都幾乾淨企理 幾光猛 餐牌亦都幾方便 同典型車仔麵一樣用紙同筆去選擇自己想食嘅嘢呢間車仔麵最特別嘅地方係有川菜嘅嘢食 仲可以食水煮魚配麵條 我哋叫咗一個川味鴨血水煮魚 車仔麵方面叫咗一個豬軟骨 豬大腸 雞翼 再加滷水汁嘅米線 另一個就係豬大腸魚皮餃加埋紫菜嘅米粉 再加埋油菜 兩個人食就啱啱好。🤓我覺得鴨血同埋水煮魚都值得一試 👍🏽鴨血都只係$35 份量都唔少 而且食材新鮮 即刻想叫多碟嚟食 不過加大份量都只係$45 可以考慮吓 另外水煮魚嘅湯底都好有風味 愉快應該係魚柳 最緊要冇骨 食落去都幾方便進入主題就會係車仔麵 🍜自己特別鍾意佢哋嘅咖喱汁 香濃嘅調味同米線好夾 以佢哋嘅魚皮餃係四州出品 都幾有保證 豬大腸亦都洗得好徹底 可以好放心咁食 而且紫菜分量真係好大方 成片嘅紫菜吸收左湯汁 好推薦大家點泥食！另一碗車仔麵我哋點左豬軟骨 加埋滷水汁米線 如果唔夠滷水汁佢哋仲可以另上比你 服務真係唔錯 豬軟骨煮到好軟熟 啲軟骨入口即溶 唔會硬骨骨 另外想推薦埋佢哋嘅千杯不醉雞翼 帶有酒香之餘 雞翼好飽滿多汁

呢間車仔麵非常之近小妹公司，平時一到食飯時間，就見店裏人來人往！所以今日特登選了人流較少嘅時間，放工去接埋囡囡過嚟，就啱啱好😎⭐️麻辣鴨血～呢度嘅麻辣做得好出色，麻同辣嘅比例啱啱好，鴨血非常之入味，係一款Encore又encore嘅菜式，估唔到普通車仔麵店都食到咁正宗嘅川菜口味👍⭐️醉雞翼～醃得入味，而且夠熱，明顯係喺雪櫃浸住，然後order嘅時候，先攞出嚟煮返熱，好特別👍⭐️黑松露雞肉餃～內裏有木耳、雞肉、同埋好香嘅黑松露，店家完全冇吝嗇，成粒餃充滿咗黑松露香味，出面好少食到👍⭐️油菜～夠熱和新鮮，學阿媽話齋，菜真係要多油先至煮得好食，不過我略嫌佢啲油多咗少少，對於我呢個減肥人士來講，下次都係叫返菜湯穩陣啲😄⭐️麻辣米線～因為食完佢個麻辣鴨血，太正，😄所以跟手叫埋米線🍜，米線裏面有芽菜、芫荽、辣椒乾、炒香嘅芝麻，又麻又香，米線都煮得啱啱好，每條都吸收左麻辣嘅香味❤️大愛✨回頭率十足✨

呢間車仔麵餸菜選擇幾多, 連水煮魚都有我地叫左車仔麵同水煮魚米線搭左d 餸試下咖哩魚蛋豬皮，豬皮幾爽彈，咖哩入味唔錯千杯不醉雞翼酒味唔算好入味，不過肉質都算嫩麻辣鴨血見好好都有人都叫，所以試下。少少麻辣幾惹味水煮魚米線$69一碗水煮魚份量唔少，晚市唔算好貴。魚肉都算多，軟嫩不過都d 小骨. 米線滑溜. 水煮湯紅卜卜睇落好辣其實食落剛好，唔算太辣另外車仔麵選左粗麵，有黑松露餃食落真係幾有黑松露香味豬軟骨煮得腍身，仲有選牛肋條不過肉質有d 鞋.整體都唔錯，幾多選擇車仔麵

車仔麵是經典港式平民美食。我最喜歡的是夠靈活多變，一撮麵、十幾廿款餸任意挑選，最緊要有得揀❤️作為中上環上班族之一，有時都不想只啃麵包喝咖啡，其實偶然也想嚐嚐本土美食。機緣巧合下發現上環有間叫「揀得啱車仔麵 」，位於新紀元Office Tower, 重點是有裝潢有冷氣，不是一般地下街舖。有別於一段車仔麵檔，這裡有麻辣湯，水煮魚配搭。這一晚我點了很多東西，因為每一樣都想試！小食點了麻辣鴨血，咖哩魚蛋豬皮雙拼，千杯不醉雞翼，至於車仔麵選擇，我選了沙嗲醬湯底粗麵配冬菇/豬紅/瑞士雞翼/芝士腸/白蘿蔔；而男友選了麻辣湯底烏冬配黑松露雞肉水餃/醬燒豬軟骨/豬大腸💯💯💯最surprised是黑松露雞肉水餃，首先黑松露味夠香，配麻辣湯汁夠哂頂癮啊！兩個人一齊食最好就是可以互相分享😊在中上環食$55三餸還有冷氣其實已經很相宜，我最喜歡的還是鴨血和豬血，湯汁令它們很入味，希望下次可以試水煮魚😀

好日都唔嚟上環，咁啱今日行經過呢個廣場，見到有間睇落坐得都幾舒服，而且價錢好抵嘅車仔麵店，咁就試吓啦。門面睇落好光猛，座位幾闊落，望一望個餐牌，有我好鍾意食嘅水煮魚，水煮魚同米線，都係我最鍾意嘅食物之一。➡️ 水煮魚米線 ($69)平時食一碗水煮魚閑閑哋都$200，咁$69應該唔會有好多魚肉，但竟然差唔多成個碗都係魚肉，米線仲分開上添。水煮魚整得夠麻辣，魚肉仲要好嫩滑，咁嘅價錢食到咁嘅質素，真係物超所值，大推！➡️ 咖喱魚蛋豬皮雙拼 ($24)咖喱魚蛋配上豬皮簡直就係絕配，咖喱魚蛋細細粒一啖食入口，食極都唔厭。豬皮腍得嚟又有咬口，好正！➡️ 千杯不醉雞翼 ($30)雞翼大大隻，啲酒味又唔會太濃，唔鐘意太重酒味嘅朋友都會啱食！➡️ 醬燒豬軟骨+極品牛腩條+瑞汁滑雞翼+黑松露雞肉水餃米線($71)超級足料嘅米線，肉嘅份量非常多又大舊。好值得推介嘅係呢個黑松露雞肉水餃，黑松露嘅味道非常重，真係食到停唔到口，真心想叫多幾隻嚟食！總括而言，價錢唔貴而且坐得舒服，一定會再幫襯！揀得啱車仔麵地址📍: 上環皇后大道中181號新紀元廣場低座2樓205號舖.............................

今日放工喺公司附近食車仔麵，嗰度其實已經經過好多次係我做gym嘅樓下。之前見到佢哋嗰個水煮魚套餐好似幾好食今次終於去試一試，個水煮魚汁都幾地道有麻辣口感，麻辣鴨血煮得唔錯，有啲好似火鍋的鴨血的感覺。另外仲叫咗牛腩作為其中一樣餸，牛腩很鬆軟很有牛肉味，我特別喜歡吃帶着很多脂肪的牛腩因為有牛油味很香。另外一樣餸是金錢肚覺得比較難咬可能是因為我牙齒不好。總括依然放工可以在上環吃一碗地道車仔麵是一種很懷舊的感覺。

呢排真係凍到不得了🥶，而且為咗慳口罩，真係好少出街，不過前幾日有事要出去，走既時候好餓，又想食車仔麵，所以就揀咗佢。三餸麵套餐加熱飲 ($55，追加一個餸12)阿媽要咗清湯，本身以為清湯可能冇咩味，但原來佢本身已經好夠味，比平時飲開既好味好多。我叫既係沙嗲味，沙嗲味好濃郁，估唔到佢湯底都咁好飲。餸方面個人會比較推薦瑞士雞翼，豬軟骨同咖哩魚蛋☺️。無論雞翼定豬軟骨都煮得好嫩好入味😃，至於咖哩魚蛋就用咗陳皮魚蛋，咖哩味好濃。雖然價錢唔叫好平，但喺中上環嚟講都可以接受，起碼佢味道唔錯，睇得出佢哋無論喺食材定湯底方面都落咗心機。P.S.本身佢以為我叫淨餸，因為我冇剔麵底，之後佢補返比我，所以點解有2碗就係咁，haha

今天到上環兌錢，順道約朋友在上環吃晚餐。附近很多餐廳都已關門，所以隨意選了這家車仔麵餐廳嚐嚐。食物：4/5整體配料味道不錯。特別推介「陳皮魚蛋」，魚蛋不像平日吃到般彈牙，魚肉口感較實、真材實料，帶有陳皮味，是這家的招牌推介之一另外，我們還嚐了豬紅、豬腸、豬軟骨及極品牛腩條等，全部都煮得入味湯底方面，建議大家可嚐嚐咖喱汁及這裡獨有的辣醬，相信嗜辣的朋友會喜歡油菜份量足夠兩人吃，價錢亦合理這裡是中環上班一旅的用餐好選擇

講起車仔麵多數都諗起啲好有歷史嘅老店或者啲殘舊罨耷舖 食落有種風味今次就試下呢間新派嘅車仔麵店睇下會唔會真係冇咁有feel?!門面光鮮乾淨真係聯想唔到係食車仔麵😂店內仲掛有幾句金句「我下麵很好吃」「麵壁不一定要思過」主打年輕人市場睇下menu先！3餸麵套餐加熱飲$55基本上有齊我哋平時食開嘅餸仲有啲出面少見嘅餸例如係「黑松露雞肉水餃」同「金錢肚」同朋友嗱嗱聲點兩碗麵食下先瑞士滑雞翼+黑松露雞肉水餃+香甜蘿蔔+蠔油炆花姑油麵(麻辣汁)+凍奶茶 $72一上當然要試個湯底先啦清清地幾好飲，唔係味精粉！麻辣分開上 加分～唔怕一下子太辣食唔到😂咬一啖蘿蔔嘩！真心驚喜！作為一個食米線同車仔麵都鍾意嗌蘿蔔但往往都會中伏嘅人呢嚿清甜蘿蔔真係「蘿蔔如其名」1. 煮得夠淋 2. 清甜！！食得出唔係就咁用水淥完擺入湯度吸味，而係本身煮嘅時候已經有用心調味呢一點十分打動到我！感動！另一誠意推介！！黑松露雞肉水餃🥟本身諗住喺車仔麵店叫呢d餸都係普通貨但！呢個餃食完係會令人難忘估唔到佢嘅黑松露會咁香！平時唔係特別愛黑松露嘅朋友試完都話好食～另外兩款餸都好好食搞到即刻想點多幾款餸🤪另一碗朋友叫咗豬紅+嫩滑腐竹+發達

車仔麵是每一區都總會有一間以上，融入了香港人必食而又快靚正的美食，今晚放工就和同事去了上環皇后大道中(揀得啱車仔麵)食我們的晚餐，雖然是食車仔麵，但係餐廳設計到十分新派，不像一般小店坐到很迫，所以食車仔麵都要揀得啱，食得舒服。清甜的蘿蔔、惹味的牛筋條、微蕉香的午餐肉、金香的黑松露雞肉水餃再配上米線，食完之後非常有滿足感。醉雞翼$28/5隻，雞翼帶了些酒香的味道，非常醒胃。咖哩魚蛋豬皮雙拼$22，豬皮入味鬆化，陳皮魚蛋爽口彈牙仲帶些陳皮味十分金香，非常抵食。菜心新鮮翠綠爽口，十分健康。

天氣開始轉冷，最適合食暖笠笠的車仔麵。這間揀得岩車仔麵位於上環，餸的選擇多，有30多款，亦有6款(如滷水汁、辣醬、麻辣汁、沙嗲汁等)湯汁選擇。我和友人分別點了水煮魚配上湯粗麵套餐和5餸麵套餐，套餐連飲品，以及麻辣鴨血、千杯不醉雞翼和油菜等小食。水煮魚可以自選辣度，我就點了小辣，喜歡食辣的朋友可以挑戰大辣。魚片煮得嫩滑，不錯。友人的5餸麵選了滷水汁和烏冬做底，配料則有紫菜、牛腩條、黑松露雞肉餃、滷水蛋和瑞士雞翼。瑞士汁雞翼非常香濃，但不會太咸，值得一試。小食的鴨血香辣帶麻、醉雞翼帶酒香，入味。..揀得啱車仔麵上環皇后大道中181號新紀元廣場低座2樓205號舖..

今日同同事去上環辦單，諗住好快搞掂啦！點知話要等，最快都個半鐘， 咁我地冇可能係條街到企架，咁就周圍睇下有咩食啦！點知比我地發現左呢到竟然有間車仔麵店,門面好光好闊落，我見環境唔錯就入去座低食， 慢掂有大把時間 🤣見完餐牌就超肚餓了，呢到竟然有麻辣鴨血， 唔洗講啦！見到一定點， 仲有個名好得意千杯不醉雞翼， 咖哩魚旦和豬皮，大佬洗唔洗咁正竟然用陳皮魚旦呀！叫左一碟生菜， 一人一碗麵。我果碗 腐竹，紫菜，蟹棒，豬大腸，牛肋條，豬軟骨 黑松露雞肉水餃配粗麵。同事那碗 蘿蔔，鹵水蛋， 蠔油炆花菇，魚皮餃 ，午餐肉，五香肉丁，豬大腸， 香菇雞肉水餃 配油麵。呢間店我們好鍾意佢的黑松露雞肉水餃和香菇雞肉水餃因為係佢地親手做的，咬落皮夠薄入面肉汁爆開好香。 豬大腸亦係我們最愛， 其他材料都算份量， 下次我會再來叫d 今次未食過的餸。