牛禪燒肉日本料理 (Closed)

放工同朋友仔聚一聚，大家都想食日本野。就揀了世貿這間牛禪試吓。裝修環境都好舒服，員工的服務態度仲好好 ^^Menu實在太吸引喇，好多野都想叫嚟食。最終點左以下的，哈哈。※ 三點前菜 - 小小的餐前菜，有魚仔合桃，海蜇，蒜頭。- 冇錯係 '蒜頭'， 食落去口感很特別，沒有蒜頭味，但不錯。※ 明太子玉子燒 - 熱辣辣的，明太子不算濃。蛋香滑而不膩。※ 一口芝士 - 芝士很香濃，好好味吖。 芝士迷一定要叫嚟試吓 ※ 日本青蘋果蟹籽沙律 - 好清新的沙律。青蘋果好清甜，不酸，好好食吖~※ 五品刺身 (響螺, 三文魚腩, 牡丹蝦, 深海池魚, 銀線魚)- 刺身很新鮮，超正吖! 響螺爽脆，三文魚腩肥美，牡丹蝦大隻美味。至愛是蝦頭，鮮甜＋有糕的。 池魚，銀線魚都好好食。※ 極上和牛盛宴 (牛舌，尾龍扒，牛臀肉，牛腿上肉，牛外胸腹，牛肩，牛頸脊，小排，肉眼)- 分牛的9個不同部位，由淡到濃，慢慢一個個層次去品嚐。每一個位置帶來的都是不同的口感＋味道。第一次這樣食，真係好好味，好正＋超值吖!食到中間，牛味已經慢慢濃郁，肥美。好彩叫了碗白飯，中和番，減輕油膩的感覺。※ 什菜盤 - 有菇，南瓜，大蔥。食材

上星期同朋友慶生, 天氣又凍但已經打厭左邊爐, 就諗不如食燒肉! 之前已經有朋友介紹過呢間, 不過未有機會試, 今次終於可以一嘗預早Book左檯, 所以不用等位坐低見到呢個牛部位既menu已經覺得好吸引!! 對於我呢個對牛情有獨鐘既人真係大飽口福! 而飲品亦有好多選擇! 竟然連龍眼冰都有, 不過我點左巨峰提子梳打! 不錯, 因不是太甜!接著開始我地點既第1道菜 - 三點前菜本身以為冇乜特別, 點知有驚喜! 呢個蒜頭好好食!! 又唔會太重蒜頭味, 非常特別跟住就係味醂魚乾, 經常去日本既朋友都有買呢個做手信俾我, 好好食! 非常開胃的一道菜茄子沙律, 呢個就沒有太特別, 都是普通沙律, 不過茄子份量都好多而呢個係我其中一個很喜歡的小食, 洋蔥墨魚咀, 很爽口, 加埋d 炸蒜好似避風塘咁, 辣辣地, 好好味呢杯house sake放入呢個木杯仔上, 好得意, 朋友嗌左, 因為我地叫既係極上和牛package, 好似加$100 任飲!!!跟住再黎五品刺身, 包括響螺,三文魚腩 ,牡丹蝦 , 深海池魚 , 銀線魚, 刺身真係好新鮮, 同厚切終於到重頭戲, 極上和牛盛宴（1.5板） , 因為我地

上星期約埋一班朋友一齊食好西, 個個出哂雙糧花紅去食豪少少慶祝下, 加上個個都係牛魔王, 而我又好鐘意食日本料理, 呢間餐廳有燒牛又有日本料理, 真係滿足哂咁多人既願望.我地先黎個三點前菜, 雖然細碟左少少, 不過前菜又真係只能淺嚐一下, 呢個前菜最出色既係蒜頭, 完全食唔到蒜頭味, 真係估佢唔到, 我仲怕有陣生蒜味, 但食完我超想問佢地有冇得獨位買走, 真係一食難忘. 回味緊個蒜頭之際, 就上左個味醂魚乾, 魚乾熱熱地食落好咬口同好香口, 呢碟份量多少少唔使爭住食. 跟住再黎個洋蔥墨魚咀同茄子沙律, 又係香口野, 岩哂我呀....!終於等到戲肉啦....登登登登....五品刺身有(響螺, 三文魚腩, 牡丹蝦, 深海池魚, 銀線魚), 未食已經流口水, 忍唔住快快開動, 款款刺身都好鮮甜, 如果個蝦頭可以拎去做埋天婦羅就好啦, 因為我發覺大家都唔太識食蝦頭, 如果可以天婦羅蝦頭就更啦! 我地食完個刺身, 就到重點極上和牛盛宴出場, 真係期待已久, 成盤牛放係我面前, 好清晰知道自己食緊邊個部位既牛肉, 當前梗係相機食先, 睇到D肉質同色水就知係好野, 店務員仲幫我地燒埋, 真係好...

前菜 $30有蒜頭、小魚乾、海蜇，小魚乾核桃好好味！蟹子沙律 $78比想像中份量多，很清新很開胃。炸雞軟骨 $68普普通通，沒有什麼特別。極上和牛盛宴 $1580好體貼地有張圖，介紹又淡味食到濃味嘅次序，上菜嘅時候，和牛嘅擺法和圖片一模一樣， 可以好清晰知道牛既部位名稱、肉味、咬口、 油花既程度。和牛入口即溶，脂肪和紅肉的比例分明很有條理， 每個部位既牛肉都有唔同嘅質感和層次，個人比較喜歡牛小排和牛頸脊，有肉香得來油份剛剛好。蟹膏炒飯 $118主要叫炒飯是用來消滯，始終和牛都是比較油膩，炒飯出乎意料之外份量非常多， 味道很好飯很乾身，但蟹膏分量比較少，最後吃不完整個炒飯外賣帶走了。店鋪裝修很高格調，環境整潔，座位寬敞，侍應服務很好很有禮貌。

今晚好朋友生日 問佢想食咩佢話想食靚和牛同清酒，但５想自己燒同５要食完－陣味甘高要求…但也難不到我－於去CWB 的牛禪啦生日快樂呀朋友～飲醒house清酒任飲＄100 飲醉唒我地食和牛前食ｄ前菜吹下水飲下酒先啦三點前菜 - $30最特別是中間的蒜頭 師傅整到無蒜頭味道的 怕蒜味的朋友可以試下茄子沙律 - $78好少見ｄ茄子切到－小粒－小粒甘茄子粒粒炸過 食落好有彈囗洋蔥墨魚咀 - $88墨魚咀同清酒係絕配一啖酒－粒咀再吹次水 正味醂魚乾 - $98平時魚乾買回家就甘食估５到整返熱加汁係甘好食也好夾清酒hehehe在我們差不多醉之前 刺身到了五品刺身（響螺 - $298，三文魚腩 - $118， 牡丹蝦 - $78/隻，深海池魚 - $188，銀線魚 - $188）最特別係銀線魚，燒過表皮 ｄ油脂超香超甜 其他也超甜 —分錢－分貨係真的主菜到了 登鄧～極上和牛盛宴（1.5板） - $2370—６人份上面係３人份好得意呀~用了牛形的碟放牛 不同部位會寫返係咩 好味道就—定架啦入口即溶 配白飯連埋ｄ＂牛＂油一起食仲襯最好的是service, 服務員哥哥會講解係咩部位 問我們每一位想食

下星期就是情人節喔 諗到去邊食未🧐如果兩個都好中意食🐮🐮嘅咁不妨去下牛禪食下燒肉喎🤤兩個人叫一個#極上和牛盛宴 ($1580)一定吃到飽飽的 而且這些牛牛都很高汁可以吃到牛牛的九個部份 由淡味吃到濃味全部肉質很嫩 雪花分佈很均 沾沾鹽已經很好吃我最推薦吃小排和肉眼 超Juicy的🥩除了有和牛吃 日本料理也是這裡的主打#五品刺身 ($~800) 包括了響螺，三文魚腩牡丹蝦，深海池魚和銀線魚 全部都很鮮🐟#什錦天婦羅 ($98) 還是 #一口芝士 ($88)都很熱辣辣 外脆內軟的😋😋😋________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日簡直係大奇蹟日，向來「知慳識儉」嘅細佬中咗公司新春Party現金巨獎，主動豪請食飯。鍾意食日式燒肉嘅佢，話今次係食「質」唔係食「量」，所以唔會考慮燒肉放題。咁大口氣我就唔客氣啦，揀咗來自日本嘅牛禪，肯定正宗高質。餐廳裝潢高雅，夠high class。【雪裡玉$45】新鮮火龍果加荔枝汁調配嘅沙冰，有火龍果蓉，好清爽，香濃果味又唔會過甜。【藍蝶綺蘿$55】綺羅係指華貴嘅絲織品或絲綢衣服，聽個名都好吸引。呢度取其諧音為綺「蘿」，因為係藍色嘅蝶豆花泡水後再mix菠蘿汁。望落隻色好靚，如果用個長身嘅杯相信會更華麗。味道係新鮮菠蘿汁，配燒肉就啱晒～【五品刺身】【響螺$298】咬到「嗦嗦」聲，極爽口嘅螺肉，味道超鮮甜，不過只係一隻螺嘅份量，$298真係貴咗啲。【三文魚腩$118】油脂好豐富，而且口感比之前食過嘅三文魚刺身軟滑。【牡丹蝦$78/隻】唔算大隻不過膠質重，黏黏嘅口感，蝦味濃郁。【深海池魚$188】輕輕火炙過嘅魚皮，微焦嘅香口帶鮮甜魚肉，夾！【銀線魚$188】第一次食銀線魚刺身，閃亮嘅銀色魚皮好吸睛。魚肉味濃郁。【明太子玉子燒$128】明太子係賣飛佛當然要叫啦。上枱時仲冒緊煙香噴噴，我就

最近朋友介紹,所以今次去左一間食和牛專門店巨峰提子梳打$45一坐低 叫左杯巨峰提子梳打, 自己比較喜歡巨峰提子 偏甜一點三點前菜 - $30經理上左個前菜, 最特別係個蒜頭, 吃落去無大蒜味 很特別味醂魚乾 - $98香口小食 , 都好鬆化茄子沙律 - $78茄子沙律外觀好精美, 茄子就細切到好似面包粒 , 口感好特別小弟自己準備開餐啦洋蔥墨魚咀 - $88自己都幾鐘意食墨魚咀,因為彈牙, 好有口感...    有點辣特別推介! 最近有一個清酒放題, 加100蚊就可以無限任飲...都幾醇, 自己飲左四五杯都有點醉但係開心五品刺身響螺 - $298;三文魚腩 - $118;牡丹蝦 - $78/隻;深海池魚 - $188;銀線魚 - $188正餐上場 叫左個刺身拼盤, 正, 好似去左日本食一樣, 特別推介銀線魚 好肥美,肉質好厚日本番薯 - $50;日本長茄子 - $48;粟米 - $28;翠肉瓜 - $28叫左個野菜拼盤, 清一清個味覺極上和牛盛宴（1.5板） - $2220再食一個重量級和牛, 熟悉的牛模型 加上每個牛的部位的頂級和牛..... 入口即溶...之後經理介紹推介吃法由淡食

呢晚又係大小牛魔聚頭既一晚啦今次我地一行四人揀左黎呢度“止牛癮”不過當晚我放工遲左，另外幾位牛魔已經點左兩份“三點前菜”HKd$30+10%食住等我我一坐低就問我飲唔飲酒原來依家餐廳做緊優惠，只要叫上任何套餐後加100蚊就可以任飲店家既house sake 奈何第二朝要返早，所以我都係揀返杯色澤夢幻而味道清甜既“藍蝶綺蘿”HKd$55+10%黎飲就夠啦為左一陣可以盡吸牛脂而唔會膩，我地都一致決定叫返個沙律同刺身黎開下胃先沙律方面，我地要左一客“日本青蘋果蟹籽沙律”HKd$78+10%，當中大量既蟹籽下面有著混上沙律醬而味道酸甜爽脆既青蘋果絲同新鮮沙律菜，食落清新無負擔而刺身方面，我地要上一盆“五品刺身”：當中既“深海池魚”HKd$188+10%同“銀線魚” $188+10%都比較少有，兩者同屬鮮味之選而厚切既“三文魚腩”HKd$118+10%就係肥美既代表食完沙律同刺身呢啲開胃菜之後，就到我地嗰晚既主角牛牛：“極上和牛盛宴”HKd$1580+10%出場啦呢一大份板正好係四人分量，放有不同既牛身部位：舌部、肩部、腿部等都有齊和牛以肥美嫩腍富牛脂而見稱，呢板和牛既質素甚高，每塊牛肉既雪花

Happy Friday約喺銅鑼灣嚟個Happy gathering，難得聚首一堂，梗係要食餐好！嚟到「牛禪」當然一定要食和牛，但其他野食都幾好食！日本青蘋果蟹籽沙律面頭係大量蟹籽，咬落去脆卜卜。青蘋果切絲切得好幼細，爽脆青甜又帶一啲微酸，伴有車厘茄、沙律菜，食完特別開胃。一口芝士總共有六件，三角形造型，小巧精緻，啱啱好一口一件! 外皮脆漿做得好薄，裏面芝士有香濃芝士味，仲好柔軟，但就無拉絲效果。清酒放題惠顧套餐或和牛盛宴可以加$100/位享用90分鐘清酒放題，以用膳人數作準，因為其他朋友都好飲得，我就唯有奉陪，全枱一齊加啦！酒杯外仲有個小木盒，飲清酒禮儀係要人地幫你斟，千奇唔好自己斟呀，仲要斟到最滿或滿瀉先啱，所以店員每次都會幫你斟到滿一滿，係禮貌嚟，唔係迫你飲酒㗎！清酒帶有輕柔酒香，唔會有過酸過苦味道，亦唔會刺鼻，聞落帶少少芬香，都算係幾易入口。極上和牛盛宴用左一個牛板上枱，按返牛嘅唔同部位相應咁擺放，亦有標籤標示。九個部位，每個部位有四片，最啱二人或四人分享！餐牌寫得好清楚，建議由淡味食到濃味，由牛舌開始，最後係肉眼。每個部位都按肉味、爽口度、油花評分，好專業！因為係靚和牛，基本

銅鑼灣真係好多好野食，今日又同朋友去左食好野，黎左世貿既牛禪燒肉食和牛超級好食！除左和牛之外，值得一讚既係小食同飲品都好得！明太子玉子燒~超級香滑既玉子燒，滑到咬落口d明太子要流出來咁，又熱辣辣真係非常好食！極上和牛盛宴~呢個不得了，店員俾左張卡有指示，建議次序由淡味到濃味，頭幾款唔太特別，食到第五款牛外胸腹之後幾款我都嘩嘩聲，越食越好食。個人最喜歡既係牛頸脊同牛小排，肉汁緊緊鎖住，肉質夠淋，超正！什錦天婦羅~有蝦、茄子、翠肉瓜，炸粉剛剛好唔會太厚，蝦好大隻彈牙，茄子同翠肉瓜都保持到水份。藍蝶夢~呢個紫色白色既特飲好得意，個色彩好靚，蝶豆花加乳酸飲品，味道很好！叫左個特別d既海鹽味雪糕，甜品當中有小小咸。另外叫左朱古力味雪糕，好香滑好濃，牛奶味重！

今日放工約埋友朋去到銅鑼灣食飯，今日食我最愛的日本和牛，銅鑼灣世貿牛禪燒肉日本料理，去到餐廳感覺很好環境寧靜，坐低後點了一些前菜加我愛的兩種和牛食品，先上一杯雪裡玉（主要材料火龍果）這個飲品很好飲，等了一會我最期待的第一個菜到了，A5近江和牛海膽丼，這個丼真係好特別，可自己動手DIY包來食用紫菜放上米飯加一片和牛一些海膽再加上魚子及蛋黃包起來食感覺超正啊，入口即融的和牛及海膽味道融合埋一齊wow！另外一個和牛料理在之後跟著到了，極上和牛盛宴，來到食日式燒肉地方點可以唔叫燒肉，見到上枱時已經很吸引了，用來放肉的碟由一個牛形做成，看見牛的每個部分放上幾片肉，再由工作人員介紹了一下餐牌可跟著餐牌上由那一個部位開始食，我已經急不及待開始跟著燒了，果然每個部位跟著食唔會覆蓋了下一種肉的味道，真係越來越好食，由頭一隻肉牛舌開始食到最後期待的肉眼整個過程直頭滿足了食和牛的願望！進食完了這一餐感覺非常開心，服務很好很有禮貌，朋友都話冇介紹錯真心好食！心諗下次一定再來過啦！

上個月同朋友食隔離間18巷，覺得食物質素相當唔錯。當晚見隔離同屬同一個老闆嘅餐廳牛禪有飛騨牛食，即晚已講定一齊再相約去食。聖誕節梗係乘機出黎慶祝食大餐啦~三點前菜 - $30三款中最愛漬物蒜頭~ 蒜頭粒食都真係未試過，又估唔到咁好食。漬物蒜頭完全無蒜頭嘅辛辣味，而且好爽脆。味醂魚乾 - $98即係雞泡即烘即食。魚乾上味醂甜甜地，魚乾煙煙韌韌，仲可以點沙律醬一齊食。同朋友吹水嘅最佳小食。炸雞軟骨 - $38另一吹水嘅最佳小食，熱辣辣炸起嘅雞軟骨，香脆得黎唔油膩，而且唔會太咸，一粒接一粒，食唔停口。芒果蟹籽沙律 - $88 沙律配上有好多青爪絲，加埋芒果蟹籽食，好爽脆開胃。A5飛騨玫瑰 - $1680今晚大餐主角出埸，將牛變成一朵朵精緻嘅擺到咁靚，真係未滿足我味蕾就先震撼我視覺。飛騨玫瑰每款都插有旗仔介紹，分別有飛騨牛脛脊、飛騨牛小排、飛騨A5肉眼同飛騨A5西冷。店員細心同我地介紹一下牛，話要由無咁濃味嘅飛騨牛脛脊開始燒。　　　飛騨牛脛脊好薄，唔駛燒太耐就食得，入口牛味濃郁，沾少少岩鹽已好好食飛騨牛小排比飛騨牛脛脊牛味更濃，而且有嚼勁。飛騨A5西冷係油脂最豐富，燒起黎特別香，肉質柔軟细腻，