囍慶藝廚酒家 (Closed)

好朋友從加拿大回港探親，已多次找我食飯，但因工作忙碌，遲遲都未有抽空與朋友相聚，朋友快回加國啦，我真是提起個心，相約他倆食餐晚餐。他們在外，生活左幾年，當然食西餐多過食中菜，好自然我安排了中菜，他們遺忘了鮮味的味道，今晚就讓他倆有著那味鮮甜味回程吧！中式酒樓，除左坐得舒適又可慢慢嘆著、聊天。酒樓裝飾光潔又寬闊，晚飯精美小菜、仲有特價，非常低食，難怪高朋滿座啦！套餐都好豐富，又低食好吸引。白灼九節蝦，隻隻有手掌咁大隻，而且肥美，蝦膏多汁流出、蝦肉彈牙爽口，肉質鮮甜，鮮味。豉椒炒蟶子，色香味俱全，蒜、豉好惹味，加上色彩繽紛的甜椒，增加美味，蟶子炒得剛好，不韌，爽口又鮮甜。清蒸沙巴龍躉仔，新鮮魚用來清蒸，更顯得鮮甜無比，魚蒸得剛好熟，魚肉一梳梳，啖啖嫩滑鮮甜，青蔥芫茜清香，上面淋上熟油及豉油，帶出魚的美味，味與鮮不可缺少。金銀蛋浸菜苗，樣樣都是海鮮為主，點可以無左清菜呢！用上上湯浸青菜，菜吸入了湯的味道，青菜鮮甜又稔甜，青翠。薑蔥粉絲蟹煲，上菜時，石鍋還在滋滋聲，熱辣辣，粉絲粉得好乾身，吸了蟹的鮮味，鍋底還有蟹的精華湯汁，再用粉絲點上，一流，蟹肉雖然比較細隻，但鮮味十足，肉質鮮嫩多汁。

自從哥哥結婚後，很少一家人開開心心坐在一起吃飯，這次由我統籌到哥哥家附近的囍慶藝廚酒家。 選擇這家酒家的原因是因為這裏的套餐選擇極多，價錢大眾大，加上碟頭大，即使點4人餐，份量亦足夠6人享用。 我們點了十全十美餐，雖說是4人份量，但內容極度豐富，龍蝦、蟶子、龍躉、蟹煲等，全都一應俱全，價錢也只是HK$898。 上湯龍蝦伊麵 龍蝦雖然不算很大隻，但肉質超級彈牙，口感爽脆，非常鮮味。 白灼九節蝦 九節蝦非常美味，每一隻都是大大隻，入口啖啖肉，口感爽彈，而且蝦頭還有甜美的蝦膏。 豉椒炒蟶子皇 蟶子皇超大隻，肥美爽甜，配上豉椒等配料，令蟶子鮮味更突出。 清蒸游水龍躉 龍躉肉質嫩滑，結實而富彈性，沒有半點腥味，非常鮮味。 薑葱粉絲蟹煲 蟹煲以砂鍋形式送上，令蟹肉及粉絲能夠長時間保持熱度，個人認為這個蟹煲非常惹味，入口除了有濃濃的薑葱味，還有蟹肉的鮮味，加上蟹肉鮮甜，口感結實多肉，讚。 勁蒜蒸元貝 元貝厚身，口感結實爽甜，配上蒜香及粉絲，令口感更豐富。酥炸大生蠔個人非常愛吃這個炸生蠔，炸漿薄薄的，外脆內鮮，而生蠔超級肥美，非常好吃。紅燒皇子鴿二隻乳鴿共有兩隻，廚師貼心地將鴿身一分為二，吃時

今晚同朋友去完工聯會學韓文，就去左附近一間街坊酒樓食海鮮之前已經被佢既海鮮餐吸引，因為真係好抵今晚我地特登約好要去食我地就叫左個「八道鮮味」套餐，又有龍蝦伊麵、鮑魚、貴妃蚌、花甲、乳鴿、原條䱽魚，都係$438超抵紅燒皇子鴿熱辣辣即整好多肉汁金銀蛋浸菜苗白灼九節蝦+鮮鮑魚啲蝦都幾大隻有蝦膏添架爽口彈牙，夠新鮮上湯焗龍蝦伊麵龍蝦係用baby lobster, 雖然細隻啲，不過好鮮味係呢度食到咁鮮味既龍蝦都幾驚喜的不過伊麵就碎左啲清煎䱽魚蒸得尚算不錯，唔會蒸到好鞋，而且食得出都幾新鮮我清哂成條勁蒜蒸貴妃蚌真係好香蒜味，都好爽口，如果大隻啲會更好個人比較貪心油鹽水花甲呢個好好味食到好飽都照清哂佢味道岩岩好，唔會太咸，而且花甲係脹卜卜的仲有糖水奉送埋單仲要無收加一茶芥，真係超級抵食

同死黨响馬頭圍道球場打氣，完咗去對面海悅廣場囍慶酒家食番餐。酒家天花掛咗多盞水晶燈，佈置得玫麗堂皇，光線充足，有個好大個魚缸裏面有好多生猛海鮮游嚟游去。我哋叫咗個（八道鮮味），包括上湯焗龍蝦伊麵，龍蝦新鮮夠彈牙，伊麵索咗啲龍蝦汁好好味礦泉水灼鮮鮑魚兩隻夠淋滑。白灼九節🦐好鮮味。條倉魚蒸得恰到好處，好鮮甜。蒜茸蒸貴妃蚌兩隻，配埋粉絲好好味😋又有油鹽水浸花甲。紅燒乳鴿一隻，醃得入味。一大碟金銀蛋浸菜芯，好鮮嫩。重送埋瑤柱蛋白炒飯同紅豆沙。咁多款菜式(包括茶芥又免加一)都只係438元，需然係二人餐,但份量足夠三至四人食，簡直係超值。

香港人飲食好講意頭，正所謂雙位數、成雙成對、十全十美……這樣的菜餚特別有市場。今晚我們一行四人，惠顧了這兒的十全十美海鮮餐，圓滿得來成口鮮味，肚滿腸肥，自然好運齊來！第一道菜：上湯青龍蝦伊麵：龍蝦開邊四份唔使爭，放在伊麵之上，一食教人欲罷不能，肉質爽彈新鮮。第二道菜：礦豉椒炒蟶子：蟶子火喉控制得宜， 肉質零舍鮮甜入味，我連青紅椒都食埋。 第三道菜：白灼九節蝦：名副其實長長蝦身足九節，而且爽滑鮮甜，只蘸辣椒鼓油已經夠味。第四道菜：清蒸沙巴龍躉仔：咪睇佢細細條，其實好夠食，嫩滑魚身新鮮美味。第五道菜：薑葱粉絲蟹煲：砂鍋盛器，上面一隻大肉蟹，滲滿薑葱蟹味的粉絲，最正。第六道菜：勁蒜蒸元貝：元貝大隻隻，厚肉鮮甜，加上蒜香和彈牙粉絲，絶配。第七道菜：金粟海鮮湯：湯頭貫徹海鮮餐的鮮味，有中蝦和蜆仔，還有青、紅蘿蔔、粟米……有驚喜！ 第八道菜：酥炸大生蠔：炸粉厚薄適中，炸至外脆內軟，重口味者一定like！第九道菜：紅燒皇子鴿：同樣切件開邊唔使爭，皇子鴿皮脆肉兼汁澎湃、入口油香四溢。第十道菜：金銀蛋浸菜苗：食完咁多好嘢，這道菜最啱消滯解膩，還有豐厚綿滑的鹹蛋和皮蛋，惹味！餐飲方面，全包宴連椰青水、橙汁

今日朋友生日，於是訂了枱在喜慶酒家，食長腳蟹全包宴。喜慶酒家裝修優雅舒適。有一個大大的廳。長腳蟹珍超值晚飯全包宴$3288。鴻運乳豬全體。先上場的是鴻運乳豬全體，乳豬皮非常脆。有清蒸原隻長腳蟹約四斤。真係大大隻，長腳蟹非常鮮甜，正。堂弄鮮大鮑魚鮑魚雖然不像想像中大隻，但也比較鮮甜。西蘭花象拔蚌蝦球海皇玉液燴燕窩欖醬蔥皇蒸活龍躉，肉質带鮮，非常抢手。蒜香脆皮燒雞肉質都ok，皮带脆。魚湯紅柿浸菜苗開心大蟠桃今晚的菜質素都不錯。與朋友們食得都非常開心。

母親大人除了喜歡食日本菜外, 還很喜歡食海鮮, 友人介绍我帶母親去試試位於土瓜灣的囍慶藝廚酒家, 品嚐十全十美海鮮餐！ 其實我本身比較喜歡偏向食肉類, 但為了博取母親開懷一笑, 我願意陪媽媽試一試！上湯青龍蝦伊麵~份量十足, 龍蝦肉彈牙新鮮, 伊麵吸收了所有精華, 讓人欲罷不能！礦豉椒炒蟶子~大大隻蟶子, 肉質鮮甜惹味, 一食難以停口, 很快便食至清碟!白灼九節蝦~海產的鮮甜, 和蝦肉的嫩滑感呈現出來, 品嚐原鮮滋味！清蒸沙巴龍躉仔~淡淡魚香且輕身滑溜, 魚身香滑無比, 廚師少點經驗都做不到！薑葱粉絲蟹煲~薑葱很惹味, 粉絲Q彈, 配上鮮甜肉蟹, 無論口感及味道都無懈可擊！勁蒜蒸元貝~元貝確實大隻, 厚肉鮮甜, 加上滿滿蒜香同有咬口的粉絲, 真是最佳配搭！！金粟海鮮湯~豐富的湯料有青, 紅蘿蔔, 粟米, 還有中蝦同蜆, 巳很香濃鮮甜的湯底更添厚度, 啖啖足料, 終於飲到一滴也不剩！酥炸大生~炸至外脆內軟的大生, 令人無法抗拒, 邪惡極致, 但又令人愛不釋口！紅燒皇子鴿~燒得香脆肉嫩的皇子鴿肉汁澎湃, 入口油香四溢, 軟滑帶彈性, 肉汁源源從厚肉中流出來, 感覺更juicy!金銀蛋浸

去土瓜灣探望一位長輩，順便同老人家食餐飯。老人家棚牙仲好有牙力，要食海鮮！佢一早已經安排好，著我去了附近的這間酒家，在長輩面前，你再長大還是他們眼中的小孩坐低一望，海鮮8度菜才$438😵價錢有點令人難以置信吧！先來龍蝦伊麵！龍蝦新鮮蝦味濃，配上伊麵當然就是一絕了！白灼海蝦有六隻，好大隻，脆口好味！貴妃蚌同樣出色！另蒸䱽魚好好食，老人家食左大半條！的確係好滑好鮮！另外乳鴿皮脆肉嫩，真的很回味！加埋碟菜、花甲同飽魚，真的是超滿足的一餐！難得老人家食得開心，我見到佢開心所以開心之餘，自己都真係享受呢一餐美食，仲要咁抵食！讚👍🏻

囍慶，一間藏於土瓜灣呢個舊區既酒樓，有別於一般細區既酒樓，佢既出品真係有信心保證！平時我經常去飲下晝茶，點心一流！價錢合理，今次第一次食佢既夜晚，連埋屋企人四位～閒日夜晚都好旺場，坐得舒服鬆動，大螢幕播住有咩筍野套餐，見佢有個八道鮮味套餐，就叫啦，今日想食海鮮！服務員呀姐好有禮貌咁幫我地分湯，一邊同我地介紹，一句小心熱呀好窩心❤️留意返！個湯已經好鮮，魚湯底配花甲，大蝦，粟米令湯甜上加甜，唔同出面既魚湯，佢既味好似屋企滾既魚湯咁鮮，肯定唔係濃湯寶先，正！第一鮮：九節蝦🦐，甜！爽！彈！食得出好新鮮沒腥味，肉質好彈實，每隻肥美！第二鮮：豉椒炒花甲，隻隻都有肉汁必出來，鮮甜沒沙泥味，個椒都好有穫🔥氣！第三鮮：乳鴿，肉質滑，醃料味香濃，本身唔好既我都食兩件第四鮮：薑蔥粉絲爆蟹煲，我掛住食影漏左個蟹蓋上仲有膏呀，好鮮甜，蟹肉好濃香，鮮甜，經理好細心叫我地用鉗開肉食！第五鮮：勁蒜貴妃蚌，名付其實好勁蒜，廚師應該加埋贊滾油落去，帶出個惹味同鮮味，個蚌好厚肉，好好食，成個口都係鮮味加蒜味第六鮮：蒸鮑魚，好彈牙有口感，又唔會過份老同鞋口，鮮鮑魚要蒸到咁啱啱好真係好考功力同火候第七鮮：龍蝦伊麵，龍蝦走油後好

星期六同街坊一齊食午市茶。街坊消息話到1200就無人等入座，點知勁多人等，仲聽到問客搭唔搭枱。好彩門口d叔叔好好人，讓位俾我家長者坐住等。眼見到唔少長者同行動不便人士嚟呢到飲茶，可能因為有電梯，同埋北帝街有間茶樓無咗，所有d人嚟曬呢到食。我地入到去無人帶位，好彩我睇下估下又俾我搵到張枱。對正洗碗嗰間房，強烈 up 臭味。算，有嘢食應該蓋咗d味嘅... 一坐下，家人同街坊議論紛紛食咩食咩嘅時候，阿姐攞住d豬腳仔嚟推介，仲話平過點心紙喎。係入味又諗，加埋酸醋好正~ 脆皮燒腩仔有兩條，感覺抵食d，暖暖地，真係脆皮，加埋黃芥辣又係正~ 叉燒腸無期望，都係唔靚嘅同肥嘅叉燒。咸水角正常嘢。沙律脆蝦春卷好新鮮好脆，油都應該唔係萬年油，見到滴出嚟嘅油清嘅，無益味。薄罉有d雜菜，暖暖地，邊脆脆地。炸魷魚鬚較油。脆麻花暖暖地又脆，上面d蜜糖好甜，好邪惡呀！點心~ 街坊茶樓嚟講，質素都唔錯架~ 全部都熱辣辣嘅~ 煎櫻花蝦餅加甜酸醬，正！ 芥末芝士丸就無咩芥末味，芝士醬就喺面頭嗰d，入面有d似魚蛋咁。煲仔飯好抵食，雖然無飯焦食唔夠香，不過都有成3碗飯架。紅棗糕暖同諗嘅，所以新鮮嘅。燉奶係正常嘢。最好味嘅係淡淡

今日一家四口去土瓜灣搵食，發現依間酒樓質素好好！職員做野又快手、服務又好，真心值得推薦！叫左個八道鮮味海鮮餐$438（2人餐）再加兩位白灼九節蝦- 好鮮甜紅燒皇子鴿- 肉嫰👍🏻豉椒炒花甲- 好入味👍🏻金栗海鮮湯-好足料，有蝦有蜆金銀蛋浸菜苗XO醬粉絲蟹煲- 用石鍋整，一黎到熱辣辣，好入味👍🏻👍🏻👍🏻龍蝦伊麵- 好足料，龍蝦好鮮👍🏻👍🏻炒飯清蒸龍躉仔-肉好嫰👍🏻👍🏻勁蒜貴妃出蚌，如其名，真係好重蒜味，配粉絲一流！鮮鮑魚，好鮮，咬感唔錯！最後仲送紅豆沙👍🏻👍🏻總結，依間酒樓服務一流，執枱快手，職員仲會好細心幫我地換左幾次碟，上菜會因應我地食野既速度調節，真心細心，同埋野食份量都好足，咁好既質素真心少有，雖然位於土瓜灣位置唔算方便，但會再返來食！👍🏻👍🏻👍🏻

一家人落街食飯, 亞媽話今日想食好D, 哈哈……所以我地去左呢間酒家食晚飯. 一坐低就緊係望下有咩好食啦…嘩有好多正野呀, 食咩好呢, 哈哈…..首先我地每人叫左一盅蟲草花花膠燉豬展湯$38, 嘩…堅足料呀, 又夠哂補, 而且花膠仲大大隻, 仲要唔只一隻呀, 堅正!! 而且蟲草花又有益, 味道清甜, 成個湯都不油膩.嘩….仲有D特價野, 超抵!! 叫左個上湯加拿大龍蝦$108, 仲要有伊麵底, 龍蝦口感彈牙, 份量也不少, 必叫!!跟住叫左個菜, 呢個菜比一般特別, 雖然兩者都係常食的, 但原來加埋一齊咁食又唔錯喎, 就係蕃茄浸菜苗, 又幾開胃GA BO, 菜苗又清甜.再叫左兩款海鮮, 蒜茸粉絲貴妃蚌4隻$88, 嘩…..勁多粉絲, 如果叫左飯就可以用黎送飯一流, 不過我地飽飽LU, 隻蚌都好大隻下架, 口感爽口.跟住就係清蒸鮮活大鮑魚$30隻, 鮑魚大大隻, 大廚蒸得剛好, 口感彈牙, 由於係新鮮, 所以味道鮮甜.最後就係甜品啦, 有紅豆沙.

黎到土瓜灣都見到呢間酒樓喎, 原來都有好幾間分店架, 因為平時係屋企附近都有去食, HAHA…佢有好多餸菜都好抵食架, 所以黎到呢到都唔可以錯過LOW, HAHA….先黎個菜同肉先, 叫左個燒腩仔, 外面個層脆卜卜, 味道咸咸香香, 肉質又唔會梅, 讚!!菜就叫左呢個蕃茄菜芯, 呢個餸清清地幾好, 又開胃, 味道酸酸甜甜.跟住就叫左2款海鮮, 有呢個蒜茸粉絲蒸元貝, HAHA…D粉絲多到幾乎藎住哂D元貝呀….蒸得夠淋身, 加埋D豉油一齊食正….元貝也大大粒, 好抵食!!仲有呢條超正既清蒸沙巴龍躉斑仔, 都只係$68, 除左價錢抵之外, 最緊要就係新鮮&蒸得夠滑, 無過火.哈哈…最後仲有西瓜食, 好清甜

因為唔熟土瓜灣，就開openrice搵間酒樓同家人晚飯，見呢間都幾多正評，就試一試。環境喺舊區來都算乾淨整潔，座位都幾闊，第一印象不錯。囍慶小炒王，估唔到呢度嘅小炒王係腰果西芹蝦仁，味道還好，腰果幾脆，略嫌鑊氣不足。蒜蓉粉絲蒸元貝，蒜香味一流，呢個蒸得夠出色，元貝幾大粒，粉絲又入味！孜然蔥爆牛肉都不錯，反而比小炒王夠鑊氣，牛肉幾淋，大蔥好香。頭抽銀魚蒸茄子🍆，蒸魚豉油好入味，配合魚乾幾夾，不過有啲茄子切得太大舊，蒸得不夠淋，但味道出色！附送綠豆沙糖水，足料！可惜煲得不夠喉，變成綠豆渣。總括價錢經濟實惠，🍻大枝藍妹啤酒只係$36比其他酒樓平成$5-6，抵飲抵食。

慶祝一下上了年紀的同事的生日，就選了間近近地的酒樓叫了個龍躉開心宴六人餐，主要是海鮮類餸菜，包茶芥加一、一枝大生力啤和一渣澄汁，如果六位計落每人都是$150。是日老火靚湯售罄轉左粟米魚肚羹，口感可以接受，不會太稠。燒鵝拼叉燒，叉燒好出色，半肥瘦，蜜汁味香濃！不過份量不夠，每人只有兩舊，反而燒鵝份量多，抵食。上湯大蝦球伊麵最正！個汁非常出色，加蔥花和伊面食好好吃！🍤都大舊，幾鮮甜，呢道菜💯礦泉水灼活鮑魚，幾新鮮，不過沾蠔油怪怪地。西蘭花炒龍躉球鑊氣夠重，龍躉大片，西蘭花都炒得很香口。最後一道甜酸菜浸龍躉頭腩，勝瓜幾淋幾好吃，但甜酸菜超鹹，唯一敗筆。整體食物都不錯，不過份量就有點小，我們五個人都是剛剛夠，但價錢夠經濟實惠。