囍慶藝廚酒家 (Closed)

住在九龍城多年，雖然多食肆，但有時都唔知再食邊間好，是晚要到工聯會買野，完事後便與家人來這裡晚膳望過門面有火鍋有小菜，還有優惠小菜，如一蚊雞，好抵由於前晚先打完邊爐，所以都係點小菜晚膳時間差不多滿座，都幾多人幫襯喎先來半斤白灼生蝦隻隻都幾有睇頭，蝦殻不痴肉，新鮮的，肉質彈牙，有啲仲有蝦膏添花膠鵝掌海参煲好快便上菜，估不到是整個石鍋上，超熱‘是li sa la’嘅聲，煲入面嘅汁滾到起泡泡，份量超多，入面有四大隻鵝掌，炆到淋淋的, 但又不會走樣，花膠海參都有睇頭，有口感XO醬爽肉啫啫芥蘭煲，同樣都是以熱辣辣石鍋端上，爽肉即豬頸肉，真係好爽脆廚師仲起芥蘭菜的根切走老皮，食落嘅時候唔會有渣同埋好爽口的，一啲都唔老燒乳鴿，細心的將佢切得細件，食嘅時候很方便，皮都脆脆的，端上檯的一刻都很香口惹味最後仲送埋生果糖水比我地，真係大滿足糖水是晚有紅豆沙同埋喳咋出面好少有免費喳咋食，入面好多豆，好足料，又有點椰香味，好豐富！總括來說，呢度嘅小菜都唔錯，尤其兩個石鍋，雖然天氣唔係話太凍，食小菜就是要熱辣辣啦！另外，侍應們有笑容，很好意為我們換碟，又比檸檬水我洗手 （拆完蝦殻）

本黎係熟客都要黎俾個劣評佢！book 左枱食團年飯，個晚仲要早到左既，全場都只係坐左幾枱客。重點係我地早半個月已經book 左枱！早左15分鐘到既我地，有老有少。去到竟然話張枱俾左第個客。個理由係我地中午無聽到佢打黎個電話，又話我地冇落訂，但當時訂枱冇叫人落訂。但重申全場只係坐左幾枱客 and 我地係比訂枱時間早到15分鐘。而且職員態度十分差！

已經第二次係Yahoo買呢間酒樓嘅四人餐👍🏻，份量好多，味道都好好，上菜速度又快四人食非常飽，平靚正5百幾蚊，四人餐又羊腩煲，又雞絲翅，羊腩半肥瘦，唔會好乾，入面有枝竹冬菇馬蹄同荀，出面街淨係一個羊腩煲都要200蚊啦咕嚕肉炸得香脆無肥膏，好正xo醬翠肉瓜炒蝦球，蝦應該係雪貨但都好大隻，有鑊氣臘味糯米飯外表就麻麻地，不過食落又唔錯仲有一條斑仔，蒸得啱啱好最後仲有奶黃千層糕做甜品成餐飯掛住食都無影相😋土瓜灣分店人唔太多，坐得好舒服

呢間酒樓上菜好快，唔使半個鐘已經上哂大部分嘢，無論係團購餐嘅定自己額外點嘅。啲嘢又熱辣辣，份量足，用餐環境同服務都好。免茶芥，糖水同外賣物資冇額外收錢，如果再有團購劵賣一定會再幫襯。

一向做開街坊生意，但竟然近排愈加愈貴，貴得很離譜，尤其在特別日子加上再加，現在都不會再光顧了。叫左碟燒肉飯，幾乎每舊都係肥豬肉，叫人如何食呢？叫了一碟煎釀茄子，但竟然連咬不到的部份都會用黎做食材，質素真係唔多掂。

不知所謂嘅服務！落單阿嬸擅自更改隔離枱張點心紙枱號，寫晒落我地張枱！到上點心時我地話冇叫過，仲要睜大眼講大話屈我地話係我地交俾佢！😡件惡煞部長仲埋黎大大聲凶我地，指住碟我地同隔離張單common嘅沙律卷質問我地＂你地點呢味張單劃咗幾多樣？！幾多樣？！＂好似審犯咁！😡 結果？！嘈到隔離枱終於發現我地爭論緊佢地張單！而涉事兩件落單大嬸同惡煞部長就道歉都冇句，靜靜閃咗去！不知所謂嘅服務！😡😡😡

呢個位已經轉左好多手，其實以平民酒樓黎講，之前幾間都幾好，但係唔知點解幾年就換一換，唔知係咪有人無良定真係轉手！Anyway，原本諗住同家人去七喜，但係時間夜左，驚無位，所以轉左去飲茶，一時醒唔起係酒樓新年做新年菜式，變左菜式擇不多。燒味雙併﹕出乎意料好味，燒腩算幾正，五層樓，皮脆但係可以再好D，叉燒有D叉燒皇既質素，瘦而淋！生炒骨﹕比平時食差左，可能新年關係，粉多過肉，個汁幾好味都無用！清蒸頭腩 / 炒斑球﹕皮厚煙韌肉結實，火候岩岩好，正…油鹽水菜蕊﹕菜價貴，用左唔好粉絲頂住，平日都唔係咁既，菜蕊唔夠淋咁！燒乳鴿﹕熱騰騰，可惜皮唔脆口。不過大大隻，肉香多汁兼入味，唔脆口都食得滿意！其實呢間D紅豆沙唔錯，可惜當日未有供應，實在可惜！

今晚同家人提早食冬至飯，到土瓜灣囍慶開餐，我對這酒家沒有什麼期望。 大沙巴龍躉：魚熟的程度剛好，魚肉滑。燒鵝皇(半隻)：一般燒鵝味道，普通。鮮竹泡菜苗：正常味道。化皮燒腩仔：夠化皮，肉不太鹹。乳香藕片黑豚爽肉：好香南乳味，黑豚肉爽。菠蘿咕嚕肉：咕嚕肉唔乾，甜酸度適中。拍蒜生炒菜心遠：菜青綠及爽，好味。薑汁芥蘭：薑汁味少，但芥蘭好爽，不錯。因要早走，沒有食送的甜品（紅豆沙），老公說非常好味，我沒有食走寶。今晚的晚餐不差，對囍慶有所改觀。

婆婆住係土瓜灣，搵親佢通常都係黎呢間飲早荼呢間酒樓仲用緊推車仔形式賣點心真係幾難得開食評想推介既就係—流沙奶皇包幾乎間間酒樓既流沙奶皇包都做到流沙但有好食既奶皇涵就唔多呢到既奶皇涵唔只得甜味蛋皇既咸香仲好出涵份量再多D就好，食落大滿足其他點心就不過不失，無咩特別

土瓜灣，一個以街坊為主的地區海悅廣場，以前這裡是珠江戲院家人一向早做節，這次選擇囍慶因為這裡剛剛是我和親戚家的中間反正未試過就試試吧！一早已經訂了位，所以不用等候看看菜牌，可能做節關係(雖然不是正日)散叫價錢也不便宜，四人套餐就只有一款不過有乾鮑，而且是全包，就豪一次菜單如下：第一樣上的乳鴿，剛剛炸起算不錯蟹肉西蘭花，西蘭花幸好夠淋，老人家也吃到蟹肉就普通了翡翠帶子蚌片，帶子大隻，蚌片不硬，用XO醬炒夠味主菜來了，36頭日本吉品乾鮑魚，用石窩上夠熱，應該是溏心(沒吃過其他太貴，其實很難比較)，覺得好味就當係生菜和鵝掌很好味清蒸海石班，四人餐來講算大，熟的程度剛剛好，不錯金蒜銀絲炒飯，反正是等了最耐，其他菜式食晒都未到，結果要搵部長追，但最有驚喜，"無料"的炒飯金蒜找不到，銀絲是炸過的粉絲，另有蛋和脆玉瓜，出奇的炒得好吃，粒粒分明又夠鑊氣又唔油。最後是合時鮮果(只是西瓜一樣)，酒家再送上了菜單沒有的紅豆沙

這是傷感的一天，天公也灑下雨來，中午送別了岳父大人，吃過了解憂酒，暫且休息了一會。親人的離去，使大家更珍惜彼此相處的時光，到了晚上，再與廣州來的親戚吃頓晚飯，答謝他們遠道而來。到安老院接了岳母大人，便到這商場內的酒樓，共晉晚餐，服務員介紹了這席全包宴，說是甚麼比賽土瓜灣組得獎，我們因有十三人，怕份量不夠，我們再加添半隻燒鵝。全包宴： 豉油皇香煎海中蝦，先試試豉油皇的味道，夠鹹而不夠香，黃豆的豉味不足，蝦是養蝦，肉質可以但欠蝦味。 燒味大拼盆有五款燒味，叉燒，豉油雞，燒肉，燒鴨和海蜇，質素不算太差，但絕不出色，作為頭盤大家尚可一挾。鳳梨龍皇卷，太座的一件，吃到有蝦，但我則吃不到，沙律醬加菠蘿，不吃沒損失。醬爆雲耳花枝鳳片，這一碟份量極多，翠玉瓜和雞片佔的比例較多，雲耳和花枝片較少，用XO醬炒，微辣惹味，然而雞片和花枝的茨汁太多，賣相不夠吸引，舉筷為艱，眾人幾番努力，也吃剩些少。海味竹笙燴魚翅，材料有魚肉，蝦肉和魚唇絲，魚翅是超幼針的水盤翅，加了雞絲和竹笙，埋個茨，也似模似樣，味道也不錯。清蒸大海青班，魚是養魚，不用深究，蒸的時間掌握得算不錯，無黐骨，薑絲和豉油提味，魚肉無腥味，大家都無

今天十分得閒, 走呀走呀, 不經不覺, 由黃埔, 神奇地走到遠遠的馬頭圍道, 見這種半舊不新的酒樓, 又未到午飯時段, 吃多次早餐啦, 馬拉榚, 尚算淋, 但不夠味, 咬入口也不夠熱, 素腐皮卷, 十分脆, 應該是剛炸起, 但食得出是翻炸的, 有些少硬, 而且材料少, 糯米雞, 不夠熱, 糯米一舊舊, 應該落得太多水, 太濕, 食食下, 有人搭枱, 有些意想不到, 我們的對話唯有終止...

唉, 一早起身諗住孝順下D老人家, 所以去飲茶,嘩, 9 點幾, 仲有早茶特惠點心,見到有滑肉豬潤腸, 仲特價$5.8心諗,唔好次次食蝦同叉燒啦, 新鮮d, 整碟滑肉豬潤腸.點之, 搵左成朝,終於係碟滑肉豬潤腸 搵到一粒, => <= 這個公仔頭既豬潤"興"起想黎, 攞番張紙睇下, 係唔係叫錯滑肉腸, 但d肉又唔係特別滑先死.......又叫左菜苗餃, 嘩, 忽然覺得自己變左隻牛, 同牛食草應該冇乜分別囉.成餐茶,除左d茶幾好之外, 得個"唉"字.

日頭飲茶見到原來有火煱, 今晚就試吓佢啦. 夜市都冇乜人真係驚佢會執. 講返啲嘢食, 叫咗:莞茜皮旦湯底. 好香莞茜味, 飲落乜味都冇. 芝士腸 - 有啲有芝士, 有啲冇. 有芝士嗰啲就幾好味, 冇芝宜士嗰啲就一啲都唔好味.粟米 - 唔甜, 硬崛崛.花枝丸 - 好鹹.鹹得好緊要.肥牛 - ok, 唔似第二啲酒樓咁得 4-5 片. 同埋唔太肥, 幾好幾好.其他有滑牛,豬膶, 牛柏葉, 鲩魚片, 金菇, 生菜同油麥菜. 啲肉就冇嚟特別. 但係啲蔬菜又幾好喎, 有誠意喎, 有認真洗過咖.叫咗豆卜, 火腿丸, 雞片,午餐肉又冇嚟, 反而嚟咗肉片, 九肚魚&魚腐另外佢有自助調味吧, 啲豉油又係好鹹...雖然有一碟燒鵝送, 但係好肥, 成碟都係油. 有樽裝汽水, 啤酒, 橙汁, 酸梅湯 & 夏枯草任飲. 但係$97 一個人其實幾貴. 全場得一個亞姐真係做嘢, 其他十個有九個都喺度吹水, 都唔係做嘅...

通常沒有連鎖式分店的小酒樓,都很小人會選擇這些小酒樓舉行宴會. 今天我家附近的聖堂便選擇這一間酒樓筵開超過二十席.講真,不是有連鎖式分店的酒樓才有水準. 小酒樓都很有水準的.今天有幾款,我想特別稱讚來介紹一下給大家.1)發財好市瑤柱脯- 三款也很配合,配合得來口感剛剛好.2)荔茸帶子卷 - 雖然很熱氣,但荔茸+帶子味道真係好夾. 一咬口就覺得好好味. 還有,不要以為帶子在內,應該係細細粒,但絕對相反,帶子仲好大粒添.3)蟹肉雞絲海皇翅- 味道也是很適中,細細間的酒樓也很慷慨給我們大大梳翅,有幸地,我地這一圍只有11人,我能多食一碗. Yeah!4)蠔皇金錢扣花膠筒- 花膠超滑.5)清蒸海虎斑- 這條魚,看他的外表真是不多開謂.但這是我今晚食過所有味菜,最好味的一碟. 可能上一個月曾去過大連鎖酒樓吃過很韌,清蒸過了時的魚,所以今晚能食到很滑,時間剛剛好的魚,也很開心.今晚,菜譜裏的所有,我也十分滿意. 真的再告訴大家,不是連鎖大酒樓的水準才有保証,這些小型酒樓也有出乎意料的高水準.