西環碼頭 (Closed)

已有好一段日子未有到訪西環碼頭，今次和家人在這店吃了一頓晚飯。 晾衣白肉：賣相不錯，白肉夾上青瓜吃一脆一軟，味道清新輕盈。 蒜蓉粉絲蒸扇貝：店外魚缸的扇貝遠比上碟的大，感覺有點被揾笨，下回還是親身指指點點較有保障。說回扇貝本身，味道還算鮮甜肉厚，蒜蓉粉絲汁鹹味稍重。 豉汁聖子皇：食味鮮甜彈牙。 胡椒中蝦：中蝦很細隻，味道不濃郁，胡椒辣味重，但不算惹味吸引。 杏仁片蝦餅：蝦餅彈牙度中規中矩，杏仁片香口，蝦餅味道偏淡。 柚子斑塊：炸漿外層仍算鬆化，斑塊食味不突出。 魚湯魚腐浸勝瓜：普通。 烤豬手：豬手鹹而不香，外皮脆得來稍實，烤煮時間略長了少許。 小碼頭炒飯：炒飯乾身，惹味度保持水準。 雪梨無花果糖水：潤喉甜美。整體來說，食物水準似乎有所滑落，亦影響性價比，期望只是一時失準，下回再試。

豉椒蒸蟶子蟶子非常大隻，味道鮮甜，爽口彈牙黃芥辣杏片炸蝦球蝦球頗大隻，但味道頗一般士多啤梨骨士多啤梨汁甜甜酸酸，幾開胃，三個人吃都幾飽炸蠔比較油膩，吃一隻已經很飽蒜蓉蒸帶子味道可以，帶子軟硬程度剛剛好整體而言，這餐海鮮餐頗貴

因為同別人一起吃, 所以無影相.試了杏片芥辣蝦球, 正! 啖啖肉的大蝦, 鮮甜, 個醬調得可以掛汁, 很是喜歡.胡辣蝦, 很多胡辣粒, 鮮蝦因而帶辛辣, 好味道.金銀蛋莧菜, 可以.芝士球, 芝士加入擬似蝦肉同炸, 有沙律菜在底, 味道唔錯.炸豬手, 無試, 不喜歡吃豬手.砵酒牛尾, 又是不喜歡牛尾, 無吃.送的蕃薯糖水, 蕃薯唔靚, 吃了一點放低.整體頗好, 七十五分.

今次係我第一次寫食評。其實唔係第一次想寫，每天遇到特別"差"嘅服務，都想上黎分享番。（我好懶 ）西環碼頭，你好彩 ！我而家得閒寫。今晚係中秋節，諗住喺屋企附近一家食返餐。幾日前屋企人以經book左枱。一行人，包括兩個老人家，去到遲左四分鐘左右。入去攞位。阿姐話：「張枱埋緊單，你等一等。」我：「哦，好。」跟住，出左門口外等。等左一陣，有三個外籍女人入去，係walk-in嘅，喺門口負責海鮮部嘅男人過黎招呼。海鮮男：「do u have reservation?」女食客：「no.」海鮮男：「just one minute, ok?」（明耍佢地）....一陣後，有5，6個大陸人入去阿姐：「你地遲左半個鐘喎，一有枱即刻比你地啦~」( )...一陣之後，叫左三個外籍女人入去...再一陣之後，大陸人都入埋去...沉默地觀察嘅我終於出聲：「點解我地未入得，無book都入左?」...阿姐：「你地遲左黎喎!」 WHAT?!!!!!你話人地埋緊單，就有位，等左三個字你同我講啲咁嘅嘢! 最後，我地決定唔幫襯!走! 近年好多餐廳酒樓嘅服務質素都明顯下降，唔知係自由行政策嘅原因，定係香港回歸祖國後被強國人同

初初以為呢間野只係玩gimmick...厄下鬼佬遊客不過都諗住試下新野啦所以我哋一行兩人係星期日夜晚八點就入左去入面嘅環境氣氛都好好可以從玻璃望出去但係可能人多果渡都好嘈啊不過兩個人食飯選擇做少啲啦最後我地只係食到兩個菜 呢碟係士多啤梨三度骨啲排骨真係好入味...即時咬到入去都仲有好濃郁嘅士多啤梨味...碟底都仲會有好多士多啤梨果粒..相信係用果jam抄嘅雖然果味係好好但係D排骨就有啲韌...相信係有啲overcooked 左 呢碟係芥末杏仁蝦球呢啲真係冇乜好彈芥末味又恰到好處...唔會令人太攻鼻仲有啲沙律醬...有啲似沙律明蝦球啲蝦大大隻又好啖啖到肉真係令人食完好滿足

週末的西環碼頭非常旺, 上星期六8時walk in, 無位。 今個星期9時才去, 可以不用等位了。之前光顧過幾次, 每次都有不錯水準。可惜今次有些少失準。主要是口水雞非常瘦, 基本上是皮包骨。最重要的是已經餿了! 可能天氣太熱吧。除此之外, 其他餸菜都一如以住, 保持水準。油鹽水花甲浸得剛熟, 肉爽甜, 乾淨無沙。份量亦不少。翠玉瓜炒野箘略嫌太油, 但調味適中, 翠玉瓜炒得不會過火, 保持脆口。薑蔥桶蠔, 好肥美, 緊緊熟! 很好很好味! 西環碼頭的出品都是踏實型, 不太花巧, 碟頭算大, 夠鑊氣, 有地道小菜風味。希望日後可改善冷盆的質素。

西環碼頭最近有幾路朋友不約而同地極力推介這間已成為他們飯堂的海鮮飯店，所以上個星期三來了這裡一試。此店門外放了一個大魚缸，話說每天都會放滿新鮮捕獲的海鮮。我們到時，露天對海的桌子已坐滿，客人面上還寫滿了慢慢吃，寫意地看海不想離去的樣子，我們為有走進店內搵枱。九點半已過了晚飯的繁忙時間，店內只剩下幾枱客人，所以有好幾枱給我們任坐。有些食評話這裏環境較迫逼，但我反覺得是應有的碼頭海鮮店舖風味，環境整潔衛生，坐得唔算太差。一如過往，這晚我還是點了過多的菜，冷盆有：晾衣白肉—此菜關键在于肉片一定要切得越薄越好，入口即溶，香而不腻。白肉應該要煮熟，涷了先切片。可惜這裏的白肉切得唔夠薄，煮得過熟，估計應該是為了節省時間肉是切了先煮。唔係入口即溶，但味道還可以，賣相也不錯。始終都是主打海鮮，其他菜失色點也可以接受吧。麻辣口水雞—這個有點不像我吃開的口水雞。極其量是白切雞加辣椒油,辣味融入不到雞肉内,还有欠麻味。再來一盅例湯。有食評話例湯太多渣唔夠湯。今天例湯是紅蘿蔔，粟米豬骨湯，可能因為用料唔同，我們這盅最少有十二碗。湯好夠火候，唔覺有味精，沒有太多油，用料足，好好味。主菜有：待應介紹的杏片芥末蝦頭

見到他們有些負面食評，其實他們都唔係咁差呀，我都食過5,6次啦，都有推介比朋友。年初二契仔契女來拜年一起食飯，我亦推介友人到這裡試試，無可否認，依度環境一流，係市區對住個海食飯喎，除咗鯉景灣，西區非他莫熟啦，仲要係食中菜添。因為有小朋友關係，樓下啲檯比較窄，伙計見到即刻安排樓上房間，服務另我好滿意。點了以下食物：胡椒浸花甲：個湯好濃好有胡椒味，花甲肥美野菌濃湯浸鮮雞：我每次都食依個，好多菌，感覺比較健康是日餐牌精選茄汁蝦球：依個點比小朋友餸飯，唔錯杏片芥末蝦球：依個點比大人食，$98有8大隻蝦球，個汁辣辣地夠FUSIONX山骨：唔記得個名，其實係南乳豬扒，我個人唔係咁鍾意濃味食物，但友人話唔錯，又夠熱辣辣蒜蓉炒豆苗：炒得幾好，夠鑊氣豉油皇炒麵：夠乾身，唔會油淋淋埋單：$8XX，大家都食得好滿意。新年快樂！

我同朋友決定去大刷一餐，地點係屋企附近的“西環碼頭”啦~呢間食肆已經變成我同朋友的“飯堂”，就係因為佢有質素、海鮮明碼實價、仲有我最愛的“龍皇泡脆飯”~門口有個大大的魚池，寫明每樣海鮮的價錢，呢個價仲包埋基本的烹調費，例如$98一籮的花蛤，就可以豉椒炒、酒煮…抵食架~先來一個果皮蒸鮑魚仔（$118），朋友欣賞佢洗得夠乾淨，我就鍾意佢成粒切開再放上個殼，可以好有儀態地食囉~當然，佢蒸得啱啱好，又爽又甜又好吃~再來一個蒜蓉粉絲蒸帶子（$78），今次就蒸得太熟了，粒帶子肉硬了少少，好在條裙邊仲好爽脆，正~主角出場，呢個“龍皇泡脆飯”（$78）真係超抵食，用海鮮炮製的湯底，加埋魚肉、蝦肉、帶子粒、珊瑚蚌、菜粒、白飯等，再用個火爐滾熱，然後再加埋炸到脆卜卜的飯粒，一入口，幾百種鮮味湧上來，包你食完一碗又一碗~我不可一日無菜，之前試過薑汁豆苗真係好夠薑，可惜宜家豆苗成百蚊斤，唯有轉食泰式通菜。服務員介紹我地食啫啫通菜，果然無介紹錯，又辣又香又keep warm，$58抵呀！朋友就不可一日無肉，試了蜜糖檸檬焗鹹豬手（$108），估唔到又幾盞鬼喎，又甜又鹹幾特別；朋友試吓點青檸汁，咦，好有泰菜feel

晚膳於西環碼頭，飽吃一頓海鮮餐。豉椒炒蜆：例牌份量不算少，蜆肉飽滿，味道不俗。倘若上菜温度能熱一些會更佳更香。冰鎮白灼青邊螺：店方推介，青邊螺清甜爽脆，但體積偏小。蒜蓉粉絲聖子皇：聖子皇很鮮甜彈牙，水準貫徹地佳！薑葱肉蟹：體積很大，肉質鮮甜結實，蟹鉗部份尤是豐滿，而且juicy！砵酒蠔：蠔很肥美，外層炸漿厚薄得宜。稍嫌不足的是有欠砵酒香味。士多啤梨骨：果香不算突出，但肉排肥瘦恰宜，肉質鬆軟！ 薑汁芥蘭：薑汁味不突出，芥蘭爽脆，選料不錯。雜菌上湯時蔬：普通。連其他酒水飲品，都只是二百百元一個人，算物有所值！

一屋海鮮人, 週日家庭樂, 海鮮是也......甫下車8:30PM, 滿座, 部長示意15分鐘有位....琵琶蝦早已沽清, 改乳龍蝦, 花甲, 元貝, 另魚王推介象拔蚌煲....也好坦白說, 小菜真的做得不好, 肉類可免, 時菜還可....海鮮可不同....主打嘛四款海鮮, 出場!!!!!!!!!!!1. 豉椒炒花甲: 花甲肥美, 鮮甜十足,冇沙啖啖肉, 我加了$30連炸麵, 把花甲吃光撈汁吃, 十分鐘吃光!!!!!!!!!收$128, 抵過臨尾叫炒麵2. 象拔蚌煲: 葱度太多太咸, 象拔蚌吃出是急凍貨, 失鮮之餘更煮過火, 魚王失手了,$198完全不值3.蒜蓉元貝: 一般海鮮酒家也有的, 但實情是"急凍加殼扮新鮮", 這裏卻不是, 你要用些力出來, 我們喜歡先讓牠吸些汁才吃, 售$98.....抵4. 芝士焗乳龍蝦: 個汁送飯一流....乳龍蝦極鮮, 極甜, 強調並非常有, 蝦殼可包回家煲粥, 泡飯消夜, 才278X3隻......極爽後記: 飲品是藍莓沙冰, 店長推介....幾好飲, 侍應生招呼不俗....送的元肉糖水也很美味....埋單1K....滿足....

Went back tonight - we ordered 4 dishes.We liked all :Clams with salted soup 濃湯浸花蛤 - very fresh and tasty Stir-fried pumpkin sprout 蒜子炒南瓜苗 - good for fiber soy sauce chicken 豉油雞 - they used frozen chicken, however the texture was done nicely - it was juicy and tenderstir-fried noodle - pure vegi 豉油皇炒麵 - very good texture - dry and not oily The waiters and waitresses were attentive, kept changing plates for us the whole night. Will still come back to Harbour Restaurant

西環碼頭新開張當晚去食過一次. 當時真係無話可說, 好多食才都未ready 好, 人又未ready 好. 算啦. 尋晚諗住比多次機會佢地啦. 我地一家三口在露天位坐低. 叫左半隻豉油雞 ,濃湯雜菜煲,粟米斑塊,香草茄汁燴牛尾, 叫左盅老火湯比阿仔, 盅老火湯係一人份量, $30.豉油雞實物同餐牌的相, 差好遠. 佢收$88半隻, 可惜味道同肉質唔成正比, 雞肉梅梅地, 應該係用雪藏雞. 冇雞味. 盅老火湯仲離譜, 浸住一舊比乒乓球仲要大的豬骨, 畢起舊骨, d湯只有一半滿 !!粟米斑塊, 斑塊同個粟米汁係分開上的, 斑塊有6-7塊, 薄薄的漿粉, 炸得幾新鮮. 個汁唔錯. 香草牛尾煲, 上檯時用個gas 爐熱住. 有5件牛尾, 唔羶, 幾淋, 個汁有香草, 薯仔, 紅綠燈籠椒點綴, 都幾好味. 個雜菜煲都係一般, 有西蘭花, 白菜仔, 粉絲, 豆腐, 蝦乾同瑤柱. 細煲左d.

這裏環境較迫逼，有室外的的座位，尚算整潔衛生，服務有禮，但侍應有少許新手，有很多的海鮮選擇，而且都很新鮮，其他菜色也很創新，如有不是油條，其實是海鮮卷，例湯今次有豬肺排骨湯，熱辣辣，雖然不是很多的豬肺，東風螺很新鮮，蒜蓉粉絲扇貝也很美味，椒鹽白飯魚炸得剛剛好，下面的炸米通也很美味，就是辣了少許，晾衣白肉的賣相很特出，即是白切肉，醬汁也很美味。菜色好和景色也很美，就是價錢貴，食了約四百三十多元，平均一味菜要八、九十元，比較貴的噢。http://icuteee.mysinablog.com/index.php?op=ViewArticle&articleId=2150735

叫了6個小菜包括:清炒豆苗............可惜入面有頭髮, 大煞風景水晶雞................豉油是帶甜味, 有少少似蒸魚豉油,但覺得蒸雞時間可能長了些, 雞皮有些縮水,但雞味是OK 的巨蜂香檳牛柳粒.......一小杯巨蜂提子汁在牛柳粒上臺時才淋入去.....但提子汁+香檳都是GIMMICK, 不過牛肉醃得很淋再加上帶酸的醬汁是好味的小碼頭炒飯.....有蝦乾, 蝦肉 ; 飯炒得有少少硬(很輕微) , 單以炒飯的水準來評分就當然不合格酒煮三樣..........有茄子, 帶子(少量), 魷魚, 不覺有酒味, 如果叫辣椒炒三樣可會更貼切.杏片芥末蝦頭.......最好味是這個, 是中式芥末不是WASABI, 但易入口招呼很好,有禮貌,最後亦送了蕃薯糖水綜觀而言, 做菜技巧有待改進, 但勝在菜式有新意平均每個菜$78, 半隻雞是$88茶錢每位 $8不算貴