好到底麵家

Open Now

Now Closed

好日去元朗行下，🌾🍂🎋老元朗人推介了這老字號麵店，愛吃雲吞麵水餃麵的我，當然要去喇！🌞世紀大決擇！🥊雲吞麵 VS 水餃麵🥊是 幸福的選擇😌識食當然會兩款都食喇！🦐🥟🦐🥟🦐🥟🦐🥟🦐雲吞麵 $30一碗5粒雲吞，每粒都香滑冇比，又有濃濃的蝦子香。水餃麵 $38一碗4隻，水餃就較外間的有特色，口感似魚皮餃，爽口的外皮。裡面的木耳豬肉蝦子內餡都又香又甜😋呢款湯底不是一般的韮黃蝦湯，而是有著濃郁的骨湯味。麵的韌性亦是無得頂 👍🏻每口麵我都拌著一湯匙的湯汁一併放入口！用的醋是黑色的，不是紅色。🪑店內的環境是保留了歷史的印記，「樓上雅座」馬賽克樓梯，舊實木傢俬，一路沿用至今的樓面裝潢。🥡食唔夠喉，仲可以買乾麵餅回家，亦可以是一款過節佳禮。我每年都會有幾次專程入元朗買麵！👍🏻

1946年開始知而家，真係叫做老字號！一邊角落掛滿連續10年入選米芝蓮推介餐廳嘅獎牌，同老字號嘅裝修形成一個強烈嘅對比；另一邊角落也擺滿了不少社區服務嘅獎座。話明係好到底嘅麵家，當然要食麵啦。我叫了一碗雲吞麵。記得頂爺話過傳統嘅雲吞麵應該係細細粒，一口一粒，同呢間老字號買嘅雲吞係一樣。湯底清，味道濃郁，雲吞皮夠薄。試過兩粒，其中一粒充滿蝦仁，蝦仁亦都好爽口。不愧係屹立不倒嘅老字號，屬於上等嘅雲吞麵。

呢間屹立元朗幾十年嘅麵店，店面細細，保留60年代嘅裝修，每次黎食，都特別有情懷。味道地道，雲否彈牙無雪味，30蚊一碗好味細蓉，宜家邊度搵到。其他野食價錢公道，落街食碗細蓉就係咁幸福。

禮拜六既夜晚六點左右路過呢頭有啲餓，一直聽說呢間歷史悠久嘅麵店幾好食但一路都未有機會試，決定入去一探究竟～不過天氣實在太熱。。。唔想食湯麵所以叫咗酸酸may may比較開胃嘅炸醬麵 (碗上$34)見到碗麵第一個感覺就係“果然好的骰”😅😅湯既味道清得黎帶啲鮮，唔覺有味精，幾好飲👍即刻試下啲麵條！果然好食，非常彈牙，無鹼水味😋炸醬麵雖然細碗但炸醬份量好足，老字號既特色👍肉絲肥瘦大約係七三黃金比例，肉質唔韌，非常唔錯👍個汁唔會太辣，有類似番茄絲既物體喺裏面，酸味幾出，幾好食，不過敗筆之處係太油膩，愈食愈口渴🙈🙈(老字號可能唔太著重賣相唔會抹一抹個碗周邊😅 我移動個碗去正中間方便自己食果陣hi到成隻手都係🙈)如果無咁油膩呢間既炸醬麵應該可以榮登我心目中既no.1😆😆

細細個爸爸就成日帶我哋去依間面店，到今時今日我都咁大個，味道依舊同當年一樣🥲雖然好到底曾經入選米芝連指南，但價錢嚟講好貼地。〰️牛腩撈麵 $50面食落無鹼水味，彈牙，而且帶有蛋香。連平時唔會食幼面/粗面嘅我都抗拒唔到🥺好到底嘅牛腩係有些少𡁻勁，需要多咬幾口，並唔係腍到入口帶點化個種。撈麵的話會附上一碗湯，某程度上來講其實可以一面兩吃。〰️牛腩麵$36 〰️淨雲吞（8粒）$30雲吞雖然細粒，但勝在皮薄餡靚。除咗蝦肉同豬肉之外，內餡亦都加入左粒粒蝦籽，蝦嘅鮮味十足。店員會比兩個碟仔你自己調醬，我嘅調配方式就係細個個時跟爸爸學嘅。用嚟點雲吞食，即刻提升到另一個層次😎店舖仲有唔同種類嘅乾面買，唔使額外過水，都無鹼水味道。買咗兩盒瑤柱蝦子麵，（$70一盒，12隻面）配上屋企整嘅雲吞、牛腩，食完覺得好幸福啊❤️〰️〰️📍 好到底麵家 (元朗)元朗阜財街67號地舖

Went to this long lasting and traditional noodle shop in Yuen long. Greeted with the same decor since 10 years ago and same friendly staff. Ordered the wonton noodles. The noodles arrived hot and served in the tradition way with wonton on the bottom and noodle on top to preserve the firmness of the noodle. are made by them daily and are firm in texture. The wontons are perfect size with right amount of fresh prawn and pork filling. The soup is clear and subtle taste of dried prawn eggs and dried

今日同媽咪去元朗整野，行行下，媽咪突然話想食 好到底既麵，我仲話好丫，買返屋企煮黎食。點知我媽話洗咩自己煮丫，堂食啦。原來一直以黎，都係我誤會左，我以為好到底只係賣麵餅，唔知原來係一間雲吞麵舖，真係無知。第一次入黎，真係好懷舊嘅感覺，所有既物件都好衝擊，好似回到細個既情景。尤其是今次仲係同媽咪一齊黎，心裏面有啲酸酸嘅感覺😶。突然發覺原來咁多年從未去接觸既東西，其實一直都喺身邊生存緊，但當你有時間去接觸時，所有野都已經變得殘舊，只有情懷不變。沉思左一輪，阿媽已經急不及待，叫左野食啦。叫左一碗雲吞撈粗 $39，一碗雲吞麵$30，同細淨水餃 $30， 麵質好彈牙，可能好耐無食蠔油撈麵， 味道啱啱好，好好食， 雲吞就細細粒，無咩特別， 相比之下我覺得水餃仲好味，水餃既餡有木耳，所以好爽口，呢個口味同一般既好唔同，吸收埋D湯汁，令人回味無窮。呢D咁有風味既舖頭，唔知又會有幾多人忽略佢嘅存在價值呢？

今日離左元朗，去咗一間細個成日食既老店。都有段時間無食，水準就已經無左以前嘅水準。離到雲吞麵店，咁我就叫左個雲吞麵啦！個麵既質地已經無左以前個特式，無以前咁咁彈牙。但仍然可以接受。雲吞就尚算keep 到以前個水準，材料亦不馬虎。只是賣相差左一點點。最後，我覺得湯底就比以前失準左d 了，因為味精真係比以前係落重左，食完真係有啲口渴！雖然味精係重左少少，但仍然感受到佢自己用大地魚熬製既味道！餐廳嘅裝修就保持住廿多年前，沒有改變！具有傳統既特色。之於服務方面，所以員工都有禮貌，廚房嘅員工都有戴好口罩！

第一次食，好食到不得了，下次一定會返轉頭不枉咁遠水路走入嚟元朗食佢！雲吞麵($30)湯底已經好好飲，好出色，面底都唔錯。重點係個雲吞，有5粒，份量好多又好好味。唔止剩係得先，仲有好似係蝦米嘅物體喺雲吞入面，咬落口感豐富，鮮味十足！！

之前都有寫過關於佢哋嘅食評 今次想寫埋佢哋嘅水餃 🥟細個嘅我只係鍾意食佢哋嘅雲吞麵 之後大個發現咗原來佢哋嘅水餃都好好食😋佢哋嘅水餃皮唔係滑嗰隻 係用咗燕皮 然後粒粒水餃都大大隻 入面好多餡🙈 同埋有好到底先會煮得出嘅嗰浸味😂

Today hubby and I plan to have a day trip at Yuen Long and try few restaurant that got high recommendation. First we try a beef ball shop....disappointed and after that at once we go straight to this noodle shop and think of compensate ourselves but again .....make us disappointed. When first go in the restaurant can tell that it got history and it’s a very local noodle shop which they produced their own noodles. We are so excited as we love those long history and traditional local hk restaurant

聞說好到底麵正，終於有機會試試，買個外賣，湯麵分開裝，返屋企嘆。 服務員態度好好，主動問啲湯面要唔要分開裝，怕我拎返屋企會林晒，外賣$108 。牛腩麵有六舊牛腩，軟硬適中，蝦子麵真係冇得輸， 湯底加埋腩汁，好正雲吞麵好懷念雲吞，好到底嘅雲吞好足料，大大粒蝦肉，爽口又彈牙， 雲吞皮又好滑。水餃麵水餃更加正，係舊式嘅水餃味道，蝦子麵都好彈牙，有輕微的鹼水味。男士可能覺得一碗麵唔夠飽， 因為比較細碗，你是覺得啱啱好，會繼續幫襯

今日經過元朗 就打算去一下好到底面家食 因為之前都聽過呢個大名但唔知係咪因為5點去到 勁多人去 搞到啲職員都無嗮耐性 甚至有個呀姐由頭鬧到落尾真係咩興致都無嗮其實味道真係一般般 應該無下次

年前聽聞一間借籍無名的麵館進入了米芝連指南，決定務名以來。一埸來到當然要試下他們的特製的魚皮水餃🥟，水餃皮包含免治肉、蔥和蝦，店員說是用上等的上燕皮，麵底有足夠的韌性，配上濃厚豬肉味的豬骨湯，蛋香滿溢有夠彈牙。

今次黎到呢間數一數二嘅元朗老字號「好到底面家」，一如既往都係食佢嘅招牌雲吞面，雲吞爽口鮮味，從廚房望入去有啲師傅即叫即包，所以都非常之新鮮，亦都好爽口彈牙。相信呢個雲吞麵最大嘅特色其實係喺啲面度，因為佢嘅面係冇鹼水味，爽口唔似得一般係街邊食到嘅面，有着鹼水味。整體而言，呢間老店嘅食物都依然保存水準，值得一提嘅就係充滿着香港老式食肆嘅裝修，食起上嚟充滿風味，以佢嘅面亦都有成品可以買嘅，用嚟送禮或者自己食都相當唔錯！應該對於元朗人來講，呢一間都可以算係由細食到大嘅懷舊雲吞麵舖，呢間鋪係我心目中都代表着濃厚嘅元朗特色。