海景軒

Open Now

Now Closed

海景軒的點心午餐依然是我在九龍區的首選, 除了因為質素和傳統粵式風格外, 常和網絡飲食平台合作的特價預訂, 也是吸引我們的主因. 茶粿和牛肉腸粉這兩類米漿類點心, 水準說是頂級也不以為過, 前者糯米外皮黏度和煙韌度恰到好處, 底部煎得十分香脆但沒有焦化, 內裡肉餡Juicy但不會散開, 相當工整. 後者米漿順滑帶米香, 牛肉碎香滑帶陳皮香, 中間夾著薄脆令其口感對比突出, 簡單的豉油配搭已經足夠. 叉燒類菜式點了叉燒酥和五糧液燒叉燒, 前者酥皮層酥脆層次分明, 略嫌內裡叉燒口感有點乾. 後者以五糧液代替玫瑰露酒, 酒香更淳, 只是燶邊不夠多, 烤香不夠, 肉質看起來比較柴但吃起來相當腍, 脂香也夠, 只是吃燒味的時候我比較傳統, 喜歡吃有烤香和焦脆的燒味.蛋白杏仁茶是這裡的另一經典, 我覺得這裏的是我吃過最濃稠和蛋白香的一家, 只是今次有點失手了. 杏仁香味依然濃而天然, 只是質感水潤了, 不夠厚實. 蛋白粒很散, 吃起來有點割烈, 作為經典之作這次真的要改進呢!

海景嘉福Staycation, 因為其他餐廳平時都有去食，係未食過佢中菜廳，便選了在海景軒食Dinner先看餐牌三小碟唔算出色，一般水準，排骨超甜。三種味道都唔精緻。帶子幾好食，冇雪味，西芹淋咗啲，但我喜歡淋，友人就嫌不爽口。蝦冇鮮味，但都冇雪味，可以啦飯就似福建炒飯，好大碗好飽湯好清，似係素湯甜品幾足料，多芒果，味道冇驚喜。總括而言，酒店式嘅服務，好有禮貌，周到，可能個個都係食呢個餐，佢一次過煮，上菜嘅節奏有啲太快（我估我哋食得慢，人哋食得快），但起碼佢係即煮即刻送上嚟。Staycation 包嘅餐質數係會打個折扣，散叫大概會好少少。我食中菜最怕味重，食完口渴，呢餐絕對冇呢個問題。～報告完畢～

很久未有到海景軒飲茶，某天忽然興起，即往午餐。先來一客狀元茶粿，茶粿軟糯，底部煎得脆脆的，以豬肉、花生及菜甫做餡，豐富的味道在口腔裡交滲出來，不愧為店之名物！有別於一般用純糯米做成的糯米雞，這兒加入了糙米同蒸，絕對能增添另一份口感，此外餡料亦甚多汁，滲進糯米確實十分可口。相對地春卷較為普通，雖說是蒜香鮮蝦鱈魚春卷，惟過重的蒜味掩蓋了蝦或魚的鮮味，略為遜色。熱烘烘的叉燒酥是吃得出的新鮮焗起，芝麻的香氣徘徊在口中。蛋白杏仁露甜度恰當，杏香飄散，順滑而不會太烯。高呢的點心始終教人回味不已。

😍海景軒 (尖沙咀)📍尖沙咀麼地道70號海景嘉福酒店B2層Weekend 食好西🤤海景軒喺2011 年至 2013 有米芝蓮一星級水準應該有返咁上下👍🏻唔知係咪因為疫情裁左員喺門口等引座/叫餸/加茶都好耐但係嘢食上黎都係熱辣辣既👍🏻1.招牌叉燒腩一直都係Miss fatty 既最愛😍😍叉燒肉夠淋夠入味！淋度係比東坡肉硬少少下下咬出黎有汁！🤤叉燒汁加入左玫瑰露 比其他多一陣香味！建議叫大家叫瘦叉 超多肉叉燒肉索滿晒汁 咬落去淋脾脾加埋少少肥膏 正🤤一個人食晒一碟都得2.鮑魚栗子雞煲鮑魚煮到岩岩好！彈牙好食！雞有過左油先 食落好香口又有肉再多點肉就更好🤣栗子放喺最低索汁不過唔夠淋唔夠入味3.海蜇普通不過既海蜇前菜上面d蔥好新鮮夾埋幾好食🤣個人鐘意食所以叫大家睇budget 🤣4.鼓油雞鼓油汁加入左紹興酒 超級有酒香雞係走地雞 肉超級滑又結實食既時候係咁點鼓油汁🤣5.蝦多士每半多士都有一隻大蝦對半切開蝦夠大 每一啖都食到蝦肉🥰蝦炸到剛剛好 唔會乾上面有芫茜同金華火腿芫茜控既miss fatty 特別鍾意食芫茜果邊🙈6.羅漢齋普通羅漢齋既配料竹笙、豆腐、冬菇、白菜喺底正常啦

早前同家人去海景嘉福酒店Staycation，第一餐就食著名中菜餐廳海景軒，一共有六道菜，包括前菜、湯品、主菜及甜品。《三式小花碟》香辣鹵水水牛腱、煙肉醬茄段、玫瑰花燻帶子茄子多汁入味，凍凍地口感實淨，係最好食的一款。玫瑰花煙燻帶子凍食，有淡淡的玫瑰花香，但食唔到帶子鮮味，香辣鹵水水牛腱則普普通通。《黑松露燉響螺湯》真材實料，淨係睇用料已經覺得好有誠意，好多響螺片，燉湯鮮味清香，反而飲唔到黑松露。《雲雪鮑魚星斑球》擺盤精美，有鮑魚、星斑塊、蘆筍、火腿及雪菜絲，鮑魚細細隻叫做點綴一下，星斑鮮美，蘆筍鮮嫩爽脆。《翡翠百合羊仔肉》羊仔肉份量不少，帶有少許羶味，口感嫩滑，連埋西芹百合一齊食感覺幾清新。《海皇黃金蟹蓋焗飯》賣相幾特別，芝士、蟹肉、飯的組合，食落好香好滑，不過食到呢道菜開始飽飽地食唔曬。《生磨杏仁露》杏仁味香濃，但磨得唔夠幼滑濃稠，中規中矩。

想要個寧靜又舒服既環境飲個茶既話, 海景軒都算係一個唔錯既選擇。裝修以中國風為主 個環境有少少暗既。而d職員就會著開叉旗袍,十分優雅食物種類唔算多, 一定唔及一般既酒樓, 但佢勝在貴精一貴多, 樣樣都好好味XO醬煎腸粉: 帶有少少辣, 平時蒸腸粉要有鼓油先夠味, 但煎腸粉因為落左XO醬, 所以唔洗點鼓油. 佢地會跟埋甜醬同埋花生醬, 完全滿足到味蕾。炸雲吞: 平時酒樓會跟一碟仔既甜酸醬, 但依間唔止一碟仔, 而係一大兜。除左係甜酸醬之外, 仲有D豬肉, 帶子。叉燒包: 個包好鬆軟, 入面個叉燒又唔會太咸, 帶有少少甜味岩岩好。總結: 會經常黎食

來這裡飲茶，貴得來沒有水準，非常之失望：1）蝦餃：蝦是死實的2）帶子腸：內里是帶子碎，非常小家，啲腸粉勁腍好梅，不爽口3）义燒酥：一吃便知是微波爐翻熱4）次實蝦餃：一般貨色，偏咸5）春捲正常少少，但春卷勁幼身，非常小家6）咕嚕肉，賣$288，但質素非常一般，肥肉多，夠膽死收咁貴，質素卻強差人意7）擂沙湯丸：🤦🏻‍♀️外面的粉埔得非常不均勻，賣相恐怖，仲要好難食三人行連茶錢八百幾蚊埋單，好食唔緊要，但這樣的質素.......背脊骨落，哂quota, black list!

曾經係米之蓮一星食府，到坊之後，覺得「還好吧」個名好似係百花齊放嗰啲friend？（6/10）裏面嗰舊係豆腐嚟嘅，睇得出好考師傅嘅刀工，定係其實係有工具可以做到？雖然個樣係幾靚，但係味道就只係還好啦，冇咩特別好驚喜，只係睇得出個賣相係有落過心機嘅玫瑰花煙燻帶子（6/10）有玫瑰花煙燻過後嘅味道，係幾特別同埋出面食唔到呢隻味嘅，不過又唔係話真係好好食水晶牛肋肉（8/10）又係賣相一流，唔知佢點樣整舊牛落去，好考師傅嘅手勢，牛肉幾林，唔錯欖菜肉珠（9/10）一上碟嘅時候嘩左一聲，真係好考師傅嘅手勢，點樣可以將冬瓜裏面再釀一啲欖菜同埋菜心？清清地，好好食糯米飯（9/10）呢個真係做得非常出色，無論係賣相，定係味道，糯米外皮輕輕炸過，而裏面又軟綿綿諗返起都有啲肚餓總括而言，賣相非常出色，師傅嘅手勢真係做得好好，冇失禮咪知蓮呢一個稱呼，不過味道我就覺得「還好啦」

五月尾時試了次香港Staycation，揀選了海景嘉福洲際酒店既親子package，上房放低行李之後，便出發去食我們的第一餐---海景軒。餐廳環境非常寬敞，招呼亦很周到，我們可選'繽Fun全包家庭樂套餐'，巳包括了燉湯，三款點心，菜蔬，主食和甜品，小朋友還可以另外多點兩款mini版主食。燉湯是淮杞瑤柆燉瓜環，十分清甜。點心選了脆皮牛肉腸粉，蝦餃和香葱煙肉燒餅，雖然沒太大驚喜，但款款味道都不錯。菜蔬是蒜茸芥蘭，居然是小兒們的最愛。主食點了魚湯雜菌米線，荷葉飯和牛油果海鮮炒飯，全部質素都不錯，只是炒飯見不到牛油果，亦沒有任何牛油果的味道，令人有些失望。甜品是蛋白杏仁露和杧果布丁，正常水準。整體上食物味道和份量都不錯，選擇亦夠多，總有幾款啱小朋友食。只是上菜速度比較慢，成個套餐總共食左個半小時，因為每上一道菜眨下眼就食左，仲要消化埋後至上另一碟，於是小兒們不停地喊叫肚餓，都實在令人非常頭痛。

買左酒店stacation優惠，包埋晚餐同早餐。本來以為好抵，但係晚餐唔係海景軒果邊食，反而係一個細廳，付了錢反而要被區別對待，真係好無語。總共六道菜，上菜速度仲慢過公司annual，由七點吃到差不多八點半，質素真係一般般。由開頭區別對待，讓我們坐係細廳開始，已經對呢間酒店同埋餐廳不報希望。而且坐細聽的應該全部都是stacation套餐的客人，坐的都几逼，又唔舒服，中話係海景軒食，坐係一個又細又逼的空間，都不知所謂。總之以後不會再幫襯。

我哋透過網上book 海景嘉福酒店，$1600 ，包一晚住宿，一個晚餐，和早餐，個晚餐在海景軒食，佢曾經係米芝蓮一星及嘅高級食府，所以過來一事，不過是完之後其實有少少失望。每一碟都係細細碟，好精緻，如果你係有食量嘅人，一定唔夠飽，我同屋企人都係食咗個薯條打咗底先至過嚟食。三色小花蝶：玫瑰花燻帶子比較有特色，滷水牛展都只係一般般。黑松露燉響螺湯：淡淡響螺，都幾足料。星斑球：個班球都OK，不過得一舊仔。翡翠百合羊仔肉，份量真係好少，上菜嘅時候感覺好似廚餘咁。蟹蓋焗飯：唯一令你有少少飽肚感覺嘅餸菜。蛋白杏仁露：幾香唔錯我哋額外帶咗個水晶牛肋肉，初初以為會有驚喜，可能因為期待越高，失望越大。平日呢個餐要六百幾蚊一個人，如果係正價我唔會幫襯

酒店食肆，要求較高是常識吧。因為大堂已經滿了，今天被安排坐進房間，只得幾十呎面積，放了4張枱，共12人迫在裡面，加上樓底低，客人的交談聲非常嘈吵，仲衰過普通茶樓。食物方面，點心套餐可選8款：菜胆冬菇竹笙湯： 2件竹笙，口感爽脆，1片冬菇夠厚，連2條白菜胆，湯底有咸香味蝦餃：皮厚，蝦肉味道死實，好搶喉，感覺是味精太多蟹子帶子燒賣：毫無鮮味，同樣地，感覺到味精好重糙米珍珠雞：有驚喜，瑤柱同糙米好夾，加入了糯米增強煙韌，很出色脆牛肉腸粉：其實是炸兩，只係加了少許免治牛肉吧京葱三文魚春卷：炸得鬆脆，不過食唔出蔥味和三文魚味時菜牛肉球：正常味道，只係用幾條莧菜托底叉燒飽：正常，但size偏細甜品是杏仁茶及奶黃春卷，前者太甜，後者只係普通這等質素，加上每款點心每人只得一小件，春卷上枱時仲要放斜咗位，服務態度不夠專業。簡直做不到5星酒店應有的水準。$248粗劣套餐，再加每位$28茶錢，太貴了。

2/5或者晚市的菜好食啲？午市朋友叫我未必會去。Maybe is better at dinner? Might not visit again for lunch if frds invite.(中英雙語，Chinese and English review)三文魚春卷炸得略油膩，卷太多層也吃不到餡料的味道。蝦餃普通，餡料很重大地魚的味道。腸粉皮香很滑，但厚。火鴨方，也炸得非常油膩。餡料似是混入了蝦膠或魚蝦，變得有彈性，口感不錯。但亦因此而不太嚐到火鴨的味道。反而桂花蒜蓉醬，味道特別也討好。這個三色津白，配搭味道排場，真的以為去了大排擋，菜心今天還苦呢。荷葉飯也是不過不失，香氣一般，味道單調，雞肉感覺還有點不精神。甜點的杏仁糊味道不錯。(Google translate)The salmon spring rolls were fried slightly greasy, and too many layers of the roll could not taste the filling. Shrimp dumplings are common, and the filling

一行五人嘅提早團年飯! 海景軒係一間好想試嘅中菜之一, 今日終於有機會一試 🤤🤤 果然無令人失望, 海景軒無其他酒店號靚景, 亦無豪華嘅裝飾, 值嘅就係食物! 👍🏻團年夜一定要食好d (藉口)! 今晚叫左8個餸再加甜品, 飽到完全行唔郁... 🤣先黎炸蝦多士, 蝦肉爽彈, 多士酥脆... 簡單嘅8個字, 但係要做到?? 談何容易!? 海景軒就正正做到! 👍🏻👍🏻🤤 愈簡單嘅野, 愈難做得精...片皮鴨! 作為鴨痴嘅我, 當然唔會放過呢個機會 🤣🤣 早排係Shatin 18試完佢隻鴨, 再試呢隻🤔 價錢上品質上都係完勝👍🏻👍🏻 如果包鴨嘅皮再熱少少會更加好! 大力推薦 🤟🏼🤟🏼以5位黎計, 應該係全晚最貴嘅菜式🤔🤔 蛋白夠滑, 花鵰剛好, 🦀🦀鉗大大隻啖啖肉! 但我個人偏好細隻少少嘅🦀鉗可能會更鮮更甜!蜜梅骨, 梁師傅撚手菜之一... 味道, 調味, 火候全部做足! 好味 如果係係全肉更加好, 因為我個人比教懶 🤣瑤柱扒豆苗, 豆苗夠嫩!沙鍋鱈魚煲, 肉嫩, 外層香脆, 醬汁味道啱啱好! 全枱人食到 江南百花雞半隻, 雞可能唔係大家expect好嫩嗰種, 但係就好有雞味! 唔錯唔錯!!

Bookmark左海景軒好耐，咁啱上完堂就過黎飲茶，一到六開1130，星期日就1100。三個人唔知食咩好，就叫左點心餐，可以係張list 到選八款，一人一件。雪山叉燒包，個皮好脆，唔錯。點了兩款腸粉，啲皮幾滑，啲餡就冇乜特別。灌湯餃是比較出色的。啲湯好鮮美。甜點是蛋白杏仁露同奶黃春卷。杏仁露幾香。埋單連茶芥每人280，性價比一般。點心味道中上，但又唔會想再食，勝在環境舒服，上菜速度快。有機會來吃一下晚市。