滾得棧 (Closed)

曾經到過”滾得棧“天后店，印象非常好。偶然知道油麻地開了新店，今晚特意前往。油麻地站B2一出就見到。新裝修完成，樓下有卡座，樓上有六人、四人枱，還有兩個包間。點菜紙印刷成一張晚報樣子。部分食物可以點半份，人少也可以多點幾種試試。湯底點了港式風味的蕃茄薯仔拼沙嗲，鴛鴦湯底也不用另外加錢。三秒腐皮，響鈴也。果然三秒鐘就可以從鍋中取出，沾滿湯汁，濃郁美味。店員極力推介的招牌手切牛頸脊，顏色紅潤，雪花分佈均勻，牛肉非常香濃，而且肉質比較細嫩。鮮帶子，色澤新鮮，不用煮長時間，味道新嫩。什菇藍，份量不少，新鮮無變色，而且洗得乾淨，又沒有腐味。食物一樣新鮮有水準，下次再來試試其他湯底。

放工和友人去油麻地一敞。我們都想打邊爐, 見到附近新開的滾得棧,正合我們。 餐廳裡面乾淨企理。枱與枱之間有空間, 不會迫,坐得舒服。我們當日星期一食, 7點幾已坐滿人。建議大家一早要Book定位。枱上的碗碟亦很新浄。醬芥$16/位 蕃茄薯仔湯底拼沙嗲湯底$69 我們揀了半鍋是蕃茄薯仔湯底, 另半鍋是沙嗲湯底。蕃茄薯仔湯不會酸, 清甜。我更愛沙嗲湯底,是餐廳秘製,濃郁美味! 招牌手切牛頸背$238 牛頸背雪花紋分佈平均, 好靚。牛頸背稍為在鍋燙一燙就可以進食。牛頸背入口牛肉鮮味濃郁, 新鮮軟腍, 好正。 鮮帶子$108/份 鮮帶子一粒粒白雪雪, 食落口感爽口。 韭菜餃$32/半份 韭菜餃裡塞了滿滿的韭菜。韭菜有蛋白質、維生素B、C，還有鈣和磷。韭菜既健康又好味。 鮮蝦雲吞$32/半份 鮮蝦雲吞粒粒飽滿, 蝦肉新鮮彈牙。 唐生菜$38 唐生菜很青嫩。 雜菇$63 雜菇有金菇, 冬菇。金菇索晒湯汁, 真是好食,停不了口。

無所事事約左好友去打邊爐，之前在深井試過既 滾得棧 已經唔錯，見油麻地開左再去試下是否一樣好味，原來超近地鐵站出口👍🏻蕃茄豆腐鍋（足菜料，豆腐夠滑） 岩哂我不喜歡太肉的感覺 （仲有他們是加湯，唔係加水）值得的！大大隻竹筒蚌 yummy 叫了2隻 ，1分為2 ，有4邊食☺ （由於我們掛住聊天，店員溫馨提示新鮮海鮮盡快食，好nice😄)手打墨魚丸 好爽口有墨魚味 good😋 而且好好我們2口子 ，可以半份半份叫👍🏻 另外半份我叫了 象拔蚌丸 ，好少見到，爽口！值得一試🤭點了芋頭，估唔到咁好食 （注：不要煮太久）牛頸脊， 上碟已吸引😋 食落☺ 正 ！有口感也易入口👍🏻炸魚皮夠 翠口 （但要快食）

落大雨約左朋友食飯，諗唔到食咩菜最好就係去打邊爐。無意中係Openrice發現呢個滾得棧，新開張仲要有折，所以大家就決定去試下。雖然舖既裝修唔算好有特色，但勝在有卡位坐，都坐得幾舒服。佢個點菜紙設計成一份"晚報"都幾得意，店內員工都幾nice同反應快。食物方面合乎水準，基本上正正常常啦。但由於我地無叫佢地menu推介既野食，所以今次就試唔到佢地既好野啦！

I was meeting a group of friends for dinner tonight and since we have a big group, we decided to have steamboat. One of us recommended Hot in A Pot restaurant, which seemed to be quite popular. They have few branches and we chose their Yau Ma Tei branch. It was located at Portland street, just a minute walk from Yau Ma Tei MTR. As a steamboat restaurant, their menu was very comprehensive, offering a wide range of food. It offered meat, seafood, vegetables, noodles and drinks etc. It even served

邊爐控就算大熱天時都一樣要約朋友打邊爐啊！今次揀左滾得棧油麻地新開分店度聚腳，位置方便左好多！以往係天后同深井都比較隔涉，難約啲朋友，但依家唔同講法啦，係油麻地仲有咩藉口放我飛機先！一去到安排左個卡位，座位都舒服，岩晒同朋友傾成晚啦！湯底點左鴛鴦鍋，一邊係潮洲紫菜鍋，一邊係胡椒豬肚～湯底都足料又清甜，胡椒豬肚既胡椒味都無欺場，夠味好過癮！唔小得啲本地野！火鍋必食既牛頸脊啦，脂肪比例同紋路非常平均又靚，食落腍嫩牛香出！真係後悔無點多啲啊！仲有牛舌爽口都好吸引，雖然薄薄地但正正令佢口感剛剛好，一啲都唔韌！另外佢既韭菜餃都十分令人回味，一咬開係滿滿翠綠既韭菜，比例剛剛好，皮亦十分之薄！都點左啲海鮮，好似墨魚咀都好爽脆又新鮮！整體嚟講質素都同之前去其他分店一樣咁出色！下次會再嚟～

呢間其實我去深井都去食過好幾次，最近仲喺油麻地開咗新分店啊，馬上相約同愛打邊爐嘅朋友仔去試湯底點了味菜胡椒豬肚併潮洲湯底，2邊湯低好足料，味菜酸咪咪幾開胃，而豬肚已經煲得幾爽口帶腍，湯帶胡椒微辣好惹味，而潮洲湯其實係紫菜肉碎，入面勁多紫菜，湯頭好有住家煮的味道又鮮甜，2個都鍾意招牌手切牛頸脊雪花牛脂分佈好靚又均勻，焯一陣剛轉色就食得，入口牛味都重仲好嫩腍，呢碟牛好掂墨魚咀我每次去都係必點，唔算好多地方有得食，一樣焯一陣就可了，入口爽口彈牙好新鮮鮮蝦滑份量都算多，顏色帶微粉好足料啊，幾鮮蝦甜味又夠爽口牛俐扎係薄切，所以快手焯就可以了，入口幾爽幾有牛味，配埋個潮洲湯幾正韮菜餃用咗鮮豬肉韮菜人手包，好住家味道，調味剛好又新鮮，呢到嘅餃子雲吞都係必食㗎另外仲點了脆肉脘、皇帝菜、稻庭烏冬2個人食到飽飽，水準依舊出色，其實2邊都幾方便自己，會成日去~

人少打邊爐通常只可以叫幾款食物，可以揀的並不多，但這間滾得棧為4位以下的食客著想，全部都可以點半份，所以兩個人都可以叫多幾款不同種類的食物啦。先點了個小食墨膠釀油條，油條炸得鬆脆，墨膠爽彈，而且又不會太油膩。$79以下湯底可以雙併，不需要另外加錢，我們點了潮州湯及味菜胡椒豬肚湯，裏面有少許湯料，如豬肚、白果、豆漿及紫菜等，湯底不會太咸，而且無味精，飲完都唔覺口渴。打邊爐必食的手打丸，這裏就有幾款，包括蝦丸、墨丸、象拔蚌丸，全部都新鮮手打，粒粒都無偷工減料，非常彈牙。脆鯇片新鮮爽甜，基本上都無骨。3秒腐皮就比較一般，同普通買返尼即盒裝味道無太大分別，主要係唔夠脆。雜菜就樣樣有齊，包括皇帝菜、娃娃菜、生菜、油麥菜。牛頸脊及牛展，前者肉味較濃郁，肉質嫩腍；牛展切得很薄，碌一碌就可以食，比較有咬口。其他食物質素都不錯，但手打丸類真係超班，是必食之選。

近年香港人越食越嘴叼，任飲任食只能滿足部份人，尤其是年紀越大，本承貴精不貴多的理念，寧願貴少少食高質食物都不願浪費自己Quota。這間滾得棧就是其中一間高質的火鍋店，沒有任飲任食，食物可以揀半份，人少去食都不成問題。先上調味醬料，每位$16。夏日炎炎，叫返渣竹蔗水解渴。火鍋湯底點了鴛鴦鍋，潮州湯底拼味菜胡椒豬肚湯底，前者以大地魚為基礎，加上些肉碎、蔥花及豆腐等；後者有白果、馬蹄及豬肚，味道比較濃。打邊爐必點的肥牛，今次要了牛魔王，有齊全部牛肉款式包括牛頸脊、脊髓、牛柏葉、牛肉粒、肥牛片、牛眼根及牛展。其中牛頸脊味道最濃郁，肥瘦均勻；其次牛眼根肉質爽口。丸類必食蝦丸及墨丸，兩者都是新鮮手打，非常彈牙，而且有粒粒蝦肉及墨魚肉。鮮蝦雲吞裏面充滿蝦肉，而且新鮮爽彈，但豬肉餡不會過多。熟食點了炸蝦餅，外層粉漿很薄，蝦肉爽彈，點上泰式酸甜醬，中和油膩感。整體食物高質，價錢合理，性價比高，絕對抵食。

呢間分店最近新開，因為近我返工地點唔洗專登去天后店所以又來試下。水準保持、服務同天后店一樣咁好，員工個個都好快手快腳，最緊要係食物質素，除左主要食材全部都好新鮮之外，我覺得連碟菜都「醒神」過好多所謂大集團。店內環境舒適，兩個人都可以座卡位，地方keep得好乾淨整齊、上菜時間迅速、伙記換碟都換得好密，好難得有一間火鍋店由食物質素、環境、服務都可以做到咁好，值得一讚！ 推介牛頸眘、蕃茄蟹煲。

朋友生日打邊爐最啱可以傾內d😂今次揀黎油麻地嘅滾得棧，因為地點就腳，地鐵站行5分鐘就到～ 成班朋友叫左個花膠雞湯底，一上湯底每人飲左一兩碗，因為好似老火湯咁正🤤🤤，花膠大大條，唔係出面得d碎碎囉～ 牛頸脊一定要叫，超有牛味有口感，係大大碟之餘塊塊都有厚度👍🏻👍🏻，唔似出邊有d薄切切鮮蝦丸又係勁正，勁多蝦然後炸魚皮係我大愛，推介雞腸勁新鮮😌☝🏻總結：我同朋友們都覺得呢間d野食係好有質數，同埋好用心～ 因為就連普通嘅食材（例如：蘿蔔、 響鈴、皇帝菜、牛百葉、午餐肉）佢地都應該揀過用好嘅材料，任何一樣野都冇得彈～真係好少寫食評，認真推介👍🏻👍🏻👍🏻重點：如用呢d材料，價錢真係唔貴，係非常正路！

朋友之前係咁同我講之前係深井食過滾得棧好好味，不過深井對我黎講實在太遠啦原來最近係油麻地都開左一間即刻叫埋朋友同我一齊去食果然係新裝修，勁寬敞同埋坐得好舒服朋友極力推介蕃茄芫茜豆腐湯底一開始個湯底有點酸，應該係落左好足夠既蕃茄，不過越煲味道越喎啲酸味不再炸魚皮炸得好薄身，好脆唔會硬綁綁果種脆。不過就要盡快食哂，如果唔係就會淋左啲蔬菜好新淨呀其實火鍋料新鮮就是最手切牛頸脊（例）啲牛肉好靚呀雪花分佈得好平均，食落完全無根的蘇格蘭竹筒蚌我地只係叫左兩隻，但有四件不過唔知係唔係我地淥耐左，有少少韌鱔片好少係街度食會見到咁大塊咁厚肉既鱔片超好味象拔蚌丸+墨魚丸第一次見象拔蚌丸咋，不過味道比較重蟹籽味個人還是覺得墨魚丸會比較好食啲

第一次去滾, 見油麻地新鋪88折就試試, 交通非常方便, 離MTR幾步路。入面環境、坐位寬堂。2人都有卡位坐! 湯底要左蕃茄豆腐併麻辣。蕃茄豆腐湯味道唔算太濃, 入面仲加左芫茜、薯仔, d材料新鮮, 健康湯底。麻辣湯紅噹噹！頭一啖已經覺得d味幾勁, 麻味辣味滲透味雷。 例牌牛頸脊肉厚、份量多，唯牛味冇想像中感濃。墨魚滑幾彈牙, 好味！ 仲有牛心頂, 食口感, 啃落彈彈下, 好有咬口！黑栢葉就不討好, 唔係話賣相, 而是口感差, 碌離碌去都好鞋同韌, 咬不動了！🙅🏻🙅🏻響鈴細細條, 份量多, 皮唔算好脆, e樣最易側飽人！😂 賣單約7百幾, 整體ok, 邊爐料算新鮮, 份量幾多, 唯對湯底同牛頸脊過份憧憬了！

在網上睇到諗住去試吓，前菜先來個炸蝦餅，還可以，叫了個花膠膠嚮螺雞湯底，不夠濃烈雞湯味，失望，脆骨腩和蟮片不夠新鮮，手切肥牛麻麻地，羊肉不似羊肉，皇帝菜老左啲， 竹蔗水夠濃烈好味，總括不會有下次

公司冷氣開得超猛, 放工行咗一段路都解唔到凍,梗係即時約朋友去打邊爐降下溫啦依間舖係算係果頭最光鮮既一間,所以都一直諗著搵機會去食架喇,終於諗到藉口~大約7點幾到,好彩仲有大枱.兩個人坐四人枱相當寬敞,叫多啲嘢食都冇問題.一坐埋位夥記就放低醬油配料畀我哋,分別係蔥粒,生蒜,炸蒜,青紅辣椒.雖然配料唔算多,但係已經好過好多茶樓,配料多但係畀人搞到亂糟糟而且唔新鮮.因為有選擇恐懼症(?),睇嚟睇去都唔知揀乜嘢好.又要啱食,又要就住荷包.可能夥記見我好煩惱,就話大部分食材都可以揀半份,價錢亦都減半,超級體貼.叫咗個味菜胡椒豬肚湯底,湯底啱啱上枱時,胡椒同埋豬肚既味道都未係好出,但係煲下煲下就會越嚟越濃 味.味菜因為最後先至食,所以已經淋曬,不過相對就吸咗湯味.我鍾意爽爽哋食,早知中斷就夾尼食啦.豬肚放到最尾都唔會特別鞋或者過淋.味菜同埋豬肚雖然都唔錯,但係湯底裏面既白果最好味,而且有少少煙韌.打完邊爐唔好嘥,記住留返出嚟食.一開始叫咗特級美國肥牛,夥記強烈推介招牌手切牛頸脊,話來貨質素非常好.我見價錢差唔係好多,咁就叫啦.雖然我冇見過的美國肥牛,但係都覺得加錢換牛頸脊係正確嘅選擇.雖然呢一種