滾得棧 (Closed)

這星期不停落雨，有小小凉意又想打邊爐，同朋友上網做Research搵下好食火鍋店，今次和他選擇了油麻地新開的”滾得棧”，今晚來店來得早，未見人流，店舖新開睇落樣樣都好新凈。店員欣勤介紹，介紹湯底、食材還有熟食等等，還有大部分食材都可叫半份和雙拼，可以試多幾款，鍋底又有眾多選擇，我地點菜都點左好耐，再睇睇，除了火鍋材料外，還有提供熟食，有脆皮咕嚕肉、酥炸美國生蠔、蝦膠/墨膠釀油條、避風塘炒蟹/蝦等都十分吸引，但熟食還是留待下次吧。店員更特意介紹我們試他們新出湯底。爽皮寧都椰子雞鍋 $268，湯底有椰子條，雞是分開上，還有鵪鶉蛋和青菜，還配有两款調味。炸魚皮 $53三秒腐皮 $42輕輕放入湯中已吸滿精華，十分美味。牛骨髓 $53唔多火鍋店有牛骨髓，這裏有怎能錯過。珊瑚蚌(半) $55，桂花蚌(半) $57友人最愛的两款海鮮火鍋料，正好可以一半一半上，雖然是半份，但一點不馬夫，份量好足，新鮮飽滿，下鍋燙幾下就可以，新鮮爽滑。招牌手切牛頸脊 $218店員推薦的招牌手切牛頸脊，顏色潤澤，紋理清晰平均，牛味濃郁、肉質腍軟不韌。韮菜餃 $63自家製果然不同，皮薄餡料豐富，韮菜味香濃。枝竹 (半)$1

上次在滾得棧深井分店食過，大家評價都不錯，今次到油麻地同事家開會，原來這家滾得棧油麻地的分店才剛開業，開完會一齊去滾一滾。來到餐廳，新裝修好新淨，簡潔舒適，還分開了上下两層，佔地甚大，不會有擠逼感。店員熱情，耐心介紹，感覺親切。餐廳有各種特色湯底由簡單到豪華，清淡到濃味都有，今天我們就選擇了比較足料的椰子雞鍋$268。店員很快就為我們準備好湯底，眼看都非常足料。海鮮我們點了：沙巴龍躉一份$108、桂花蚌拼珊瑚蚌$116，自製鮮蝦滑$78龍躉肉片厚身啖啖肉，新鮮軟滑有口感，另外還有龍躉骨腩、龍躉頭等。桂花蚌拼珊瑚蚌，看著都新鮮水潤，桂花蚌非常腍滑，珊瑚蚌口感爽脆。店長更推薦餐廳自製的蝦滑，一試真有驚喜，除蝦味更濃外，還有原隻蝦在內，非常足料，更彈牙更鮮甜。牛肉我們點了招牌手切牛頸脊(頂級本地肥牛) $218和牛眼根$168，色澤紅潤，紋路平均，牛頸脊脂肪比例剛好，不會好服，肉質軟腍牛味香肉汁豐富。而牛眼根比較爽而且有韌勁，平時較少食到。還點了牛骨髓$53，我十分喜歡它的口感。其他還點了三秒腐皮$42、萵筍$48、枝竹 (半)$19和讚岐烏冬$25。同平時的盒裝響鈴都有些分別，食落更軟綿沒

滾得棧的火鍋一向評語不錯，食過無數火鍋後，覺得滾得棧的確高一班，材料新鮮之餘，放上枱時的賣相也很好，而且滾得棧座位很寬敞舒適，兩個人一張大枱，不像一般火鍋店，迫迫夾夾，食物都要搬上搬落。餐牌的食材真係多到你唔信，想食咩都有。同之前所講一樣啦，餐廳係好闊落下的。滾得棧的湯底也造得認真，你要海底椰豬骨咩，就真係一大舊一大舊咁俾你。招牌手切牛頸背$218。都好大碟下，牛肉味濃而且肉質好鮮嫩。肥瘦均勻！炸蝦餅$88足料新鮮，全部用上蝦肉製成，爽口彈牙！件件都脆卜卜！成榨蔗汁都只係68，由頭飲到尾，好夠飲。鮑魚仔$168。六隻大鮑，新鮮甜美，邊爐必選配料。煮完都煙煙韌韌，口感正。其他的配料全部都叫好叫座，食材新鮮而環境舒適，通風設備良好，會再返轉頭。

今日揸車送朋友回家，行經窩打老道砵蘭街，他說這裏新開左間火鍋想試試，擇日不如撞日，就今天去試下，來到門口對面剛好有咪錶位，真好彩。入內店員介紹才開業數天，並作簡單介紹，四位以下大部分食材可以雙拼，咁就可以試多幾款啦。點餐紙上食物名有個紅色角仔的代表可以雙併。點餐的同時店員送上醬料架(醬茶芥每位$14)，有蔥、青紅辣椒、蒜蓉和炸蒜。店員特意介紹我們試他們推薦的，《爽皮寧都椰子雞鍋 $268》- 當中雞是分開上的還附有4隻鵪鶉蛋，份量都幾足。招牌手切牛頸脊(頂級本地肥牛) $218顏色嫩紅，脂肪分佈平均，下鍋幾秒便可以，牛味濃郁、腍軟不韌。《沙巴龍躉(份) $108》幾有睇頭嘅一份沙巴龍躉，上面舖滿起左肉嘅魚片，還有魚嘅其他部分，魚骨腩、魚頭、魚尾等，肉質嫩滑新鮮。《桂花蚌(半) $57》《珊瑚蚌(半) $59》必點的桂花珊瑚，半份份量都不少，賣相十分新鮮吸引，桂花蚌腍軟爽口，珊瑚蚌口感爽脆，同樣味道鮮甜。《枝竹(半) $19》《豆腐(半) $19》用上原盒百福豆腐，枝竹豆味豐富，吸盡湯中精華。《醬包蟹籽丸(半) $24》《芝士丸(半) $24》朋友很喜歡食丸類，點左醬包蟹籽丸和芝士丸，都

朋友之前介紹過呢間滾得棧，話價錢公道質素高，生意超好，而家滾得棧又開左新舖。 新舖地方大，七時多就全場爆滿，樓上還有雅座！服務超好，全部店員都很友善 ， 會怕我哋點得份量太多，而提醒我哋啲食物原來係好大份， 並沒有因為要賺多啲錢而埋沒良心！湯底要咗蕃茄豆腐同芫茜豬肚湯，湯底絕無味精，而且非常足料，當湯飲都仲得！配料方面，多得店員提醒四人以下部分配料可以雙拼！連蚌類，丸類呢啲都可以雙拼！仲要雙拼之後份量都不少呢！價錢不貴，份量大，大的牛頸脊雪花紋漂亮，顏色紅潤，$318 足有20多片好抵食下！雙拼貴妃蚌，珊瑚蚌都好新鮮，價錢$118 ，性價比很高呢！仲有炸魚皮又厚身又脆，幾好食！

滾得棧原來已經開第三間分店！以前家住深井就經常去滾得棧打邊爐，現在搬出九龍，好開心滾得棧都擴充到油麻地！此處地段更為放便。餐廳環境寬敞舒適，枱面大，可以放上不少食材。打邊爐最重要抽風好，食完不會一頭油煙。看了看餐牌，食材種類多。有不同湯底選擇，其中必叫番茄蟹湯底和四川麻辣湯底。而配料則有過百款，如脂肪分佈平均的本地手切牛頸脊、美國 Prime牛柳粒和甘香牛眼筋，還有手打肉丸、黑松露蝦餃都看似不錯。最後我們點了一大堆食材，目不暇給。先選湯底，海底椰濃豬骨湯底拼潮州湯$79。海底椰滋潤清甜，湯頭甚至可直接飲用，潮州湯都好足料，瘦肉和紫菜滿湯都是。招牌手切牛頸背$218。非常大碟，而且牛肉嫩口，脂肪分佈均勻，入口鬆化，牛味甚濃。鮑魚仔$168。六隻大鮑，新鮮甜美，邊爐必選配料。羊片$73帶有少少酥味，肉質實在有咬口。炸蝦餅$88足料新鮮，全部用上蝦肉製成，爽口彈牙！其他的配料全部都很不錯，基本上想得出的食材都有，而且價錢相宜，食物質素也上佳。

今天友人請食飯，帶我來到滾得棧食火鍋，店內擺放著好幾個大魚缸，全是新鮮活海鮮和魚類，讓人食得放心。店內餐桌係超長卡位，十分寬闊，坐得十分舒適。店員送上點餐紙和醬料架，當中有紅辣椒、蒽花、蒜茸、炸蒜和火鍋豉油，我們選好湯底後，店員更提示我們四位以下大部份食材可選擇雙拼，除了餐牌上有標角的不能拼，而帶有顏色的就是廚師推介可作參考。我們都不食辣湯底，選了這個爽皮寧都椰子雞鍋 $268試下，湯底清清地，另上一盤雞、蛋和調味料。雞我就覺得稍為瘦，有些硬和韌，雞味不濃。唔係咁好牛嘅我，店員介紹我地食牛眼根 $168，好少聽，一於都試下，店員提到要煮上15分鐘，入口好有口感，爽而煙韌，越𡁻牛味越香，真係幾特別，幾有驚喜。愛海鮮的我有新鮮海鮮都必點珊瑚蚌(半) $55，新鮮飽滿，喜歡珊瑚蚌爽脆的口感，味道鮮甜。鮮蝦滑 $78，很有驚喜，和外面一般不同的是，還有原隻蝦在內，非常足料，比一般的更彈牙更香蝦味。店員告知是餐廳特製的，所以比一般的不一樣。炸魚皮 $53，就咁食又得，我鐘意落一落鍋，變腍左仲正。三秒腐皮 $42，就是響鈴吧，只需放湯裏拖一拖便可，這裡的既軟綿亦帶幾分微脆的口感，不錯。還點了芝士丸

椰子雞煲好好飲🤣牛肉、黃油雞腸、桂花蚌必食物超所值 比起好多火鍋店 真係用心做牛要黎多一碟因為真係好鮮好重牛味平時食呢d質素要幾千蚊呢次埋單4個人都係2000頭食到好飽！唯一可以加強就只係加個wifi就得🤣想即時share上網都方便d嘛！老細同員工招呼都非常週到教你點樣食佢d配料先最適合門外有大量泊到車既位超級方便唔揸車都直接油麻地A1一出行幾十秒就到support! 下次再黎!再試下其他湯底先!!

朋友介紹之下話呢一間野啱啱新開張有折扣，所以就再去試一試，之前我已經幫襯過天后，常常滿客，但由於香港區對我來說交通不多方便，所以已經好耐冇去過呢⋯⋯既然今次喺油麻地開即管去試吓，一出地鐵出口就見！交通果然方便！店員推薦喱個雞湯底，先煲滾後，再飲個湯超甜入味，之後叫了之配料丶鲍魚丶桂花蚌丶牛心頂丶靚牛丶魚標丶雞腸等⋯⋯食材全部也非常新鮮！感到驚喜！沒有時間限制，同朋友慢嘆吹水，又飲又食，豪無時間限制，正在食材又新鮮湯底又勁甜，價錢平均每位約三百多元尚算合理！

今日同屋企人出開果爛買生果，經過一間新開既火鍋店，裝修幾靚，門口有個大魚缸，咁肯使錢裝修，老闆應該有返咁上下要求，應該唔會中伏既。。。叫左胡椒豬肚湯拼番茄芫茜豆腐湯，胡椒豬肚湯豬肚淋身，胡椒味幾重，重得黎唔辣，勁足料 ，老闆話真係可以當湯飲！桂花蚌併珊瑚蚌，好新鮮，爽口無雪味。老闆話招牌菜係手切牛頸脊，牛控既我當然要叫啦，碟牛一到，大家都話咗一聲，好大碟，牛肉脂肪靚，淥幾秒就食得，正到一個點！318蚊有咁大份又咁靚既牛，抵食！魚皮都係新鮮炸起既，送酒一流！叫左支藍妹啤酒，餐廳細心，用上冰杯，抵讚！另外，四位以下大部分都可以叫半份，價錢就除開一半，人少都可以叫多幾樣，可見呢到係細心既！走個時，老闆話佢地有兩間分店，睇返OpenRice 先知係好嘢黎！

約幾個好友食晚餐，朋友訂咗呢度，之前試過天后分店，今次去油麻地呢間試業中分店（試業期間有8折折扣）準時到，地鐵站一出就到地方好方便，門面光鮮，有魚缸放養海鮮，店內比天后開揚（樓底高啲）簡約裝修，桌椅唔迫，店家仲好好比咗大枱我哋！（當然要睇當日無大枱訂位）餐具幾民族風味！落單紙有好多食物，店員介紹新嘅湯底同食材款式，我又特別試啲之前無食過嘅！椰子雞湯🥥🐔（$298）呢款新出嘅雞湯，喜歡作嘅銅鍋（未食視覺上都加咗分😍）材料放咗好多（椰子、蘆薈、白雪耳、紅棗、紅蘿蔔）雞肉另上，雞肉上仲有鵪鶉蛋😍，湯滾就落雞肉，雞肉嫩滑，最奇係雞皮係爽口（好肉炆豬腳仔啲皮係爽彈嘅）鵪鶉蛋又嫩滑，淡湯滾起飲，濃味好清甜！之後落埋雞肉，多咗肉味更濃，因為加嘅湯唔係椰子湯，店員建議我哋飲夠先加湯！真心想我哋飲到呢啖湯嘅好味地方！手切牛頸脊🐮（$218/例）雪花好平均，牛肉輕灼已夠，牛味濃又嫩口，好味炸魚皮（$53）呢個真無必食，魚皮大塊，炸漿又薄，炸出來唔會太乾好脆，唔浸湯都唔會覺得油膩，比肥髀搶晒鮑魚仔（$168）好新鮮，淥到離殼即食，𠝹咗格仔，灼完唔韌又彈牙（平時我唔喜歡食鮑魚都覺得好味）自制四寶丸（$78）四