Infinity Workshop Cafe (Closed)

呢間完全係女仔打卡之選。旺角既cafe好多時質素都好參差，但呢間又算幾唔錯wor! 個日其實點左好多野食，例如明太子三文魚意粉，帶子虎蝦意粉(隻蝦好大隻呀)，蜜糖雞翼等等。其實食物都好食呀！但我主要想講既係佢d野飲🙈🙈因為我地搵呢間既最主要原因都係想飲3眼仔鮮奶抹茶!然後點左玫瑰鮮奶都好有驚喜! 兩款都同相入面既造型一樣，完全冇違反商品說明條例!😂所以比起野食，我地係咁瘋狂影飲品😂所以你話女仔幾易哄，一個拉花同一個靚既杯，就搞掂。而且兩款飲品都好味!仲要朋友飲品杯上既星座真係佢自己個星座!好開心!

不嬲都好中意呢間cafe，覺得食物質素好唔錯而且價錢合理！仲有一個好既環境絕對岩曬同朋友傾計！嗌左呢個明太子煙三文魚意粉，好大碟份量好足，好似食極都仲有咁重點係好好食！好creamy，煙三文魚又好食，而啲意粉咬落去好有質感，煙煙韌韌推介推介丫

花茶是旦茶包，食物差，無services.Bad experiences!未試過係cafe 飲花茶可以做得如此不像樣，一點誠意都無，就咁買入現成茶包放入預熱水壼，上台給客人亦沒有用蠟燭保温，十分是旦求其！

難得跟認識多年的網友聚會，由於大家都是上班人士，住的地方又不集中一區，決定挑了間位於旺角在家樂坊斜對面的樓上cafe。這是網友一位朋友推薦，說環境不錯地點方便食物都有水準。人齊後就下單，環境還真不錯，不會很吵聊不到天。然後食物價位正常，$60起跳的意粉，至百多出頭的漢堡也有。我們各點了自己想吃，另叫了個炸物拼盤試試看。炸物拼盤有蟹束、春卷、蝦多士跟扭扭薯條。整體炸物質素比想像好，樣不會厚，剛炸出來熱騰騰很香口，而且蝦多士很好吃。推薦～接下來是我點的特選漢堡，約$110。很厚很豐富的一個麵包套餐，也碗薯條。需時製作，但漢堡保有肉汁，麵包很軟熟，醬汁多連肉汁跟著很正。還有個大啡菇～整體來說這店不錯，跟朋友來這間是挺好的選擇。

約咗好耐冇見嘅朋友，諗住搵間大家放工中心位置餐廳，我哋就揀咗呢間旺角樓上cafe ，可坐得舒服傾計又有得上網又唔怕畀人趕走，之前聽聞呢間餐廳嘅食物質素唔錯，所以一試。兩個人嗌咗小食主菜同甜品， 餐牌選擇都幾多。先來炸物拼盤同沙律，沙律分量都幾多仲有大蝦而且菜都算新鮮，拼盤新鮮炸出嚟好好味，跟住來個巨型漢堡包同埋帶子大蝦意粉， 帶子同蝦超大隻。最後，心太軟做甜品，啱啱新鮮整起，賣相好cutie，用咗一嚿雲形碟去裝住，食完之後好滿足

以前好多人都會去樓上Cafe談心，或者同舊朋友去聚會一下...🍴近年樓上Cafe好似賣少見少...但咁岩上星期就比小編搵到一間！可以比你朋友聚舊談心！🍴🐟💬：🍴重點係餐廳開揚，光猛、舒服。重有sofa坐！ 🍴因為2個人的關係，小編只係叫左2樣野食...🍴🔖All Gold炸物拼盤（$118）🐟💬：非常一般....芝士捧拉唔到絲，蟹柳有點涼了.... 🔖黑馬王（$49）朱古力、香蕉、忌廉🐟💬：好有新鮮香蕉味 🔖茱莉（$49）藍莓、藍柑、菠蘿、荔枝🐟💬：都幾甜，味道一般 🔖奶油芝士千層薯（$78）🐟💬：好食！尤其是千層薯，奶油芝士十足，千層薯重有爽爽的口感。不過煙肉就麻麻。🍴 最好既地方係可以任坐！播D歌都好好聽🐟📝：7/10🍴🍴🍽🐟📝📌Infinity Workshop Cafe📍地址：旺角登打士街43H號登打士廣場5樓全層(港鐵油麻地站 A2 出口)📞電話：39569117、63499278

朋友食過推介，今晚食完果然好好。它位於市區中心，交通方便，坐位舒適，食物也好好味。鮮帶子虎蝦青蘋果沙律虎蝦及帶子大隻而且鮮甜，沙律拼搭青蘋果很鮮甜，很開胃。炸物拼盤裏面包括很多不同的炸物，伴有沙律醬及茄汁，卷卷薯條很入味，炸芝士及炸魷魚熱辣辣，正！招牌漢堡果然是招牌漢堡，它可以給你選擇要闊薯條還是卷卷薯條。里面大大塊牛加上新鮮的沙律菜。蕃茄及洋蔥，配搭着烘底的包面及份量不少的煙肉，無論賣相還是分量多是性價比很高的。黑松露炒鮮帶子虎蝦意粉食個剛剛的虎蝦沙律，今次再叫一次虎蝦意粉，咁就可以同朋友share嚟食啦，意粉的調味很好，整體很美味。雪糕心太軟吃過正餐，終於來到甜品時刻，因為朋友們都喜歡心太軟，所以叫了兩個來share。每一盤嘅心太軟，他都配襯了兩球雪糕，以及一些甜酸不同的水果，可以中和返甜甜的心太軟及雪糕。最後一定要講嘅係，佢每一款食物嘅份量其實都好大份，所以我覺得佢嘅食物真係幾超值架。

好耐冇去旺角啲樓上cafe了，今日去開旺角行街，個friend話周圍都好多人，不如去啲樓上cafe，傾計又舒服啲，又可以順便食埋個early dinner!都係行下望下就決定試下呢間啦。 三個女仔都肚餓，所以決定叫個小食先。All gold炸物拼盤 $118入面有炸薯圈，炸蟹柳，炸蝦，炸魚塊。樣樣都夠熱夠脆。鮮帶子虎蝦青蘋果沙律 $118又係好大份，有大蝦同帶子，配青蘋果，幾fresh，個黑醋sauce都好味！貝兒 $49個friend叫左呢個特飲，話唔錯，幾refreshing！三眼仔鮮奶抹茶 $42我就叫左呢杯green tea latte, 三眼仔好得意呀。全日早餐 $128入面有好多野，牛角包、芝士腸、，蜜糖腸等等，又係好夠份量，蛋夠嫩夠滑，味道不錯！5百幾蚊三個人食到捧住曬個肚仔，幾抵食！

以前一大班同學仔都鍾意喺cafe逗留，因為可以hea好耐的時間，隨著租金越來越貴，cafe越嚟越少，部分更加要喺樓上開。環境好寧靜，多人少人都適合。維尼小熊$49去到cafe梗係叫啲特別嘢飲 (好有廸士尼feel)，叫咗杯維尼，味道甜甜地，有啲似飲緊菠蘿特飲的感覺 。睡美人$49另外一杯就係睡美人，有啲荔枝冰係面頭，有甜 (荔枝味)又有酸 (檸檬味)，攪暈底部和沙冰都幾好飲。鮮帶子虎蝦青蘋果沙律$118接住嚟咗個沙律先，隻蝦好新鮮，係大大隻虎蝦，啲沙律菜完全冇苦味，其中都有一種沙律菜的顏色係好特別，口感好脆。德國腸拼野菌雜薈$88我哋亦叫咗一個德國腸仔雜燴，辣味都幾緊要下，但係好惹味，越食越過癮。招牌漢堡$138主菜的漢堡包就真係好特色，一切開佢的時候，有爆心的蛋汁流出嚟，嗰一刻都幾震撼。 個牛肉應該係手打，又有煙肉包住，煙肉汁留入牛肉，非常juicy。炸薯圈係用新鮮薯仔炸出嚟。

今日約左個好耐無見既朋友喺旺角見面，所以揀左間cafe，貪佢可以坐耐啲傾下計入到餐廳已經見倒有聖誕佈置，好有空間感，所以傾計都唔驚隔離檯聽倒，成個環境都好舒服，仲有好整齊好乾淨！我地每人叫左一杯飲品，朋友揀左貝兒，即係菠蘿同蜜桃沙冰，飲落菠蘿味比較重，值得一讚係無過甜，同埋唔會太冰！我就要左紅靴玩具兵，即係抹茶鮮奶再有紅豆喺底，抹茶味好濃再加左牛奶令飲品更滑，底部既紅豆都好腍！黑松露芝士帶子焗大啡菇，一黎到就聞倒好香黑松露味，伴碟係芝麻醬沙律，沙律茶好新鮮，大啡菇一切開就流哂啲汁出黎，好澎湃！帶子有煎過好香口，仲加左芝士令成個口感更豐富。奶油芝士千層薯，呢碟野除左薯仔，仲有芝麻醬沙律、煙肉同吞拿魚沙律，煙肉煎得非常香脆，咬落脆卜卜，吞拿魚沙律仲加左碎蛋，好滋味。千層薯擺成花形好靚，薯仔焗得好腍，有淡淡奶油味，我覺得呢道菜一定要食職員話下個星期就會有新menu，好期待下次再黎可以試其他新菜式

旺角多樓上café就係人都知,但原來infinityworkshop café有好多種類既活動,手工藝,占卜都有,有機會我都想黎占卜測下運程。Café內裝修簡約,係白色同木紋色為主,仲有好多擺設-油畫,木偶公仔,有少少懷舊feel..先黎嗌一杯野飲: 塑身水果茶-紅茶加左西莓汁味道好濃郁,因為飲落比較稠,酸酸甜甜好開胃,水果粒(藍莓,菠蘿,香蕉)仲要好多,真材實料,仲好健康~主食我就叫左招牌漢堡配粗薯條: -招牌漢堡超大份,仲要好高身,女仔真係冇可能一啖咬到全部料…佢咁高係因為有一塊厚身既免治牛肉扒,洋蔥唔係薄切細圈,而係厚切,而且有一個少見既材料—完整啡菇。啡菇好似吸左水既海綿,有好多汁,加埋免治牛肉扒真係超級juicy。而我特別鐘意蜜糖芥末醬,甜甜地好正。我地本來叫左扭扭薯條,但可惜侍應告知賣哂,所以換成粗薯條。粗薯條份量好多,但我就麻麻地粗薯條,因為佢薯仔含量多,食落偏粉,唔夠脆。朋友叫左黑松露油炒鮮帶子虎蝦意粉-朋友勁滿意呢個意粉,因為意粉煮得岩岩好,炒完又夠乾身,用黑松露油黎炒好香啊。而且帶子都唔細粒,虎蝦更係大大隻仲挑埋蝦腸,完全感覺到餐廳既誠意我地驚唔夠食仲叫左兩款小食:

間唔中都會去下樓上Cafe坐，貪佢收得夜之餘又可以食下野傾吓偈，今次就去咗位於登打士街樓上嘅 Infinity Workshop Cafe，Cafe 地方闊落，有唔少梳化位，感覺都幾舒服。🍝 黑松露油炒鮮帶子虎蝦意粉 ($108)叫咗呢個黑松露帶子虎蝦意粉，意粉炒得啱啱好，唔會太淋身，充滿黑松露香味，而虎蝦同帶子都係大大隻大大粒，煎到剛熟，唔會鞋口。🧀🥔奶油芝士千層薯 ($78)呢個賣相幾Cute，係呑拿魚沙律配煙肉千層薯仔，配搭得幾好食。🍗蜜糖雞翼($33)幾鍾意呢個蜜糖單骨雞翼，食落非常方便，雞翼炸到卜卜脆，好香口。飲品方面，呢度嘅飲品選擇非常之多，凍飲叫咗杯黑馬王子($48)，即係香蕉朱古力沙冰，香蕉味好天然，同朱古力味飲落好夾。熱飲就叫左甘菊花茶($33)，寧神舒壓又解膩。最後叫多杯三眼仔抹茶鮮奶，又好飲又Cute ！

朋友帶了我上這棟經常大排長龍等lift的登打士廣場搵食，這間在5/F的cafe都幾大間，大部份都係sofa位，非常舒服。灰姑娘 由朱古力、曲奇、牛奶、綿花糖打碎而成，朱古力味不會太濃，本來以為會幾甜，但實際上甜度適中。炸物拼盤有炸蝦、魚柳、蟹柳、芝士條、洋葱圈及扭扭薯條，份量十足三至四人享用，所有炸物即叫即炸，新鮮熱辣又香脆。黑松露鮮帶子芝士焗啡菇啡菇表面舖上芝士及帶子，帶子表面舖上黑松露，香氣濃郁，帶子中間還有點刺身感覺，質感嫩腍，啡菇焗完之後都好juicy。忌廉明太子三文魚意粉意粉十分cremay，明太子咸鮮味道融入忌廉內，而煙三文魚則摺成花狀放在表面。黑松靈油炒鮮帶子虎蝦意粉意粉充滿黑松露香味，而且軟硬度剛好，帶點爽口，帶子有三大粒，全部都是煎至表面熟但裏面還帶點生，所以不會煮過火，虎蝦肉質爽彈有鮮甜味。

今晚同朋友去了一間樓上cafe食晚飯，餐廳地方寬敞，而且比較寧靜，適合朋友聚會的地方。鮮帶子虎蝦青蘋果沙律配黑醋：厚粒特大帶子煎至表面微焦，裏面呈刺身狀，虎蝦開尾煎至全熟，蝦頭還有點蝦膏鮮甜味，沙律菜爽脆，加上黑醋汁甜酸味道，開胃清新。招牌漢堡配扭扭薯圈：漢堡十分足料，麵包微烘至脆，中間夾著洋葱、番茄、煙肉等配上日式芝麻醬，漢堡扒肉質不會太實，有肉汁，扭扭薯條份量極多，炸得香脆。白松露油香煎深海魚柳意粉：意粉軟硬適中，以大量的白松露油、香草及少許蒜蓉爆炒，魚柳以蛋漿等炸至金黃，肉質嫩滑，有點住家菜感覺。塑身水果冰茶 & 粉紅小豬：前者以紅茶及西莓汁做膽，加上些藍莓、菠蘿、香蕉的生果，味道偏向西莓味，帶點茶的苦澀；後者即是士多啤梨奶昔，不過味道不會太甜。

最近老公帶豬去左間叫Infinity workshop cafe食飯，就喺旺角登打士街，位置都幾方便就腳。好喜歡入門嘅木質招牌，簡約但帶個性。餐廳內裏燈光唔算光猛，幾有情調，好有一種處身於韓國cafe嘅感覺，勁正。裏面超級涼爽，好彩豬有著外套姐。座位寬敞，一邊係bar枱，櫃放入唔同嘅擺設，文青格調，幾適合拍照打卡。另一邊係玻璃格仔櫃，放左唔同美容產品寄賣。廚房嗰邊就放左唔同胡桃夾子嘅玩具士兵😍感覺好好，未開始食都已變係咁影相。老公叫左個雞翼，沙律，意粉同burger。原本諗住唔夠食，點知原來d份量都幾多下，個蜜糖雞翼係一開二，喜歡呢個單骨雞翼，食得好方便。雞翼新鮮炸起，熱辣辣又脆卜卜，雞翼面淋上蜜糖，甜甜地，好好食。香辣腸煙肉炒意粉，豬唔係咁鍾意食炒粉麵，因為怕油膩，但呢個炒意粉乾身唔會油淋淋，意粉有咬口，帶有番茄香味，味道方面，先有酸味，稍等一陣，辣味湧出黎，非常惹味，一口又一口，完全食唔停。招牌漢堡配扭扭薯條，大啡菇嘅香濃菇汁同免治和牛相當誘人，肉質好juicy，配烤到香香脆脆嘅麵包同芝士，煙肉，番茄等等一齊食，仲有特別調制嘅醬汁，味道非常滋味。再加炸得香脆又熱辣辣嘅扭扭薯條，滿足