和牛燒肉‧純 (Moved) New Location

自從皮膚敏感後，我已經暫停了一段時間沒有吃牛肉了，即使吃，也點到即止。不過，周路兒很喜歡吃牛肉，今晚就捨命陪君子吧！餐廳燈光昏暗，石泥地板，實木桌椅，用餐空間寬敞，不覺狹隘。這裏的肉沒有經過醃漬，將食材回歸到最純粹的本質，讓顧客享受最天然的美味。⭐️日本產雞肉$98雞肉很嫩，嫩得就像要擠出水出來。烤出來的雞肉特別鮮嫩！⭐️日本產三筋牛排肉（肩）$420這是牛肩肉內後的肌肉，比較少見，油脂分布很細密，是比較瘦的部位。話雖如此，每邊烤約半分鐘後，入口幾乎入口即化，輕輕嚼兩下，油香四溢，肉汁滿盈，濃郁的油脂香氣充斥口腔，令人欲罷不能呢！⭐️特選日本產和牛牛排肉$320牛排顏色嫣紅，油花遍佈牛排上，烤熟之後，入口肉汁豐沛，油脂部分香甜，而且愈嚼愈香。⭐️和牛紅肉$98紅肉是薄切，沒有什麼脂肪，但肉很香，嚼起來很過癮。⭐️橙汁$42⭐️柚子蜜$40▫️我比較喜歡厚切、雪花比較多的牛肉，吃下去如雪花般溶化的感覺真的很棒喔！

呢排做到死死吓，又係時候食餐好嘅奬賞吓自己。今晚揀咗銅鑼灣嘅《和牛燒肉·純》餐廳設計好有日本居酒屋feel, 座上客也有不少日本人，真係有D置身喺日本嘅感覺，所以我先嗌杯日本梅酒，呷一口，等自己完全投入日劇《XX的美食家》嗰種feel，咁就食得份外美味。今晚揀咗四款燒肉，慢慢燒，慢慢歎。 特選日本產和牛西冷，色澤嫩紅，雪花紋細密均匀，一睇就想像到入口即溶嘅感覺，燒起來肉香撲鼻，一啖一口，滋味無窮。日本產和牛上牛排肉，肉質細腻，肉味濃郁，比較有咬口，截然不同嘅美味享受。再來嘅係日本產豚腩肉，呢個係個人喜好，每次燒肉都要點一份腩肉，一層肥一層瘦，口感特別豐富。最後烤嘅係壺漬牛排，因為牛排經過特製醬汁醃漬，所以要留待最後先燒。薄薄一片牛排，滿滿醬汁滋味，令人回味無窮。做人要對自己好少少，得閒揀餐好嘅嚟食，咁先至有quality of life㗎嘛！

又係日式燒肉呀，今次呢間未去已經知道係好嘢，因為佢係日本政府所屬的農業組織旗下餐廳，目的係推廣日本和牛，所以肯定會有翻咁上下水準！餐廳仲曾經入選雜誌嘅必吃食店大奬！我叫咗個三色和牛定食，有上牛排肉，肩胛肉同埋牛排肉。定食仲配埋湯、沙律、前菜同埋日本米白飯。沙律菜新鮮爽脆，沙律汁夠醒胃！等食物嘅中途，都見到好多日本人嚟食飯，其中一枱更加有成10個人，令我更加對之後上枱嘅食物有信心！三色和牛上枱喇！見到三款顏色深淺不一嘅牛肉，每款都色彩鮮豔，好吸引呀！三色和牛我就順序食，先食上牛排肉，之後係肩胛肉，最後就係牛排肉，牛肉味逐漸遞增。上牛排肉脂肪比例相對高d，第一啖食，似係食緊牛油咁。油脂豐富，但牛肉味就普通啦，唔係好覺。之後嘅肩胛肉嘅肉味就突出翻d喇，不過始終都唔夠牛排肉咁正！脂肪牛肉均勻，外表雪花，顏色亦係3款當中最紅潤！食落不單止嫩滑，牛肉味仲好濃，無得輸呀！燒下食下，唔覺唔覺食晒成碗飯！

成日見人地讚呢間既燒肉高質，係尖沙咀同銅鑼灣都有分店，因為都幾爆下要提早預訂🤓銅鑼灣分店比想像中細間，得三十個位左右，可能唔夠人地早預訂，所以都係得吧檯🤔呢度有套餐，亦都有散叫，我地散叫既呢盤肉色澤都好吸引☺️👁‍🗨（左上）特選日本產和牛肉眼 鹽（8/10）💲550肉眼既油花比起其他豐富，見到肉量同脂肪分佈平均，入口肉質細嫩柔軟，帶有陣陣油香，但係唔會話好油膩，而且揀左鹽燒既關係，最保持到原汁原味，食落牛味都唔錯🐮👁‍🗨（右上）日本產和牛紅肉 汁燒（7/10）💲120紅肉係黎自下後腿肉既部份，運動量最多既關係，脂肪唔會話好多，切成薄片咁燒，不過肉味對比起其他稍微薄弱🤔👁‍🗨（右下）日本產和牛牛排肉 汁燒（7.5/10）💲120脂肪相對亦係無咁多，口感較爽帶點嚼勁，呢個牛味都濃郁既😛👁‍🗨（左下）日本產雞腿肉 味噌（7/10）💲98賣相就一定無牛咁靚，但係食落雞腿肉唔韌，而且雞味頗濃🐔👁‍🗨（左）桃梳打（7.5/10）💲58平時飲梳打成日都會覺得好甜，但係呢杯桃梳打出奇地甜度岩岩好，無論聞定係飲都有好濃郁既桃味🙃👁‍🗨（右）巨峰梳打（7.5/10）💲58酒精飲品可以轉做非酒精飲品，呢杯巨峰

同朋友放假一日，行吓街，食吓嘢。去完日本之後，依然好掛住日本嘅美食，朋友就帶我去食和牛午餐喇！依度午餐都有好多選擇，可以燒肉，又可以食涮涮鍋，我哋咁為食就梗係兩樣都叫，可以試晒兩款食法。三色和牛定食有三款和牛，包括上牛排肉，肩眼肉同和排肉。三款油脂比例不同，侍應就建議由比較少油脂嘅牛排肉開始食。雖然油脂相對較少，但係都幾香，又有牛味。我自己就最鐘意食中間嘅一款，油脂多少少，油香撲鼻，牛嘅香氣又濃少少，再點少少酸汁，又可以解膩，配埋珍珠米飯，好味呀！和牛涮涮鍋又係另一個風味。和牛切薄片，放入清湯煮一煮，好快就食得喇！可以選擇點蔴醬或者酸汁，兩樣同和牛都好配合。鍋入面嘅蔬菜都好豐富，有菌類，蘿蔔，青菜，豆腐，粉絲，樣樣都好食。食飽飽又繼續行街！

家人生日，呢日特意揀咗呢間位於銅鑼灣亨利中心15樓嘅《和牛燒肉·純》同佢慶祝。🎉🎉餐廳裝修充滿日本風味，除咗一般嘅餐枱外，仲設有吧枱。本餐牌圖文並茂。揀咗幾款和牛同豚腩肉，侍應將幾款燒肉一齊上枱。嘩！準備展開今次和牛之旅！特選日本產和牛西冷 - 油花分佈既豐富又平均，配上粉嫩嘅紅色，賣相實在吸引。牛味濃郁，口感肉質細緻柔軟，有種入口即化嘅感覺，牛香同油香充滿口腔，令人印象難忘日本產和牛上牛排肉 - 牛味濃郁，油花分佈平均，口感爽嫩彈牙，Yummy!日本産豚腩肉 - 豚腩肉肥瘦參半，充滿豚肉嘅鮮甜味，燒好之後，十分香口好食。壺漬牛排 - 侍應推介餐牌上邊仲未有嘅新出菜式，咁就一於叫嚟試下啦，薄切嘅牛扒大大塊咁預先以醬计漬喺壺入面。味道牛味香濃，口感略爽中略帶少少咬口，絕對係一個唔錯嘅選擇！梅酒 - 味道略帶酸甜，酒精濃度唔高，好適合我。巨峰燒酎 - 燒酎味唔太濃， 巨峰味香甜好飲！呢餐對我哋呢幾個牛魔王真係食得非常滿足！

喺正銅鑼灣最靚既地段, 比名店包圍住既亨利中心15樓搵到呢間和牛燒肉.純😍主打既係佐賀特選黑毛和牛😍d 酒樽都好別緻👍梅酒, 青蘋果汽酒 - $65, $58d 肉黎到既時候點少得飲番杯酒呢, 燒肉一定要配酒先過癮👍梅酒不過不失, 青蘋果汽酒有驚喜👍酸酸甜甜既青蘋果味配少少酒精, 好易入口肉來了😍🤤最前面既係日本產豚腩肉 - $98日本產和牛上牛排肉 - $205呢款油脂同肉既比例係大概2比1, 所以燒起黎會比較油淋淋, 入口即溶但會略嫌肥少少特選日本產和牛牛排肉 - $320呢款就較為可口, 當然價錢亦較貴🙈油脂比例大概係1比1, 入口半溶, 保留左少少嚼勁, 一咬落去就會有和牛肉香🤤😍特上日本產和牛肉眼 - $550大大塊肉眼扒呀😍肉既比例再多d, 食落去會感受正更豐富既層次, 肉香味隨住咀嚼而來👍唔好燒得太熟呀, 少少生5成左右食係最正架

剛剛去完東京回來，在日本只吃過一餐燒肉，太意猶未盡了！昨天相約好友到銅鑼灣購物，經過亨利中心有間吃正宗日本和牛，二話不說我們就上去15樓的和牛燒肉純吃午餐，嘆番個正宗日本和牛，太享受啦！入到餐廳完全感受到日式風格裝潢，環境時尚簡約  ;  這裡設有長枱或卡位選擇，乾淨整潔，舒適美觀。和牛燒肉純 100% 日產牛燒肉店JA 全農，即日本全國農業協會組合聯合會。是日本的農業組織，其主要經營方針及理念是    ，生產出高質素之產品 (當中包括牛肉、豬肉及農產品)  兼任供應商，旗下有餐廳， 在東京開業超過15年，有多間分店，香港現在兩間，旨在推廣日本牛肉。純種和牛來自佐賀、鹿兒島、宮崎、飛予驒、櫪木等地，不時轉換，只取日本和牛，一切以優質行先。除了燒烤，這裹亦提供其他和牛食法，包括刺身、涮涮鍋、壽喜燒等，名副其實純---和牛專門店。午市餐牌上有多款和牛套餐以供選擇，喜歡吃牛的我們，今日的和牛是來自佐賀，我選的豪華燒肉二人套餐包括  :  特選和牛牛排肉、和牛上牛排肉、和牛壺漬牛排、日本產雞腿肉、大蝦、魷魚、帶子，還有沙律、日本米白飯、湯，款式多樣化，很不錯 👍什菜沙律及什菌口感清新爽脆，加入

今晚相約阿媽食晚飯，同佢去食和牛晚餐。早早就訂了6點，都好full喔！這間日式情調的餐廳，入去感覺好正，好似去咗日本咁坐位有bar枱及長方正方枱，坐椅舒服，設計用日式風格感覺！服務好好，細心介紹又幫客人開爐、收碟！殷勤服務大師傅預備食材中....好專心喔！餐牌設計好精美，D相又靚，未食已經好吸引了，細節都做得咁好，更期待晚餐的來臨我們點了和牛及豚腩肉，上枱好吸引！擺放如藝術品好吸引！原來是用山形牛（以優質米及自然水作飼料及飲用水，所以牛肉的質素好上盛）難怪咁好靚的肉色及紋理！特上日本產和牛肉眼扒肉眼是最高級的部分，適度的脂肪及平均分配的肥瘦部分，肉質細嫩，是最美味的一部分。高質素的日本山形牛肉眼，好軟腍，嚐到入口化開的感覺！師傅只用少少海鹽及胡椒就可，食到肉的原汁原味（日本產和牛三角牛排肉） 上肩的三角肉，包含了肩腹部份切成三角形，含最高的雪花，原來是燒肉的特選牛！不膩的脂肪含量，油量較少，厚厚和牛却嫩滑軟熟得不得了，燒好的牛唔會太油但口感好腍好滑又香（日本產和牛上牛排肉）上牛排肉脂肪油份較多，肉質香嫩，好滑好美味！燒烤後滲出油脂好香，以此油脂作燒蔬菜菇類一流（日本產豚腩肉）一卷卷的

以牛肉來講，和牛算是精品，呢間位於銅鑼灣亨利中心的和牛純只做日本入口的和牛，主要做佐賀牛，在餐廳可以食到不同部位的日本和牛。今晚我們試咗四款牛一款豬，我最欣賞屬於內臟的厚切牛胸外腹，肉質媲美肉眼，有牛肉口感，見不到雪花但食到有豐富脂肪的軟滑。其次是上牛排肉，屬於貝肉，非常柔軟，肉及脂肪交合，有雪花油脂分佈但保持牛肉，有點咬口。價錢最高的特選日本產和佐賀牛肉眼當然好，前腰脊肉條，容易聚脂肪的肌肉，所以特別軟滑細嫩，但食落不及上牛排肉柔軟，肉比脂肪多咗啲。薄切牛舌比較薄，不及厚切好。最後的豚卜口以柚子胡椒調味，好有柚子香，好煙韌，胡椒鹽的鹹味都特出。覺得叫白飯冇意思，見到人哋點照跟，碎牛肉刺身石頭鍋飯熱辣辣，材料都豐富，但唔知什麼材料太鹹，或者是泡菜，唔應該全部落晒。總括來說，建議大家試牛胸外腹，比肉眼平一半。

星期日的拍拖日💞，與老公🍋在周圍逛了一整天😘，晚飯時間又到了🌙，當想不到要吃甚麼的時候😅，通常都會想要吃日本菜🇯🇵，為了滿足牛魔王的人妻🐷，老公🍋就挑了這家在附近的高級烤肉店🔥。這家店的牛肉都是由日本屠宰後🔪，再送至香港的🇭🇰，肉質絕對有保證👍🏽。餐廳位置蠻多😲，我們則被安排到吧枱的位置🍶，對於餐廳的環境一覽無遺😄。基本上日本對於牛的肉質評級🐮，取決於牛肉的脂肪比例及紋理分布❄️、顏色及光澤❤️、肉質嫩度😋、脂肪色澤及質量等4項目來評級👑。產地方面📍，常聽見的產地分別有「神戶」、「宮崎」、「佐賀」及「飛驒」🧐，今晚我們吃的就是來自「佐賀」的了😁。特選日本產和牛肉眼👀：雲石般的紋理🤩，油花分佈平均❄️，口感柔軟🤤，油香在口中擴散😍，簡直是最高級的享受😇！日本產和牛牛排肉🐮：雪花也是非常細密😳，肉質嫩腍柔軟😌，脂肪相對上較少😋，油膩感大大降低💖，屬人妻🐷全晚最愛💘。日本產豚肉眼🐽：日本豚肉一向以肉味濃聞名🤔，就好像這個肉眼😉，味道濃郁🤤，油脂豐盈甘香🤩，絕對值得推介👍🏽。日本產和牛紅肉❤️：薄切佐賀牛紅肉🔪，如果以這個來作牛涮鍋🔥，一定會是超好吃喔😍！總結：要吃高級的和牛🐮，其實真的不需要到日本喔

今日為咗同無牛不歡嘅朋友慶祝生日, 一早就book定呢間位於銅鑼灣嘅和牛燒肉 • 純。 店員推介下, 點咗幾款人氣之選。日本產上肉眼$320 上肉眼的脂肪極為豐富, 粉嫩牛肉片上佈滿網狀油花, 放上鐵板馬上溢出馥郁香氣, 一啖入口油脂馬上佔據味蕾, 滿盈於齒頰之間, 令人回味無窮。日本產和牛肩眼$225 熱騰騰嘅牛肩眼肉汁非常澎湃, 肉質紮實而不韌, 牛肉味濃郁芳香, 歷久不散。和牛紅肉$120薄薄一片紅肉, 燒起卻出奇地爽口, 口感很好。豚肉眼$98雖然呢度最出名係和牛, 但豚肉亦不失色, 豚肉片嫩滑而富彈性, 燒至焦香, 風味十足。伴碟嘢菜亦新鮮甜美。朋友都大讚滿意！

又來到我最愛嘅和牛純，最鐘意lunch time來，因為D套餐夠抵食，牛肉質素又一樣好。今日星期六，假期都好好生意，一定要預約，見証有幾個walk in食唔到，食好野一定要有準備。銅鑼灣店面積唔大，有卡位、梳化位同吧枱，位置唔多，我地坐吧枱，一樣舒適。店員服務好利落，一如以往，好快上茶、餐牌佢地不時都會做D唔同產地嘅和牛，各有特色，始終唔係話個個都有機會經常去旅行食到當地嘅出產。最近嘅係山形和牛，所以都有幾款和牛套餐。點餐後，好快上左沙律、漬物，開胃清新我地次次都係食呢兩款套餐，一款燒、一款鍋物，兩樣都試到，兩款套餐連埋飲品加一，人均三百，質素非常高，食過和牛番唔到轉頭。蘋果汁、荔枝梳打純和牛三種牛肉定食 250：呢個套餐有湯，牛肉三款，包括係牛排肉、肩胛肉、上牛排肉，三款口感，大滿足，跟埋碗日本米飯，好想成日食到牛排肉脂肪不少，但油而不膩，油脂喺口中溶化，真係和牛先做到，靚牛亦都唔洗複雜調味，已經好好食上牛排肉嘅油脂比較平均，我最鐘意呢件，牛味濃郁，肉質軟腍，正到不得了最後就係肩胛肉，脂肪部份都不少，沾少少醬汁，果種入口即溶嘅感覺好難形容，呢款另一半最鐘意。另外一個餐我地點左和牛涮涮