八月花 (Moved) New Location

放假回港,又是時候為吃友出番點力是晚跟親友們一行四人來到這兒吃晚餐分別吃了燒味拼盤(叉燒,切雞,海踅):叉燒---大大的一碟,有肥有瘦,蜜味十足,不錯,但烤焦一點會更好切雞---肉質尚算嫩滑,但吃不出雞味,相比之下前者比較出色海踅則為普通貨色,沒什麼好說的薑汁炒芥蘭沒什麼薑味可言,還好芥蘭非常爽口,收貨肉末蒸茄子:忘了正式的名字是什麼說穿了就是肉末蒸茄子味道一般吧,蠻下飯的一道菜銀鱈魚伴窩巴:剛剛炸好的銀鱈魚熱呼呼的上桌,肉質嫩滑醬汁酸酸甜甜的,非常的下飯,算是當晚菜式之最沙窩飯:忘了裡面有什麼料,但飯溼的程度比risotto更甚(是故意要就fusion的路線嗎?無論如何,自己還是比較偏愛吃乾身的飯)最後決定多點一碗白飯下去伴一下,但就味道而言是不錯的杏仁茶:端上來的時候已經嗅到濃濃的杏香,滑得來不會太甜,還有少量的蛋白在底吃完整個人暖笠笠的,好不幸福總括來講,一向對fusion的餐廳不大感冒,這次亦然加上如同樓下所說的,侍應生的態度真的是惡劣得令人吃味尤其是其中一個負責點菜的男負責人,menu上沒有更新是你們的問題要求我們自動自覺留意外面的menu的話那你乾脆不要給客人menu好啦~

今日下晝諗住試下點知一食過我諗佢俾錢我我都唔會再去食.1) 食物難食, 跟本唔入流. 蝦餃太大, 咬一啖之後d料一碟都係; 灌湯餃料無味都算, 連湯都無味, 最慘個皮一d趙頭都無; 炸雪魚粒粉太多; 腸粉痴牙到不得了; 炆e麵淨係有酒味; 其他都係嘛嘛,不能盡錄.2) 上菜既器皿太唔方便!!! 多x餘也!3) 服務態度奇差, 我同事個門口入黎個同個reception講有同事係入面, 個reception竟然叫佢攞張飛係出口等等; d服務員個個笨笨咁, 仲好說話態度極差; 叫人分左d麵先上, 佢係攞走個面, 之後個人走左仲一直無人分, 3個字後有個人原碟攞番上檯.; d碟d籠疊到高到不得之了都一直無人收; 叫人包起d野, 佢竟然用個膠袋包起個d春卷... 乜料呀.4) 裝修個美心大酒樓差不多吧.垃圾.

lunch 去食, 因為見到口碑都唔錯...but可能期望太大...食落去又唔係講到咁好食...醬汁蝦 - 汁的味道好出, 且能帶出鮮蝦味, 抵讚菜茸鮮蝦羹：蝦夠鮮瑤柱雞粒砂窩飯：瑤柱太少, 冇味, 成碟飯都冇乜味, 食唔晒，蔥味較重，勉強過關吧。清炒豆苗：一般露荀伴鮑魚菇：可以...味道太淡...可能個人口味問題, 但honey都話淡左d木瓜杏汁燉雪蛤：呢個戍鍾意, 養顏嘛，夠味足料!雀籠點心：可以,,,但同一般酒樓冇太分別第1次來, 短期內應該唔會再來住, 如果未來過, 可以試下, 但個人感覺普通姐

三請四申的總算邀到了漏漏爸和漏漏媽小漏漏共進午餐，雖然，漏漏爸更樂意撲到電腦面前…樣樣都細細份的“小茉莉”不是太適合以漏漏媽為首的大食漏漏家族，我們忍痛決定除了點一份二人套餐，再散叫別的。菜茸鮮蝦羹：菠菜煮成的菜茸菜味濃郁偏咸，但又不似是落了味精；鮮蝦夠鮮美，而且大隻又彈牙。脆脆BB豬：皮脆又肥，醬汁鮮甜混雜，充滿油脂香氣；伴碟的青菜則新鮮爽口，又有微酸甜的黑醋調味，可以中和部分肥豬肉帶來的油膩感。太雕玻璃蝦球：以太雕酒蒸蛋，夠新意卻不是個人所愛，可能還是不習慣太雕酒味；蝦球就十分彈牙爽口，而且勁大隻，夠漏漏和家人分享啦。金瑤蟹肉脆茄子：絲絲蟹肉搭上少量瑤柱令茨汁鮮味十足，炸茄子香口不油膩亦很脆身。瑤柱雞粒砂窩飯：瑤柱份量孤寒，沒有帶出鮮味；雞粒滑身肉質鮮嫩；砂窩飯有點似是上海的炒菜飯，比較濕，蔥味較重，勉強過關吧。清炒豆苗：清清爽爽、清清淡淡的小炒，平衡營養與口感。雀籠點心：包括鮑魚滑燒賣、特大鮮蝦露筍春卷、筍尖鮮蝦餃和燕窩鮮奶蛋撻，以前寫過完整版的（6件）的雀籠，這次不羅嗦啦，水準保持的不錯，依然美味。檸香叉燒酥：小漏漏覺得成餐中最精彩的！除了肥爽又不過分油膩的甜美叉燒，還混了清新

原來已是九月底的飯局了。把照片上載後都忘了寫食評﹐好了﹐就趁今天有心情﹐就再來個回顧了。因為友人說在這裡吃飯化算﹐所以就跟死黨 M 和 L 來了; 誰不知﹐原來所謂的優惠只是AE 黑卡才有﹐我們這些小人物就唯有硬著頭皮付正價。叫了一個二人套餐 + 雀籠點心 + 頭盤 -- 涼拌矮瓜 (汁好像多了點)海蜇頭 -- 不是很多地方也可以吃得到。燉湯 -- 一般露荀伴鮑魚菇 -- 友人不喜歡吃“假肉”﹐所以我吃多了當然醬汁蝦我是無福消受了﹐但聽死黨說味道也相當不錯。脆脆BB 豬 -- 沒有吃﹐因為好心的侍應提醒了﹐調味有蒜。迷你竹筒飯 -- 頗好吃﹐略嫌多油了點。雀籠點心 -- 有燕窩蛋白蛋撻﹑缽仔糕﹑春卷﹑羅漢齋餃﹑蝦餃﹑燒賣吃到這裡我們都頗飽了 (雖說我們之叫了個二人餐)﹐缽仔糕的味道有點奇怪﹐好像椰汁糕﹔不能說不好味﹐只是覺得怪怪的。忘了多少錢 (好像每人都要$2xx)﹐沒有折來吃飯好像真的比較貴。。。還有﹐冷氣開得很“闊綽”﹐冷得我們呢。。。

家中長輩壽辰, 特意到此中高檔粵菜食店一嘗. 店鋪裝修時尚, 當天店內客人數目也太不多.在詢問長輩意見後, 便拿下主意點菜. 因當中發生了點事, 故只點下脆脆 BB 豬, 玻璃蝦球, 蟹粉什菌南瓜和雞粒焗飯. 食評是: BB 豬(即乳豬)入口皮香脆, 但部份豬件的調味醬過多. 大蝦球肉質爽, 蟹粉什菌南瓜沒味道, 雞粒焗飯賣相合格及帶濃香豉油味道. 而飯後奉上的八月花茶味道太甜, 茶味顯得帶澀 , 不懂欣賞.(後記: 因長輩習慣不喝茶亦對其他的飲品沒興趣, 故特意請侍應女士給一壺熱水, 但侍應女士竟即時回應說: "不點茶也得計回茶錢!!". 可是我們也沒想過是免費的呢,長輩與我均覺得該女士這表現很小家子氣亦很不專業, 同時打擾壽宴的歡樂.)

是日家人吃生日飯, 一行7人加位小童見其他食評都唔錯,但好似好"精緻",亦都唔平所以抱住個驚食唔飽既心態入座宜家做緊個海鮮餐只限閒日6位$1288 送6杯特飲落單時女侍應不停慫恿我地食八人餐不過八人餐成$3688而且我地得7個大人結果叫左個6人餐加多一隻BB豬( 個女侍應仍然落力勸我地食8人餐, 有d無奈...)BB豬($198) - 都有成12舊, 皮好薄好脆, 不過都幾膩,幾抵食!套餐:1)生拆蟹黃竹笙燕窩羹 - 外賣好吸引 每碗都有1匙燕窩係面, 雖然佢成碗都係黃色, 不過好明顯唔係好多蟹黃, 可能落左南瓜2)太雕蛋白蝦球 - 好靚蝦球勁大隻好爽口, 不過無乜鮮味, 蛋白好滑但唔夠太雕, 不過都好食!3)鹵燒味3拼 - 叉燒( 水準幾好) 鹵水鵝 ( GOOD) 油雞 ( OK )4)深海魚扒 - 有冬菇, 茄子, 個汁好正!! 屋企人話D魚係海班, 好好食!5)薑蔥焗蟹 - 勁正 好少食到咁好食!!!蟹係大肉蟹, 薄殼, 好香!!6)荔芋脆鴨 - 好特別, D鴨煎乾左再夾住D芋茸一齊炸, 好食!食到呢度已經好飽!仲有杏仁茶( 又滑又香仲有蛋白) 同美點 ( 蘿蔔酥 同 紅豆糕

吃過多次醒神的brunch,目標就是Jasmine茶跟雀籠點心。這摩登飯堂格局,加入西、日元素,大玩fusion。行入些的餐桌較暗倒有情調。由西式high tea演變而成的雀籠點心是我的至愛。姪老爹生日當晚的菜餚亦不錯,餐前每人可依 drink list 自選特飲一杯,我揀了Starbucks 咖啡(原來又是美心隱藏集團?),吃中餐飲咖啡,見過未?曉琳就挑了杯玫瑰石榴梳打特飲,她遞給我嚐一口,有陣石榴清香還有兩朵小玫瑰很可愛,而外婆叫的紅莓菠蘿梳打味似利賓納。waitress夠體貼,每道菜讓我拍過照後才慢慢給我們分上碟。前菜是即燒原隻脆脆bb豬,肉嫩皮鬆脆,肉質不錯。紫砂盅盛著上桌的濃雞湯花膠翅,濃郁的雞味,花膠的膠質,吃完這小碗便處於飽的狀態。清蒸海星斑,時間蒸得剛好,沒有柴皮。黃金帶子炒飯,蟹子粒粒卜卜脆的均勻撈於飯裡,炒得乾身,入口很爽,連同個龍蝦湯伊府麵,可惜不見龍蝦,麵亦軟了些,肥仔森兩樣都不放過,我唯有吩咐waitress飯和麵各盛一碗放他面前。飯後小不了的八月花茶,甜品小丸子多食賣相美得令人百看不厭!比主菜還耍家,是否美心集團是做西餅起家的原因?討人歡心的小丸子多食是用糯

預祝媽媽生日兼第一次出糧，來了這兒晚膳。雀籠點心：春卷是最好吃的。又熱又脆。材料有蝦、豬肉、紅蘿蔔等。不過蝦肉比較實，不夠爽口。燕窩蛋撻都好好味。燕窩份量不少，略帶甜味。蛋白餡夠滑，酥皮也很鬆化。砵仔糕帶椰汁味，紅豆略硬。糕身太滑，似馬豆糕多過似砵仔糕。蝦餃及燒賣都不俗，雖然蝦味唔係好夠，不過都幾爽同幾大隻。XX餃，有冬菇雲耳等材料，味道也不錯。芝士焗蟹蓋：芝士味唔夠濃，如果可以焗耐d令個面金黃d就更好。脆皮BB豬：味濃，d醬搽哂係底，不過比較油膩。雖然佢係Jasmine既招牌菜，但並冇想像中咁出色。迷你桶仔飯：好香，飯的軟硬度適中。不過得好少雞肉。佢d茶幾香(是夜叫的是香片)；另外飯後送的那一杯也很特別，有些似蜜糖水的味道。不過整體來說，餸菜唔夠熱，上菜是都只是微暖。服務不特別好，但可以接受。枱與枱之間真係幾迫，所以比較嘈。問媽媽比笑面還是OK，最後一致決定是OK。唯有再發掘其他食中菜的好地方了……

四月廿七‧晴其實在幾間集團經營的中式酒樓中，美心算是幾有水準的一間。主打大眾化路線的美心大酒樓，點心水準不錯，而這裡就是主打上一線的市場，價錢貴一點，但水準也是好一點的。來又一城飲茶，沒有什麼選擇，就試試這裡。地方不錯，除了一般的圓檯，還有不少的卡位，周未下午，人客總是絡繹不絕的，旺場也不是奇怪事。看餐牌，除了一眾熟口熟面的點心外，還有不少創新之作，也有適合人少少來幫襯的雀籠點心、一口飯、二人套餐等等，有點諗頭的。是日人多，就隨便的點多幾款點心來吃吃。點心水準，普通不俗。春卷腸粉外軟滑，內脆口，討好；芋絲蘿蔔糕是蒸的，包含了蘿蔔及芋頭的香味，個人而言，很喜歡；墨西哥叉燒焗餐包很香口，外表脆口，這一類的時興點心，越來越多地方有得供應，這裡的做得算不差；流沙包有「小心」二字在旁的，吃起來裡面的奶皇餡果然真的是很澎湃，但略嫌太甜了一點，不夠香味；千層糕鬆軟，不是馬拉糕的味道，也味美；脆脆BB豬賣相不錯，吃起來也皮脆肉嫩，如果連骨也不用吐就好了；其他一般點心，如鳳爪、糯米雞、叉燒包、牛肉、粉粿等等也有集團的一貫水準。而幾款炸物，如炸雲吞、咸水角、馬蹄條等等也做得頗油膩，似是急著上檯的後果。也要

昨晚跟屋企人去八月花食飯,叫了以下幾個餸:1. 雀籠點心普普通通, gimmick野啦, 燒賣同出面水準差唔多 2. 蟹肉扒翡翠苗好食!! 翡翠苗好嫩, 上o個時有少少嚇親,因為好細碟...3. 雞粒煲飯唔記得左全名, 侍應姐姐話係落左雞湯整, 好好食, 不過食完好口乾4. 炸子雞 - 半隻皮脆肉嫩, 不過都唔平, 冇記錯要成百蚊半隻上晒菜後會有八月花茶, 都幾好飲架5. 梳乎厘 x 3因為係食晒野先叫,所以都等左好耐....味道有3種, 都okay啦, 芒果味最好食overall 黎講水準係中上, 絕對想再去過! 不過當日service 麻麻地...希望下次會有改進啦

昨晚中秋團圓飯,選了位於又一城的八月花.在這些節日食中菜,已預到只有套餐選擇; 最後我們要了個'四季.宴'的十二人餐.先有八月花六小碟...麻香西紅柿 - 造型特別,其實是一個去皮蕃茄配上麻醬雨花海蜇頭 - OK, 屬小朋友的至愛蜜汁叉燒皇 - 都OK,但肥了點椒鹽九肚魚 - 自己一向少食九肚魚,但這個幾正. 九肚魚已起骨,又炸得剛剛好,我連續夾了幾件!鹵水豬腳仔 - 都不錯,不會好鹹胡麻醬茄子 - 一般,沒想到特別主菜第一碟是錦繡雪花蚌炒蝦球 - 正! 蚌和蝦都很爽兼很大隻,西蘭花又多,很滿足.鮮蟹肉上湯燕窩 - 當然燕窩在上湯分了後才逐碗加上; 這個湯都不俗,蟹肉都幾鮮和大塊.巧手白肉炒金針翅 - 是晚另一焦點. 這碟蛋白炒翅很大碟,配上麵包(多士)片食法特別... 而且味道又真的不俗;可以見到有很多翅在這個'蛋白山'裡...清蒸海雙虎斑 - 幾新鮮,魚不是很大條,但都夠食.招牌炸子雞 - 不用沾鹽或檸檬汁都好夠味,不錯.菜粒蛋白瑤柱炒飯 - 個人覺得這個一般,可能是炒得不夠均勻問題;看我這碗,驟眼看菜粒就只有一粒... 蛋白亦都不夠.甜品有雀籠美點雙輝映 - 煎堆內裡有奶皇(好像

事隔唔夠十日, 師傅再次黎到呢間食店, 皆因師傅覺得好好味, 於是決定安歌, 所以一早揀定良晨吉日, 帶齊人馬, 決定再黎喪食一番!準時去到, 唔使等就有位; 一坐底四個人就即刻睇下有咩好食, 商量一輪後, 最後就柯打左兩份花旗蔘燉響螺湯, 兩份花膠菜膽燉北菇湯, 四份太彫玻璃蝦球, 三蝦通菜煲, 艷影紗窗, 爺爺栗子燴雞, 皇室牛柳, 迷你桶仔飯, 脆脆BB 豬同埋雀籠點心!先講下兩個湯先花旗蔘燉響螺湯, 味道非常清甜, 花旗蔘味道唔會過濃, 冇味精, 而響螺煲得非常腍, 好好味; 而花膠菜膽燉北菇湯味道好清, 加上花膠同花菇好腍, 真係好正, 幾好; 太彫玻璃蝦球嘅蒸蛋真係好滑加上花雕香醇, 唔錯, 而個蝦球幾大隻, 肉質爽口, 勁好咬口, 一流; 三蝦通菜煲係由蝦醬, 蝦肝同埋一樣唔知蝦咩(唔記得左)組合而成, 通菜非常嫩綠, 而三蝦味道非常惹味, 不過又唔會過濃唔咸, 唔錯!艷影紗窗係由竹笙捲住d齋菜, 竹笙爽口, 而味道清淡, 真係唔錯; 爺爺栗子燴雞起初師傅以為係就咁一個栗子燴雞, 完全唔知咩叫做爺爺, 出左黎先知原來爺爺等如椰子同椰汁, 椰汁非常香滑, 撈飯真係一流, 而

早幾日一早知道會黎呢度遊街, 既然係咁所以師傅一早就諗定喺呢度有咩好食, 上黎呢度參考左一陣, 最後決定打電話黎呢度留張枱, 皆因見口碑幾好, 加上又未黎過, 所以決定一試!準時去到, 唔使等就有位(皆因留座前侍應講明有可能要等一陣), 非常好; 一坐底師傅即刻睇下有咩好食先, 一打開個餐牌, 睇左一陣, 師傅覺得樣樣都好似幾好味喎, 都唔知點樣落單好, 最後諗左一陣就決定柯打野食, 食番餐勁豐富嘅晚餐!兩個人柯打左四餸一湯, 師傅都覺得有少少過份; 好, 先講下點左d咩食先, 有兩份花旗蔘燉響螺湯, 兩份太彫玻璃蝦球, 脆脆BB 豬, 脆炸牛坑腩同埋咕嚕肉! 等左一陣就有兩個茶壺放左喺面前, 師傅以為係茶, 於是就倒左落隻杯仔度, 當飲入口時發覺點解冇茶味? 再試真d發現原來係花旗蔘燉響螺湯, 味道非常清甜, 花旗蔘味道唔會過濃, 又冇味精, 而響螺煲得非常腍, 真係幾好味, 咁樣飲湯都係師傅第一次, 絕對係令人非常開心, 加分!接住落黎下個太彫玻璃蝦球, 太彫玻璃蝦球底下全部係蒸蛋, 蛋蒸得好滑, 仲有少少花雕, 所以都幾香醇, 淨係個蒸蛋都已經值回票價, 再試下個蝦球, 蝦都幾

有追看的讀者都可能會知道，丁丁丁對幾大集團扮有特色同時卻又互相扮唔識(即隱藏同集團的身份)一向頗有微言，但也不得不承認美心旗下的中菜，即使外表整色整水，但食物還是有一定水準的。這間能進佔以前采蝶軒的分店也非等閒之輩。餐牌價錢嚇人，見某卡有半價才來試試。裝煌和餐牌當然還是那種標準的中學為體西學為用的風格，食物方面，在美心來說也算有特色。蒜泥涼拌海老和鮮蝦羹，明明同是蝦，用上兩種名字原來是有意思。翠綠的湯羹加上真的鮮蝦味道和質感都相當吸引，反過來那「海老」就擺明車馬是雪藏蝦，味道是沒有的，用上蒜泥也救不了多少。爺爺栗子炆雞，有椰又有栗子，很有特色，但那椰醬杰了一點。那蛋包xx(真的記不起是甚麼了)也相當不俗的。桶仔梅菜糯米飯，小小的一桶，梅菜不算很多，輕輕的吊味，比吃白飯好。最後雪糕天婦羅也很好，不同味道的雪糕給炸過後再加上龍鬚糖構成的頭髮，令人想起詠藜園的白雪公主(2006-12-16食評)，不過味道更為吸引。看來又不像是餐牌上提及的xtc啊。最後加上甜到漏的茉莉花茶作結。茶一壺要32，另再加12一位。有半價的話才叫化算，平常就不來了。分數也是用這個價錢給的。