金牌小龍 (Closed)

又到星期五啦,呢日約左朋友出尖沙嘴Isquare食飯,我地這次揀左金牌小龍食小籠包可能星期五的關係,餐廳坐滿左好多人,我地一坐低就點野食啦🤣我地點左金牌小籠包 HKD42/5隻,蟹黃小籠包HKD52/5隻，炸醬拌麵HKD40,台式擔擔撈麵HKD40,元盅茶樹排骨湯HKD42,蒜茸油麥菜HKD60首先,排骨湯好快就上台啦,試左一啖,好濃的茶樹菇味,都算不錯炸醬拌麵,炸醬味道唔算太濃要嘗一嘗金牌小籠包啦,在新鮮熱辣的一個蒸籠入面,一啖放入口,好多汁呀蟹黃小籠包,精巧玲瓏,味道不錯

黎到isquare搵到間物超所值既餐廳！間餐廳非常闊落，座位非常舒適，十分適合同朋友黎傾計聚餐。呢間野主打中、台美食，我地兩個人叫左七樣野食。1. 金牌小籠包：呢個應該係間餐廳嘅招牌菜，而味道都令我地覺得佢值得成為招牌，但本人覺得小籠包中嘅湯略嫌不足，但整體不錯。2. 紅油醬牛肉：呢個我覺得係成晚比較失色嘅一碟，一黎牛肉較硬，二來辣油唔夠辣，唯獨上面嘅蒜非常多，正！3. 蒜泥白肉：呢個其實同紅油醬牛肉有啲相似，大量嘅蒜配合辣油同肉，但呢個嘅肉嫩好多，但個辣油都係較為失色。溫馨提示：食以上兩樣菜色，記得帶備香口膠。4. 炸雞捲：脆嘅炸雞，外面包住一層類似腐皮嘅野，加埋啲汁，好特別，味道、口感都好好，喜出望外，值得推介。5. 糖醋排骨：即係我地平時食開嘅咕嚕肉。我覺得佢嘅醬酸甜適中，整體大致跟平時食開嘅差不多，不過不失。6. 台式滷肉飯：同其他嘅滷肉飯唔同，呢間餐廳加左類似菜圃嘅野落啲肉到，好特別，兩者係難以置信的夾，令整個飯畫龍點睛，加了不少分。另外肉就肥瘦適中，認真不錯！7. 台式擔擔撈麵：本人十分推介呢個麵！濃烈嘅麻醬再加香辣嘅辣油，配合花生等嘅配料，天衣無縫！辣味唔會搶晒啲芝麻醬嘅

咁多菜式中，台灣菜應該係最便宜，今次去左金牌小龍，主打上海同台灣菜。雖然金牌小龍位於ISQUARE，但價格相當大眾。餐廳係L字型，傢私以木為主調，枱之間既空間非常足夠。另外每一枱上面都有一盞細吊燈，所以光線非常充足。見到下單紙就知道食物種類繁多，淨係小籠包都有七款。最先上菜係萵筍絲。一開始落單前冇睇餐牌相片，以為係熱食。涷食既萵筍幾爽脆，味道酸酸甜甜。鮮蝦紅油炒手辣勁十足，皮薄之外餡料係鮮蝦所以好爽口，口感亦豐富。本人高度推介牛肉餡餅！牛肉鮮嫩多汁，一咬就爆汁，外皮酥脆而且唔厚既然係上海菜，小籠包當然非叫不可。今次叫左蟹黃小籠包，一籠總共有5粒，拿起時不易破爛，皮薄但仍然煙韌。餡料亦不錯，不過蟹黃味唔係太出。一品獅子頭一碟有兩個，肉質軟腍度不錯。最後係蟹黃麵。今次湯底蟹黃味突出，湯底亦有蟹肉同蝦，令人垂涎三尺。另外麵條份量多，掛湯能力高，所以一食麵條就嘗到蟹黃味，最後連湯都唔放過飲曬。除咗蟹黃麵比較貴之外，其他菜式都係平民級價錢，味道卻超越平民級。喺尖沙咀嘅商場搵到一間性價比高嘅餐廳實在難能可貴。

收工去尖沙咀食飯，同事介紹去金牌小龍，喺isquare嘅 3樓，呢度唔使等位，因為地方大，環境都好靚喎！冇諗過中菜可以有咁雅緻嘅環境。食物價錢，在尖沙咀地段來說算平。先來一碗酸辣湯麵$40,見到紅油鋪面，以為好辣，其實辣度屬小辣，麵質非常滑，在湯浸了一會也沒有變淋，不過最好快點吃，以保持最佳口感。裏面的湯料有豬肉絲、木耳絲、豆腐、蛋花、蔥花，酸辣味很平均，吃得開胃。蟹黃小籠包五隻$52,入口已經超香蟹膏味，比起普通豬肉小籠包，更添一份蟹糕香濃，湯汁非常多，很鮮甜。金牌小籠包$40/5隻，湯汁多得要爆出來。豬肉很新鮮，很香豬肉味，加了蔥花在裏面更香。點醋吃，更加提起小籠包的鮮味。與豬肉小籠包比較，我較喜歡蟹黃小籠包，因為喜歡一入口就散發濃濃的香味。蔥爆牛肉$72,牛肉份量算多，而且牛肉沒有用梳打粉醃，是絕對新鮮的牛肉片，加上京蔥的香味在鑊裏炒完，還有香濃的醬汁，吃著滿口生香，味道也不會太鹹，拌飯吃一流。豬肉生煎包$40/4隻，是用薄薄的粉皮墊著包子來煎。連粉皮一起吃，煎過後脆脆的，像吃薯片。包裏肉汁超多，豬肉混和蔥花，也能提起豬肉鮮味的，吃下很鮮甜，而且包皮很煙韌，也不會太厚。雞絲粉皮$

食物味道一般！餐牌好多東西都沒有，還想收我双倍價錢！店員不真诚！整體都不合格，很差，一定沒有下次！難怪很少本地人去，只有遊客會被騙！各位要小心，由其在付款時，如果你用電子支付付款，他會說沒收到，要求你再付！簡直是Black店！

位於尖沙咀iSquare 3樓的金牌小龍，聽個名都估到呢度嘅主打係小籠包！豆漿 $15豆味濃度適中，不會太甜。凍檸賓 $15茶餐廳Style的飲品，在這裡也可以找到！萵筍絲 $34這個是用醋伴的，酸而爽口。蒜泥白肉 $52極多蒜，肉片腍滑，而且辣油超多，十分刺激，很重口味的小食，不錯！菜肉紅油炒手 $42香滑的菜肉餃子伴上辣油，很惹味的！水晶蛋 $25蛋香和滷水味完美混和，味道非常棒，推介！金牌小籠包 $42招牌的小籠包，一籠有五件！皮薄而滑富彈性，正常力度夾起都唔會穿。豬肉蒸至僅熟，內含極多肉汁，一咬就爆晒出黎，真正皮薄餡靚，不愧為招牌菜！蟹黃小籠包 $52加入了蟹黃的小籠包，同樣是一籠有五件！比金牌小籠包多了一份蟹黃味，但味道不算特別突出！豉汁蒸黃花魚 $62初時以為62蚊會勁細條，原來唔係，大條得黎都幾香滑，抵食！

放假最好的節目就是食，去完尖沙咀shopping，知道isquare呢度有很多美食，我喜歡吃小籠包，發現「金牌小龍」，看看餐牌上選擇有很多，價錢又非常抵吃，便決定試一試。店內面積很大，座位很多，裝修也很舒適大方，我們大約六時十五分到達也有很多客人。首先一定要試便是金牌小籠包 $42，摺紋細緻，皮薄豬肉味鮮、多汁，吃後不油膩，好味，果然不錯！韭黃鍋貼六隻$42，餃子底部煎得金黃香脆，但又不覺得乾身。咬落感覺韭黃很香和肉汁鮮味，味道不太濃,好吃。生煎包四隻$40，即叫即煎，皮薄，咬開即爆汁，肉汁非常多，肉味非常鮮味，包的外皮上面鬆軟，底部金黃微脆，火候控制啱啱好，真好味。排骨蛋炒飯$68，排骨煎得夠香脆惹味，配上有鑊氣的蛋炒飯底一流，啱曬大食王的我們。菜肉紅油抄手$42，有少許辣，味道都不錯。台灣紅燒牛肉麵$58，湯底惹味夠香，麵質咬落煙韌，牛肉是厚切的，炆得非常入味，這個值得推介。 「金牌小龍」好多食物都是即叫即做，新鮮有水準，加上地點這麼方便，唔怪得咁多客人來捧場。

今日去尖沙咀送完貨收工，到了晚飯時間做到肚餓當然要搵好野食啦，記得之前食過既「金牌小籠」在附近，價錢又唔係好貴，就決定去返食，去到同之前差不多，人總是很多但又有位唔洗搭枱，天氣咁熱冷氣依然足夠，坐左一陣就有服務員送上香茶，今次點了最貴既蟹黃小籠包，另外點了麻辣金錢肚和排骨蛋炒飯，還有保健既元盅雞湯。這盅雞湯很足火候，應該燉了很久，很骨膠原和清味帶有雞肉鮮味，一邊吃著麻辣金錢肚一邊飲湯，金錢肚很爽口彈牙，小小辣好好味。之後來個排骨蛋炒飯，排骨表面一層炸過的，裡面還保持很多肉汁，而且無骨啖啖肉超好食，蛋炒飯粒粒分明，炒得很有功夫。最後來個蟹黃小籠包，看看裡面真係有好多蟹黃，雖然已經飽飽地，但都覺得好好味，很快就食曬。

係尖沙咀食餐晚飯起碼都要2百蚊或以上，但今晚約左朋友尖沙咀地標 Isquare 3/F食台菜，食到飽飽超滿足埋單人均約$170, 環境又舒服兩個女仔傾計好開懷。不過我地又真係幾食得，先黎個蒜蓉炒油麥菜，小籠包同韭黃鍋貼，朋友想食皮蛋豆腐。我就揀左蒜泥白肉，最後還叫多個排骨蛋炒飯添。熱辣辣有鑊氣，蒜蓉配油麥菜好惹味，但食落帶點爽脆，翠綠新鮮！蒜泥白肉切得薄薄的白肉，白肉層層肥瘦肉相隔，肉質有彈性微微辣油香濃蒜蓉，特別醒胃。台式皮蛋豆腐豆腐軟滑皮蛋糖心但個汁唔太啱我口味。韭黃鍋貼6隻 $42煎得金黃香口，外皮厚薄適中，餃肉亦飽滿足料，用韭黃做餡料更香。金牌小龍包 5隻 $42漲卜卜皮薄多汁爆湯，記得中間篤穿小龍飽頂部加點醋，之後一個放入口內，咬爆後湯汁口腔內濃郁久久留香，好味呀排骨蛋炒飯 $68份量不少，排骨又啖啖肉，蛋炒飯好好味，炒得好靚，粒粒飯蛋同香蔥又有嚼頭好出色呀！

黎到尖沙咀當然要去食好野🤣行完ISQUARE去3樓影相見到好多餐廳，於是見到有小籠包就決定入去一試😆估五到性價比高👍環境寬躺坐得舒適，整體來講經過會反黎在食😋蟹黃小籠包🌟蟹黃味十分濃郁，皮薄多汁做得好出色👍5隻五夠食推介😋麻辣金錢肚🌟份量比較多，辣辣地好開胃，煮得岩好不會過韌，加上芫荽味道好夾，五鐘意芫荽既朋友請注意喔🤣炸排骨🌟金黃色外皮口感酥脆😋令人一口接一口，食得多都五怕不會油膩。雞絲粉皮🌟夏天食相當不錯👍粉皮彈牙爽口加上麻醬絕配😋台灣紅燒牛肉麵🌟牛肉汶得比較淋身好食😋湯底清甜不會死鹹份量較多好抵食。紅油豬耳🌟口感爽脆第一次食味道好特別，十分不錯👍

兩個女對食嘢都麻麻地， 只要佢哋鍾意食嘅嘢我哋都會去食， 佢哋最鍾意就係食壽司， 漢堡包嗰啲， 對中餐叫餸食飯就冇乜興趣， 最近發現佢哋好鍾意食小籠包， 連去酒樓都要叫， 今晚心癮起 ，我哋就上網睇下邊度有小籠包好食， 原來喺isquare都有一間金牌小龍， 即管去試下。呢度除咗小籠包之外，都有好多小食， 今次是有個鹵大腸， 估唔到佢上枱嘅時候熱辣辣, 而且炆到好淋好入味。主角金牌小籠包， 一客有五隻， 一咬落去湯汁滿瀉，正。芥蘭炒牛肉， 好多牛肉， 但係芥蘭相對少, 味道唔錯。台式擔擔撈麵， 分量好多，個麵多到夠兩個人食， 麻醬多味道偏辣, 最特別係佢有冬菇片。本來仲想試下佢兩個甜品， 但係九點幾已經冇曬。駕車人士就要注意， 假日呢個停車場收費要60蚊，真係好唔抵， 我自己就泊去海運行過嚟。

暑假到喇，終於唔使每日趕趕趕， 今日比賽後，唔使趕返屋企叫外賣， 可以安安樂樂坐喺餐廳慢慢食， 尖沙咀區嘅餐廳都係好貴，今日逛isquare竟然見到呢間餐廳嘅menu平民化, 又有兩粒豆釘最鍾意嘅小籠包， 當然要試下佢嘅質素啦。地點位於尖沙咀中心地帶，坐地鐵 上電梯就到， 坐巴士就只要係去天星碼頭嘅架架都啱， 泊車就相當唔化算，要成60蚊一個鐘。店鋪走文青風，簡約、用木製嘅傢俬為主， 加上一啲綠色嘅植物， 坐低都覺得好舒服。紅燒豬手，要兩件起， 好少可原隻上， 上枱嘅時候已經聞到香噴噴， 咬落去非常有膠質，入曬味。萵筍絲好爽口， 有麻油味及帶酸味。 酸辣湯就比較辣，欠缺酸味， 材料十分豐富。清燉牛肉湯麵， 佢真係用一燉盅盛住清燉牛肉湯， 讓顧客自己放落碗麵度， 注意:嗰碗燉湯真係達到滾嘅程度，好正。蟹黃小籠包， 個皮好薄，一食落去啲湯汁就流出嚟， 用匙盛性住食啱啱好。酒槽豬脷好特別， 酒味濃、食落去好爽口， 夏天食，好舒服。

好友難得回港約相聚，指明要食至愛的小龍包，於是帶佢去位於isquare 嘅尼間小上海小館打開餐牌，小籠包都有好多款選擇，除左咸點，仲有甜點，本來想試一下豆沙小籠包，可惜我地太晏來，已經售罄，咁就叫蟹粉小籠包，一咬落口，口腔已充滿蟹油的味道，又香又濃另外點了金牌小籠包，皮故然薄身，一夾起不會容易穿破，咬落多汁肉嫩，好友大呼好味，再點一籠個人獨攬😂韮黃鍋貼，應該係另一個招牌菜，於是點黎試試，鍋貼煎得外表金黃，有點像日式煎餃子，食落外皮趣卜卜，十分香口，值得一試食得太多肉，叫番個清清地蒜子菠菜，吸左上湯嘅菠菜新鮮無草青味再點多個鮮蝦蒸餃，咬落鮮蝦大大粒，美味清新尼度地方濶落，坐得舒服，傾下食下咁又與好友渡過一個開心晚上

晚上6 時內座，全家第一次光顧，需要自己在點心紙上 order。我們想嘗試餐廳招牌菜，結果點菜紙上起碼有一半數量的點心都沒有，但點心紙上又沒有明確顯示已售罄的點心，劃了數次服務員都說沒有，心情已經漸差。服務員態度欠佳，好唔 helpful。因為逢點必無的關係，於是主動向服務員詢問鋪內有的點心，他說:“你自己睇住先啦”，然後揮一揮衣袖，不帶走一片雲彩。當場感到極度無奈，我就是不知道鋪內有什麽才問，結果又要我自己睇，點完又話無。無點心我當你限量制作，嚴你寫到明呀，你唔寫明，我問你嗰陣答多我兩句都得掛。其中食咗碗黃魚面，魚腥面硬。是次感受，一個字， 差。

咁啱係I-square行街 行到肚仔餓就諗下食咩啦 而呢日就想食下台式料理 所以特意簡咗係open rice名氣都幾高既金牌小龍一試 一睇menu先知原來呢度係岀名小籠包亦係各店既招牌必點點心 所以就嗌咗呢個試下啦 一咬食落都幾多汁 肉質都算幾鮮甜 但個皮就有少少厚啦 如果薄翻少少就會更佳啦 之後仲嗌咗個糖醋排骨 個汁酸酸甜甜都幾開胃 不過個排骨味道食落普通 用材就一般 但炸得都幾脆 呢點都加咗唔少分 另外仲嗌咗個老火令湯分別係元盅茶樹菇同紅燒牛肉湯 元盅茶樹菇用料都幾足 飲落都有藥材味都重 所以比較推介元盅茶樹菇多過紅燒牛肉湯 因為紅燒牛肉湯 材料同味道都較單一 而且味道偏咸 所以元盅茶樹菇會係首選